Vai han tih hian kan mitthla ah Abdul-a te Ali-a teho tawnzau tet kara nakruh chhiar theih ho hi a rawn inlar hmasa ber fo thin a.Vai pathian han tih phei chuan Beginner zirlai pawhin ‘ban sawm nei’ an lo ti var thei zel nia. Mihringah pawh kan chhiar meuh lo ami maw ni tih tur khawpin ” Vawiin bus chesualah chuan mihring thi an awm lo” tih pahin, “vai pakhat tih loh chu” te hi kan ti a.
Vai mah deu tawh nak alai hian an pathian te phei chu kan han ngainep khawp a, zing kan thawh hma deuh tum chuan ‘vai pathian’ hi kan thawh khalh ngei ngei a. Khaw khat tlangval chenbeh ve tak, chawn puar ling leng, awm fek dul kiar, zu vanga mawng dep thlar mai, tisa biang lama insawn chho ta, hmalam atang a thliin a chhem pawh a hnunglam amite hmuh theih khawp a biang phu hlarh hlarh khawp tawh pawh hi khaw thenawm a mi te tan chuan ‘ vai pathian aia chak’ anni daih zel a.
Kan Pathian chu maw… Pathian nung, mi hrem hmang, hotute thu a kawi a ngil a zawm loh phal lo, kawng engkim a Amah rawn hmasak ngai, lawmthu sawi phut tlat mai leh a chang chang a mal min sawmtu leh achang chang a zahngai thei Pathian a ni a. Hei hian kan rilruah Pathian tihna enge maw chenah a awm a.
Pawl thil tih hona ah tawngtai na tello chuan tan ani ngai lo a, rukru tur inhawrkhawm pawh hi ‘Amen’ rual loh chuan an ti hlei thei tawh lo a. Ti khawp a hmun kip a A hming kan lam hi a leh lamah chuan Biakin ah chauh awm turah kan dah leh si a. Hmun tina tlar hnung chuh thin khan Biakin ah chuan tlar hnung ber luah chung a inkhawm kal kim chu kan harsat leh hle si a.Thurin lah hi a mihring milin min siam hran sak thluah mai lehnghal a. Vanram te hi kan pawl tan chauh a maw kan tia! blah blah blah…
Mizote kan khaw hawi a zau tial tial a, vai zingah kan inpharh kim ve ta a. Zirhriat leh tawnhriat a zau tial tial a, kan rinna erawh a dawrawm tial tial emaw tih mai turin vairam kumkhat returnee chu khawtlangin kan hmu dazaat tlat tawh mai thin a. “Vai pathian ngainep tak thin Pu Hualhnuna sipai pension pawh ‘Hanuman-a a rawn ni tawh e,” te kan ti fiamthu a. Vai hoin ‘Lalfakawmi’ tih chu an lam thiam lo a tiin vairam awm manah ‘Rita L’ te kan awm fur tawh mial lo maw?
Kan deu thin vai ho a te kha an mahni kan ngaisang tan a, an pathian lemte vairam kal haw in ‘souvenir’-ah kan ak hawng ru a. Nu berin inkhawm ai chuan vai serial a lawm a, Prerna-i mangalsutra te nalh kan ti tan der tawh mai chu anih hi.
Kan ngaihnep thin a te hi ngaihnep chi anni lo a, ngaihsan vang a an tih dan copy chi ani bawk hek lo. Kan nih na humhim leh inhriatchian a hun tawh a. Keini leh kan Pathian inkar hi hriat chian a hun tawh tak zet ani. Chuti lo zawng Sunday a thuam tha in thuam a Biakin kal kher ai chuan bul hnai mandir-ah puan veng i la dar i va khawng ri mai ang hmiang kan la ti thuai ang (a awlsam zawng hi zawh nuam kan ti si a). Zirsan vang leh hriatzau vang hian Kan Pathian leh vai pathian hi ang khat ah kan chhuah palh ang e.
Now is the time to reclaim yourself. Now is the time to see yourself again as Who You Really Are, and thus, render yourself visible again. For when you, and your true relationship with God, become visible, then We are indivisible.
And nothing will ever devide Us again
(Conversations With God-Neale Donald Walsch)
Similar Posts:
- Tial Tial
- Google’s CEO is sloppy
- Changkanna a nih si chuan
- Biakin chhungah blue-film
- Vangtlang lamah aw!
September 12th, 2010 at 9:32 am
Inkhawm banah chhiar ang….
Report this comment
September 12th, 2010 at 9:37 am
Nia, banah chhiar ang
Report this comment
September 12th, 2010 at 9:37 am
Kei pawh… inkhawm banah. :lol:
Report this comment
September 12th, 2010 at 9:39 am
inkhawm pahin chhiar mai2 teng
Report this comment
September 12th, 2010 at 9:45 am
Ka chhiar chhuak hma sa ber ni maw! Ziak thra khop mai, i thil rawn sawi hi thil ni ve thei tak tur niin ka hria.
Report this comment
September 12th, 2010 at 9:45 am
Hnam dang sakhaw dang kalphung hi NGAIHSAN em em kher a tul lo, a NGAI bawk lo. A THA lai te erawh lak THIAM a tha khawp mai. Tin an kalphung leh sakhuana HMUHSIT leh NGAIHNEP a tul kher lo, PAWMLOH thiam a tha mai. Hnamah CHIANG ila, SAKHUAah DINGNGHET ila, kan MIMAL chanvo ve ang ang ah te RINAWM ila, PATHIAN leh KEIMAHNI inkar thlung NGHET tha i la, kan HMALAM chu a ENG zel mai thin, inchhuihbah palh pawhin ANIN min lo CHELH DING thin a ni ngai e. Chawlhni hman nuam u le.
Ka lawm e.
…khrum
Report this comment
September 12th, 2010 at 10:08 am
Naupang Inkhawmpui ania ka inkhawm lo mai.
Kan hmuhsit em em thin VAI ho hi kan copy nasa ta khawp mai. An rama an awmdan anga kan lo awm thin anih pawhin. Mizoramah chuan an sakhaw lam kaihhnawih thil reng reng hi chu hawpui loh ngam a tha khawp mai.
Report this comment
September 12th, 2010 at 10:14 am
keipawh vawiin chu kan tlar kan chawl, naupang inkhawmpui vangin! @ khumchikthei khi ka thlawp e!
Report this comment
September 12th, 2010 at 10:24 am
A tha khawp mai.”a chang chang a mal min sawntu” tia i ziah ah ka lung a awi theilo.
Report this comment
September 12th, 2010 at 10:25 am
Ka~n inkhawm thelh chu le
Report this comment
September 12th, 2010 at 10:36 am
@khumchikthei: Va rawn thlawh tha em!
Zephenath a inkhawm tur pawh chu biakinah vai pathian nge kan Pathian hi a ti lauh lauh ang tih a va hlauhawm ve!
Report this comment
September 12th, 2010 at 10:43 am
Present ve lawk ang!
Report this comment
September 12th, 2010 at 10:44 am
Amen he post chu ka like khoops
Student kan nih laiin Mission field-a thawk ho in Vaiho an ngei zia na han sawi tak tak mai chu – “Van ramah pawh hian anni nen chuan a nuam nek lovang, mi bum phet an tum anga thil hi an la politiks leh viau si anga, an ni nen chuan nuam awm lo em mai” zuk ti fiamthu a mawle 
Report this comment
September 12th, 2010 at 10:54 am
Amen
Report this comment
September 12th, 2010 at 10:54 am
post tha tak a ni ….kan mizona leh christianna te hi,tlem2 chuan a danglam chho hret2 lo thei lo chu nih hi,,mizo ka ni,chhristian kani,,ti in chapo thin mah ila,,indian kan nih tlat tho avang hian,,buaithlak riau,,ka sawi thiam vak lo e a…Indian nih leh mizo christian nih kop hi chu thil in rem vak chu ni lo mawlw..ti mai ang o..he
Report this comment
September 12th, 2010 at 10:58 am
@6 dik ltk Amen..
Report this comment
September 12th, 2010 at 11:19 am
Inkhawm lo hming in lam em ni??
Awwmmm!! :lol:
Report this comment
September 12th, 2010 at 11:30 am
VaiVa, 2nd para– “Vai mah deu tawh nak alai hian…” i tihna tiraw? :smile:
Pathian zawng zawngah kan Pathian a hlauhawm ber! Phuba lak a chin zia te; a kutthlak nat zia te; a hmangaih, ring tikhawng tlatte chu an nunna hial laksak a hreh loh zia te hi hrenawn fo i la, tun ai hian kan fel tlang ngei ang. Kan Pathian, Pathian azawnga hlauawm/ tihbaiawm/ zahawm ber mai hi– keini, Mizo ringtute hian kan nêl-in, kan ngamtlak ta lutuk a ni lo maw?
Report this comment
September 12th, 2010 at 11:43 am
Post tupa poh chu Vai rim nam tho. VaiVa :lol: chhechhawnga te vai dawr kan ang mang e :lol:
Report this comment
September 12th, 2010 at 11:46 am
Mizote tluk a Pathian lam zing,A thu zawm leh tak tak si lo,PATHIAN tello a thil ti hreh hi chu an vang viau ang
Report this comment
September 12th, 2010 at 11:55 am
A thupui, “Vai pathian leh kan Pathian…” han tih khian theological issue rawn phawrh turah ka lo ngai hman a.
Eng sakhua pawh hian “PATHIAN” hi kan i ti tatu deuh vek mai. Christiante kan bang chuang lo.
Mahse khawvela history-a mihring nunna channa leh chhiatna dang thlen hnem ber tu chu “sakhuana” hi a ni tlat an ti. Eng sakhaw biak mah hian Violence hi a promote ka ring theilo.
Tuna a landan rih chuan kan Christian sakhua hi “remna leh muanna” khawvela tlangaupuituah chuan a thawhhlawk ber te zinga mi kan ni. Fundamentalist thenkhat lo inphumru zeuh tawk kan awm tho nachungin.
Tin, Sakhuana mahni hlawkna tura lo hmang tawk lah bo lo.
28th February 2002 a Gujarat-a thil thlengte kha, “Communal Riot” nilovin, “genocide” diktak niin ka hria.
Report this comment
September 12th, 2010 at 12:26 pm
“Abdula te Ali te pathian” chu Abrahama Pathian, Jakoba Pathian tho kha asin. “Ban sawmnei” (Lakhsmi) chu Hindu pathiannu. Abdul, Ali chu Muslim.
Muslim pawh, Muslim lo pawh “vai” hnuhsit hi RACISM, culture tenawm tak, achanga illegal ani a. Kristian tak tak tan phei tih chi lo tawp. Mizoram te ang “vai” pawisa a chawmhlawm kara kan hmusit e, lo ti phei chu kutdawhin a khawngaihtu hmusit nen a danglam vak lo.
Report this comment
September 12th, 2010 at 12:35 pm
He website enkawltute hian hetiang chauvinistic, genophobic, bigoted leh racially prejudiced article hi dah lo se ka ti. Dan phal zawng pawh nise, a ethical lo.
Report this comment
September 12th, 2010 at 12:39 pm
@Sony… Maithei…..!!!!! Mahse helai a vai kan tih hote hi chu Bengali phakar engtiklai pawh mi ei tum ngar2 te anni a, Central India a vai ho te chu hetiang lek a mi hnuaihnung anni miah lo a nia. Vai han tih hian Post tu in a sawi ho te hi chu helai kan hmuh phak vai te anni miah lovang. heh heh heh heh
Report this comment
September 12th, 2010 at 12:54 pm
Thilmak a thleng anih ngawt loh chuan Mizote hi hnam dangin min la chimral vek ka ring.
Report this comment
September 12th, 2010 at 12:55 pm
@Sony: A engti zawngin nge vai hmusitna leh vai sakhua ka hmuhsitna ka tih lan aw?
He ta ka rawn ziah hi theological debate a tan a ti ka ni lo a, vai pathian ka sawi chhe bawk hek lo. Vai ka hmuhsitna ai mahin ‘kan’ hmuhsit thin dan a thatloh zia ka rawn ziak zawk a ni.
Mizote hian kan hmusit ve leh chhawng tih chu kei a sawi ngailo in i hria a. RACISM hi ka promote lo a, ka sawi mawi hek lo.
Report this comment
September 12th, 2010 at 1:10 pm
VaiVa, admin i ni bawk a, i duh hun hunah i edit keuh thei. :smile:
Ka komen khi en la, edit ngai i ti nge ti kher lo? I paws hi a la liam mai hmel si lo a. Admin paws lehnghal… :lol:
Report this comment
September 12th, 2010 at 1:16 pm
@kawlhawk: Ka inngaihtuah phawt a. Heti hlir hian ka lo ziak thin a. A tawpah chuan i rawn sawi ang khi dik zawk ah ka pawm ta e. Ka EDIT nghal bawk e.
Ka lawm em em e
Report this comment
September 12th, 2010 at 1:31 pm
A mam zaih tawh e. Tin, ‘deu/dêu’ aia ‘deuh’ i lo hmang thin hi mak ka ti a, ka ngaihtuah phawta… i ti khi mak ka ti lehzual. I tisual emaw ka tia, dik nia i hriat vang zawk lo niin. :smile:
Chuan, sony khian Topic hi a hmuh thelh mai ni loin, a buk thelhin a thelh a ni lo maw? :roll:
Tu Pathian mah hi sawi chhìat sak chiam loh tur. Hetia’ng lo la chin hi tunlai khawvelah a thing-uih tlat. Kristian-a siam tum luat vanga an Pathian sawi chhiat vak hian mi ava hneh mawh khawp. Kan Pathian hmangaihna san zia leh inpekna ropui zia zawk hi sawi ùar ta zawk i la.
Report this comment
September 12th, 2010 at 1:40 pm
“Tu Pathian mah hi sawi chhìat sak chiam loh tur. Hetia’ng lo la chin hi tunlai khawvelah a thing-uih tlat. Kristian-a siam tum luat vanga an Pathian sawi chhiat vak hian mi ava hneh mawh khawp. Kan Pathian hmangaihna san zia leh inpekna ropui zia zawk hi sawi ùar ta zawk i la.”
Ka support.
Tunlai hian an la ching em aw, hman deuh khan non-mizo camp neih dawn te hian, tih luihna nena nawr luh luihte kha an awm thin. Hei hi chu zawngchhang chi loh khawp mai.
Report this comment
September 12th, 2010 at 2:03 pm
ChhawnBur, A nia sin. Mi thenkhat-in Sakhuana hi awm lo se; Sakhuana avanga indona, tawrhna, tahna, innghirnghona leh inthahnate a lo bo tawh ang a, he khawvel hi a nuam lehzual ang…an ti. Kei chuan, sakhuana avanga misual aia, sakhuana avang mifel tak tak an tam zawk miau avangin, sakhuana hrim2 hi a zahawmin tha ka ti.
Report this comment
September 12th, 2010 at 3:12 pm
Vai-pathian hi Mizoten kan hre chiang fu em ni? Zing thawh hma riau tumte hian, “Vai pathian thawh hmain ka tho,” te kan ti chawk thin a. Kan tawngkauchheh-ah ‘vai pathian’ a lo awm tel ve hi chu kan inhnim hnaih vang a ni lo thei lo.
Hanuman-a pawh hi a MISSION hre chiang lo a ni a. Vaiho hnenah hian Hanuman-a chanchin ka sawi ve chawk thin, thiltithei hle mah se, mi haihawt leh rilru chak lo, a lak tur ber hnahthel a theihnghilh aleiah, a tlang pum pui chawi ta mai a nih thu ka sawi fo.
Jesus the Christ erawh chuan a Pa rawn tirh chhan chiah chiah, a MISSIONS —perfectly-in a ti thung. A tling lovin a ti lo va, a khumin a ti bawk hek lo, hei tluka RECONCILIATION hi a awm thei tawh lo. Biak leh zui atan chuan Jesus the Christ hi a hlu ber.
Report this comment
September 12th, 2010 at 5:13 pm
Amen!!!
Comment vak a tul lo, a post hi chhiar ila a chiang tawk em em mai. Vai ngalsin Gandhi-a’n saprama thiam a zir hnua a Indian sawt dante kha ngaihtuah tel ila, a tha lehzual ang chu.
Report this comment
September 12th, 2010 at 6:38 pm
Hindu ho hian story ngaihnawm tak tak an ngah ania, Pathian an ngah bawka, an God leh demigod teho an han indo tak tak thin a. Hman deuha movie rawn chhuak Clash of the Titans ang deuh khan a film siam sela chuan a hmuhnawm thei fu ang
An Lord Krishna tekha, Isua ang deuhin nula thianghlim hrin ve ngat asin
Report this comment
September 12th, 2010 at 6:52 pm
@funny: Isua aiin Krishna a piang hmasa zawk
I tih dan chu Zeitgist ho Addendum movies i en a ni lo maw? :twisted:
Report this comment
September 12th, 2010 at 7:00 pm
@35: Zeitgist ho thil kha a tha ve riau a sin! Ka kawl ve reng thin! Dec 25 te, Summer/Winter Solstice-te kha ngaihruat chuan a awm ve tho mai. Mahse keini ang rinna lama chak vak lo tan chuan en fo chi-ah pawh ka dah lem lo!
Report this comment
September 12th, 2010 at 8:12 pm
Vaiva: Zeitgist lam nilovin a bu tepawh ka chhiar ve tawh thin e
mahse Mahabharatta hi chu chhiar zawh chi rual anilo, amah hrim hrim a sei bakah mahabharatta a storyy lo lang hian story peng dang a nei treuh.. Anmahni Hindu ho zingah pawh hian chhiar chhuak kala hmulo… lolz
Thil interesting ve deuh pakhat chu, Heng an pathian ho hi keini Kristian te Pathian anga thil tisual theilo ang an nilova.. thil tihsual emaw dikloh emaw an nei zel.. Brahma the creator pawh hi tun thlenga zui tu a neih mumal loh nachhan chu Lord Shiva, the destroyer in anchhia a lawh vang ani.. tun thleng hian Lord Brahma temple hi 2/3 bak (emaw chhiar tham lek a awm ang)
Interpretation thenkhat ah chuan Lord Shiva khan Marijuana a zu ve thin anti tlat pek asin, Lord shiva hnung zuitu, an puithiam tepawhin in meditate nan hmanah chuan an zu thin ani awm e..!! Marijuana hian story chhui tham a nei bawk. hehehe Hymalayan range vela a awm hmasa anih angin tun thlengin heng lai vel ami chu marijuana ah ro ro pawh first class ani awm e. hehehe
Han politicise ta ila, Lord shiva-an hnungzuitu a ngah nachhan kha, a thian zau (thiangzau) vang tepawh ani mahna..
Bakah, “Rama leh Sita-i” ti a kan hriat lar, “Ramayana Prince of Ayodhya” kha, Sri Lanka ah rcheological proof ang deuhin an hnu hma ni thei awm an nei ani.. Sita I kidnap tu kha A pa ala ni zui. hairehai.. A fanu tih reng a hrelo..
Report this comment
September 12th, 2010 at 8:29 pm
@funny, Kungawrhi leh Sita thawnthu hi a inang rura!
Report this comment
September 12th, 2010 at 8:47 pm
Tih tak emah chuan, keini’n “Trinity (Pathian Pakhat a mi nung Pathum awm)” kan tih ang deuh hian an Lord shiva tehi mi panga angin a in represent asin… Christian religion ang chu ni se, “Pentnity” kan ti mai dawn mi. lolzzz
Report this comment
September 12th, 2010 at 10:19 pm
vai thenkhat chuan khawlai a Isua lem in ziahna paper tla mai mai pawh hi an rap hrual mai mai duh miah lo.an sakhua ni lo mahse tu pathian pawh an zah vek emaw tih mai tur an ni.Chutiang chu ka tawng tawh ani.
Report this comment
September 12th, 2010 at 10:28 pm
In sawi liam liam a a lawmawm e. Nimin a tangin holiday nen thawhpuite ho in Mahabharat movies an en tawh a. Nachin lawk khan Dinner ei pahin ka en ve a. Draupati sari an pawt parh lai tak kha a lo ni a. Krishna khan chunglam atang khan a sari kha a lo ti thui zel si a. Vaiho 10 chuang in “Aw le aw le…” an ti sap sap a…. A tawpah “Krishna ******** ****” an ti dial a. Kut an beng dur dur mai maw le. A pandit awm ber Sharma lah chu a au ring ber ber ah a la tang ta leh nghal a
Ka ti mai mai thin a. A thenlaiah Indian, a bikin Hindu ho an pathian mai bakah midang pathian an zah em em a. A then lai ah keini ang in an zah leh lawi si lo va. Ram leh Ravan ah te pawh Ravan a zawk kha pundit a nih daih sia tih vel mai mai in an inhnial a. A tawpah Pathian chu pakhat a awm an ti leh then zel. An awlsam ang reng phian
Report this comment
September 12th, 2010 at 11:17 pm
Zan inkhawm ban hnu ah, edit hnu ah kan chhiar ve chauh a. A rualin misual post 8 ka hawng a, ka cencentrate lutuk lo deuh.
Engpawh ni se, OT(Bible) pumpui ah hmandangte Pathiante tunlai anga tolerate tura zirtirna hi Bible zirtirna ani miah lo. Hei hi chu New Age leh Religious pluralism lam chan ani, a bul thum ah tak chuan Hinduism ani zawk.(Krishna in Arjuna hnena a sawi.)
Clash of the Titans, Egyptian, Babulonian, Romans leh Hindu pathiante leh a dang zawng zawng te hi an tobul chu Gen 6:2 hi ani chiang.
(Pathian fapate chuan mihring fanute chu hmêltha takin an hmu a; tichuan an duhzâwng apiangte chu nupuiahte an lo nei ta thîn a.
Gen 6:4 (Chûng lai chuan Milianho chu leiah hian an awm a; chu mi hnuah pawh Pathian fapaten mihring fanute chu an pâwl a, an laka fate an neih thin lai khân an awm bawk a: chûngte chu hmasânga mi chak, mi hmingthangte kha an ni.)
Half-human, half-god – Thlarau khawvel atanga tisa khawvel a an rawn luh dawn in, taksa(body) an neih a ngai a, an duh duh form an rawn hmang a, mihring anga in transform an awm a, ransa ang a in transform an awm bawk.
Tin, shintoism zirtirna anga thlahtute biak a awm bawk. Entirnan, Vishnu(god of Preserver) hi a tawng tobul ah chuan Man of Noah nen an inang tlat.
Hindu goddess, naute pawm, rul rapbet(a hming ka hre chhuak mai ta lo, Durga ni maw) pawh kha Gen 3:15 (Tin, nang leh hmeichhia hi ka indotîr ang che u a, i thlahte leh a thlahte pawh ka la indotîr bawk ang: chu mi chuan i lû a la tithitling ang a, nangin a ke artui i la tithitling ang) tih hi a tobul anih hmel.
Report this comment
September 13th, 2010 at 3:23 pm
Sawi ril tur hre ve leuh…mahse a post khi ka tuipui ve tlat bawksia…!!! kan tunlai khawvel, a taka nitin rawn thang telh telh,nakin a buaipui awm fe tur a nih ka ring !!!
A vai hrim hrim leh an pathian zawngzawngte kan ngaihdan hi chu kan pianpui a niber alawm…..:D
Eng sakhua poh nise, Temple, Mosque…Church etc….an sakhua poh nilo mahse kalpel/tlanpel pahin zah entir nan chibai bukin an han kun deuh zauh a…mahse keini Mizo te chuan kan ti ve ngai lo hrim hrim..hemi kawngah kher hi chuan kan Pathian leh an pathian hi kan chiang ve tok fu a ang ve reng…!!!!
A engapawh chu lo nita se, kan ngaihdan hi chu kan than hnan tawh a vang hian thlak chu a awl lemlo..bakah Mizorama Mizo mipui tamzawk te chu India ram khawpui hrang hrang a VAI la hmulo te kanni si a…Vai tih chuan Silchar/Karimganj vai ho bak kan mitthla tak tak thei chuang lo..ka hmusit tihna nilovin, Vaichhia anni reng dawn…
Mahse, a reng reng ah, Vaiva sawi ang khian kan copy hnem leh tawh fuuu bawksia…Mizoramah engengemaw serial kan tuipui vangte hian Hindi te hi thiam phah ila a tihchi fu ang, vairamah hian a tangkai teh a nia ooo…!!!! Pathian faknan a kut phar chu sawi loh, a ben pawh beng ngam lo khan vai pathian fakna hla Hare Ram,Hare Ram,Hare Krishna Hare Ram tih vel ah te nuam ti em em in kan lam phar kual vel a…..a awmzia kan hriat loh vangte pawh ni mahna…!!!
Copy rau rau chuan…an taihmakna, hnathoh hreh an neih lohna te hi awt ta zawk ila…ka hriat ve chinah hnam dangte chhungte ringa khawsa hi an vang khop in ka hria,thil zahthlak ah an ngai… a tam emaw a tlem emaw, an tihtheih tawkah an bur chat niin ka hmu…vai tlangval in intinalh tak maia(samkhuih pai trat chunga) pucchka/ golka paani/nimbu paani/artui chhum/a kan..etc a thutpui poh nilo, thahnem ngai tak maia a dinpui peih ang hian kan Mizo tlangval te zingah hian tipeih/tingam kan om ve angem le ???!!! Pocket Money(petrol man, phone recharge..etc ) chu hloh chhuak ve tho ang mo le…….LOL
Report this comment