Tunlai chu mahni hna lamah ka buai deuh a, thil han post ve ka tum ngial pawh hian ka pamtul leh thin. “Mahni seh seh mual hranah”, an lo tih ang khan mahni luhchilh lam hna hi kan vei theuh mai awm e. Thawkkhat lai atang khan, kan line a kan tawn tam lutuk loh ka tawng tam ta riau a, ka misual pui te ngaihdan leh rawtna ka han sawm khawm teh ang.
Natna avanga khumbet satliah mai ni lo, medical taka mihring tana beidawnna chin thleng tawh te, life expectancy rei tawh lo tak te kan nei nual mai. Heng te hi Mizo takin, ” Hringlang tlanga Pialral waiting list” a awm te ka han ti a ni; tuma pawisawi lo tur leh tuma huatthu chang lo turah ka ngai ngawt a.
Hetiang dinhmuna ding mek te hi (cancer natna tlakbuak), an rilru a fim a, chhia leh tha hriatna tluantling nei an ni tlangpui. An hmalam hun thim tak (mihring takin) hi an hrethiam a, pawm thiam an awm a, pawm harsa ti pawh an tam hle thin. An dinhmuna ding ve lo tan chuan a nihna tak hriatpui a har hle ang. Hmalam hun tawn tur rei lote nei anga an lan takah hian nitin enkawlna lamkawngah an mahni leh an chhungte tana tuar nuam leh pawm nuam tura inbiakpawh tawn hi a harsa riau thin. Helam (a enkawltu lam) atanga ngai a kan lo neih mai theih hi, a dawngtu lam tan chuan thil serious tak a lo ni thei thin si a.
Heng te hi ngaihtuah zau a tan ka han chhawp chhuak a ni.
1. Terminally ill te hi kan enkawl danah a dawngsawngtu tana nuam leh duhthusam thei ang ber tur hian engtin nge kan tih ang (damdawi lam ni lovin).
2. Thih hnu lam khawvel sawipui chiam te hi a chi ber em?
3. An dinhmun diktak hi a ruhlangin kan inhrilh tawp mai dawn em ni? Beisei bo takin kan insiam thei angem?
4. Tawngkam mawi taka thlamuanna thu leh mahni dinhmun theuh pawm thei tura han inhrilh hriatna tur tawngkam hman a mawi bik te a awm em?
Ka misualpui te, chhungte damlohna avanga tawnhriat nei in lo awm nual tawh maithei a ni. In tawnhriat atanga in thil hmuh te han share ula, rawtna neiin han sawi bawk teh u. A lawmawm viau ang. Hriat ngei atan a tha, ka sawi hmaih si te a awm bawk ang, chung hlei hlei chu sawichhuah a tha hle ang.
Ka lawm e.
…khrum
Similar Posts:
- Kawppui neite tan
- Heti zâwng ve thung hian aw…
- Ngaihtuahna
- Fa enkawl
- Thufing leh Mi Ropuite thusawi Part – II
October 17th, 2010 at 12:48 am
Sihal, han chhang ve teh. ngaihdan tha tak i lo nei khiau maithei a sin le. Ka lo ngaithla kar ange.
…khrum
Report this comment
October 17th, 2010 at 12:53 am
#29 leh #35 khi ka ngaihdan a nih ve khi.
Ozima & Mama_B, oops, ‘Mission’ zawk pawh chu a ni mahna, ka chiang tawh lo, tihpalh. Sawrkar lawng, a hmang tangkai tu ten an nunna an nghah ngam na thin leh an duat em em thin lo kah chhiat ngawt mai kha, adventure lama tui ho leh a hmang thin ho kan rilru a na teh asin khang lai (a hun lai) ngat phei kha chuan. Thil dang sawi teh ang u
Report this comment
October 17th, 2010 at 12:55 am
1. Damlo bakah a chhungte thlaphang em em te kha doctor chuan a hma tel a ngaiin ka hria, an dinhmun tha theih ang ber hriattir a (false hope nei lo tur siin). An thu leh hla pawh dawh thei taka ngaihthlak sak a, an lawmthute pawh lawm taka lo dawn let ve nise a that ka ring.
2. Thih thlamuanna an neih ngei na tura hma lak turah ka ngai mai.
3. An dinhmun dik tak hriattir a tha ang, thlarau leh chhungkaw thil tea an inbuatsaih theih nan.
4. Tawngkam hman uluk chu a ngai khawp ang, han suggest tur phei chu ka hre lem lo. Damlo in ‘ka chungah hetiang hi a thleng thei lo ang’ tia pawm lohna leh haiderna a neih lohna tura sawi thiam chu a ngai ngei a, a tawngkam a pawimawh rualin doctor in a ngaihsak zia leh a theih tawp a chhuah tih an hriatna khan an thu dawn an pawm theih kawngah a puih ka ring.
Report this comment
October 17th, 2010 at 1:02 am
ASKhiangte, i thurawn leh ngaihdan chu a tha hle mai. Zawm chi tak a nih ngei khi.
…khrum
Report this comment
October 17th, 2010 at 1:07 am
@khumchikthei, thanks.
…khrum
Report this comment
October 17th, 2010 at 1:11 am
Natna khirh zual bik neite hi ami a zira an dinhmun hriattir nisetih hi kapawm a, mi pangai chin angah chuan inhrilh ngei hi a tha. CMC Vellore-ah hian doctorten tlang takin an hrilh mai thin.Pastoral care and counseling lamah pawh hian natna zep sak tih lam a awm lo. Tin,hnam fing zawkte chin dan pawh niin a lang a, a puitlinthlak bawk.
He lam thilah chuan Klubber Rose lehkhabu hi a informative fu mai. Thih hlauhawma awmte nunah hian stage hrang hrang – shock period, denial,bargaining,anger, depression, acceptance tihte a awm a. Heng stage-te hi damlovin a zavaiin an paltlang ngei ngei tihna erawh a ni lova, thil awm dan tlangpui sawina mai a ni.Shock period a an awm laia thite pawh a awm theih. Eng stage berah nge damlo hi a awm tih chik ila chumi a zir chuan a enkawl dan pawh a danglam a ngai ang. An dinhmun an pawm thiam hun an thlen hi kan goal-ah ngai bawk ila. Inzir duhte kan awm a nih chuan theological college library-ah Pastoral Care lam pang lehkhabuah hmuh tur a tam mai.
Ka nu kha thisen cancer-in a thi a, kan hrilh lova, ka inchhir em em a ni. Kan hrilh lo na a, nu fing pangai a n i a, a rukin a hriat tho ka ring tlat a. Hria anga awm kha min ven thawnna lamah a duh lo a nih ka ring. Nat a hnuhmana thil inthup awm tlat khan boruak a tirit lutuk a, a tha ka ti lo. Pathian hria, mi piangthar a ni lehnghal a, thlarau lama a hlawkpui tur ang leh keini a chhungte pawhin kan hlawkpui tur angin kan hlawkpui lo niin ka hria.
Report this comment
October 17th, 2010 at 1:22 am
hltm i sawi bengvarthlak hle mai, ka chhinchhiah kar mai. A lo nih chu, in lusun ni te pawh a lo rei tawh viau maithei, tlai khaw hnuah ka tuarpuina ka hlan a che.
I sawi anga hmangaih tak te laka thihna khum kotlanga thut reng lai pawh a zep tlat ngai/tul mai chu, tun hnua ngaihtuah lehin a inchhir theih viau ngei ang le.
I comment khi ka appreciate khawp mai.
…khrum
Report this comment
October 17th, 2010 at 1:42 am
#56 html ti a ka lo chhiar pek chu le, Bengvar thlak khawp mai.
Report this comment
October 17th, 2010 at 7:06 am
Kan hrisel emaw ‘sel lo emaw, “Next moment is my turn …” tia inring vek ni hlawm ila! :lol:
Report this comment
October 17th, 2010 at 4:46 pm
Bucko hei ngaihdan han sawi ve rawh le.
…khrum
Report this comment