India ram University tam taka VC turte ruat an ni hian zirlai leh zirtirtuten aw an nei ve zen zen lo a. Sawrkar ina tha leh rintlak a ti te ruat an ni mai thin. November ni 12, tlai lam dar 3 khan JNU SSS ii seminar hall-ah university VC thar thlanna tura Search committee member te chuan tunhmaah an ti dan thin ang lo takin, zirlaite leh teaching community-te hmuhna hun an nei a. He meeting-ah hian zirlai leh faculty ten VC tur atanah an mi duh zawng leh VC thar atanga an beiseih te search committee hnehna thlen a ni.
Search committee-ah hian ISRO chairman hlui Dr. Kasturi Rangan chairman niin Prof.B.Balaram(IISc, Bangalore Director ni lai) leh Dr.Nitin Desai(Economist)te chu member an ni.
Zirlaite hian VC thar tur atan academic background nei, university character hrethiam an du thuh an sawi a. JNU hi university dang nena a danglamna tam tak a awm a. Socially sensitive campus ni in, issue reng reng debate, dialogue leh negotiation zulzuiah kalpui a ni thin. Tin, political awareness leh students activism a nasa a. Public meeting, post dinner talk, movie screening, pamphlet leh poster te hi JNU culture-a bet tlat an ni.
Hengte hi VC thar chuan a zah a, a hrethiam tur a ni an ti a. Tun VC chhhuak tur in JNU culture a hriatthiam tawk lo thu an sawi a. Tin, India rama hriathlawh leh world class university-a inchhalh ve si a, intellectual leh physical infrastructure a that tawk lo zia te pawh Search Committee te hnenah hian thlen a ni. Academic chungchang piah lama, OBC Reservation, teaching post a ST/SC reservation chungchang a langsar hle a. Tin, zirlai pawl hrang hrang ten deprived sections-ST/SC/OBC atanga VC nei an duh zia an sawi bawk.
Teaching community lamin VC thar atan academic background nei, leadership, bias lo, integrity leh academically record tha tak nei, university culture leh ningkhawng hrethiam an ngaipawihmaw ziah an sawi a. Democratic taka thuneina hmang, autocratic lo an duhthuhsam a ni ziah an sawi ve bawk. Hmeichhe VC nei a hun ve tawh zia sawi an awm nawk bawk.
Tun JNU VC thar zawnna a search committee ten democratic taka zirlai leh faculty te rawtna an lak ang hi central/state university dangah pawh chhunzawm zel nise, buaina hrang hrang awm thei kan pumpelh ngei a rinawm. Tunhnaiah NEHU VC thar chungchanga buiana pawh hi a tir atangin zirlaite leh faculty-te rawn hmasak ni ta se tun aiin a ziahawm a rinawm. MZU VC thar thlanna turah pawh zirlai leh faculty-te ten aw nei ve ngeih se a tha ang. Duthusamah chuan MZU VC thar atan hian academic tha mai bakah local culture leh sentiment hrethiam ni thei se.
Similar Posts:
- MZU VC atan Mizo hming 2 lang
- Mizoram University vacancies
- India páwna Mizo zirlai 20-te Overseas Scho’ nuai 77 chuang pe
- MZU thilthleng chungchanga Ex-Students Thuchhuah
- Mizo Science Scholar Chhuanawm
November 13th, 2010 at 8:49 am
Thu tha lam anih chu.. mahse an thu hi saisa nuaih kher lo se, a va duhawm dawn em!
Report this comment
November 13th, 2010 at 8:59 am
Mizo VC te hi awm ve nual tawh ila a chakawm mange.
Report this comment
November 13th, 2010 at 9:38 am
E khai aw! Aw nei ve chiah sela chuan VC thar hmalakna zawng zawngah students community chuan mawhphurhna engemaw tal an koki ve ngei ang. Tichuan, hmanni a in inhnial luih luih (Car hal leh behbawm) ang te leh local (MZU) policitics inchinthehna ang te kha a awm tawh lo ngei ang.
…khrum
Report this comment
November 13th, 2010 at 9:49 am
Mumbai ka kal dawna Mumbai mi5ual te ka hmuh hlauh chuan ka ngaihdan ka hrilh hlawm ngei ngei ang mawle. VC atan chuan tak tak ana, MzU tana hnemhnang ber tur Pathian hnenah dil keuh te’ng
Report this comment
November 13th, 2010 at 10:14 am
Aizawlah VC an awm dawn tawh lo emaw tia…he ha he ha…
Report this comment
November 13th, 2010 at 10:22 am
#5…lol..helai chu khamen lo mai !
Report this comment
November 13th, 2010 at 10:25 am
OT: hmanni administrators ho MI photo a leak out…sira mipa ding hi Sandman-a an tih hi ani em aw? chuan sira ding hmeichchia hi aduhi ami?
https://img440.imageshack.us/im.....hotosy.jpg
Report this comment
November 13th, 2010 at 10:44 am
JNU chuan mizo ngei VC nei sela, JNU-a mizo ho khan mizo ngei VC a thlang turin inlo nawr em? :mrgreen:
Prof. P.Balaram aniang B.Balaram nilovin.
Report this comment
November 13th, 2010 at 10:49 am
@zualbonez: Admin MI photo khi ka hre ru ran mai…mahse ka sawi lo ang… haahhaa
Report this comment
November 13th, 2010 at 1:52 pm
Mizote lehkhathiam zingah hian an zirlaia academic a tha ve fu fu, an thawh hnu a in update tha peih lo hi an tam tlat. University a zirtirtu thawpte phei hi chu academic a in update char char tura bei sei an ni a. Kohhran leh khawtlanga an inhmang lutuk hi a fuh ber lo khawp mai. Research paper leh academic lehkhabu ziak hman lovin thil dangah an inhmang tlat thin. Mahni thesis published tawk emaw chu pawh publish ngam lo kan ngah tlatin ka hria. Chutiang bawkin doctor-hote pawh hi thil danga pelhe nen an hna hi a in hmeh lo.
Mizo zingah hian VC atana tha leh hman tlak hi an awm tak tak angem?
Report this comment
November 13th, 2010 at 3:29 pm
VC = village council :mrgreen:
Report this comment
November 13th, 2010 at 6:35 pm
thu tha tak…. ziah dawna fel fai taka ngaihtuah ziah chhuah hian chhiartute a ti hlim thin. ngaihtuah ang ang ziah nghal chuk chuk hi chhiar hahthlak a tam duh…….
Report this comment
November 13th, 2010 at 6:42 pm
#10, i ti dik fu ani…khawhar in kal, nilaizan inkhawm etc VC=Village council atan bak hian kan hmantlak vak loh ang, hmantlak an lo awm palh anih pawhin a ti lutuk an tileh tho ang :mrgreen:
Report this comment
November 14th, 2010 at 12:55 am
political awareness leh student activism a nasa tih hi chu language student (spanish,french etc etc ) ho zir tur hre lo lutuk vang mai mai kha a ni thin a , subject serious ho kha chu library ah AC a awm avang khan an muthlu zawih zawih thin a.
:lol:
Report this comment
November 14th, 2010 at 10:06 pm
a va tha ve..NEHU poh kha search committee khan an VC tur te khan credentials chhui phot sel chuan Pu Raia kha an dah lo mai tur a. chuan buaina tam tak an pumpelh ang chu…
tin local ho ngaihdan hi nam nul a tul lo in ka hria, an ngaihdan leh recommend na te poh lak tur…
kan sawi chhan chu kan ofis hah tun hnai khan Bihar lammi an rawn dah a, helam kan dinhmun leh culture engmah hre lo, a rawn thlen tirh a tangin engkim a sawisel a, thil tha chu a ni thei lo.. tin, Central phai a tang a lokal ho hi a tlangpuiin NE ,mi te min hmusit/an in dahsang ( unintentional or intentional), Administration a buai thin..
Report this comment
November 15th, 2010 at 8:11 pm
Ditto, i hresual deuh a ni lo maw..students union a inhmangte hi a tam zawk chu international studies leh social sciences a M.phil/Ph.D zirlai an ni fur hlawm a. Zirnaah pawh an hnuhfual chuang lo..puitling tak tak entawntlak fe fe an ni zawk..
Report this comment