Transport department chuan, kum 18 la tling lote’n lirthei ke pali nei chi reng reng leh two wheeler, 50CC aia sang an khalh phal a ni lo tih a tarlang. RTI Act hmanga zawhna Transport department-in an chhan danin, mipa leh hmeichhia, kum 18 la tling lote’n lirthei ke pali nei chin leh two wheeler 50CC aia sang an khalh phal a ni lo tih a tarlang a; kum 16 chinin two wheeler gear nei lo leh 50CC aia sang lo an khalh phal a ni tih a tarlang bawk.
Mizorama scooty awmte hi 50CC aia hniam a awm lo a, a CC hniam ber pawh 100CC vel a ni. Hei vang hian, Mizoramah chuan kum 18 la tling lo tan lirthei eng chi pawh khal phal a ni lo niin a lang. Hetih lai hian, tunlaiin Aizawlah school uniform hâa bike leh scooty khalh hmuh tur an tam hle thung.
Tun hma deuh khan sikul uniform haa two wheeler khalh eng emaw zat chu an kum zat endik an lo ni tawh tih Traffic SP chuan a sawi a; an endiknaah chuan, licence an nei deuh vek hlawm a, mahse an kum zat inziak chu an pawm loh avangin, baptisma certificate entir turin an ti a, chutah chuan kum tling lo an hmuchhuak nual tih a sawi bawk.
Traffic SP chuan, sikul uniform haa two wheeler khalhte zinga thenkhat chu la naupan hmel tak tak, kum 18 la tling lo hmel pú pawh ni se, licence an neih si chuan an tan tih vak ngaihna a awm lo tih a sawi a ni.
Similar Posts:
- Two wheeler taxi buaipui mêk
- Ragging by Traffic police..
- Parking uluk dawn
- Pawnfen chhing, kekawr zuih ,lirthei ken leh thil dang dang khap dawn
- Scooty Tangkaina Pathum
(Y)
August 17th, 2010 at 3:50 pm
Lirthei khalh thei chin kum 18 tih khi a tha
Report this comment
August 17th, 2010 at 3:57 pm
Lirthei khalh thei chin ti lovin khalh phal chin tih ni ta zawk se.
Driving licence hi transport department pek chhuah a ni a, a pekchhuah danah hian felhlel deuh a awm em ni tih turin naupang te te leh motor khalh thiam reng reng lo thlengin driving licence nei an tam an ti fo mai.
Report this comment
August 17th, 2010 at 4:00 pm
School Form ha chunga Bike/Scooty na han khalh hi chu awihawm lo ve khawp mai.
Report this comment
August 17th, 2010 at 4:12 pm
Kan vengah pawh kum 11 vel lek lekin chak tak tak in an khalh a, an chhungte hrilh pawn engah vak an ngai tlat lo.. an ti hlauhawm thei khawp mai. Khalh tawh lo tura hrilh leh min nuih ver ver ringawt.
Report this comment
August 17th, 2010 at 4:21 pm
Driving license hi traffic police atangin neih theih dan a awm an ti tlat.
Report this comment
August 17th, 2010 at 4:33 pm
@melody a ni khawp mai, kan naupan ve lai chuan tiang ah hian kan buai ngailo, naupang deuh te ramvak in silai an han hawl chhuak ve ringawt zel kha kan buaina tawk a ni ve reuh a. “Fimkhur nachang hre rual pawh a la ni lova a chhung te pawn engtin nge an phal le..?” kan ti zui vawng vawng thin. Naupang Driving Licence nei hma lutuk hi chu an chhung te duatsual an ni tlangpui, an puitlin hma in an nu leh pa ten an ngam lova, mittui tla ti tam tu an ni chawk thin reng ania. Nu leh pa fimkhurna tur thil a ni in ka hria.
Report this comment
August 17th, 2010 at 4:36 pm
Hetiang dan hi awm mahse, hmelhriat nei tha tan chuan driving license neih a awl lutuk. MVI Vela thawk hmelhriat neih phei chuan.
Ka alawm e.
–LVK
Report this comment
August 17th, 2010 at 4:41 pm
DL hi Aizol ah neih a harsa antia maw ka tia….Aizol thiante ho ta tur ka siamtir zeuh zeuh a.NOC nen chuan engmah a dik lohna awm si lo..smart card khera duh chuan a mihring inlan kher angai..tanpui ngaite tanpui dan pawh hi a chi alo tam kher mai..(;-)
kum 18 hnuailam hi motor chetsual vanga harsatna tawk an tam chuang miah lo…
18 chunglam chu zawm a harsa aniang.an tlan suau suau mai sia..
Report this comment
August 17th, 2010 at 4:45 pm
Thupuifûn: Lirthei nei lo aiin a neite-ah lirthei avanga chetsual theihna chance a sang nge nge
Report this comment
August 17th, 2010 at 4:45 pm
sum neih chuan nikhatah pawh a lehlan theih tlat Driving Licence hi Two wheller ngat phei chu a awl leh zual ,tute thiam loh ber nge
Report this comment
August 17th, 2010 at 4:46 pm
Kan tet ve lai (naupan lai) chuan tawlailir kan khalh thin mahse kekawr a tet duh khawp mai..
Report this comment
August 17th, 2010 at 4:46 pm
mizoramah driving license neih te chu awl aniang, keipawh ka neih khan aizawl ka awm lo lai ani lolzzz chuan 2008 khan ka cousin pawn aizawl a awm loh laiin a nei
Report this comment
August 17th, 2010 at 4:59 pm
fonz… tunah chuan learner’s license chauh mahni awm ngai loin a lak theih. License pangngai hi chu mahni awm kher a ngai tawh alawm. RC book pawh hetilamah chuan insurance nen inkawpin card angin min pe chhuak vek tawh (insurance leh RC book a inkawp tihna nih chu)
Report this comment
August 17th, 2010 at 5:04 pm
khati lam kan sawi loh hi…mizoram alawm kan sawi? e nge RC chu?
Report this comment
August 17th, 2010 at 5:05 pm
Tetlai/naupan lai sawitak ah chuan..Lawi chung chuan kan va hrat theitak em.
Report this comment
August 17th, 2010 at 5:09 pm
Learner ka la hmasa a, Driving Test ka neih dawn khan ka thian ten ‘pawisa an phut tho ang’ an tih a vangin Rs1000 vel chawiin ka direct ta mai :twisted:
Kan khuaah chuan police constable fapa kum 15 pawh la tlinglo in scooty a khalh thin. Kei aiin a tlan chak thiam zawk zui!
Report this comment
August 17th, 2010 at 5:09 pm
BSF duty ho bum nan chuan Gass Book kan hmang a,kan tlan tlang ve par par thei.
Report this comment
August 17th, 2010 at 5:11 pm
BSF/CRPF duty ho bum nan chuan Gass Book kan hmang a,kan tlan tlang ve par par thei.
Report this comment
August 17th, 2010 at 5:13 pm
@fonz RC boom chu Registration Certificate book tihna… PAN card ang hian insurance nen card pakhatah an belhbawm. Mizoramah anti ve emaw ka tia
Report this comment
August 17th, 2010 at 5:16 pm
an tih leh tih loh pawh ka hre lo…motor hi ka la lei lo a
Report this comment
August 17th, 2010 at 5:21 pm
hets #19 na chu… ka edit hman lo sorry boom ni loin book
Report this comment
August 17th, 2010 at 5:37 pm
School naupang lirthei nen school an kal hi chu a tha ber lo in ka hre ve mai2 thin!Bus emaw! a theih chin2 ah chuan ke a kal hi a tha ka ti! (Tum a ruh hmel tlat!). Kan school kal ve lai a lirthei nen school rawn kal thin ho kha zirna lam a hlawhtling tak an awm awm ka hre lo!
Report this comment
August 17th, 2010 at 5:51 pm
badboy chuan 2012 ah a khalh ve thei dawn chauh anih hi….
Report this comment
August 17th, 2010 at 6:07 pm
50CC chin hnuailam ah chuan driving license pawh a ngai hleinem. (tih kher kher duh chuan license hrim hrim hi chu cycle khalhna thleng hian a awm thunga..)
TVS Luna hi driving license ngailo ah chuan a CC sang ber ani awme. “50 CC anih chuan driving license a ngaih dawn avangin 50 CC tlinglo chiah chiah 49.++ in an siam e” anti thina dik tak maw..
https://www.gaadi.com/bikes/model-TVS_Champ
OT: saptawng post a ka comment kha awaiting moderation ah a lut daih ania, link 3 ka dah vang aniang… tih chhuah hram dan a awmlo maw…
Report this comment
August 17th, 2010 at 6:15 pm
Frost kum 18 chin nih chuan 2020 nghah te pawh ngaih hmel, sorkar thu zawm dawn chuan
Report this comment
August 17th, 2010 at 6:20 pm
Ni e. Khawilai ah tak emaw hi chuan felhlel chu a awm ani. Birth certificate nen chauha lak theih ti tawhse a tha ang.
Birth certificate hi an strict thar khawp mai. Dil pawn an chhui leh thlap zel. Pianni thlak leh phei chu theihloh tluk ani. Hlawhtling an awm pawn 0.1% vel bak anni lo ang. Strict mai mai tak anni
Report this comment
August 17th, 2010 at 6:28 pm
Ram in hma a sawn a, nausen leh naupang te pawh hmanlai ang kha an ni ta meuhlo, ti ve khanglang ila pawl sawm kan zir laia kan kum leh tunlai pawl sawm zirlai te kum khaikhin hi chuan thil mak a tling tawh a ni. Chuvangin naupang en hian in en rei lutuk tawh biklo ila, changkanna chikhat niin ka hria.
Lirthei khalh phalsak chin kum pawh hi revise tul tak niin ka hre pek a, Mipa kum 16 chin, hmeichhia kum 18 chin ti se a awm tawk viau in ka hria, heti chung pawh hian kum 15 awm vel hmelpu lirthei khalh hmuh tur an la awm nawk tho mai.
Report this comment
August 17th, 2010 at 6:53 pm
Dan a awm chuan zawm mai tur. Dan siamtu ten dan an thlak hunah chumi dan ang chuan kan awm leh zel mai ta lawng. Dan hnuaia awm kan nih angin dan dinglai chu phunnawi lovin zah takin zawm ila, good citizen nihna a ni ngai e. Dan siamtu ni mang si lova, lo phun ve sek leh zawm duh loh hi mi tenawm, bad citizen nihna a ni.
Tin, traffic rules hre manglo driving license an pe fo hi a diklo ka ti bawk. Traffic ti jam tu pakhat a ni chiang lutuk. Signal light hman dan thiam mumal pawh awm lohna state a ni hrih tlat. Dinglam kal na tur signal pek chu Mizoramah chuan, “min tlanpel rawh,” tihna angin kan la hmang heu mai, inbihchian a hun hle.
Report this comment
August 17th, 2010 at 7:33 pm
Driving License neih hi a lo har lo a niang. Eng motor mah (2/3/4 wheeler) khalh thiam miah lo All India Driving license, motor chikim lhalh phalna nei ka hria.
Report this comment
August 17th, 2010 at 7:37 pm
Report this comment
August 17th, 2010 at 7:45 pm
Manipur ah sawn driving lic chu a harsa lo khop mai.Addres leh passport photo pe la sum tlem nen,NOC nen i hmu thlap ang
Report this comment
August 17th, 2010 at 7:52 pm
Khalh thiam mai bakah, traffic rules hriat chian loh chuan US ah hian hmuh harsa tak a ni tawp. Learner la turin, traffic rules, a bu a an siam chu zir tlauh2 angai a, chumi hnuah exam angai a, i thiam chian loh chuan a kar leh ah i ti tha leh thei ang. Chumi a i la fail fo chuan thla khat hnu atan appointment siam angai tawh. Engpawh nise, traffic rules a pass khan learner license an pe chauh.
Tichuan, ngei ngein, driving school ah zir leh hrep angai a, lirthei khalh erawh chu darkar 6 chiah an pe. Hmun remah license nei nen zir angai a ni mai, la thiamlo tan chuan. Drivign school in traffic rules leh driving thiam a an ziah hnuah (an ziak ngawt ngailo) MVA (MVI ang hi) ah appointment siamin driving test an nei a, parallel parking, stop sign, driving hrim2, signal etc an test leh vek hnuah an tlin chuan drving license an pe chauh.
Khing zawng2 hma khian, Alcohol and drug class an kal hmasak phawt ala ngai zui. Hetiang hian uluk ve sela chuan Mizoram chhung traffic jam pawh hi a ziaawm hi ka ring hrim hrim.
Report this comment
August 17th, 2010 at 8:32 pm
A thu hrimah, license pa chhuak tu an ni a (MVI) license an pek chhuah te chu kum 18 chin pe sela aniang chu hairehai :lol:
Report this comment
August 17th, 2010 at 9:09 pm
Dan chu dan angin kal hmiah se, inhriatthiamna a kan kal nasa lutuk thin leh mi hriatthiamna kan beisei thui leh lutuk thin hi chu a fuh ber lo a ni.
Tunlai school naupang zingah hian, a bikin Higher Secondary chinah chuan kum 18 tling an tam mai. Blood Donate tur pawh hian kum 18 tlin a ngai a, Higher Sec. students blood donate a tam khawp thin. Uniform ha a zawnga vaihma chi chu a ni hauh lo.
Report this comment
August 17th, 2010 at 9:13 pm
muantea sawi #34 a dik ang. Arithmatic pawh Chakraborty kawm sen chhahpui, Algebra kawm hring chhah tak leh Geometry Hongkong siam kan zirlai khan class 12 ang hi chu PU 2nd yr an ni daih, college kal.
Report this comment
August 17th, 2010 at 9:39 pm
Signal light hman dik loh hi keipawh ka ngaipawimawh khawp mai. Hei hi chu kum tlinglo kher lo pawh motor khalh rei tawh pui pui paw’n an ching tlat. Traffic Police te pawh hian an hrelo nge, ngaimawh awm paw’n an awm lo.
Naupang te te 2 wheeler khal hoin vei lama kual tur vei lam bawka an han tlan pel thin te hi a hlauawm thin khawp mai.
Lane marking an ngaipawimawh lo ringawt pawh hi ka lo ngaimawh thin.
Report this comment
August 17th, 2010 at 10:11 pm
Pu HV ka thlawp e. Dan a awm chuan zawm mai tur a ni. Kan ramah hi chuan tlem tlema dan han palzut hlek hlek hi sual teh chiamah kan ngai lem lo a ang khawp mai. Mi thiltithei deuh nih leh hmelhriat neih thatin kawngro a la sut viau hi chuan dan kenkawhna lamah fuh zan lo a la awm tihna niin ka hria.
KA la hriat reng chu Michael Chang-a French Open Tennis-a a champ tum khan kum 17 mi a ni a, enge tih a chak an zawh khan kum 18 tlin thuaia motor (car) khalh ve theih kha a chak a ni. Tennis thiamin lar viau mah se motor a khalh kha phal a la ni tlat lo.
Bill Clintona fanu te, George W Bush-a fate pawh dan an bawhchhiat chuan an man mai thin kha maw…! Kan ramah hi chuan mi thiltithei deuh leh an fate hi chuan thil an tisual thei meuh lo a nih hi aaaa.
Report this comment