Lunglei District Congress Youth Committee (LDYCC) chuan hetiang hian thuchhuah an siam –
Tlabunga zirlai tithate chawimawina hun hmanga kal MZP Gen Hqrs. Aizawl hruaitute leh LDYCC te inkara boruak awm chungchang thudik chu hetiang hi a ni.
MZP Gen Hqrs. President VL Kroshnehzova leh a thawhpuite hian Dt 15.5.2010 zing khan Tlabunga hnamdang vai sumdawng (Dan ang thlapa khua leh tui nihna nei, British hunlai atanga lo awm tawhte) kokhawmin, thlatina Donation an laksak thin chungchanga an pekthat loh thu an hrilh a, chubakah Donation an khawn thin chu thlathar atang chuan a leta tihpun a nih tur thu vai sumdawngte hi an hrilh a, vai sumdawngte hian thlatina MZP Donation tuk an pek that loh laia a leta tihpun tur tih a ni chu harsa an tih thu an lo hrilh a, hei hi MZP te hian awih sak lovin, vau mai bakah na takin kut an thlak a, heng kut tuartute hi mi 15 zet an ni a, an zinga mipakhat Nepal Kanti (Vice President, Tlabung Block Congress Comtt.) phei chu unconcious khawpa kutthlak a ni a, Damdawi Inah admit a ni.
Hemi chungchangah hian LDYCC te chuan Inrinni, Dt 15.5.2010 zan khan MZP hotute Lungleia rawn chho chu thil awmdan dik tak sawi tura phutin, LB Chhunga, President, MZP Lunglei District Inah kalin, hetah hian inbakkhaihna deuh awmin, LDYCC te hian dan lova che, MZP hruaitute hi man an nih theihna`n hma an la zui ta a ni. MZP Gen Hqrs, President VL Kroshnehzova hian Tlabung Block Congress Vice President, Nepal Kanti hi Politics-a inhmang tawh lo tur leh bang turin a nawr a ni tih ama sawi ngei chu LDYCC te hian an ngaithiam lo hle a, Congress Party inrelbawlnaah hian MZP te an rawn inrawlhna tur a awm lo a ni.
Chhiar zawm duh tan : vulmawi-daily.blogspot.com
