Ni 21 Oct., 2010 ah Mizoram University zirlaiten rui lo hai lova Univ. motor hial an halna chhan chu Registrar Benjamina vang a ni. Zirlaite thil phut mawlmang tak, awlsam taka a tihfel theih mai chu THARUM hmanga nek kal ngai khawpin a luhlul a, Sorkar Bawng pa tuai tan chuan Sorkar thil hlut tur anih vei nen AMA PRIVATE CAR chunga a thlentir hauh lo tur a halraltir ta anih kha. MZU student te tanghma ngai awm takin PRESS hmaah ala insawi fihlim lehnghala, MIZOPA rilru a pu pha lo hle mai.
Zirlai, master degree thleng pha chin chuan a tana thil tha a hre lutuk tlat. Attendance Percentage chhe thei khawpin tuman class an bunk ngai lo. Registrer hian a huang chin a hre lo hle mai. Chutih laiin Vice Chancellor awm tih pawh hriat loh khawp a thil a thleng ta mai kha a mak a, a na khawp mai. Car hal chhiat nih hmaain vawi sawm chuang SU hruaituten INDAWRNA an kalpui a, VC a awm tih pawh hriat a ni lo hial awm e. Motor HAL anih hnu, thil tha lo tak a thlen hnuah Registrer supercede-in zirlai te DEMAND chu a pe leh tho si a. Hriatthiam a har hle a ni.
Bus hi ZIRLAITE tan a ni a, zirlaite vanga MZU pawh ding a ni ve bawk. Mi pakhat ve maiin thinrim hrithlak nana a hmang leh, zirlaite zahawmna bosala a thiltih duhlohna lantirna kha thil nep tak anga lang, holam taka chinfel mai theih chu a ni ngei a. Mahse zaidawh taka SU hruaitute dawrna hnualsuatna leh, zirlaite ngaihnepna khan ngeng a chhun lo thei lo a nih kha. Zirlaiten RILTAM takin, an thil phut tihsak mai beiseiin an nghaka, HNAWLNA tawngkam khan THINUR inmung a bengdai zo ngang lo tih a lang a ni. PRESS lamin bias(ed) fe maia thu an tar lang khan thil tam tak entir a nei bawk.
FIRE EXTINGUISHER hman tlak a awm lo tih han hriat te khan thin ava na thin em. Mamawh tak takna hun a thleng anga, kan MUALPHO thui lutuk loh nan enfiah vat ava tha em. Kan POLICE te an lo lang rang fu a, hmanni lawkah Falkawnah an mualpho tawh bawka, an FIMKHUR thiam ve khawp mai. Zoram mipui te hian kan hriat tura ka duh chu he thil thleng hi REGISTRAR kutkawih liau liau a ni a, AMAH hi hrem phu chu a ni. DICTATOR kan mamawh tawh lo, history-ah an hun a liam tawh e.
Similar Posts:
- MZU thilthleng chungchanga Ex-Students Thuchhuah
- MSU FIR thehluh chhan kimchang
- Health Director thlavang hauh
- MZP in sikul naupang inchei dan ngaimawh
- Technical Entrance Exam Result hi
a hrang emaw hrang lo...
October 25th, 2010 at 1:45 am
Chhiar hmasa phawt ang
[Report abuse]
October 25th, 2010 at 1:46 am
@saitawk,min lo chhiar kep mai,ka mut sn dawn che u:)
[Report abuse]
October 25th, 2010 at 1:48 am
SUUU kan ti SEEE leh dawn ni maw?
[Report abuse]
October 25th, 2010 at 1:48 am
Chhiar hmasa 4 teh ang.
[Report abuse]
October 25th, 2010 at 1:49 am
chhiar lovin a topic trang a kal lam hriat..thil buk uai lawng2 hi kan sim ngai fu lo maw..a lai takah hian khai ila thil reng2 hi,tichuan mi rilru puitling nihna thekz..
[Report abuse]
October 25th, 2010 at 1:59 am
MZU bawk maw, thiamchang inti leh thiamchang inti hi chu an inrem mawh teh a nia
[Report abuse]
October 25th, 2010 at 2:24 am
Van ang nasa bawrh bawrh ve
MZU a hotu sang lam hi chu an inla high in biak an har tih hi chu an sawi ka hre hnem tawh mai, in en fiah an ngai ani. Staff te thlengin…
[Report abuse]
October 25th, 2010 at 2:31 am
Tu tu te emaw hi chu a hnuai link a mi ang hi in nih duh hmel, hairehai
https://img710.imageshack.us/im.....121676.jpg
[Report abuse]
October 25th, 2010 at 2:43 am
@8
Naktukah chhiar nawn leh ang dangdai em mai 
Maithokz vek phot u auh..
[Report abuse]
October 25th, 2010 at 3:15 am
Post hmasaa ka comment kan ‘paste’ leh mai nge.
hihi…
@Post tupa:Khami ní-a in nawrh dan chungchang leh buaina chhuah tak tak hmaa Registrar te hnena vawitam in thil demand in thlen thu i rawn tarlang a,mahse in nawrh chhan bera i rawn hmaih–>’12:30 bus service’.
Zirlaite hetih hunah hian an bunk nasat thin zia ex-students leh students nilai ho ngei paw’n an rawn sawi tawh kha,chung in bunk thin chu Registrar hian hriain a titawp ani lo maw.Chubakah a hma paw’n (pu digimalt te hunlai niang chu) 12:30 bus hi tihtawp alo ni tawh a,college property tichhe zawngin an che lo.
12:30 bus service thrattir in duh chhanah a thenin class a mumallo/zirtirtu an in daihlo in ti.Chuti a nihte chuan ‘12:30 bus’ aiin class mumallo/zirtirtu indaihlo chu nawrh zawk awm.
A reng reng thuah,’Traffic awareness campaign’ zirlai zawng zawngte attend tura notify in ni a,mahse a tam zawkin ngaipawimawh lovin in hawng san.A hma pawhin seminar leh campaign thil vel compulsory-a attend tura an tih zen zen che u ka ring lo.In admin-te thu in zahloh zia a lantir ani.Helam chu duhtawk phawt ang.
In registrar pawh hi ka dem khawp mai.Hetianga a tihtawp chhante hi thra taka zirlaite hrilh awm te ka tia.Chubakah heng bus service hi fee-a in chawi tel chuan kum laklawh takah a titawp mai theilo,eirukna angin a ngaih theih.A hun leh a hmun-a zirin zirlaite puitling angin leh student angin a treat thiam a ngai ani.
Ka conclusion chu hei hi ani–>in thiamlo ve ve…Mahse insiamthatnan hun ala tlai lo.Tuna thil thleng avang hian inti chawlawl lo ula,harhchhuah phahnan hmang zawk rawh u…
[Report abuse]
October 25th, 2010 at 3:44 am
“Attendance Percentage chhe thei khawpin tuman class an bunk ngai lo….” statistic plizz…???
[Report abuse]
October 25th, 2010 at 3:49 am
Zirlaite thilngiat/Deman naran hi lo Pass sak vek chi an ni kher hian ka hre lo. Tun ah en chuan a dik zawk leh dik lo zawk pawh hriat thiamtheih ani lo thiamthu an sawi ve ve zela tan tu leh demtu an dawng ve ve bawk. Thiamthu sawithei ka ni lo ti in in rem in class thra te te in kal leh dial mai rawh u. In Duh in hmutawha media hmang in thiamthu in sawi leh chiam ringawt hian awm zia a awm phak chuang lo.
[Report abuse]
October 25th, 2010 at 6:20 am
Zirlai te eng ang pawhin thiam inchantir mah ula, eng ang pawhin Registrar chu thiam loh lo in sawi ta mah ula, zirlai ten mi private car hal duhna thinlung, mi thil tichhe zawng a chet pawi tihlohna in nei fo hi chu keini ral atanga lo chhiar te tan chuan thiam chantir in har khawp mai. Danlo a chetna (lawlessness) will not justify your demand in any country – Only in Mizoram!
[Report abuse]
October 25th, 2010 at 6:44 am
HV #8
I link khi… an nu ka dem zawk tlat. ‘Darling, it’s not the hole!’ tih ve mai tur
[Report abuse]
October 25th, 2010 at 7:03 am
Mahni dikna ringawt ngaihtuah a han an chhuah tak bawrh bawrh mai chu le mak hle mai
[Report abuse]
October 25th, 2010 at 8:00 am
in thu a chaurau em mai. University in bus a pelo tih vel mai mai a vanga vai chhe Shiv Sena ho anga chet vak vak mai. In UIH lutuk.
Bus a awmlo anih chuan Pathian in kal na turin KE pahnih a pe che u a kal mai ula. In thatchhiat hlawm nen nawn nen, exercise in lak ngai hmel siloh ke a mel 2-3 kal pawh kha in mamawh viau ta ve ang.
Fa tlum nawrh hrat ang maia silver thirfiante a cerelac barh pek pek beisei reng ang maia nuar reng mai, ngen nei reng mai. In tihtur diktak lehkha kha tha deuh in zir ve teh u, ti ila lo zirchhuak pawh ni ula Mizoram University degree khan khawiah mah hna in hmu dawn chuang silova, Minister leh hmelhriat te sawipui ngai chi vek kha in ni leh dawn thova, in in phu tawk khawp mai.
Te ka tia
[Report abuse]
October 25th, 2010 at 8:10 am
[Report abuse]
October 25th, 2010 at 8:13 am
A khamawm tan dawn ta mai. Class tha te te in kal hle hle ula a tawk. Bus pawh an pek tawh che u kha. Mahni Univ car hal chhe duh ho hi a… Ka comment peih tawh lo
[Report abuse]
October 25th, 2010 at 8:23 am
Zirlai Pawl hi kan pawimawh em em a, mahse LIAN hian kan inhre ta emmmmm a ni e.
[Report abuse]
October 25th, 2010 at 9:22 am
khami ni khan a hmunah ka awm ve char char a,,thil kalphung chu ka hre ve thawkhat chuan ka hria a,,Car Hal kha chu tha ka ti ber lem lo..amaherawh chu,chhun dar khat atang khan kan pung khawm tawh a, 5:30 hma a chanchin tha a awmloh chuan kan ‘che na’ ang tih chu hruaitute khan an sawi lawk thlap.
tin,, Traffic Awareness Campaign notification an ”chhuah” kha chu keini Department chuan kan dawng ve miahlo..a hnu fee ah kan hre ve chauh.
Kawng hnih atanga thlir chuan,,
Zirlaite kha loh theihlohna avangin kan che na mah mah a,,
kan hotupa hi a dictator mah mah in ka hre ve bawk.
[Report abuse]
October 25th, 2010 at 9:32 am
Ka comment peih tawh lo. Pu bena’n rawn post ve tep tawh ang. Misual.com hi rorelna in ah in rawn ngai deuh tlatin ka hria.
Mahse MZU inti mualpho hlawm ltk hi chu ka thinrim. .
[Report abuse]
October 25th, 2010 at 9:37 am
He thu hi a bul bal chu ka hre hauh lo. Mahse motor hal hial a thleng ta mai hi i thlawp tlat maia; i mak hle mai. Fire ho chet muan thu i ziak leh lawi a.
Mizoram hian dictator hi nia, i sawi ang hian kan mamawh lo. Mahse nangma mimal khan i mamawh a nih kha.
[Report abuse]
October 25th, 2010 at 9:44 am
MZU in nakkumah Dept thar an hawng dawn ni awm e, DEPARTMENT OF VANDALISM…..:hairehai
[Report abuse]
October 25th, 2010 at 9:45 am
Nep hlom em mai.. Buai tanna ah kha chuan zirlaite an dik emw dilo emaw An prablem solve tum dan changkanglo (th<ingCham) em mai. Zirlai inti lehkhathiam ve tan chuan tihchiloh ee.. Mimol rual awmkhawm ang mai, Jail tang te hi ngatinge tumah an la awmloh mak ka ti asin. FUTURE aAVA BRIGHT LO EM hi ani ringot. Mimol chapo ho zirlai dang an ti hmingche tel lehnghal
Mi private Car i hal tohlo hram ang un… lungawilohna lantir dan dang a tam nen2 amawl thei angber toh lovin aw..
[Report abuse]
October 25th, 2010 at 9:47 am
Aw aa.
[Report abuse]
October 25th, 2010 at 9:50 am
ASryan ka tan che hahaha.Mizoram sorkhar hausa lutuk leh nuam tawl lutuk vangin kan future ran hruaitutur te pawh an pang chang anih hi mawle.Helamah hian Univesity lar tak tak khawvel a hming lam tham ho pawh hian University bus an neih ngailo sorkhar in khawpui chhung a service tirh /city bus angah hian an chuang ve mai zel nia maw le mahni car keng ve thei lo ho chuan.
Dept bus neuh ang hi tihfo loh zawk chi maw le.
[Report abuse]
October 25th, 2010 at 9:53 am
Keichu car an halsak kha vai emaw ka tih lai kha chuan engatan vak ka ngailova, mahse mizo anih takah chuan ka ngaihdan vung vut toh. hnamdang ngaitheilohna tlat hi ka nei thin a, ka awmna state capital 1 te a an pop. poh mizoram total pop.in kan la tlinlo ania. Chimral hlau ve em2.. HnamchhanDuh.a
[Report abuse]
October 25th, 2010 at 10:00 am
Mizorama kan lehkha zir sang rual, University meuh kal mek te an nih hi. hmabak chu an nei chau ve khawp ang,babutea te ho thuhnuaia party office a contract chhete dil tur ho tih hriat ngawih2. Office hna lian an chelh lem loh hmel khawp mai, heng ho hi chuan. Ti ve em,@everyone…lol
[Report abuse]
October 25th, 2010 at 10:21 am
In thu leh hla, MZU zirlai/mi leh sa ni ve lo tan chuan hriat thiam a va har ve, a khawi lamtang ve2 pawh in insawi thiam zut2 viau si!Eng pawh ni se,hetiang buaina a pawr viau ho hi chu class-khat a a thiam pawl an ni ngai lo tih chu ka chiang!Thil dil/phut in neih a,a pe theitu/thuneitu in ape duh lo che u a ni maia,thinrim ngawt thei in ni lo!thil diltu te an thil dil pek ngei2 hi thu neitu te tih tur a ni kher lo!Tharum in la hmang zui!!
[Report abuse]
October 25th, 2010 at 10:25 am
kum tir lam khan kan nau pakhat hi vairamah Engineering College ah zuk in admit a tum a,Mizoram in Quota kan neihna a ni a, tha thawkhat hle turah kan ngai a. mahse a hmun an zuk thlen chuan rin loh tak maiin building a lo la awm mumal lo hle a,Under Construction alo ni hlom a, Chu College chu khaw pawn,Km 20 vel zeta awm, Private deuh reuh hi a ni a. Mahse, kan Mizoram University changtlung tawh tak in tluklohna a neih chu’ khawpui nen an inkarah ”Darkar tin” Bus Service an nei ziah tho.
[Report abuse]
October 25th, 2010 at 10:29 am
An academic record atanga alan dan chuan khami nia leader role play ho kha UG ah pawh an tichhe lem lo, tin PG a semeter an zawh tawh atanga an mark hmuh pawh zirlai naran ai chuan an sang hret.
Mahni chanvo nia kan hriat te hi claim ngam lem ngamlo hi awm ve theih a nia. Zirlai an thiam leh thiamloh lamin kawngro a su vak dawn em ni.
[Report abuse]
October 25th, 2010 at 10:42 am
Kei chu hmana PUC library hal kha ka ui..mahse tuna Car pakhat kangral chu zirlai thinrim na nena enmil chuan a ho ka ti…ka ui pui lem lo..insurance an claim leh mai ang..he he.. zirlai te pawhin chu chu an hria anga an hal sak ve mei mei a niang..he he…
[Report abuse]
October 25th, 2010 at 11:23 am
Ka sawi tawh kei chuan topic dang ah, Pu Benjamina hi ka ring zawk. Zirlai thalai rilru pawr rual kan nih lai kha ka la theihnghilh bik lo. Hei aia issue lian zawk pawh kan chai ve fo, bungrua kan tichhe kher ngai lo. Kawng te kan zawh mai thin.
[Report abuse]
October 25th, 2010 at 11:56 am
MZU chungchang bawk maw?………ka soiphak chu ni miah lo nangin, tunge?engmi nge? an nih phei chu ka hre lo……mahse Seminar/awareness campaign pakhat kal that loh vanga zirlai za chuang awmna bus timing tihdanglam chu a mak ang reng ka ti……………….
[Report abuse]
October 25th, 2010 at 1:40 pm
Car haltute hi an phutawk hremna pek ni ngei se ka ti. Benjamina in tihfo pawh hi a chanchin thalo zawngin kan hre zing ta malh malh hle mai, sawnbo mai se a tha lawmni le ka ti.
[Report abuse]
October 25th, 2010 at 2:38 pm
A post-tu pa,ka hnial teh ang che, SU leaders te hian direct in Registrar hi an hmu thei hrim hrim a mi?Dept hrang hrang Dean leh HOD te hnenah an buaina hi an thlen ve hmasa em?Registrar thu neihna chin leh a rorelna chin te pawh i hre chiang em?Transport hi ama hnuai vek pawh ni se ADM-III ho chan a ni tih i hria em?Nih leh Benjamina chu lo thiam lo hulhual ni ta se,pawisawi lovin an tawrh ve kher angai tihna a mi?He motor driver hian eng pawi nge a sawi ve a,a jacket an halsak le?motor chhuungah a awm a,lak chhuah an phjal sak lo tiin an sawi si a.Hei hi lo hre teh,heng zirlai,motor sawisa tu te leh hal tu te hi an zirlai aiin social networking,zawlaidi tih velah an tui zawk ang a,a tam zawk phei chuan aim nei lovin lehkha an zir ang.He thil thleng hi mifing thiltih chu a ni lo alawm.Ka zawhna te hi han chhang teh le…
[Report abuse]
October 25th, 2010 at 2:54 pm
Benjamina CV hi hriatchian a chakawm khawp mai. A hria in han tarchhuak teh u.
[Report abuse]
October 25th, 2010 at 2:59 pm
Mr. Benjamina, I.D.A.S tih a ni. Academician a ni lo a, University angah te hi chuan Administration lamah pawh ni se Doctorate degree nei tal ni se an tha a nia. University levela zirna hi an hrethiam tak tak lo thin. Research pawimawh zia pawh a hrethiam phak chiah in ka ring lo.
[Report abuse]
October 25th, 2010 at 3:16 pm
D.A lai tak khi enge aw, defence? Audit? A lan mai danah chuan hetiang educational institution lian a awm chi a va ang lo ve?
[Report abuse]
October 25th, 2010 at 3:21 pm
IDAS : Indian Defence Account Service
[Report abuse]
October 25th, 2010 at 3:23 pm
Indian Defense Accounts Service tihna a ni awm e. Nia, University a thawk atan chuan a inhmeh chiah lo. Doctorate degree nei tal hi ni thei thin se. MZU post ruak hnawhkhah a tum dan khan ka nuih a ti za deuh a, University dangah post doc experience nei desirable an tih tawh laiin anni ve chuan four first class kha an la buaipui a. A nuihzathlak ve deuh alawm! Paper publication neih awmzia leh hlutna pawh a hriatthiam ka ring chiah lo.
[Report abuse]
October 25th, 2010 at 3:28 pm
A nih chu, sipai parachute, alu bag, dal bag, puanin, mawza lum, XXX rum etc vel neihzat vawn fel ai chuan Univ registrar nih chu a nuam ngawt ang lem.
[Report abuse]
October 25th, 2010 at 3:30 pm
A nihna in rawn sawi takah chuan a lo inhmeh vak lo a nih hi…Defence accounts chu defence lamah awm tak ka tia,,,ngaihna ka hre lo kei chu..hehh
In buai in buai pawh hi awm tho ta mai ti khi chuan…
Right person at right job an ti mi kha heheh…
[Report abuse]
October 25th, 2010 at 3:34 pm
Chuvang chu a nia, kei pawn, “A bilhah a tho lo a ni” ka lo tih fo reng ni!
[Report abuse]
October 25th, 2010 at 3:51 pm
AN Rai poh kha an nor chhuah a nianga???????……..:)
A hre deuh chhan atan:
Paper present/research/Awareness campaign etc (Side by side) a kal tur ni awm tak ti ve ngot teh ang. heng ang hi chu UNIV ah te chuan School tinah deuh tho kartin/kumtluanin in a awm thei mai angem? (Ka hre ve hauh lo)
Hetiang avanga Non teaching staff/teaching staff/Zirlai hren a hi thil trul ber a ni thei angem?……..Nikhat thil chu nise a hriatthiam theih mai…convocation ang chi te kha chu nise thu hran, mahse chung ang nikhuaah poh nise Bus service tih tam zawk awm tak ka lo ti ve mai2……..
[Report abuse]
October 25th, 2010 at 3:58 pm
MZU-Registre hi a cc zirlaiten an sawi fo a,mi in duh deuh tak a ni tih deuh zel a ni a, chu bakah a mqualification nen pawh a hna hi a inmil lo hrim hrim. Mizo mah nise vai ang in zirlaite a be tha duh lova chuvangin a tuar ta a ni. He thil ah hian tumah dang mawh la tur an awm lo. Amah vek a ni. Thlak vat chi niin a lang.MZU a thawk reng tlak niin a lang lo.
[Report abuse]
October 25th, 2010 at 4:04 pm
Nia a hnuaiah buaina a tam ta malh2 bawka thil tih danglam hlek chu a hun tawh in ka hria..bakah induh tih vel,biak har tih vel hi a ho ka ti…a cheap…
ka ngaihdan mai2 chuan MZU students te hi sawrkar hian a duat mah2 mani aw..ka ti..chhun haw na tur leh zel motor pek chu ka ti deuh…class neih that loh chhuanlamin an haw a,class latuturte klass lak loh sawisel si lovin an haw na tur tih bo an buaipui deih mai hi ho ka ti bawk…
[Report abuse]
October 25th, 2010 at 4:12 pm
Dictator? option dang leh chu Mob Rule tihna ami Bawngzawl?
[Report abuse]
October 25th, 2010 at 4:14 pm
Taliban
[Report abuse]
October 25th, 2010 at 4:16 pm
50
[Report abuse]
October 25th, 2010 at 4:16 pm
Dictator awm lohna misual dot com comment huang ah in tan phek thar, kha le..
[Report abuse]
October 25th, 2010 at 4:57 pm
Administration lam khawih tur chuan Doctorate a ngai kher em ni? Civil service lam ho hi administration lam khawih tur chuan an awm ber zawk lo maw? Hemi lama Training engkim paltlang tawh an ni a, Mussoorie chhuak ho hian an chanvo pawh hneh viau thei tura ngaih an ni asin.
[Report abuse]
October 25th, 2010 at 5:13 pm
University level hi chu a dang deuh a ni. I ngaihdan chu a dikna lai pawh a awm e. Kei pawn hriatthiamna lai ka nei. Mahse, doctorate degree nei leh nei lo kar chu a dang khawp mai. An hnuaia awm chiah chuan. Academic lam kaihhnawih a nih chuan chutiang lam mi chu ni thei thin se a tha khawp mai. MZU registrar hian midang hriat em em loha a rawn hnem ber chu Prof. R. Lalthantluanga a nih ka ring tlat. Chumi awmzia chu civil service te pawn University thilah chuan academician tho a ni an rawn ni. Dr Kathing, tuna Jharkhand University VC ni ta te hi registrar rei tak ni tawh a ni a, zirlai te pawh a hrethiam bik. Sawiselna tur a awm ngai lo khawp mai.
[Report abuse]
October 25th, 2010 at 5:31 pm
A dik khawp mai. Mahse, han tih deuh talh duh ka neih chu University ah te chuan administration pawh academic leh general in a kal ka ring a. Registrar hian General administration a chang bik deuh ka ring bawk. Academic lamah chuan HOD, Dean, Pro VC/VC te hian a inkhaidiat ka ring bawk. Chuvangin VC nep deuh an neih chuan Registrar a active a ngai ngei anga, a huang lo pawh a dai zeuh zeuh ka ring. Mahse gereral admin lam khawih tur chuan Civil Service lam mi an tha turah ka ngai.
[Report abuse]
October 25th, 2010 at 6:18 pm
Registrar thar nei sela a tha berin ka ring. A thawkte leh lehkha a zir lai atanga amah lo hre tawh tute ka zawh in a chanchin an sawi tha lutuk ngai lo em mai! Kei chuan ka hre chiang ve lem hlei lo a. University dangah hian civil service mi an ruai thin em tih ka hre chiah lo a, NEHU hi chuan an ruai khat khawp mai. Finance lamah erawh chuan rawih ngei an ngai thung a. Tin, thu neih viau an tum ngai hek lo. VC mumal deuh leh tha deuh nei sela, a tha mai ang. Civil service lam mi that lohna pakhat ka hriat ve chu an in ti thu thin mah mah a, biak an har in, mi dang hriatthiamna an tlachham tlangpui niin ka hmu ve thin. Chutih laiin University thilah hi chuan Proffessor tlaktlai deuh chuan an thawh ang hi an thawk ve thiam tho bawk a, zirlai an ni tawh a, research pawh harsa taka lo ti ve tawh thin an nih avangin zirlaite harsatna pawh an hrethiam hma bik thin.
Univesity level ah chuan civil service mi leh sa pawh ni se, doctorate degree nei hi an tha nge nge. Mipui mi mir enkawl tur chuan BA chauh pass chin pawh an pawi chuang lo a.
[Report abuse]
October 25th, 2010 at 6:43 pm
Pu Benjamin-a hi keichu ka hrechiang em em loa, misual thenkhat hriat? ang hian. MZU Registrar nihna aia ropui zawk hna nei thei a ni an ti, mahse MZU ah a lut ta a. Amahah inchan hian a hna thawhpui tu hi an tam em a entirnan MSU, MZUSU, MZP chutah Tanhril khaw ho hnen atangin buaina a awm thin thul..kei ni ila ka bang hmak tawh ang. Amaherawhchu mi dawihzep tak mai ka nia keichu akekeke
MZU hotute lu hi a hai thin dawn lutuka, ka khawngaih hlawm ngei mai.
[Report abuse]
October 25th, 2010 at 6:56 pm
Sorkar Bawng pa tuai tan chuan Sorkar thil hlut tur anih vei nen AMA PRIVATE CAR chunga a thlentir hauh lo tur a halraltir ta anih kha. A haltir tih reng reng ka lo hre lova..
MZU student te tanghma ngai awm takin PRESS hmaah ala insawi fihlim lehnghala, MIZOPA rilru a pu pha lo hle mai. Mizopa rilru i tih ang chu i rilru puthmang ang hi em ni? yuk!
Zirlai, master degree thleng pha chin chuan a tana thil tha a hre lutuk tlat. Attendance Percentage chhe thei khawpin tuman class an bunk ngai lo Master Degree zir ve satliah an lo mawl theihzia leh an tana tha an hriat lohzia a chiang viau zawk lo maw? Attendance Percentage chhiat vanga buai an la awm miah lo niin i sawi a..khawnge a proof? statistics?
PRESS lamin bias(ed) fe maia thu an tar lang khan thil tam tak entir a nei bawk. Nang zawk hi i biased a ni mai lo maw le…nge bias awmzia i hre lo?
[Report abuse]
October 25th, 2010 at 7:03 pm
University registrar tur hi chuan university kalphung hre pha ve chin chu duhthusam ania lawm, alchemist sawi ang hian civil service ah pawh university chungchang hrepha an awm teuh ang chu. Tun a buaina pawh hi University student te zahna nei lo, pawngpaw ‘ka tih chu ka tih’ ti ve satliah ringawt in a hrin chhuah a ni. University hi zirna sang ber a ni a, studentte pawh zirlai satliah mai an ni lo a, Phd ti laite, master tilaite awmkhawmna ani. Mipuitling chin fuankhawmna ani a, university student te hi khawtlangah leh kohhranah pawh khua, veng aiawhtute an ni ngei ang. Pawngpaw in awpbehna hmun ani lo. University chuan attendance chungchangah dan leh dun a nei ang, chumi zawm leh zawm loh chungchang chu studentte thu thu ani mai. 75 % attendance an neih theih nan administration lam hmalak tur chi pawh a ni lo. Bus cancelte lek phei chu a tih a tih chi a ni lo hrim hrim.
Student te thiltih hi a tha hauh lo, mahse cho chhuah luih a ang khawp mai.
Buaina tam tak a chhuah dan atang hian registrar hian a hna a tlin lo tih sawi sawi angai lem lo. Thil chiangsa a ni. Registrar hi chuti takin an lar thin tih pawh ka lo hre lem lo, intih lar a tum zawk nge mawni te ka ti mai mai.
Thil pawi tak chu registrar tantu ten tenawm tak a thu vawrhdarh an tum zawk hi niin ka hria. Kan Professor neih ve chhun te tih hmingchhiat an tum daih maite hi a mak hle mai.
Pu Bena hi hnathawh thiam tak ani mai thei e, mahse university enkawltur a tan chuan a tling tawk lo a ang viau mai.
[Report abuse]
October 25th, 2010 at 7:16 pm
Mut hma kan sawi ve mai2. Ka hmelhriat tha MZU a zir bus hmang ve tho ho chu bus service tih tawpah an buailo. Hei te mai hi ka sawi theih tawk.
[Report abuse]
October 25th, 2010 at 7:18 pm
Pu Benjamina hian a hna hi dik taka thawkin, zirlai ho discipline tha tak nena kaihhruai a tum lai che uin nangni zirlai ho zawk hian inti “Master Degree” zir takin in ngaithei lo va, a “dictator” em mai in ti lek fang a ni lo maw?
Comment #10: “12:30 bus service thrattir in duh chhanah a thenin class a mumallo/zirtirtu an in daihlo in ti.Chuti a nihte chuan ‘12:30 bus’ aiin class mumallo/zirtirtu indaihlo chu nawrh zawk awm”. Dik lutuk!
[Report abuse]
October 25th, 2010 at 8:32 pm
University danga registrar tehi tuna Pu Bena anga lar vak hi ka hrelo khawpmai… University zirlai tehian registrar te aiin an faculty te an hre lar tlangpui…
Ralkhat atanga ka thlir danin MZU hi a hahthlak hmel khawpmai… hei hian mizo mentality a reflect hle in ka hria, faculty lama hotu tepawhin diklo takin duhsak bik neiin hna lak an tuma, administrative wing lam pawh thalo takin an induh kual a, student tepawhin an kuanglo an nawr a…
Hetiang vel diklo leh diklo in nawr kual vel chanchin ngaihthlak reng hi a ninawm… nangmahni threuh kha rational takin lo in siamtha teh u.Students tepawh khan in zirlai tekha nangmahni nunah aply ula, mentality tih san nan te lo hmang ve teh u… grrrrrr
Students ka sawina khi in rilru alo na maitheia, mi fing leh tha tak chu an awm tih ka hre tho na in, mi tamtak hi chuan, an zirlai hi exam nan an hmang mai maia an life ah ngaihdan rational tak neih phah nan te an hmang lemlo… heihi mi tamtak ah a dik…
[Report abuse]
October 25th, 2010 at 8:53 pm
Funny hi a fing sawt riau mai…lol
[Report abuse]
October 25th, 2010 at 9:39 pm
coolsoul09: hahaha chutia ka fin vak na pawh kalo hre hleinem, real life ah chuan, ka bula awmte aia hniam deuh hret hlir hi kani thrin zawk ani tun thleng hian…
[Report abuse]
October 25th, 2010 at 10:48 pm
MZU kan hmangaihna lama thil kan thlir dan hi a inang lo tlang ngawt mai. Comment hrang hrang ka lo chhiar a, ka rawn comment chhawng veleh e.
#13 V-a_USA & 24 Nghatebak, an car hal hi MZU Registrar private car a ni hlei nem, MZU Official Car zawk alawm, MZU pawisaa lei a ni. MZU zirlaite hian MZU hi anmahni ta anga an ngai ve ngai a nih chuan Cheng Nuai Nga chuang anmahni pawisa an halral tihna a nih chu, mifing thiltih chu a ni lo phawt mai!!
#38 alchemist, Pu Benjamina hian research pawimawh zia a hre lovin i ring a, Defence Research & Development Organisation (DRDO)-a a awm lai pawh khan Indian Missile system research chunchangah Dr. APJ Abdul Kalam te nen khan an meeting fo asin, kha ti khan research pawimawh zia a hriat i la ring lo cheu em?
#45 malsta27, Paper present/research experience te hi a namai lo. Paper Published an tih tak phei chu Research Journal, Natonal level or International Level-ah chuan chan har tak a ni. Paper an han thehluh te hi Editor thiam tak2 ten an lo scrutinize a, chumi hnu-ah Referee ten an exam leh phawt a, chuta chhuah tlaka an ngaih chauh an chhuah. Heng level-a article chhuahsak te chu chhuan pawh an inchhuang viau thin.
#46 Hrelian, Pu Benjamina qualification chu MA (History) a ni. Chuan a service chu IDAS a ni. University Registrar ni tur chuan Master Degree with not less than 55% marks, experienced administrator an nih a ngai. Professor ho pawh hi an ni thei tho. Pu Bena hian Defence Ministry hnuaia a awm laiin vawi tam tak a rorelna khauh tak avanga mipui pungkhawmin an hual luih luih a tawk tawh, chutiang huna zam ngai lo leh mahni principle-a ding nghet tlat mi a nih avangin kan University naupangte, a hman hmanin an nawk bawrh bawrh rawn develop tura an thlan tak kha a ni.
#56 chhingkhuala, thil i thlir thiam e. Hei vang hi alawm kei pawhin Pu Bena leh Pu Raia te thlavang hi ka hauh fo. An rilru hnual tur lo fuih thar lehtu hi an mamawh ve teh mai asin. Alchemist te hian Pu Bena te dinhmunah hian dingin, an contribution ang hi neiin, heti khawpa archuktuilo zet hian miin chhuah leh ta si se, Mizo mipuite sual zia nasa taka tlangau puiin a bang daih tawh ang.
#58 lrpa, Pu Bena hi Defence lam administrator a ni tih chu kan hria, mahse MZU-a a awm hnu-a University kalphung a hriat tak em em zia hi mak deuh a ni, mi taima tak a niin a awm chhunga Administrative System tam tak a siam that te, Financial management lama MZU hmasawnna mak tak te, infrastructure development zuang zawk zawk te hi i hmu pha ve lo em ni aw? MHRD leh UGC ah pawh Registrar tlatlum ber pawl a ni thei nghal der asin, a thiltih thatte’n a recommend a ni ber e. Ani aia tha Registrar kan nei tawh em? IAS Officer leh Professor ngei pawh Registrar kan nei tawh, eng hmasawnna nge kan neih? Han chhang teh.
[Report abuse]
October 25th, 2010 at 11:04 pm
@ 64 Hna lak an tum dan atanga a lan dan kha chuan an ngai pawimawh lo deuh chu a nih kha. Ngaipawimawh selang chuan desirable ah PhD emaw, Post Doc emaw te pawh an dah ang chu maw le. Chuti chung chuan a ngai pawimawh ila ti cheu a maw! Research chungchanga meeting tihte mai mai chu BA pass lo pawn an thei lutuk ringawt. Nang hian amah kaltlang hian hna te i lo beisei deuh a, i lo tran tlat te hi a ni lo maw!!!…
NOI
[Report abuse]
October 25th, 2010 at 11:43 pm
@65 Alchemist, hnalak chungchanga Screening Criteria chu Academic Council leh Executive Council te’n an pawm ang ang kha Ordinance-ah dah a ni a, MHRD-in a approve hnu-ah MZU Ordinance (Dan)atan hman a ni. Mahse tute nge Screening chu ti ta? Registrar-in em ni? Ni lo, Department Head hovin Department lamin an ti phawt a, chumi hnu-ah Dean hovin an thlifim leh thin. Chutah chuan Registrar chu mawhpuh viau tur em ni? Tin, Pu Bena hnuaiah eng hna mah ka beisei lo, mi tam tak eizawnna siam sak tumin ka insang phek mek a ni zawk e.
[Report abuse]
October 26th, 2010 at 12:10 am
Hna lak dan criteria i rawn sawi hi chu a dik lutuk e. Mahse khiti chung pawh a zirna in sang ber University ah research aia four first an ngai pawimawh hi a mak khawp mai. Hotu lamah dik lo a awm a nih ka ring a, ordinance siamtute zingah khian research pawimawh zia hre lo tu an tam zawk a nih ngei pawh ka ring. Hmun dangah chuan University a hna dil reng reng in an en hmasak ber chu NET qualified, PhD degree nei piah lamah refreed journal ah engzah nge a publish tih hi a ni. Tunah erawh UGC regulation 2009 ang hian kal ve an tum tawh niin ka hria a, a zia deuh turah ngai tawh ang.
Mi tam tak tana eizawnna i siam sak theih phawt chuan chu aia ropui chu a awm lo e. Han trang sauh sauh teh. Chu chu ka thil tupui zawng tak a ni thung.
[Report abuse]
October 26th, 2010 at 1:39 am
@64 jamesrdm: Midang ta va hal aichuan mahni ta hal chu apwilo zawk e.. Kan pawisa kan hal ani mai a, chuvang chuan in FIR thehluh hi sut lehnghal rawh u..
[Report abuse]
November 2nd, 2010 at 11:56 am
MZU lam thawm chu a zuai ta maw?? heti hi kan nia kan daih rei lo thin a ni. Benjamin-a pawh hian min hrechiang a niang a ngawi leh vung vung tawh mai hei ie. a insawifiah vak vak tawh lo hehehe. kei chu MZU zirlaite an right an claim ngam hi ka lawm ngawt nia. Tlai lam umpawng par nih hi.
[Report abuse]