Ar insualtir hi a lar phian a. Ar sual huai lei huai tak tak pawh an awm nawk a. Pawisa inchawia ar insualtir te kan hrat phian mai hi a ho in ti ve em? Hmanni deuh khan Aizawla kan thianpa pakhat nen kan inbia a, ani chuan kan thianpa tho, ar insualtir ngawt mai buaipui chanchin min lo hrilh a, ka rilru-ah a cham ta deuh reng a.
Insual hi a hmuhnawm a, mihring insual te, bawng insi te, ar insual te pawh hi a hmuhnawm ngang mai. Insual hrim hrim mai hi hmasang ata tawh ennawm a tling a, sawizau tehchiam pawh a ngaiin ka hre lo. Mahse, mihring kan fing deuh deuhva, hmasawn tumin kan hmanhlel a, hma pawh kan sawn narawh. Mi faten thopa zuan tak meuhvin hma an sawn a, mahni mai inngaihtuah lovin chhungkua an vei a, ram an vei a, chutih laia ar sual huai tih vel lo vei em em mai leh mawngphir lang thuih a thu chunga ar insual lo hual tuau tuau mai hi changkanna daltu pakhat a ni ngat ang.
Kan thianpa chuan “ Ar sual huai tur chuan an tet lai atangin, nitin nisa-a phochhuah ziah tur a ni” a ti a ni awm a. Ka nuih hi a za a. Thingtlanga seilian kan ni a, ar kan khung ngai lem lova, nitin nisa-ah phochhuah kher ngai lovin zalen takin an tla a, a sual huai chi an awm a, dawih chi an awm ni maiah ka ngai a. Kan thil buaipui zawng leh kan atchilh zawngin kan rilru puthmang a sawi danglam theihzia te, thil awihawm loh lutuk mai kan han awih tlat mai te leh thutak bawla kan han bawl chiam mai thin te thleng hian min ngaihtuahtir a. A ho ka ti. Ar sual huai chi hi chu an awm ve reng reng bawk niin ka hria. Ramar kan tihte pawh hi a te a te hian an tlawm duh mang hauh lova, thih thlenga insual lauh lauh mai te pawh an awm.
Ram leh hnam damna tur ngaihtuahin kan thluak kan vawrh a, he kan ram, kan neihchhunah hian zirna te hian engtin nge hma a lo sawn ve ang a, kan ram atang ngeia zirchhuak te hi Cambridge University-a zirchhuakte nen pawh chawhlui kilhova, titi khat an vawrh za theih nan engtin nge hma kan lak ang ti tein ngaihtuahna kan seng ve thin. Heti a nih laia, ar sual huai pawm kuala, a sing tel tel lo inchawi vel hi thil ho tak leh thang leh thar zelte tan pawha chin zui tlak loh; hobby tha lo tak niin ka hria.
Pawisa khelhna thil reng reng hi, a nawm chu a nuam a, mahse, inhnhnawih loh theih tluka tha a awm lo. Awlsam taka sum hmuh chu awlsam tak bawkin a liam leh mai mai a ni tih hi thudik awmsa a ni. Tin, a thu hrimin, khawvelin nungcha humhalh an buaipui mup mup lai leh nungcha te chunga ngilneihna lantir a pawimawhzia sawia mi tam takin Lecture te meuh pe-a khawvel an hrutkual laiin, keinin, changkanna tak emaw tia ‘ar sual huai’ ngawt mai lo buaipui hi a atthlak lu deuh lo maw?
Kan tet deuh laia ar kan insualtir thin lai pawh khan, a ar pawmtu lam pawh kha insualbuai lek lek chang a awm thin a. Patling pui tawh ar insualtir ringawt mai leh pawisa inchawi ngawt maia hmanhlel han nih chu, dam man a awm awm lo hian ka va han hre tak em. Khawvelah lah hian vawikhat chauh dam tura ruat kan ni si a, kan dam chhung nite a rei loh vei nen hian.
Similar Posts:
- Ar insualtir khap dawn?
- Insual tir ila?
- Mizo mipa ten hna i thawk nasa ang u
- TawiNawi
- Swine Flu leh Wine Flu
(Y)
November 7th, 2010 at 1:24 am
#50,MaD:I sawi lengzem sa thin pa kha a ar insualtirna atangin karizma a lei e an tia,tak tak nimaw?
Report this comment
November 7th, 2010 at 1:34 am
Sum che vel kha a tam ve bawk em a ni…,Mahse vanneih chu a ngai ve khawp ang….A tuipui ve hliam2 e mai…
Report this comment
November 7th, 2010 at 2:08 am
Kan naupan lai chuan ar insual tir hi kan ching ve viau, ar huai neih pawh kan chak thin. Tun hnu hian patling pui puin YHAI building em ni, Luangmual a mi kha, khatah te khan cheng sing tel2 in chawiin an insual tir tih ka lo hre ve.
Nunna nei, na tih nachang hria an ni tih hi hre thiam phak ilang chuan kan insual tir duh ka ring hauhlo mai.
Report this comment
November 7th, 2010 at 2:22 am
Ka U H.V hi insual a huai ngawtin ka ring :lol: :lol: :lol:
Report this comment
November 7th, 2010 at 2:25 am
In vawkte leh kan vawkte insual tir ang? :mrgreen:
Report this comment
November 7th, 2010 at 6:12 am
North Vanlaiphai-ah khian thu thiam deuh a awm a, leilet phaia Lawichal insik thu a’n sawi chiah mai chu a ngaihnawm thei! A thusawi tlip nan, “Kan lawi ni lo, mi lawi pachal han ni deuh ngei se, a hmuhnawm zual!” a ti. :roll: :lol: 8O :mrgreen:
Report this comment
November 7th, 2010 at 11:33 am
A hmuhnawm em alawm..Mahse, keipawn ka lainat thin. Ar sualhuai chu ka nei treuh. mahse, ka insual tir ngai leuh. ka tet te atang ar lawm ka ni a, ka insualtir ve ngailo. Ka hralh zel..he3 :lol:
Report this comment
November 7th, 2010 at 3:23 pm
Sport hi chi tam tak a awm a, Boxing te, Kick Boxing te, K1 an tih te leh Thai boxing bakah tam tak a awm, heng te hi Ring chhunga insual a ni ber mai. Lehlamin a tum ber chu khawih fuh a, na taka kutthlak a ni. Chutianga a tih theih loh chuan a chak lo tihna a ni a, a chak zawkin sum tamtak leh hmingthatna a hlawh thung. Ar Insualtir pawh hi Sport chikhat ve mai a ni? Ar aia fing zawk Mihringte pawhin Boxing te, Kick te kan khel ve tho? nunna thap leh nat pawi sa lo va kan inpekna Sport a ni ve tlat, Ar Insualtir nen hian enge a danglamna?
Mahni Ar ni lo, a neitute hriat loh leh phalna lo va an insualtir a nih si loh chuan keini lo ngaihtuahpui tur niin a lang lem lo va, an tan sport chikhat, Games hlimawm tak a ni ve tlat.
Report this comment
November 7th, 2010 at 5:00 pm
@Puia, Ar insualtir leh Boxing emaw, Kick Boxing emaw chuan inanna chen nei mah se,an inanlohna chu : Arpa chu a vulhtu ennawm tih atan insualtir a ni. Tunlai Boxing ai chuan, hmanlai Gladiators kan tihte nen khan an dinhmun hi a inang zawkin ka hria. Boxing-ah chuan mahni duhthlanna ngei hmanga tel an ni. Ar kan insualtir hian, an duhthlanna a ni kan ti thei meuh em? An
Report this comment
November 8th, 2010 at 2:18 pm
# 59, Ar poh hi an duhthlan na thoin alom an insual pakhat zawk in a duh loh chuan aninsual luih tir theih chuang loh:), tuman insual roh u anti hlei nem, Broiler ho te hi dahkhawm teuh mahla anin sual miah lo ang, mahse Aseel ho te leh trai ho te hi chu an inhmuh hlek chuan insual an tum nghal mai ni (dey r born to fight). Mahse thalo deuh chu pawisa khelh nan leh sunday(chawlhni) a anin sual tir kher hi…
Report this comment