Tin, Jakoba chu amah chauhvin a awm ta a; tin, mi pakhatin ani chu khawfîng chah thlengin a buan a buan a. Tin, a hneh lo tih a inhriatin a malpui ruh chuktuahah chuan a khawihsak a, tichuan a buan lai chuan Jakoba malpui ruh chuktuah chu a lo pelhsawlh ta a. Tin, ani chuan, “Mi thlah rawh, khawfing pawh a chah dâwn tawh hi,” a ti a. Tin, ani chuan, “Mal mi sâwm loh chuan ka thlah lovang che,” a ti a. Tin, ani chuan a hnênah, “I hming engnge ni?” a ti a. Tin, ani chuan, “Jakoba,” a ti a. Tin, ani chuan i hming chu Jakoba an ti tawh lo vang a, Israela an ti zâwk tawh ang; Pathian leh mihring i bei a, i hneh tawh si a,” a ti a. Tin, Jakoba chuan ani chu a zâwt a, “Khawngaih takin i hming mi hrilh rawh,” a ti a. Tin, ani chuan, “Engvângin nge ni ka hming mi zawh ni? a ti a. Tin, chutah chuan mal a sâwmsak ta a. (Genesis 32:24-29)
Jakoba’n Pathian a buan thu hi kan hre vek hlawm a, kan hriat theiha wrestling record awm hmasaber pawh a ni ang. Engvangin nge Pathian hian Jakoba a buan a, eng atan nge zan mut thulh thak khawpa an inhelnuai tak hrep? Tin, a pawimawh berah chuan engvangin nge kum sang tam ral hnu-ah kan la inhrilhchhawn a, kan la sawi ban theih loh?
Eng hunah emaw chuan kan nun kawngah mi tin hian Pathian kan buan a tul. Harsatna chi hrang hrang, lungngaihna emaw, dawta inpuh hmingchhiatna emaw, mualphona emaw, natna khirh emaw, thihna leh chhiatna tinreng hmanrua-a hmangin Pathian hian kan mamawh ang zelin min buan thin. Kan nuna hetiang hun a lo thlen hian Pathian hian Amah hmachhawn ngam turin min cho va, “He damchhung rei lo te, lungngaihna leh tawrhnaa khatah hian eng hi nge i dam chhan ni a, nung tura i beih tlat chhan hi engnge ni?” tiin pa takin, khal telh tawlhin min cho thin.
He hunah hian mihring nun chhungril hi fiahin a awm a, mi dawihzep chuan harsatna leh lungngaihna hi hmachhawn ngam lovin a lu a kaikun a, harsatna leh tawrhna tlansana nun hahdam leh awlsam neih a duh a, a thinlung chu hneh leh tihdawlin a awm thin. Mi huaisen, chona chhanglet ngam a, hmachhawn ngam chuan fiah zawka mahni nun inbihchiangin Pathian chona a chhanglet a, a buanlet ngam thin.
Mi huaisen tan chuan harsatna tinreng hi tawrhna leh hremna ni lovin chona leh hmasawnna a ni. Pathianin duhthlanna leh tumruhna nei turin a chher a, a tuaihriam a, a cho a, malsawmna a tiam tih a hre thin. Chu chona paltlang ngam tan chuan nun hi a zalen a, a fiah a, a hahdam thin. Chu hnehna phenah chuan malsawmna a awm si a.
Pathian nen in inbuan tawh ngai em le?
(Y) 
June 21st, 2010 at 3:35 pm
i sawi tum chu a hriatthiam theih tho a chuh…”Cho”, “Buan” tih hi a dik ber em aw….
Misual.com banner chu va tha ve
Report this comment
June 21st, 2010 at 3:49 pm
Kala Buan ( Zualbonez) lo tlat.
Report this comment
June 21st, 2010 at 3:50 pm
heh…ka chunga mi hi a zaktheilo ratux
Report this comment
June 21st, 2010 at 3:57 pm
Kei pawh ka la buan lau:-)
Report this comment
June 21st, 2010 at 3:59 pm
Bible a a awmzia hriat thiam har pawl tak niin ka hria,literal taka pawm chi pawh ani lovin ka ring.Mihring tan Pathian buan hneh ngawt ngaihna chu a awmlo vang. ‘A dil tlut tlut vang in a pe ta a’ tih ang deuhvin Pathian hian a chang chuan thil min pek a tum loh pawh hi kan dil tlat chuanmin pe thei ni awm te pawn a lang.
Report this comment
June 21st, 2010 at 4:08 pm
Aw haw,zualbonez min rawn phawk ani maw
Pathian buan tur khawpin chakna kaneilo…ka tlawm e.
Report this comment
June 21st, 2010 at 4:12 pm
A ngaihnawm hle mai.Heta Jakoba’n Pathian a buan tih hi a mah leh a mah a in buan ni pawhin a sawi theih awm e.Ka buaipui ve chiam tawh nghe nghe a sin.
Pathian hnenah malsawmna kan dil thin a,min pek duh hle mahse mahniin rem kan ruat thin,chuan malsawmna kan chan theih nan kan ruh chuktuah khawih pelh a lo ngai in, A mah a in nghat lo thei lo vin min siam a,tichuan malsawmna kan lo chang thei ta zawk a ni…
Report this comment
June 21st, 2010 at 4:18 pm
Chak awm em mai, buan lo mai ang.
Ku Muang, wrestling hmasa ber a ni em chu ka hre hauhlo mahse, Pathian buan awm chhun a nih duh hmel te ka ti mai mai.
Xaia sawi ang a amah leh amah erawh inbuan a nilh erawh ka ring lo. Bible ziakah tawngkam awlsam takin, felfai taka hriatthiam nghal theih tura ziah a ni
NOI
Report this comment
June 21st, 2010 at 5:15 pm
Jakoba malpui ruh chuktuah chu a lo pelhsawlh ta a. tih lai ngawt pawh hi sawizau tham fe a awm ngei ang!
Mihring pangngai chu kan piang chhuak phat hian hringnun hmachhawn turin kan ṭap chhuak a, kan nui, kan bawkkhup/zangthal a, kan bawkvak a, kan kal ta! Kal na’n a kan hman pawimawh ber kan chu ke a ni! Mihring hian chak ve tawk, Pathian ngaihtuah tel hauh lova nung thei ni a in hriat chang kan ngah mai!
Chak tawk, kal thei ve tawk ni a kan inhriatna lai tak, Malpui ruh chuktuah pelsawlh khawp leh kan malpui ruh chuktuah a pelh leh pelh loh hre lo khawp hian Pathian hi kan buan fo lo’ng maw?!
Tin, Pathian chak zia hre tur hian, Ka chakna lai ber pawh pelsawlh se ti khawp hian Pathian a nihna rin ngam a, a malsawmna dawng tur khawp hian buan ngam hi a va’n har thin em!
Report this comment
June 21st, 2010 at 5:19 pm
Jakoban Pathian a buan hlawhchham a, a hlawhtling bawk si. A khel khawihpelh saka a awm kha a va vannei em! Mahse a buan hneh si! Pathian buan chauh bakah mahni inbuan kan va mamawh em. Mahni mihrinna leh tisana buan hneh tura Paula tihdan taka “Boruak chauh hnek lo a mahni inhnek” a va pawimawh em tih min hriatchhuahtir. Keimah chuan ka tana hnawksak tak keimah hi ka buan hneh lo e, min buan hnehsaktu Pathian ka va mamawh em!
Report this comment
June 21st, 2010 at 5:40 pm
Ku Muanga a tha, a tha. A ni hi a all-round a nia. Computer lam in sawipui chuan i ngaihthlak peih aia tam sawi tur a hria ang. Literature lam ni se hnial peih chhung sawi tur a hria a, nula lam nise sawi tur a ngah si, Pathian thu lah rapthlak khawpin a hria. “Nula chhai dan” bu siam se ka ti.
Hei lo pawh hi a la rawn ziah zel beisei teh ang.
Report this comment
June 21st, 2010 at 7:28 pm
He Post zet chuan ka chhungril a rawn hawlh sawk sawk mai a… Ka nun a rawn nek trek thrat thrat mai a…
Ku muanga, pa titi thiam leh thu thiam, hre ril/zau bawk si kha a ni miau a. A manhla thlawt e! Post dang pawh han beisei zel phawt teh ang.
Report this comment
June 21st, 2010 at 8:52 pm
A ngaihnawm khawp mai. Ruh la pelh miah loh hi chuan Pathian mihriat nih hi a har khawp a sin..
Report this comment
June 21st, 2010 at 9:34 pm
heta jakoba buan hi pathian ni lo in esaua vantirhkoh zawk alawm,
Report this comment
June 21st, 2010 at 9:51 pm
jakoban Pathian a buan leu, Pathianin jakoba a buan zok. Pathian thu ziakte hi chhiar ngun hlom teh u, mi(sual) ho
Report this comment
June 21st, 2010 at 10:59 pm
adik chiah jakopban a buan lo a,amah khan alo buan zawk lawm,amah kha thah aduh a,mahse ahneh tak loh avang in van angel te pathian hma a,an in lanahun tawh si avang in min thlah rawh ati zawk anih kha.
Report this comment
June 21st, 2010 at 11:03 pm
Sanglianthanga ve thung chuan, ti zawng hian a lo phuah a..
Jacob Pathianah chuan,
Ka chakna zawng zawngte;
Tihchhiat veka awmin,
Lalpa chakna chauh chu,
Ka lo rin thiam theih na’n,
Ka ke min tibai ta,
Nun thar ka neih theih na’n.
Report this comment
June 22nd, 2010 at 12:17 am
>>Mi huaisen tan chuan harsatna tinreng hi tawrhna leh hremna ni lovin chona leh hmasawnna a ni.
Amen. Harsatna atrangin kan kaisang a, arsi kan bel belh zel thrin a ni ( Kan hrehawmna phen a Pathian in min zirtir duh tak kan man phak chuan). Chuvangin harsatna te hi blessings a lo ni zawk thin a ni.
Report this comment
June 22nd, 2010 at 5:50 am
A va han lawmawm thin em!! Tunlaia kan buante hi chu tisa leh thisen an ni hlawm si lova, thim chunga thuneihna lal an ni zawk a ni lawm ni?
Ka buan hneh thin love…
Report this comment
June 22nd, 2010 at 5:52 am
Ku Muanga, ka email duh che ? vangchhia @gmail.com ah milo hrilh.
Buan i chaklo mah mah
Report this comment
June 22nd, 2010 at 6:01 am
@HV, thanks a lot, ka mail i hmuh ngei ka beisei
Report this comment
June 22nd, 2010 at 6:12 am
Ku Muang i e-mail
Report this comment