WaveSecure hi kan hre hlawm tawh mai thei a, a hre lo te kan lo la awm mial tak in ka rawn share che u ani e. Mobile Application Software a ni a, handset thenkhatah chuan an rawn dah sa nghal a, an dah sa lem loh pawhin i handset atangin emaw i computer atangin emaw i phone model mil tur a download theih tho a ni. He WaveSecure hi Mobile Operating System hrang hrang mil turin an siam a, chung te chu – Android, BlackBerry, Symbian OS leh Windows Phone te an ni. I phone nen a inmil leh mil loh i hriat duh chuan hetah hian click keuh mai rawh. Click me…
WaveSecure chu Mobile (handset) Secuity System changkang tak leh tha tak, rintlak tak a ni a. I phone-a data pawimawh (contacts, messages, call logs, photos leh videos) i neih zawng zawngte a venhim theih bakah Internet-ah a backup sak thei bawk che a.
I phone atangin i data pawimawh ho kha lo ti bo palh pawh ni la, awlsam takin WaveSecure hian a restore sak leh thei che ani. He WaveSecure website atang pawh hian i duh hun hunah i computer hmang pawhin i data i backup in i restore thei bawk a ni.
I phone i lo tibo palh emaw mi in an lo ru emaw anih pawhin i computer hmangin an website-ah i login anga, i handset bo kha midangin an hman theih miah loh turin i LOCK hmak thei bawk a ni. Misualin i phone tihbo ah khan eng SimCard pawh lo thun mahsela, an SimCard thun mek number kha awlsam takin a Trace (chhui chhuah) theih a ni. Hei hian phone ruk bo leh tihbo palh chungchangah pawh hmuhkir leh theih na chance tha tak a siam bawk ani.
Vanduaina engemaw vanga i phone tihbo chu i hmu kir leh thei tawh lo anih pawhin i phone-a thil pawimawh i save zawng zawng kha Internet kaltlangin WaveSecure hmang hian ila delete thei cheu bawk ani.
Nokia N86 8MP ka hmanga, hetah hian a full version an rawn dah nghal a, an website atanga i download chuan Trial Version a awm ang. Zawng peih tan chuan crack sa pawh hmuh tur a tam mai.
I phone-ah khan lo install ve chhin teh, ka thian…
Similar Posts:
- Mobile trick ho tê
- T-Mobile G1 launch today
- I Mobile phone a thi ve dawn em?
- Combined Post trek trek
- Ka mobile handset it zawng
April 27th, 2010 at 7:38 am
bengvar thlak e. keini ang phone-in a support ve lem loh chuan phone tihbo loh a la tha ber dawn a nih hi
Report this comment
April 27th, 2010 at 8:05 am
an mahni web atang hian ami download theih?crack sa chu khoi web atag ge kan hmuh theih ang?
Report this comment
April 27th, 2010 at 8:10 am
@Mapuia: try https://www.mobile9.com
Report this comment
April 27th, 2010 at 8:31 am
Hetiang software hi Java application(.jar) hmang ho tan awm ve se ka ti hle mai. In hre mial lo maw?
Report this comment
April 27th, 2010 at 8:42 am
Thil tangkai tak a nih dawn hi.Mahse kei chu ka blind ru riau,he tiang lamah chuan :lol:
Report this comment
April 27th, 2010 at 8:59 am
ka phone hi Nokia1100 ania…a hman theih tho angem???
Report this comment
April 27th, 2010 at 9:27 am
Karbonn ka hmang a, support ve lo tlat. Phn thra deuh hman ve hunah tih ve ngei tur a nih hi.
Report this comment
April 27th, 2010 at 9:31 am
mobile tracker tha chi a va ang ve.
Report this comment
April 27th, 2010 at 9:36 am
RaLtE, I rawn thawh bengvarthlak thei hle mai ka ti. I zarah ka hriat loh tamtak ka lo hriat phah tawh a, tunah ka hre leh ta! Thanks em em!
Report this comment
April 27th, 2010 at 10:03 am
A va han that hmel ve aw. Kawlhawk hian han thiam phawt se la, chutah ka phone-ah min set up sak tur in ka sawm ang :lol:
Report this comment
April 27th, 2010 at 10:42 am
Phone man tlawm hmang ho tana thiltha tak chu ani lemlo e..Pathian zarah ti bo lo ila anihber hi..hetiang support chin neihna khua ala kuak loh hi..
A bengkar thlak khawp mai.
Report this comment
April 27th, 2010 at 10:42 am
That hmel khap mai a, mahse kan ram riangte atang hi chuan hmang tangkai lo ture kan va tam lawi si ve aw!!!!
Report this comment
April 27th, 2010 at 11:18 am
hei aia tha zok hi a om nual mai
Report this comment
April 27th, 2010 at 11:27 am
@funny a phone T-series ang chi khan software chu a support hnem rasss!!!
Report this comment
April 27th, 2010 at 1:18 pm
A van thrat hmel em aw… hetiang thil thra phal taka han share thrin hi a van lawmawm thrin em!!! Mobile tihbo ching tan chuan hman ngei ngei chi nih hi.. midang te pawn hei aia thra kan hriat chuan kan Mizo pui te tan han share zel teh u khia…
Post tupa hi live a hmuh hial chakawm hle mai :lol:
Report this comment
April 27th, 2010 at 3:00 pm
Ralte chu ti tha khop mai,kei poh tum khat chu ka hmang tangkai ve tawh a, data poimawh backup mawlh mai hi a tha
Report this comment
April 27th, 2010 at 8:44 pm
OT zuai,n82 k hmanga ttpod music player hi ka install thei miah lo mai a,engtia tih chi nge min hrilh thei in awm dah law maw
Report this comment