mi(sual).com

Mizote hi sa ei thian loh reng reng nei lo mi an ni. Mi malin ei duh loh zawng a neih chuan a ei lo mai a.

Sa ei fo theih nan ramsa leh sava tihhlumna chi hrang hrang an nei a, chungte chu :-

1.Thangpui : Sakhi achin chunglam awhnan a ni. “Sa thang” an ti ber. A valh atan thangtung zai herh khawm an hmang a, a hruipui atan chuan ram hrui emaw, chat mai mai lo tur chi an hmang thin. An sa awh tum a len leh an herh khawm tam mai a, sakhi thang leh sazuk thang chu in lenhleih nasa hle a ni.

A kam dan chu, lei laikhuarin leiah a valh an phah a, leiin an thup leh a, a ke a awk turin ngul neiin an kam thin. Thang hruipui atan vawmhrui an hmang duh bik. A rawram mai lova, mal a sawm bikin an ring.

2. Thang Tenau

i) Sahdal : A valh atan thangtung zaihnih zai thum herhkhawm bawk an hmang. Kurkum neiin a nghawng a awk turin ngul neiin an kam a. Sava lei a tla chi vahrit te, ramar te, varung etc. awh nan a ni ber ; a dai pawh an theu thin.

ii) Beai : Hei hi Sahdal a awk chi bawk, lei lam a chaw zawng awh nana kam a ni. Chuk per a awk tur chi a ni a. A dawhah a duh zawng tak ‘sentet’ an zep a; dai theu a ngai ve lo.

[Source : Pi Pu Len Lai by Selet Thanga] Thang Model-te hi Rev. Dr. Zairema(L) Computer HDD atanga kan thianpa copy ka lak chhawn leh a ni a, hetia hrilh lova ka hmang ta mai hi ka in thiam lo hle mai. (Dil turin amah a boral tawh nen) Min hrethiam em ang chu maw ?

Similar Posts:

• THANG PART-II
• Rotekawla sepui (tawng hman diknan)
• Awi-Thang Pa Lehkha Thawn !
• Mi hâng advantage!
• Chanchintha Dak

Recent Posts:

• Hmangaihna 131
• US Sipai tang duh te tana hriat tur pawimawhte
• Izzy.pinetrees
• MIZO SAKHAW BIAK DÂN LEH A TOBUL ~ 1
• Ka lunglai kuaitu – Linear equation in two variables (Zirtirna diklo chu…)

This entry was posted on Thursday, September 9th, 2010 at 12:01 pm and is filed under Information, Mizo Society & Culture. You can follow any responses to this entry through the RSS 2.0 feed. You can leave a response, or trackback from your own site.