Misual Khua-a Mite Hnena Kawlhawka Lehkha Thawn (7:5–??)
Unau duhtak te u,
He lehkha hi ka tanna Lung In chhungril, pindan thimchhah lai bera khunghran ka nih hnu-a, Sathau Khawnvar éng ral tawh lam leh Ziakfung phuahchawp tak hmanga suangtuahna tamtak vir mup mup kara ka Ziak a ni a; He thu– Chanchintha Darthlalang hi inhriat loh ka duh lo e.
Nangni Misualte u,
In Pa, In Pathian-in Kum 70 dam tura a ruat che u kha; tunah hian in zinga a tam zawk chuan dam hun chanvel hial inpel ta! Chhia leh Tha hre rual in nih atanga vawiin thlenga in hun hman dan leh khawsak dan zawng zawngte, in chhungril ngaihtuahna leh nun inthup zozai te kha reh tawh lo tura chhinchhiah ani tih hrenawn fó ang che u. Nangmahni avanga lawma hlimte awm thin mahse, chumi let thum chu nangmahni avanga mittui luang, lungngaia rum, zaka kun tlawk tlawk an awm tih pawh inhriat fò kha.
Misual duhtak te u,
Hun kha leh chen, in damchhung hun chanve aia tam mah chutiang chuan, hetiang hian in lo tàl mai mai tawh a, he thu tawi/ he darthlalang chheté hmangte hian lo inhmu hlawm tak che’u maw? In nun-a a chhe laite siam tha-a, a tha laite chhem alh sauh sauh tura chhia leh tha hriatna nei, misual fing tak takte in nih kha.
Tunah hian in kut te chu tawrhna thlentu ni loin, lungngaite kuahtu lo ni sela; In awka pawh huatthu ni lo, thlamuanna thu lo ni tawh rawh se. In neihte chu dul tih kiar nan maia hmang loin, mirethei tanpui ngaite tan lo ni ve tawh sela; In kà chu lawmthuin luangliam fó bawk rawh se. In tawngkamin ‘Sial’ man sela; In sanna leh thiam/finna zozaite pawh mite varna lo ni rawh se. Buaina siamtute aia remna siamtute nihlawh zia inhmu a, engkimah thuhnuairawlhtu ni ang che u. Inhnialna àtthlak mai maiah phûl bulh bulh lo u la, in nun chu thinghlim ni se la, in chhúng pawh mawi hlè rawh se.
Thiante u,
Ka khawnvar a ral riai riai e; Ka ziakfung lah a chuai zo ta! Ti hian ka tlip mai ang e. Thimchhah takin min tuam tan mek, atawp atan ka ti a che u– Mite tan luangchhuak u la, intan thil tha a luanglut ang. Zaidam u la, mi zaidam in chenpui ang. Dik u la, inhlim ang. Rinawm u la, inhlawhtling ang. Ngilnei u la, in dam rei ang.
Similar Posts:
- Darthlalang kan nei tha em..?
- Hnam Run an “run” nge Hnam Run a “rum”
- Darthlalang Sawm
- Mr. X
- Green Fields of France/No Man’s Land
July 5th, 2010 at 8:06 pm
Amen awh ……
Chuan… :mrgreen:
Report this comment
July 5th, 2010 at 8:17 pm
Zan dar 12:00 a lo ri ta, tang vengtu te ke pen thawm pawh a ring tawh khawp mai, ka nun hlui kan thlir kir a lungawina tur a van vang em, ka nu le pa thu tha min hrilh te kha aw, mahse engkim a tlai zo tawh, engkim anih tur ang a ni zo tawh, phengphehlep khua a tlai zo ta.
Khua ka nghak var leh anga, tan in hi ka khawvel ani tawh mai, Pathian zarah damte a ka awm chuan, tar kun in he rip hi ka la chhuah san ta ve ang, ka sual man ka tel avang hian ka phun lo, mahse hei erawh ka chiang, Boot bal deuh a vanram kawt chhuaha ka in chhuih luh ve hun chuan ka Lalpa hnenah lawmthu ka la sawi ve ang.
Report this comment
July 5th, 2010 at 8:20 pm
khaih aw ka chhiartui lutuka min lo khalh leh ta….
Report this comment
July 5th, 2010 at 8:34 pm
Kei misual tangrang, khawram chhimbuk, thlaler tuivalawng hi aizawl khawpui dai, a sak hming central Jail an riah run rem zai ka rel mai tange :cry:
Report this comment
July 5th, 2010 at 8:37 pm
Chhiar ava nuam tehlul em… Han comment vak ngaihna pawh ka hrelo. A bengvar thlak in a khamawmloh tih mai choh ani ber e…
Report this comment
July 5th, 2010 at 8:37 pm
E khaih khaih ..Pu Khamrang, i va beidawn hmel ve, i lo in awkhlum ve ringawt ange aw….hahahhaaaa
Report this comment
July 5th, 2010 at 8:40 pm
A va thra thruai thruai ve le
Report this comment
July 5th, 2010 at 8:57 pm
Ni e kei kum tam tak he khawvela lo vai vai tawh hun hnuhnunglam pan mek hian damreina chu thawhrimna tih te pawh lo experiance tawh hian ka chhiar chhuak dap mai le.
Kawlhawk thau that zia pawh lo hmu ve tawh hian mihring dam chhung hun hi Nova te dam hunchhung ang khan ni thei se ka ti.
Report this comment
July 5th, 2010 at 8:58 pm
a va tha leh pek ve aw, pu kawlhawk… Tirhkoh Paula train chhuah ang mai i ni alawm ma le. Ka van ngaisang che e… Eng ang hringmi nge maw i nih hial le!! I va extra ordinary ve le!
Report this comment
July 5th, 2010 at 9:11 pm
Kawlhawk chu thu i va thiam em. Ka tuiral zawih2 mai
Report this comment
July 5th, 2010 at 9:12 pm
tha thei viau zel mai hi.. keichu ka buai ta tlatz mai!!!
Report this comment
July 5th, 2010 at 9:14 pm
Tirhkoh Paulhawka zet chuh. I khabe liam changa i bula nilenga tap nilen avan chakawm em
Report this comment
July 5th, 2010 at 9:29 pm
Ka lawm e! Ka lawm e, he Tan In thim zing atang hian… Thianpa RaLtE mai mai thin hi aw!! :lol:
Report this comment
July 5th, 2010 at 9:44 pm
@Kawlhawk hi ilo ril riau mai a..
Report this comment
July 5th, 2010 at 9:49 pm
kawlhawk, i ziak tha lutuk, nang ang a thu ziah thiam ve ka chak,, hehehe..
Report this comment
July 5th, 2010 at 9:50 pm
Hei baka Nun Kawlhawk awh khaih Krista a awm dawn em ni.Hetiang anga thu min hneh thei ziak thiam misualin kan nei hi chu a va lawmawm em.
Kawlhawka hi chu ni ila thuziak hian ei ka zawng ngei ang. Literature tling leh kan zohnahthlak ten an tuipui phak vek tur Love Story Mawiteii chanchin ang te kha han hrual mum law law sela
Thudik pawh hi sawi thiam deuh hi chuan min hneh nge nge, chutiangin kawlhawka kuthnu ngat hi chu a flow hi a dik zaih zel mai, chhiartu te phaktawk in a remthiam ka ti. Thu-ulh awm miah lova ziak thiam ve hi ka va chak tak kei misual hian
Report this comment
July 5th, 2010 at 10:03 pm
Kawlhawk chu Tihrkoh Paula nau Tlangval Sila ni awm hialin thu i ziak thiam mai.. I rawn ti leh keuh thrin.
I thu ziak a thra e. zawm theih vek a chakawm thrin khawpmai.
Report this comment
July 5th, 2010 at 10:09 pm
Ziak tawi fel tha leh khawp mai a. Sawi zui tur ka va haihchham ve zanin chu.
Report this comment
July 5th, 2010 at 10:12 pm
liam lul suh! liam lul suh! A tlangval lai pawn an vengah chuan Timothea an tih ka ring.he he.. a tha e mark 100 ah mark 100 i hmu e..
Report this comment
July 5th, 2010 at 10:14 pm
A tha leh pek hle mai, kawlhawk hi chu ka inzirna sikul pakhat i ni chiang alawm.,ka pass thei meuh ange maw.. :lol:
Report this comment
July 5th, 2010 at 10:16 pm
kawlhawk hi ka lo kawm ve mai mai thin a, tunah chuan misual.com ho hi min duhsak zia ka man ve tan dawn chiah…
Report this comment
July 5th, 2010 at 10:38 pm
Misual ho hian faktlak tak hi kan neilo emaw ka lo ti a, kawlhawk kan lo neireng anih hi. Hetiang thuthiam kan nei hi kan va vannei em aw. Ngalfimin dam mawlh rawh se
Report this comment
July 5th, 2010 at 11:18 pm
Aizawl ka zin leh hun chuan kawlhawk hi ka zawng chhuak ang a, a pheikhawk hrui phelh ka dil ang. Chuti chuan thlamuang takin ka kal thei tawh ang :cry:
Isua ka ngai hlu a, Gandhi leh k******k ka ngaisang…..
Report this comment
July 5th, 2010 at 11:25 pm
keipawn kawlhawk hi ka hrechiang chak khawp, hetiang khawpa thu thiam hi..
@ Duatpuia Pa, engtinnge maw avatar hi i thlak le??
Report this comment
July 5th, 2010 at 11:45 pm
Amen, Amen. Kawlhawk I thu chah chu a va thrain a va pawimawh em, zawm theih ka duh hle mai. Nun tam, midangte tana nun hi a ropui tehreng nen mahni hmasial reng reng hian ka lo buai leh si thrin a.
Report this comment
July 6th, 2010 at 12:57 am
He sava zet hi zawng piantirh ata mi chunga leng a ni e.
)hi a mawi chungchuang thin..
I thuziak(ZIAH ni loin
I thuziak chhiar thei a ka awm hi vannei ka inti khawp mai.
Report this comment
July 6th, 2010 at 1:22 am
A tum a phawk thain a a va khuh mawi thiam em, a ri chu zawi hle mah se luahlan khawpa thawm ring a awm chuang hauh lovang. I thiam hle mai. . .
Report this comment
July 6th, 2010 at 2:02 am
Hringnun tawlailir chu i khalh ngil e!!
Report this comment
July 6th, 2010 at 9:48 am
A bung leh chang han pek fel law law a, Misual Bible tur buatsaih law law a va tha ve! Chanchintha Darthlalang Bung 4:5-ah chuan chuti khati chuan kan hmu a, ti-a Sermon-a telh ve theih hmel an pu hlawm a lawm. A tha tak zet e.
Report this comment
July 6th, 2010 at 11:18 am
A va han ropui dep dep em!!! Ka lem dawk dawk a ni ber e. A ngaihnawmna ringawtah pawh kan tuiral thei mai dawn alawm mawle.
Report this comment
July 6th, 2010 at 11:47 am
dam chen hun tur a ziak tel tho a OT em em lo ang chu maw, hmeichhia hi kum 80 an dam tlangpui an tia mipa kum 74 chuti chu kum 73 nih hian sex change neih daih mai chi @people
(la thutak in awm a nge aw) lolzz
Report this comment
July 6th, 2010 at 11:54 am
Fonz, god idea! :lol:
He Chanchintha Darthlalang tha tia, min fak dertute zawng2 chungah Tan In thimchhah tak hnuai atangin lawmthu ka han sawi e.
Report this comment
July 6th, 2010 at 12:32 pm
He hringnun khawnvar ral tan riai riai, thlifim chhem phet hlap hlap karah hian nun awmze nei chharchhuah tur awm lova mawi a ni hnu paw’n nun tam neihna chu mahnia pumbilh nun ni lovin midang nen a nihna nun hlu chhar thar tur min chhawp chhuah vangin lawmthu ka sawi e
Report this comment