Fur a lo thlen tawh hi chuan Asia khawmualpui ah hian chhiatna hrang hrang alo thleng thin. Mihring mai ni lovin, kan thlai ten ruah tui an mamawh teh lul nen hian Fur ruah an sur tak tak hi chuan lungaihna thlentu a ni zawk fo mai. Engkim mai hi a lutuk chu thatna lam aiin thalo lama min hruai thei tu a ni zel mai zawng a nih hi le! Engpawh nise, tinge Asia chhimlam (Southern Asia) ah hian heti em em a ruah a sur nasat bik hi kan chhut ngai em le. Tawi thei ang ber turin sawi kan tum chhin ange aw.
Cretaceous hmasa an tih (150–140 Ma) ah khan, Pangaea (super continent) chu a vawi hnih nan a inthen darh leh ta a. Chumi atang chuan Gondwana, minor supercontinent an tih chu Africa, South America, India, Antarctica, and Australia ah a inthen darh leh a. India chuan eastern Asia lam apan ang bawk chuan Australia pawh Antartica atangin lo dawk chhuak vein, khawthlang (north) lam chu chak takin a pan ve bawk a.
Tichuan Australia leh India chuan north eastern lam chu chak takin, kum khatah Inchi 2-3 a chakin an insawn chho zel a (hei hi geology lam chhut danah chuan chak tak a ni). Kum 35 Ma velah chuan Indian sub-continent chuan Asia chu suin Himalayan orogeny a siam a, Tethys Seaway chu a khar ta a ni.
Asia a han sut hian Asia khawmualpui hnuai lamah lutin leihnuai saah chuan vir kual zelin a inhnawh tawm chho a, Himalaya hi a nawr chhuak ta kha a ni a, tunlai thleng hian Himalaya hi kum tin 2cms in ala thang zel nghe nghe a nih hi.
Khawvel ah hian Fur (monsoon) nei hi Africa, Australia leh Asia te hi kan ni a. Bay of Bengal leh Arabian sea ten khawmual a an thli rawn chhem luh ten ruahtui nasa taka a rawn thlen thin vang a ni ber. Asia ah chuan hemi ti zualkai tur hian Himalaya tlang (Himalayan range) KM 2500 vel lai a sei kan nei leh ta zel a ni. Himalaya tlang, thui taka in kham zuah mai chuan tuipui atanga thli/boruak hnawng lo lut chu lo dalin, a hnuai velah chuan nasa lehzualin ruahpui vanawn a sur tir ta thin a ni.
Engpawh nise, ‘Monsoon’ tih hi British hoin India atanga an phuah chhuah ni a sawi a ni . Mithiam ten an sawi zau danah phei chuan, hetia Himalaya a than zel avang hian nakin lawkah chuan khawvel sik leh sa ti danglam thei tu (Amazon valley ang bawkin) a la nih ve ngei an rin thu an sawi.
Similar Posts:
- Vaivawm : Ka thinrimna leh tawh.
- Cricket WC Quarterfinal : India vs Australia
- Cricket World Cup 2011 Quarter Final lineup
- Happy Republic Day
- FIFA World Cup 2010 draw zawhfel a ni ta
August 29th, 2010 at 6:51 am
Pangea, Gondwana land, tethys, continentalt drift, hengte hi ka awih lo vek. Theory mai mai an ni.
Fur ruahtui hlut zia hi chu aw. Unmanaged cultivated land, wastelands, kan ngah tulh tulh, soil erosion a nasa tulh tulh. Tuman kan vei tak tak lo.
Deforestation kan awlsam hle, reforestation erawh a harsa lutuk, sum pawh a hek. Duah mai a.
Report this comment
August 29th, 2010 at 6:54 am
Thiante thawh tlai azarah ka first ve elaw? 1st a va khat ve. Ka lawm hial dawn emaw ni le.
Report this comment
August 29th, 2010 at 7:07 am
Bengvarthlak hle mai. Taka, thuziak (pic ni lovin) post dan ka hre ve chak hle mai, min lo pui teh u..please
Report this comment
August 29th, 2010 at 7:09 am
A lawmnan lo inkhawm ang che.
Report this comment
August 29th, 2010 at 7:09 am
a ngaihnawm e.
Report this comment
August 29th, 2010 at 7:16 am
caribou, evidence awm vek, a hun te kha tun hnu a a hming an phuah chawp mai erawh an ni asin hairehai
Mahse, i insawh nghet tlat a nih chuan chhiarin sawi 2 ni mahse, i pawm chuang lovang hehehe Asia khawmualpui, India sub-continent in a sutna la che reng avang hian alawm Himalaya tlang sir/chhehvel hi lirnghing pawh a tam em em ni. Katmandu te hi englai mai pawh a chhe vek (thut) thei a ni tiin mithiam te chuan an sawi. A tam lutuk, i hman chuan han google chur chur teh khai 
Report this comment
August 29th, 2010 at 7:30 am
Very informative. Fur ruahsur dan hian timing a nei tawh lo nih hi maw! Favang lamah a rawn bei leh vak mai a. Favang ruah ti dawn ila, a sur tam thei em em bawk si.
Report this comment
August 29th, 2010 at 7:37 am
Pu Hva nge nge, i thlalak pawh analh narawh e..
Report this comment
August 29th, 2010 at 7:38 am
@HV: Google a ngai lo e. Ka hria alawm. Ka zir ve tawh thin, mahse ka awih chuang lo. Hmanah a tawlh. Tunah a tawlh peih tawh lo.
@Khumchikthei: A law nan “inkhawm” i sawi elaw? A lawm nan, in nu hian min be hmasa ve tawh rawh se.
Report this comment
August 29th, 2010 at 7:40 am
caribou,#9 i ngaihdan tur ka rilruk ang chiah hairehai :lol: i comment hmasa ber atang reng khian
Report this comment
August 29th, 2010 at 7:45 am
Pu HV-a hi lawrkhawm lam a henry kha ni maw??
Report this comment
August 29th, 2010 at 7:48 am
#11 Lonelyboy, chu Henry Vangchhia maw alo nih a, a Duhlian hming tak hi aman han sawi leh law law sela.. :lol:
#Engatinge tunlai hi Mr.TSA hi ava reh em emve. A damlo reuh aniang a..
Report this comment
August 29th, 2010 at 7:50 am
Personal lutuk awih loh. A thuziak khi kawmen sak teh u.
Report this comment
August 29th, 2010 at 7:56 am
CyberThug , ka hming chu a nuihzatthlak a ni maw, min van hmusit tha duhlo ve a, ilo nui tlang law law ila aniang chu mawle hairehai ? :evil: :lol:
Report this comment
August 29th, 2010 at 7:59 am
#14 My Twin, nuihzatthlak loh ve.. :lol: Engvang in nge a nuihzatthlak ngawt ang? Request mai mai anih khi
#ka avatar hi amahin a inthlak leh ringawt nia mawle
Report this comment
August 29th, 2010 at 8:04 am
a bengvar thlak khawp mai..2cms in athang hre ril khups.
Report this comment
August 29th, 2010 at 8:04 am
‘Monsoon’ chu Arabic thumal ‘mawsim’ atanga lak tih zirlaibu a mi i challenge deuh tihna emaw ni le :lol:
Report this comment
August 29th, 2010 at 8:04 am
CyberThug, ilo inti Henry ve ngawt elaw a, Henry lah hi an tam tawh lutuk a, thlak a hun tep in ka hria, a Geography lo tlat hairehai :lol:
lalchua #16 i hman chuan hetiang te pawh hi a chhiar chi maithei: https://www.extremescience.com/.....nt-everest
Report this comment
August 29th, 2010 at 8:08 am
Han kawmen chur chur teh u. In kawmen te atanga hlawpuina chhar ka lo tum dawn nia. Mahse ‘khawcheng leh hmeichhe àn hmang chu angkhat anni’ si a
Report this comment
August 29th, 2010 at 8:13 am
lalchua, #18 naa ka link dah ah khian para 3 na kha i chhiar uluk bik dawn nia auh
Report this comment
August 29th, 2010 at 8:19 am
Mifing rual chu in va ni chiang tak em
Report this comment
August 29th, 2010 at 8:30 am
A bengvarthlak hle mai…
Mahse fur ruah ka hriat rengna zawk a chu, naupangte kan ni a, kan han feh ve a. Thinglukham tur tlawn khat vel pu in kan han haw hnak hnak a, chutah fur ruah ngei chuan min han nan a, a reh leh mai a, chep chep leh khau dang te an hram chiah chiah thin kha a ni…
Report this comment
August 29th, 2010 at 8:43 am
abeng var thlak zual e..naupan lai a ruah do leh tui hawk khuah kha anuam pha ve tlat,huh zawr hnuang chunga chhungte hmuh erawh a inthlahrun awm duh hle..
Report this comment
August 29th, 2010 at 9:09 am
Mizovin ruah hming hrang hrang kan phuah te :-
Pawl delh ruah, Thuang ruah, Chap delh ruah, To ruah, Ruahthimpui, Nikir ruah, Ruah phingphisiau, Ruah varpui, Ruah mual liam, Ruah bing, Mai hrui pawtchat, Ai ruah, ruahpui vanawn
Report this comment
August 29th, 2010 at 9:24 am
Shai, Thinglukham i sawi takah chuan (OT mai :D) gas awm hma thing kan tuah thin laia ka pi leh pu te nen Tapchhaka kan thut khawm dal, an ti ti ka ngaithlak thin lai kha min ti hrechhuak mange.
Report this comment
August 29th, 2010 at 9:53 am
HV, kan nu leh pa te khan thuk mei eng hmang khan lehkha te kha an lo zir kha a ni a, ti raw…
Report this comment
August 29th, 2010 at 10:25 am
Shai@ A lum em mai. Hmuifangah Lailapur tuisik ka han thli kerh kerh nge. Kawlhawk nen in ngaihawm dawn mang e. (OT dal nan, fur ruah a sur tha lo em mai
)
Report this comment
August 29th, 2010 at 10:37 am
ZerO, va nuam awm ve maw leeee… kannu birthday chhuanlamah rawn tleh phei ve mai dawn emaw ni le? Vawiin hi Fur ruah hi a tla leh ang em aw… :lol:
Report this comment
August 29th, 2010 at 10:51 am
Continental drift theory hi kei chu ka awih khawp mai. Geological year sawinaah chuan million hi an ti awlsam viau zela, keini kum za dam hringfate hi leilung danglam dan eyewitness atan kan tling hlawl lo. Mahse ngaihtuahna leh zeldinna nei theia Siamtu din kan nih avangin Wegner-te ang chuan continental drift theory angte hi an lo duang chhuak thei ta a ni.
He theory hi a dik theihna tura evidence pui ber chu plate tectonic movement an han hmuh chhuah leh zel hi a ni. Leilung chhungril a sat lutuk avangin a diak/nem a chumu chunga khawmualpui chu khawvel rotation leh revolutional force avangte hian an che hrut hrut thei a ni. Chuvangin kan khawmualpuite hi an che a ni tih awi loh hi chu a thring lam deuh.
A dang lehah chuan khawvel map hi han en ila zig-saw puzzle ang deuh hian a in fit rem ti tih thei tlat e.g. S.America leh Africa khawmualpui. S.America khaw chhak lam pang vegetation leh Africa khaw thlang lam vegetationte hi an zir chianga species in ang an tam tlat.
Chuvangin thawk khat lai chuan an lo inzawm tawh a nih hi a rin awm.
Engpawhnise theory zawng a ni e. Mahse scientific theory reng reng rin thil thu hlang ringawt a ni ngai lo. A va sei ta em! In thlahrung.
Report this comment
August 29th, 2010 at 11:52 am
Kum in Fur ruah chu Mizoram hmundang ah chuan ka hrelo a, Lunglei ah chuan favang ruah ang chiah in zu sur pek a mawle, ruah bing kan tih ang hian a sur thin.
Kan ruah te pawh hian awmngaihna an hre ta lo a ni ber e.
Report this comment
August 29th, 2010 at 12:01 pm
A va bengvarthlak reuh mai mai. High sikul ah khan Continental drift, pangea etc te hi kan zir ve thin a, a ngaihnawm ka ti thei tak tak a ni.
Report this comment
August 29th, 2010 at 12:26 pm
A bengvarthlak khawp a mai. A bikin Geography lama tui tan thu tha leh pawimawh tak niin ka hria.
Report this comment
August 29th, 2010 at 1:03 pm
HVa chu, Geography lam lam te i lo tui ve leh zel a, a bengvarthlakin, a ngaihnawm tlat mai!
Report this comment
August 29th, 2010 at 1:13 pm
Fur tuilian tiang angte hi kan tuarve lova kan vannei hle ani
https://inapcache.boston.com/un.....612445.jpg
https://inapcache.boston.com/un.....786139.jpg
Report this comment
August 29th, 2010 at 1:28 pm
https://inapcache.boston.com/un.....645093.jpg Tiangte ka hmuh chang hian kan vanneih zia hi ka hrechhuak thin.
Report this comment
August 29th, 2010 at 4:39 pm
HV chu rin loh lam deuh i rawn chhawp a, min barakhaih! A ngaihnawm piah lamah hriatzauna tha tak ani. English i thiam ropui si a, mizo tawng ziak leh hmandan zir belh hlek la, sap lehkhabu tha tak2te kha han let teh a?
Report this comment
August 29th, 2010 at 5:50 pm
kawlhawk, hehehe, Saptawng ka thiam bik hleinem, tuina lam thil pakhat a ni ve a… ni e, Mizo tawng ziah hi a harsa khawp mai, ziak zawm tur leh tur loh ngat phei hi chu harsa tak a ni.
Report this comment
August 29th, 2010 at 5:58 pm
HV, Saptawk lo pawh i thiam teuh kha aw… Tawng hrang2 i thiam hnem zia k hria a nia :lol:
Report this comment
August 29th, 2010 at 7:23 pm
kawlhawk, engkhom ka hriet noh, buh ka fak tawk tawk a ka hur ngawr
:evil: hairehai
Report this comment
August 29th, 2010 at 7:57 pm
kawlhawk a te meuh pawh Chawlhni ah lehnghal an tawngvai .. oh… ziak vai nawk nawk mai! Eng kan ti ta nge :rilru buai tawp tawp:
Report this comment
August 29th, 2010 at 7:58 pm
VaiVa, Saptawk hi thiam har deuh asin hairehai :lol:
Report this comment
August 29th, 2010 at 8:04 pm
Nia, Mizo tawng ziah zawm leh zawm lohna tur hi hriat a har khawp mai. Kan naupan lai (khanglang!!)-a kan zir dan anga kal dawn chuan tun laiah a thiam zawk ten an rawn tidanglam a, ‘heti zawk tur a ni e’ an han ti a. Rilru a buai map map thin. Kan hnam leh kan tawng hi thang mek a nih avangin a danglam thin a, kum lama naupang zawk tan a buaithlak ngawt mai.
Report this comment
August 29th, 2010 at 8:05 pm
VaiVala leh HV mai mai chu! Ka ti fiam mai mai anih khi. Ale ale… :lol:
Report this comment
August 29th, 2010 at 11:59 pm
monsoon hi thenkhat tan malsawmna, thenkhat tan chhiatna.. Ice cream zuartu in Pathian hnenah ni sat a dil a, raincoat zuartu in fur a nghakhlel a.
I post vangin ka fin phah leh ta sawt mai.
Report this comment
April 11th, 2011 at 1:45 am
Fur ruah sur cherh cherh hnuaia mu paha woofer tha tawk taka hla an ngaihthlak mai mai hi a va nuam thin tak em aw ; keini tlangvâl tan hi chuan.
Report this comment