A khuhhawnna
Ni chu kawlah a herliam tep tawh a. Nungcha tinrengte chuan zan hun an hmanna tur zawngin an hmanhlel hle tawh a. Mihring zi nuai nuai mai pawh chu hmanhmawh takin an in lam panin ni tlak hma, thimin a tuam hma ngeia inlum thleng hman turin a an kal dawr dawr a. Hnathawk an bang a, mipui khawlaia awm an vang tan a… ni chu a tla ta! Thimin khawvel a rawn tuam ta a..
Thim zingah thuin..
Thim hi chu a nelawmloh a ni. Khua a han thim dek dek tawh hi chuan ka thauah a man titih tlat thin nia mawle. Chhuna ka tihngam reng kha thim hnuaia a han awmchiah chuan ka ti tlat tawh thin.
He thim hi mihring tan chuan hahdamna hun tha tak chu a ni tehmeuh mai. Mahse, rilru hahnain a tuam, lungngaihna chhirhdupa tang tan erawh hahdam a hnekin manganna belhchahtu mai a ni zawk si a. Chhun khaw eng hnuaia an rilru tihahtu em em kha vei zuiin muttheihloh phah nan an hmanga, an taksain a tuar phah thin.
I hringnunah ni a tla maw?
Han inen teh ang u le. Humsual daiin, kan rahna a phet a, kan lawmna chu lungngaihnain min tlakbuakin hlimna chu mittuiin a rawn zui fo a nih hi. Hmangaih tak i neia, in inhmangaih a maw i tihlaiin a rinawmlohna i hre ta a. Chutah chiah chuan lungngaihna chhumin rawn zin hnan chein, ni eng hmu lo turin a sim thin che a nih kha.
Ni e, thenkhat chu an nun phet laklawk tawhna chu hmanruaa hmangin an nun chu thimin a rawn bawh tan a. Chu thim chuan an rilrua hnathawkin eng hawisanin thim lam an hawi tlata. Manganna vawrtawp lo thleng chu hmachhawn ngam lovin an nun hloh ta tam tak an awm. Beiseina nei thei tawh lova thimin a tuam tak tak tawh hi chuan hmachhawn ai chuan vak vakin tluk hun an nghak mai thin. Chutia an tluk tawh chu tho leh thei lovin an tlu hlen tlangpui thin.
Ngaihtuah teh..
He hringnun hi ngaihtuah teh le. Manganna leh lungngaihnate tawk lovin hlim reng ta ila dam hlutna i hria angem? Thih duh hial khawpa rilru mangan chang i nei thin maw? A nih lungkham nei lovin awm reng ta la, he hringnun hlutna hi i man thiam dawn em ni?
Ni hi tla lovin eng reng ta sela he thim hlutna, hahdamna leh rilru sawrbingna hun hi a awm dawn lo tihna a nia. Nun a hman nawm theih a rinawmloh a ni tiro. Chuvangin thim hnuaia i awm ve zeuh khan beidawng lutuk duh suh, a eng zawngin thil thlir rawh.
Ni chu tla rawh se..
I nun atang chuan ni tlain, vawi tam tak thimin a tuam tawh che pawh a ni thei e. A changchuan dam duhlo khawpin lungngaih chang i nei ngei ang. He hringnun kalphung hi a ni tlat si a. Hmangaihtu leh lainattu nei tawh lo khawpa inngaiin i nunah chuan ni pawh a lo tla ve tawh pawh a ni thei. Tunah pawh a tla mekin, nakin lawkah pawh a tla maithei. Chutianga ni a tlak chuan hei hi hrereng ang che- NI A TLAKIN A LO CHHUAK LEH THIN tih te mai hi!
Similar Posts:
- Kawng chu min hrilh rawh..
- Chun leh Zua te
- Hringnun (Chapter-II)
- Pawi ti miah suh!
- Suangtuahna Ropui
October 18th, 2010 at 8:47 am
Ni e, A tla thin reng lo em ni le..heheee
Ziak tha ang reng e!
Report this comment
October 18th, 2010 at 9:02 am
Ni tla in ni thar a hring chhuak a, ni thar rawn in her chhuak in nunphung a thil tangkailo kan tih thin te herliampui zel teh se… Have a Good Day…
Report this comment
October 18th, 2010 at 9:09 am
Ni chu chhuak rawh se… :LOL:
Report this comment
October 18th, 2010 at 9:15 am
Ka la chhiar hmanlo na a kan kawmen ve phawt ang e..
Report this comment
October 18th, 2010 at 9:17 am
huizzz engtikah mah hian ka first ve thei lo a ni e, ziak tha khawp mai tih te mai hian kan comment ve a ni e.
Report this comment
October 18th, 2010 at 9:18 am
A tha ngei mai. Nun chau leh beidawng, bible chhiar leh tawngtai pawh ti thei tawh manglote tanah pawh fuihtu tha tak a ni e.
Report this comment
October 18th, 2010 at 9:26 am
hringnun hi ka ngaihtuah thin naupang thawveng mahse nu leh pa phena kan awmlai te kan lo tleirawl chho nun te leh eizawnna kawng dalin mahni ke in kan han ding tante, chutah vanglai kan han pel tan turte leh retire hun tutrte tar chak lo kal khur det det kan nih hun turte a khawilai ah pawh hian – mite tan hnawksaklo nithei ila tih hi a pawimawh hle in ka hre ve thin kei misual hian
Report this comment
October 18th, 2010 at 9:26 am
Mihring nun ah hian thim leh eng hi awmm tura khuanu rel ani ve reng a,a hmang thiam leh thiamlo hi chu awm ani.Then khat chuan an nun ah hun harsa(Thim)an tawnin,an hmalam hun atana in buatsaih thiam nan leh chhel na pe tu atan an hmang hlauh zawk thin.
Report this comment
October 18th, 2010 at 9:34 am
@Keimah Thingtlangpa, iva ziak thra tehreng em
Report this comment
October 18th, 2010 at 9:37 am
Fuihna thu tha tak kan dawng leh ta. There shall be sunshine after rain tih hla nen pawh a inzul hle. Hring nun hi thim leh eng, kawng ngil leh bumboh, phai zawl leh kham chheng chhia.. chutia indawt zut reng chu a ni. Rahbi tleu hun a awm a, lei rem rah hun a awm, beih hram hram nun hi a pawimawh khawp mai.
Report this comment
October 18th, 2010 at 10:27 am
Ziak tha pap hle mai…Nia mihring nun hi hlimna hlir ni ta se chuan khawvel hi a ho ngawt hi ka lo ring ve thin….
Hringnun hian thim leh harsat chang nei thin mahse buai chuan tawp hun a nei a,lungngaihna chuan reh hun a nei thin…chuvang chuan hmalam hi a eng zawng a thlir hram zel hi a tha reng a ni….
Report this comment
October 18th, 2010 at 10:47 am
A ngaihnawm hle mai!Hringnun hi chhiar thiam a lo har fet mai alo ni reng mai!Naupang reng tur emaw intih lai te in kan lo upa viau a,hlimna hmachhawn tur a rilru a in buatsaih lai in hreawm vawrtawp ten min nangching bawk a,beisei loh malsawmna dawn chang a awm bawk,vanneihna/vanduaina zawng2 neih bik erawh khua nuna phal bik lo a,lungngai a kun reng pawh a tha chuang lo.Hring nun hi a ngaihnawm in a lunglenthlak ang reng ngawt in ka hre ve thin!Thil siam dang zawng2 ang bawk in kan la liam ve ngei dawn a. he hla hi-
Lead, kindly Light, amid th’encircling gloom,
Lead Thou me on;
The night is dark, and I am far from home;
Lead Thou me on.
Keep Thou my feet; I do not ask to see
The distant scene one step enough for me.
Report this comment
October 18th, 2010 at 10:48 am
Post tha khop mai, mamawh lai taka kan chhiar chu..ka lawm e
Report this comment
October 18th, 2010 at 10:49 am
ka la chhiar ang a vaiin hihi
Ni chu ni e, tla ngei rawh se :))
Report this comment
October 18th, 2010 at 11:00 am
A thupuiah hian “Ni chu chhuak rawh se” ti zawk la. :lol:
Report this comment
October 18th, 2010 at 12:08 pm
@A post tupa
“Tiro” hi eng tihna nge? i article rawn post-ah ka hmu ve ziah.
Report this comment
October 18th, 2010 at 12:42 pm
Ziak tha thin khawp mai, a ngaihnawm, lung a kuai… Sawi zui vak hman ka châk…
Report this comment
October 18th, 2010 at 1:54 pm
#16 ka tihpalh a ni. Fimkhurloh rah a ni e. Min ngaidam mawlh teh u.
Report this comment
October 19th, 2010 at 7:05 am
Ni a chhuah hian, a tla leh thin.
Juda culture-ah chuan ni tlak atanga ni tlak leh hi ni khat a ni a, Biblical tak pawh a ni.
Anti-biblical ang zawngin khawvel a inher daih tawh a, “zanlai atanga zanlai hi ni khata chhiar” tan a nihna hi a rei tawh hle.
Report this comment