Tunge mihausa chu? Sum chhiar-sen-loh nei hi mihausa ka ti dawn a nih chuan kei chu ka pachhe ngawt ang le, mi zawng zawng siam tu chu Pathian a ni. hleih bik a neilo a, tupawh angkhat vek in min hmangaih a amaherawhchu, thenkhat hausa sa in an piang a, thenkhat erawh nu leh pa hmangaihna tak ngial pawh dawng phaklo in an piang leh lawi si, siamtu kan dem theilo silo, kan in vanneih hleih teh zawng a ni e.
Mahse ti zawng hian i ngaituah ngai em? mihring nun ah hian enge pawimawh ber le, sum tam tak nei in duh duh lei thei mah ila lungawi na ka neih si loh chuan enge awmzia awm chuang ang le, in ropui tak ah cheng in khawvel changkan na tin reng hi kan ban phak a awm se, nawmsakna hi ka ta ani ti thei khawp in nuamsa mah ila, kan nun chhungril a khawhar tlat a, thinlung a lungawina ka neih si loh chuan mihausa kan ni thei dawn em ni.
Mirethei ber a kan ngai pawh hi a chan tawk khuarela a lungawi tlat a, midang ta awh na thinlung reng reng a put tlat si loh chuan maktaduai tam tak nei te ai khan a rilru a hlim zawk lo ang maw, enge hausakna chu ni ta ang le? Nei teuh a lungawi chuang si lo chu nge, lungawina thinlung nei tu chu.
“Mi rilru hausa chuan a thinlung in engkim a nei a, engkim ah a lungawi a, engkim a hmangaih thin. Vantlang thil a vawnghim a, hlepruk ai a chawibelh a huam a, hlim na hi man a lei thei a nilo a, thiltha tih atang a lo parchhuak a ni tih a hriat tlat avang in midang tanpui tur in a inpeih reng a, a rohlu chu tangkarua leh lungmantam a khawl lo in hmingthat na leh zahawmna in a khawlkhawm zawk thin. Tichuan, chhuan tamtak thleng a seng tlak in a thawhrah chu a lo vui thin a ni”
“Mi rilru rethei erawh chu sum tamtak nei mahse a thenawmpa sum chanai a it tlat a, neih theih dan a ngaituah a, muthilh harsa a ti thin. Lungrem chhahpui phen a a sum khawl chu suamhmang leh rukru ko tu, pa leh fa in nghirngho na chawk chhuak tu mai a ni. he khawvel a rochun reng reng loh tur ah hian a in chhekarbawm a. vawilehkhat ah a rosum zawng zawng nen chatuan a ta tih boral in a awm thin”
October 9th, 2010 at 11:35 pm
Rilru lama hausak hi chu thil har tak a ni.Eng ang pawn tum ila rilru lama hausak tih hi chu chhum reilote langa,kiang leh mai thin ang deuh hi ni.
Tuna comment tute ho pawh hi hausak leh retheih thlang thei dinhmunah chuan ding ula,hausak in thlang ngei ang le.Khawvel ni miau hek.Rethei tak chunga rilru hausakna neih hi thil theihloh tluk ani.Nei pawh ni ula a daih rei lo.Nupui/pasal in la nei ngei anga,chutiangin fate pawh.Kan upa tial2 a,mamawh a tam tual2,thil duh a tam tual—>rilru hahna leh buaina tur a tam tual2…pessimistic lam anilo khawvel kalphung mai ani.
Report this comment
October 9th, 2010 at 11:45 pm
#50 khawpuia, Nie, i sawi hichu tehna pakhat mai a ni. Kan theihna zawn a inanglo theuh, mihring famkimlo kan nihna nihi….a zawng zawng chu har ve deuh ania aw. Hei vang tak hian ania mihring hi Pathianin trap theia min siam…. lungawi vek ila trah theihna hi siam tel ngailo reng2.
NOI
Report this comment
May 23rd, 2011 at 9:12 pm
Lungawina ka neih tlat chuan mite kamthuah rualin kam thuah ve thei lo mahila hausa ka lo ni.
Report this comment
August 2nd, 2011 at 10:00 pm
Thinlunga hausak hi thil harsa tak leh neih mai mai theih loh anih avang tak hian alawm mahni chantawka lungawi thiamte hi an awhawmna ni reng ni. Chutih rual chuan chan tawka lungawina hi mihringte ah thil awmthei a ni tlat maia, chumi nei tura thil tul pakhat ka hriat chian em em chu nu leh pa tena an fate hnena lungawina dik nei tura an zirtir hi a ni. Nang i nu leh pa ten thinlung taka lungawina nei turin an zirtir nasa che nge, pawisa tamtak thawkchhuak tura lehkha zir nasa turin an tir che…nge hah taka thawh loh chuan midang in awt ang min ti? I thiltihna apiangah taima tak leh thinlung takin ti la, i thawh rahah lungawi zel tum fo thin ang che tih te hi kan inzirtirna tamber ni sela chuan hetiang em em hian Mizote hian incheina leh thil neih lamah chauh nilovin hma kan sawn tur hi a ni na aleh…
Report this comment