Ka naupan lai hian mi saptawng thiam hi ka ngaisang em em thin. Lehkha hi zir chhoh zel, B.A tal hi chu phai a kal ve hram ka tum ran bawk. Phai a sikul kal te hi saptawng thiam vek tur ah ka ngai bawk chuvangin College kal chhung kum 3 chhung hi chuan saptawng hi duhtawka ka thiam hman vek ka ring thin. Chuan pawl 12 kan pass ve ta ngei a, phai a college admision la tur chuan kan chhuk ve tawp, tawngthiam ka duh ka ti bok a Eng(Hons) chu engtin tin emaw ka hmu ve thei hram.
Class ka kal hmasak ber chuan Class room hi period khat chhung ka zawng, mi kan zawt ve deuh a min chhan lehna ka hrethiam leh tawh si lo, buaithlak duh khop mai. Vawikhat pawh Class ka attend ve a , kan zirlai” The Mill on The Floss” a chapter 5na hi min chhiar tir a, chu chu paragraph khat lek a sawifiah leh tur ani. A hnungber tlar ah ka thu a, midangin an ziah an sawi den den hnu chuan ka hun a lo thleng ve, thildang sawi lo chuan” Mam, I don’t know what to write” kan ti ve tawp. Midang zawng an lo nui vek. Madam chuan nui ho chu a hauh zawh chuan ka thiam ang chin chin ziak thin tawh tur in min tia, min thut tir leh. Kha chapter kha Vawi-5 ka chhiar chhuak hman,a awmzia ka hremiah lo. A beidawn thlak khawp mai, ka zak bawk si!!!
Kan sawi duh nachhan chu Mizoram ah hian saptawng hi kan harsat tlat in ka hria, B.A/M..A val tam tak Mizoram atanga chhuak zing ah pawh hian saptawng duhtawk a hmang thiam lo hi an awm ve teuh ka ring. Competitive exam leh national level a hnasang pawh kan beisei ngam ka ring lo. Mizoram zirna a tihdanglam ngai ka tih chu” Byheart system” hi ani, understanding tak tak awm lo in kan pass ve mai a, hei hian kan saptawng thiam lohna pawh adal ve in ka hria.. Chubak ah saptawng hi kum hnih khat lek a thiamnal chi alo ni lo reng reng!! E enge in ngaih ve dan?
Similar Posts:
- Mizo Saptawng Thiam Ber
- Infrastructure!?
- Naupang School luh tir na tha?
- Class IX English zirlaibu hal dawn
- Roll number…..
(G) 
April 13th, 2010 at 12:39 am
Ni e,kum hnih khatah chuan a thiam hman loh ang.Mahse a zei mi hi chu kawng engkimah hian an awm ve zel mai.
Report this comment
April 13th, 2010 at 12:58 am
Saptawng thiam lo tak ka ni!
Report this comment
April 13th, 2010 at 1:03 am
Sapho hriatthiam loh ngei tur hian accent dangdai deuh han hmang lui tlat ila, an ngaithla ngun ting tawh mai a ni. Hriat chian hi an lo chak khawp asin! USA-a Mizo pakhat zin thla pawhin saptawngin sermon a sawi ve a, a ti ve ngheng mai a … a sawi hrep leh nghal a, a Mizo saptawng accent ngang mai a … inkhawm an han bang zet chu an rawn chibai lui lui mai a … HRIATTHIAM KIM KAN VA CHAK TAK EM! an ti lui lui mai maw le … saptawng hi a tawng ve teuh theih a, a tawng neitu sap ber berte pawhin hriatthiam an chak em em khawpin saptawng hi a lo thiam ve theih … an hriatthiam law law tur saptawng hi chu zir lehzual hret a ngaih hmel mang e.
English Honors nazah zawng saptawng hi sapho hian an hrethiam lovang tih a hlauhthawnawm chang a awm phauh phauh!
Kan Zoram saptawng leh helam saptawng hi chu engemaw tak chuan inhriatthiam zung zung a har! ZIR BELH ZEL A NGAI!
Report this comment
April 13th, 2010 at 1:03 am
St.Anthonys Sikul, Shillong ka luh tirh khan ka English hman hmasak ber kha ka dam chhungin ka theihnghilh tawh ngai lo ang. A hre pha zawng2 khan min nuih a, an in hrilh chhawng a, min nuih tut tut reng mai a… ka zak kher asin. Zanah kan hostel ah ragging an la nei zui, haw leh daih ka van chak tak khami lai kha chuan aw.
Tawng nan a ka English hman hmasak ber chu, ” he is saying…” ka tih kha a ni, “he said…” tih turah…
Tun hnu a ka ngaihsan erawh chu, a thu inzawm dan a dik chuan kan aw phawi dik tak a lam hi ka ngaisang khawp mai.
Thu inzawm dan dik mang bawk silo (dik pawh nise) English/American lam dan anga lam kan han tum puam ve khanglang thin hi ka nuih an ti za bang theilo, telh tawlh hlawm a.
Ka sawi awmzia chu mahni nih ang anga lang ngam hi ka ngaisang, thawh chhuah aia milen tum, thiam aia lan thiam tum, hriat baka hria nih tum leh hetiang lam chi hi engmah vak ni chuang bik lo mah ila ka hmusit ve khanglang.
Thumal han remkhawm hian, ziah dan leh titi na thumal a danglam tih hriat a pawimawh hle in ka hria.
Report this comment
April 13th, 2010 at 1:07 am
He says … maw le :lol:
Report this comment
April 13th, 2010 at 1:11 am
chawnghilh, ka hmanna tur a zir aniang chu mahse, ka hman na tur kha chu, “he said” hmanna turah a ni e
eg: he said that last night.
…last night tih hma hian “he is saying” tih i rilru in han hmang chhin teh, ropui lo vet vet tak chu a ni
Report this comment
April 13th, 2010 at 1:20 am
Chuzawng mihring a zir aniang chu..
Report this comment
April 13th, 2010 at 1:26 am
Australian 1 nen Lunglei kan zin dun a, kawngtluanin kan in kawm ve a, a haw dawn lamah chuan i thil sawi 90% vel ka hrethiam a ka lawm khawp mai a ti duh lek a!
A bikin ‘Land Down Under’ ho trawng khu hriat a har ka ti zual! I came to die (today) an han ti hmasa phawt a. lolx
Report this comment
April 13th, 2010 at 1:33 am
Tawng lamah hian kei ka chak lo hrim hrim..mahni hnam tawng pawh duh ang in ka master thei lo chu anih hi a…Saptawng pawh hi Class 12 ka pass hnu hian belh vak tawh pawhin ka inhre lo,Delhiah kum 6 lai han tal balh ve hnu paw’n…vai tawng phei chu…kaha se:)
Report this comment
April 13th, 2010 at 1:34 am
@lushai_er : I thil sawi zawng zawng atanga 90% a hriatthiam phawt chuan, i saptawng chu a hre vek tihna nih chu. I thil sawi zawng zawng atanga 10% chu Mizotawng a ni ngei ang :lol:
Report this comment
April 13th, 2010 at 1:38 am
Tun thleng pawh hian saptrawng thiam chu ka la ngai sang khawp mai eg chawnghilh tih vel te hi.
A trawng hrim hrim hi chu ka pawng tawng nawr ve tawp zel sap an nih a vang hian an trawng hi ka ka hlau lo ve tawp . Ka sawi an hriat thiam chuan ka duh tawk .Tak tak a kan naupan lai a sap sikul kan kai ve lai poh in vai naupang ho hi trawngah chuan an thiam chak zirlai a keini ai a thiam lo pawh nise.Mizo te chu trawng sawi dik loh deuhah kan in nuih zat vel kan ching hian trawng lam ah hma kan sawn har phah niin ka hria.
Report this comment
April 13th, 2010 at 1:46 am
@kawnga : Amah kha material engineer a ni a. Engineering language hi mizotawng a sawi hi a har zawk ang. Engpawhchu lo ni se ‘Ngaihruatin lunglen a hril ve chang chang a’ a lawmawm tho mai! Email a kan incontact chuan keini aimahin grammer an uluklo zawk leh thung tlat!
Report this comment
April 13th, 2010 at 2:01 am
America lampang unaute tawng hi hriat a awl in ka hria, ka hriat dan chuan! English, first language a hmang zinga tawng hriat har ka tih chu, Scottish ho tawng hi a nia,…! An thalai ho tawng ngat phei chu, hriat har ve tak a ni. Mizoram saptawng hi chu a Vai awphawi tlat thin!
#3 chawnghilh sawi khi 100% in ka thlawp.
Sap kan ni lo tih hi an hre chiang! An awphawi anga, tawng puam talh talh ho hi, saum barh ka chak thei khawp mai. Kum 2-1 vel an rawn awm ve a, “sorry” an han ti kual vel phei hi chu,…! Sorry chhunzawm ka chak thei rap! Kan tawng an hriat chuan a tawk,…an sawitum hria ila a tawk! Sap kan ni lo, Mizo kan ni….!
Sap tawng awl ber, “Tuna i sawi kha, ka va chiang lo em, khawngaih in i sawi nawn leh thei em?” tih te hi sap tawng chuan sawi ve duah a ngai!
Chuvang in, thiam mang lova, sawi ve duah ai chuan “Haaa” han ti ila, han ang hau ila…! an sawi nawn leh mai. Van ramah English kan hmang dawn lo. Isua Christa hian Mizo tawng ngei in, Vanramah min lo hmuak dawn….tih hi ka ring tlat. OT viau em? :roll:
Report this comment
April 13th, 2010 at 2:57 am
“Isua Christa” lol
Report this comment
April 13th, 2010 at 3:17 am
Saptawng duh ang thal a ka lo thiamlo hi chu tunthleng hian midang ka zirlai pui te thawhlet a ka thawh a la ngaih phah reng mai…Ram pawnah kum 10 lai han awm ve tawh teh mah ila..mahni tawnglo na na na chu thiam tak2 a lo har a ni e. Mizo ten saptawng kan hmuhdan thalo tak avanga tuartu te zing a mi k ni ve ngei chuan ka hria….Tan kan lak chu a ngai teh a…Pronunciation hrim2 hi chu uluk a tul..mahse sap ho accent lo lak ve phet tum leh midang correct fo kan ching hi chu tul lo deuh..
Vawikhat chu Mizo site pakhat ah footballer lar ho hming lam dan tur ah an inhnial nasa a..ngaihtuahna mn neih tir mai2 chu..Hnamdang hian Mizo hming hi kan lam ang tak in an lam ngai lo..a tlangpuiin hruaia tih tur te hi Ruia..hminga poh Minga an ti ang..Mak kan ti em2 lo..Vawikhat ka vai classmate pakhatin intithiam ltk in a thian te bulah ka hming a lam chu..nuihzathlak top..Ka ngaituah tak mai2 chu lam dik inti tak tak ho hi sap ho bengah hian eng tin tak ri ang maw??
Report this comment
April 13th, 2010 at 4:22 am
@HV : “Supposedlically, He might have saided in the” a nih ka ring ta tlat! I thusawi subject derthawng deuh atang khian … NOI Saptawng thiamho hian ka saptawng hi chu mak an ti lo thei lo, a ngan talh zel a nia aw!
Honors class-ah ka kal ve ngawt a, “A B C” han sawi teh min ti chu ka ngaithiam lo deuh khawp mai a. Engvangin maw? 1971-ah Mr B C Das-a’n A B C mi sawitir tawh a, ka beng a herh ri thawt a. A na khawp mai — kum 35 liam taa Honors class-a kan khawsak ve laiin kan hotunu pakhatin tham lo deuhvin, “Alphabet sawi rawh … de de de ” min ti a. “Z Y X W …” tiin a letling zawngin ka sawi. “Mi va zah lo ve …” a ti. Ka thiam dan ka show a ni ve mai a! Mahse, Honors class-ah, “… walks on water …” tih Milton-a phuah kha min zawt a. Ka hre lo chhe chhe khawp mai. Tui chunga kea kal thei ISUA kha ka lo ngaihtuah ngai lo va …Honors class ka kal laiin kan hotupa khan, “Bible chhiar ve thin rawh,” a ti a. Chhiar nachang ka hre chuang lo mai ni lovin, a hlutna literature-ah ka man pha lo. Elizabethan English mawizia an han sawi thin, eng he hu-ah ka ngai lo. A tlai zo ta, thiam belh ta chuang miah lovin, ka khawsa chho ta naw naw … saptawng thiam hi ka chak ve khawp mai!
Abik takin, ka ziak reng reng mi tin hriatthiam theiha ziak thiam tur leh Dictionary an rawn ngai miah lo turin! Sandman-a’n a ziak pawh hi ngaihnawm ka ti, Merriam Webster Dictionary ka keu nuap nuap phah reng fo … han ti mai ilah! Saptawng hi ka thiam lo bawk a, ka ning deuh tlat!
Report this comment
April 13th, 2010 at 5:31 am
Past perfect tense turah present tense ka hmang a, thumal ka remkhawm dan lah a diklo vek bawk a ni mai. #6 ah eg: nen ka sawi khi mawle NOI “he said…” tih turah , “he is saying…” ka hmang ka ti bawk.
Ka thiam mang si lova kei chu kan duh tawk teh ang, mit a thip ropui bawk si hairehai :lol:
Ziaktu tan: William Shakespeare ngawt pawh khan thumal 2000 vel a thu leh hla ziah atang khan English tawng hi a tih hausak belh ania, tawng har leh thiam tak tak har tur tak chu a ni reng a ni.
https://www.wearetheenglish.com/shakespeare.html
Report this comment
April 13th, 2010 at 5:41 am
Mizoram education system dikloh vang a lawm. Sawrkar school ho ah nursery atanga class 7 thleng mizotawng vekin an zir a english subject 1 lek ani ve a, naupang thil thiam chak hun lai berin an zir tawh loh chuan class 8 atanga zir thiam chawp leh chu har ve tak ani tur ani, hei vang hi aniang mizo school ho matric a an fail dur dur reng ni. A bikin thingtlang school ho (khawpui atanga fail pawh an awm thova).
Chu bakah tunhma a zitirtu an lo rawih ho matric pass lo te, matric pass tawk tawk high school zirtir tu a an rawih teng te ho hi pension tir vek sela a tha ang.
Report this comment
April 13th, 2010 at 6:44 am
Puhmawh tur zawn teh chiam a tul em maw ni le..?? Kan saptawng thiam lohna chhan te chu Mizo kan nih vang ni hmiang ka lo ti thla ngawt a. Mizo tawng hi chuan kan tawng theih deuh zul hlawm hi maw le.
Sawi leh sawi hnu, saptawng thiam duh tak tak tan chuan ‘lam dik’ hi a pawimawh khawpin ka hria. Tihpuam kher a tul lova, mahse, dik taka lam thiam hi zir lauh lauh a ngai a ni.
Report this comment
April 13th, 2010 at 6:47 am
Primary sikul kan luh ve lai chuan pawl 3 atang chauhin english kan zir :cry:
Report this comment
April 13th, 2010 at 8:04 am
Byheart system hi chu poi tak a ni ringot…..nasa tokin aw chhang vek khopin kan han chhiar ve a,chutah kan thianpa chuan mu chungin text a chhiar a…..a ti tha thei khop mai……foundation a lo phun tha em a ni……base neih that hi chakawm ve thei sin ooo….
Report this comment
April 13th, 2010 at 8:14 am
sap tawng hi ka’n thiamlo dei dui khopa, sap tawnga midang biak a tul te hian ka huphurh thei khawp mai. Ka zin ngun bok si, vai leh sap nen inbe zing bok si. Kan han inbe ve ngei a, an lo hre fuh thei lova, thiam zawng2 sawm khawma sawi nawn leh a ngai fo thin. A buaithlak double thei hle mai.
2004 vel atang khan sap tawng thiam taka zir chak na ka neia, a zirna sikula kal ka zak deuh bok sia. Internet atangin english accent, grammar, etc. Video tutorial download ka ching thar ta a, hunawl ka neih apiangin roomah ka inkalh khuma ka zir ta tlak2 a, tunah hi chuan a hma aiin 20-30% vel chuan hma ka sawn ve tawh in ka hria.
I am thank you :lol:
Report this comment
April 13th, 2010 at 9:34 am
Tawng hi chu mipa aiin hmeichhia hian an thiam/nal awl zawkin ka hria. Thlen chin inang, tawn chin inangah hmeichhia kan tluk lo deuh zelin ka hria.
Report this comment
April 13th, 2010 at 10:16 am
saptawng hi a har em mai,,, keini ang duang mizo sikul a tanga zir chho tan lek phei chuan pawl 8 tang chuan kan buai chhe teh e, pass ve tawk2 nan zirtirtu ten note min siam saka, kan thiam tam leh kan ti tha, tlem leh ti chhe deuh,… alo hahthlak em mai…tun thleng hian ka la buai char2 thei khawp mai hnathawh na ah pawh hian,
english sikul tang khan lo tan ve thei nita ila tlem chuan kan zia deuh tur a nia,,,, pawl sawm pawh private sikul chupawh thingtlang tang chuan ramropui chu kan thleng harsa khawp….,,,, mahse kan sikul kha ka hmusit ta tihna chu a ni chunglo…
Zirtirtu ten thahnemngai taka minhrilh thin,”saptawng hian tawng tum hram2 rawh u, nakinah in tan vek zel a nia,” ti a min hrilh kha ka hre reng zel, a hunlai kha chuan eng teh ualah kan ngai vak lo, mahse tun hnu hian a hlut zia leh a tangkai tur zia hi ka hrethiam phak ve chauh…in zir chhoh nasat chu a ngai zel nih hi… tawng hi a lo har khawp mai…..
Report this comment
April 13th, 2010 at 10:31 am
Misualah hian sap tawng thiamlo aiin Mizo tawng thiam lo in tam zawkin ka hria
Report this comment
April 13th, 2010 at 10:46 am
Sap tawng hi ka uluk tulh tulh a, ka thiam lo tulh tulh mai. Chuvang chuan han lam liam puat mai ila, chutah hnam dangin an lo hriat thiam feih feih chuan ka duh tawk ta mai. A tawng neitute ber tawng te khu hriat har kan ti tlat mai pek a… South Indian ho Saptawng pawh khu ka hre hlei thei chuang lo… :roll:
Report this comment
April 13th, 2010 at 10:53 am
Mizo ṭhalai chuan sapṭawng thiam kan chak vek in ka hria. Mahse thiam tur a tumna tak tak nei erawh an tam lo. Thiam tum tur leh ngai khawp in kan in zirtir lo pawh ani mahna.
Sapṭawng hi ka thiam thei lo. Ziak tur phei chuan Sapṭawng chu sawi loh, Duhlian ṭawng pawh hian ka ziak thiam meuh lo chu ani e!
Report this comment
April 13th, 2010 at 10:57 am
Saptawng hi a buaithlak; Tun mai khan Silchar vaipa ka phone a nin ka sawi a hre theilo, keiin hre bawklo rei zet chu kan inbe ve ang lawi a….
pawimawh ka tih tak ber chu ka hmang dik em tih ai in ka sawi an hre thiam em tih lam a pawimawh keini ang sumdawng tan chuan.
Report this comment
April 13th, 2010 at 12:32 pm
Saptawng ziahah chuan Mizo zingah JF Laldailova aia thiam ka la hre lo nia! A ‘LOVE LETTER’ kha lo chhiar ve chhin mah teh u! Pui tak a ni, pui tak!
Report this comment
April 13th, 2010 at 12:43 pm
@Far_Star, a pui luttuk hi a bialnu ava thawn khan a lo hrethiam leh si lo ang tih a van hauhawm awm ve le…
Report this comment
April 13th, 2010 at 12:46 pm
Saptawng inti thiam mahse Mizo tawng pai leh si pawh kan tam hi mawle. Saptawng thiam chuan Mizo tawng pawh kan thiam em em nghal ani tih hria an vang ka tihna anih chu :lol: Mizo tawngin kan ngaihtuah a mahse kan ngaihtuah rualin Saptawng thumal kan hre nghal tur ani, a remkhawm na tur nen
Saptawng thiam mangsiloa Saptawng thumal tlemazawng lam uluk fe lah kan tam :lol:
Report this comment
April 13th, 2010 at 12:47 pm
What is communication?
Report this comment
April 13th, 2010 at 1:15 pm
Literary values (an ti em ni?)zawnga thlir chuan saptawng hi chu a thiama te ka ngaisang a. Amaherawhchu, a nawlpuiin a thiam vek kan tum erawh a tulna ka hre hran lo khawp mai.
Mi tawng kan ngaihsan a kan hlut viau chuan an hnam zia lak kan ching khawp. Ziaka kan dah ah hian hnam nunphung leh ziarang a inphum nghet tlat a. Kei chuan ka hnaah hi chuan saptawng a tangkaina ka hre em em lem lo khawp mai. Mizo High Sikul a zo thakin ka zir ve a. Kan zirlai saptawng pawh Mizotawngin min lehlin sak thlap thin! Chuti chung chuan khawmualpui pali chu ka fang ve tawh.
Khata tanga ka zir kha ka duhtawk khawp mai. Mizotawng thiam ka ngaisang zawk tho tho!
Report this comment
April 13th, 2010 at 1:32 pm
Shillong in sawitak ah chuan ,naga pakhat pawn will u went to c0ncert ? ati..,buh ve mep mep tak ani,nuih ngam chi niheklo, ankhua ah tense an zir velo aniang.
Report this comment
April 13th, 2010 at 2:45 pm
Mizo zingah Saptawng thiam hrim hrim ho hi ka ngaisang der lo nia, keichu….a chhanchu, mihring hi kan ngaihsang dawn a nih chuan- “Bible tehna ang deuhin, an rah ah” a ni tur a ni. Mizo zingah saptawng thiam fu fu, productive lem lo kan tamin ka hria…!!
Thalai zingah thiam tak tak an awm tawh..awmze neia hmang tangkai chu tlemte an ni. Entirnan, MONA ZOTE te khi ka ngaisang khawp mai. A chhanchu, a productive tlat a ni.
Ka thiante zingah pawh hian kei aia, Mizo tawng thiam zawk, ka tawng pawh min correct thei fu fu an awm. Mahse, Mizo tawng thiam lo zawk hian article 100 chuang ka ziak khalh daih mai.
Keini ang bawngek school chhuak tan chuan, thiam tak tak hi har deuh a ni. Ka kalna apiangah hian ka tawng sual nawk nawk mai…ka second language a nia, engvangin ka zah ngawt ang….
Sap ho hian kan tawng an thiam viau bik chuang hlei nem…Kan zosap/bawrhsap ho Mizo tawng hman pawh kha a ze nawk thin a nih kha…Chuvangin, kan thiam an chin hi hman hreh tur alo ni lo. Hetih lai hian thiam belh zel pawh kan tum tur a ni. Sap tawng hi sacred language ang hrima ngaih hi dik ka ti lo….Sap tawng kan thiam loh avanga inthlahrunna hi ka nei nep ta tial tial mai….A chhanchu, a thiam tak tak ho ai hian thil kan ti ve teuh thei tho tlat a ni.
Report this comment
April 13th, 2010 at 2:55 pm
Epis, Amen!
Report this comment
April 13th, 2010 at 3:14 pm
Sap tawng leh tawng dang reng reng pawh hi hmana thiam chi a nia! Chuvangin, thiam ang ang hi hmang hmiah hmiah phawt ila, kan hmang pung zela, kan thiam belh zel bawk thin a ni!
Report this comment
April 13th, 2010 at 3:29 pm
Mizo zingah Saptawng thiam hrim hrim ho hi ka ngaisang der lo nia, keichu….a chhanchu, mihring hi kan ngaisang dawn a nih chuan- “Bible tehna ang deuhin, an rah ah” a ni tur a ni. Mizo zingah saptawng thiam fu fu, productive lem lo kan tamin ka hria…!!
Thalai zingah thiam tak tak an awm tawh..awmze neia hmang tangkai chu tlemte an ni. Entirnan, MONA ZOTE te khi ka ngaisang khawp mai. A chhanchu, a productive tlat a ni.
Ka thiante zingah pawh hian kei aia, Mizo tawng thiam zawk, ka tawng pawh min correct thei fu fu an awm. Mahse, Mizo tawng thiam lo zawk hian article 100 chuang ka ziak khalh daih mai.
Keini ang bawngek school chhuak tan chuan, thiam tak tak hi har deuh a ni. Ka kalna apiangah hian ka tawng sual nawk nawk mai…ka second language a nia, engvangin ka zah ngawt ang….
Sap ho hian kan tawng an thiam viau bik chuang hlei nem…Kan zosap/bawrhsap ho Mizo tawng hman pawh kha a ze nawk thin a nih kha…Chuvangin, kan thiam an chin hi hman hreh tur alo ni lo. Hetih lai hian thiam belh zel pawh kan tum tur a ni. Sap tawng hi sacred language ang hrima ngaih hi dik ka ti lo….Sap tawng kan thiam loh avanga inthlahrunna hi ka nei nep ta tial tial mai….A chhanchu, a thiam tak tak ho ai hian thil kan ti ve teuh thei tho tlat a ni.
Report this comment
April 13th, 2010 at 3:42 pm
pu epis chu iva trang triah triah ve vawi two lai i ron comment a. hehehe
Report this comment
April 13th, 2010 at 4:00 pm
######Epistemoly i ti dik chiah thiam chu a trha ber a thiam hmangtrangkai hi a trha leh zual a thiam lem lova hmang trangkai phei chu trha tak ani ka ti ve leh pek e.
Kei tak ngial poh hi maw Mizoram pawn kan kal ve chinah chuan kei ai a zir sang leh thiam awm pui pui hian min hma theh ve khang lang zel nia .An thiam an hmang ngam thlawt lo. Ka thiam chin leh lo ka thiam bak in ka hmang ngam ve thung.
Report this comment
April 13th, 2010 at 6:48 pm
Tawng hrim hrim hi hnam nun zia nena inphaman deuh a nih loh chuan a tawng neitu tan pawh zir ve fe a ngai tho mai.Mizo tawng pawh subject awl ber ni thin kha thangthar tan chuan ‘Chul ram fan thu’ te chu hriatthiam vek har tak a ni !.
Sap ho aw leh ka- TV ah hmuh leh ngaihthlak phak a awm hnu hi chuan kan zia awm sawt khawp in ka ring.Mahse an awphawi tluk tum te,an fiamthu zawng zawng nuihpui theih tum te erawh ralsai chung chuan a harsa deuh ang.A hmun a chenchilh ho chuan tlem tlemin an zir zel thei deuh mahna le.
Mizote kan dam khawchhuah nan chuan MEH(mizo,english,hindi) thiam ngei ngei a ngai a ni mai,pumpelh kawng dang a awm lo ve…
Report this comment
April 13th, 2010 at 8:41 pm
ME no afraid to speak and write in English!
Report this comment