Thinlung khawhar tak chu mupui ang maia siamthar a ni a, chu harhna chuan rilru leh taksa damna a keng tel si a. Rilru leh taksa a dam miau chuan eng dang nge ngai tawh chuang ang le.. Hlimna hian hmel mawina par a chhuang tir a. Thinglung lawmna hian ngaihno beina a paw chhuak. Hlimna leh lawmna ka neih zawng zawng te hi rei taka ata ka lo beisei thin leh ka thlakhlelh, par tura ka duh em em chu atakin par mawi takin min chhuah sak a.
Ka beisei hma lam ti eng tu i ni a, ka beidawn lai leh lu ka sun lai pawh a min hnem tu chu i hmangaihna leh anka chauh hi a ni asin. In run lawi tura ka phur zia leh chakna ka neih si loh zia kha tun thleng hian chiang takin ka la hria a sin.. Ka beiseina leh ka hmalan hun hi atan a ni a, tun a ka nun mek pawh hi Krista leh nangma tan a ni.. Ka thawk a pik a harsatna leh mangan ten min zial lai chuan i hmangaihna leh an ka in min hnem thin a, khawvel finna leh ropuina aia ka thlan chu i hmangaihna tang bei hi a ni asin.. Laina leh thian tha te thu min mausam tir a, tun lai chhanah hmeichhe pakhata innghah hi a him lo ti a thurawn fing tak min pek lai pawh in ka tuang chu hmangaihna in ka ti chhah lui tlat a.
Ka hmangaih avang che in englai mah in ka nawr lui ngai lo che tih i hriat kha ti raw?!!. I hmangaihna ka ngen tirh atanga tun tleng hian ka lakah engmah bat i nei lova, kei erawh chu ka bat tlak loh hlau reng rengin hun ka hmang lawi si a, ka ba rul zawh erawh chu thih tluk a ka hlauh a ni si a. Khawvel hlimna leh lawmna chu chuai mai thei a nih zia ka fah lai che khan i hmel in a pawm a i thinlung erawh chuan nawmsak loh i hlauh zia ka hre reng tho a.
Mahse lei ro hlu aia i chan tur la ropui zia hi i hre chiang lovang tih ka hlau em a, I run ka lawi apiang in Ka mihring hmangaihna mai ni lo Krista hmangaih ropui zia vawi khat tal ka sawi lan ziah kha chu theihnghilh hauh suh ang che.. Duh thuleng kan sam a, thu sawm pek ang mai azawm tura thu kan tiam dun kha i la hria em? Inkhawm thulh a in rim loh tur, Nupa a in siam hma chuan sex hman loh tur, In kawp hi thil thiang a ni lo, Engkimah Pathian a lal ber tur a ni.. etc.. I hria ti raw?..
Rinawm tur kan in tiam lai khan ka ring ngam a sin.. I kut chum biang leh nel thep ka han deh hian ka taksa hian damna famkim chu hmu mah suh se a hah chu a dam asin.. Hmeichhe dang ang in eng laimah in ka ngai lo che a, ka tan chuan “MI BIK” i ni a, hmangaihna ka hlan ngam awm chhun i nih avangin ka ring ngam em che a, nangmah avang hian Pathian hnenah hian lawmthu bang lovin ka sawi thin, chu chu kan tan malsawmna kailawn a ni ang tih reng ka ring pha lo..
Ka tan chuan chhuan tham khawp a hlu i ni a, rangchak, lunghlu leh tangkaraw tha mi hian a man lo mai che a ni lo vawk zinga tuikep lung paih ang chauh zawk a ni. Thinlung hlim hi taksa tan chaw tha a nih thu an sawi ka hre thin, mahse beng hriat na mai a hre tu ni lovin a takin ka chang tawh zawk a ni sia. I awm avangin ka nitin hna ka nin em em te chu nuam ti takin ka thawk zo thin a, min fuihna thu te kha theihnghilh a har kawp in ka ring. I hmel mawina ai maha ka thlan, i nungchang mawina hi nangmah min hlat tir thei lova min phuar bet tlat tu chu a ni.. I tum san na hian hma thar min lak tir a, hlawhtlin i tumna hian ka tha thum tawh chu kai tho sin. Kan hma lam hun kan thlir dun lai a kan hlim zia leh ngaihtuah thui i phal miah lo kha tunah hian ka hrethiam dawn tan chauh a lo ni…
MAHSE……
Chu mu pui ang mai a siamthar tawh hnu chu chau leh thei in mawi hauh mah suh se a sawp erawh sawi thiam har tak zawng a lo ni.. Rilru damin kel tel a ngah ang bawkin Rilru dam lo chuan ken tel a lo ngah ve ngiang mai.. Mi pa chakna na zawng zawng hi a lo chuai ta mai em ni le tih awl tak a ni.. Mipa tha ngei pawh hlauh nei miah lo hian a khur dur dur a chu chang a ni nem, ka theihna zawng zawng hi paih bo ang mai a lo ni zo ta..
Ka ring ngam em che kha ka tih sualah eng lai mahin ka ngai lo a tisual tu zawk chu i hria e…. Chu beiseina zawng zawng par han chhuang chuan chuai ni a nei ang tih reng ka lo ring ngai lo kha keimah hi ka in dem a ni.. Hla thu in “Pangpar mawi te an lo chuai, Lungngaihna chum dum a zam vel” a lo tih kha maw tiin se bo hnu ah kawng kan khar dawn chauh a lo nih hi… Ka hmalam hun I tan ka ti a, ka theihna Krista leh i tan ka tih lai khan rinhlelh na reng ka nei lo mahse Delili hmangaihna par ang mai ka lo tlan tih ka in hriat meuh chuan Samsona chu ka tan dem tur reng a lo ni ta lo….. Mahse englai mahin ka thiam lo lo ang che a thiam lo chu keimah ka ni.
Ka phu loh ka chan loh turah ka tlu lut ve palh a, chu chuan mi beidawng tak leh rilru na tak a siam mai chauh zawk a ni.. Ka rilru a beidawng a, ka rilru a na ka tih hian chhe ta vek ah chuan min ngai bik lo a, Ka hma lam beiseina ah Krista a awm chuan ka mamawh engkim a hria e.. I kut chum biang leh i kut nel thep chu thlahlel em em mah ila chu chu ka tan hla taka dahin a awm tawh si a, i hmui dam duai kha ka tan chuan Serafim fawh tluk a hlimawm a tling hial ang …
Min fuihna leh min tanpuina ah lawmthu sawi sen loh i lakah ka ba.. rulh che tum mah ila ka rulh turin min hnaih duh ta si lo.. chu zawng eng tin emaw tal chuan rulh let che chu ka duh tho e…. I rilru thatna leh i tum sanna te hi ka tan chuan theihnghilh rual a ni lovang englai pawhin… ka beidawn laiin min fuih harh tu i ni a, ka thawk pik lai a min thlamuantu i ni, ka tan chuan i hlu em a chu chu ka tan chuan tun thleng hian chaw tha a la tling…
Thinrimna sualin nasa takin min bawhbet mek a, ka lak a chhum pui zing hi ka paltlang zo lovang tih ka hlau hle mai, A chang chuan ka ring lutuk che leh ka rin ang i ni lo leh si hi ka thiam lo viau che a, i tawng hmang leh i chezia in min lem tlu hneh em a, ka duh ai thui ka tawlh a, min tawlhthluk tir lehzel hi i thiam loh liau liau a ni tiin ka mawh chhiat che.. mahse chu zawng… harh fima ka in ngaihtuahin keima duhthu ngei a tlu lut a tlu sual ta ka nih zia chiang takin ka hre leh si thin.. ka thu tawpna.
A thiam lo chu keima bawk ka ni tih hi a ni reng dawn a nih hi.. Ka thian tha mai pawh ni lo min hnaih tak tu te thu rawn “Hmeichhe pakhat ah rinna nghat suh” tih chu ka at luatah ka lo pawm lo tawh si a, mahse chu zawng tunah pawh leh nakin thleng pawh in ka pawm lo zel tho ang.. kei chu keimah ka ni a, ka thusawiah ka tlan chhe ve dawn lo, hetiang mi ka huat ang bawk hian kei hi ka awm ang maw teuh lo mai, a teuh lo mai… In ngaihzawnna a ni emaw nupa ah pawh kawp ching leh mahni thusawi a tawlhthluk leh ching hi Pathian zah leh mi ropui zia ah ka ngai love.. Chutiang mi an lo awm a nih chuan hlawhtlinna sang tak chang mahse BUMTU emaw PHATSANTU tih hi an nihna pakhat ah ka pe tel e..
I tan ka theih tawk a tlem lutuk hi pawi ka ti lutuk…. mahse hei bak hi kei chuan ka paw chhuak zo ngang lo a, i hmalam hunah nuamsa siam thei tu tur zawk I thlang hi ka dem lo che, mahse ka hmangaih pawh nuamsa in ka siam thei lo hi ka zak ngawih ngawih a ni. Kei chu heti zawng mai hi ka ni a, min hmuh ang bak hi ka lakah chuan beisei tur dang reng reng a awm lo tih hrechiang tu chu nang mah i nih avangin i duh i thlanna ah i tih sual loh nan ka tawngtai pui reng ang che..
Nia, ka hria alawm kan Bible in “Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh, van hmunahte thlarau sualho awmte an ni zawk e” a tih ang deuh in ka buan hi ka tan buan hneh rual lova lian a ni miau va, Saipui kal lai Ui chalin bauh din ka lo tum mai hi ka thiam lova min ngaihdam ka ngai a ni. Ka duh leh ka hmangaih luat vang che a i zah tur khawp eng pawh ka ti a nih chuan min ngaihdam ka phut a, a chak lo zawk chu ka tlawm mai loh chuan diriam zui ka ni ang tih ka hlau em avangin awlsam ti lo tak leh ka duh loh chung, loh theih lovin ka kalsan che a ngai ta si a.
Hei erawh chauh hi ka ngen a ang che I HMELMA ah min ngai lo la tih hi… Ka duh leh hmangaih luat vangin he ka thu ngei ah pawh hian i huat zawng tak ka sawi lehpek tawh ngei in la ring mahse min tlawm ta sa sa a, min bawhbet zui lo ang che… I hlim ni in min hre chang lo mah la i mangan ni chuan min ko la ka chhang ang che… ka chhang lo che a nih chuan puih ka ngai zawk hle a ni ang hmanhmawh takin lo tlan ang che..
From…M
