Thlasik khawro leh boruak vawt nuam si chu kan thleng leh ta reng mai maw.Vun ro leh mawm pawh sawi theih lovin a hmei a pa in moisturising cream leh lotion kan inchulh mawm leh thlip thlep mai dawn a nih hi. Ke uih leh pheikhawk bun uih thin tan phei chuan hun huatthlala awm tak a ni. Kan hriat sa belhchhah nan thurawn tlem a zawng in chhiar ho leh ang u hmiang. A hre tawh kan tam ang, hre lo pawh kan lo awm mial mahna. A chhawr tangkai duh tan hman tangkaitheih a ni thei maithei bawk. Khai aw niang …..
Vun ro: Mitin deuh tho hian kan buaipui, naupan lai phei chuan chat khi thip te kha thlasik ti hrehawmtu pakhat a tling thin. Kan vun nihphung a inang lo a, a ro dan pawh a nasa in a in nep hleih ngei ang. Thla a lo sik in khua a lo vawt a, boruakah humidity a lo tlem a, vun a ro duh hle. Chu mai bakah chuan khawvawt a kan taksa lumna kan hloh lohna turin vun a thisen zam te an lo chip cheih a, taksa tuamtu vun lumna a tlahniam a, boruaka tuihu awm ang ang pawh in vun vawt thler chu bawh bik tang e ti hek suh, a ro ngawih ngawih mai a ni. Pathianin kan hun tawn mil ang zel a kan taksa tana tha tur a a ruahman dan a ni miau si a le.
Vun ro lutuk lo tur a kan tan angai tihna a ni mai. Thenkhat ten ei tur mawm leh tuihnang tha ka ngeih an ti, a dik viau ang. Helam hi chu lak kawih leh zawm sual palh theih a nih vangin sawi zau ta lo ma i la. Amaherawhchu, kan taksa in vun atang tuihu engemaw zat a hloh ve reng a ni tih hria in thlasik lai hian tui in tam hi a tha hrim hrim a, thlahthlam loh tluk a awm lo. Tuivawt kan in thei lo a nih pawhin tui lum emaw, thingpui, emaw coffee. Intur dang chu sawi tawh lo vang, phur pui tur kan tam em mai! Tui in tam hrim hrim hi taksa tan a thatzia chu inhrilh nawn angai lo. Rahbi pakhat chu kan rap phawt e.
Vun mawm tha, ro leh chat a khi mai mai lo tur nen a thlasik kan paltlang duh anih chuan body lotion hi regular taka hman tur a ni. Kan hmang theuh! Inhnawih dan hi uluk angai thung ka ti daih teh ang. Lotion hnawih dawn hian a theih hram chuan insil fai hram thin a tha, a tluk a awm lo. Inbual zawhah a tih chi viau dawn tihna a nih chu. Vun kha a ro thak thleng a inhru lovin, la hnawng deuh chep a nih thleng a inhruk phawt tur a ni. Chumi chungah chuan moisturising lotion/cream kha inchulh/hnawih tur a ni. Hetia kan tih hian kan vun pang a tui tlem lo la awm kha kan thil hnawih khan a up bet a, chu chuan kan vun a tihnawm in a timawm tha lehzual dawn a ni. He step pawimawh tak hi mi tamtak ten kan hmaih thin avangin kan lotion inhnawih te tangkai lovah kan ngai thin a ni.
Heh rep ah pawh chutiang tho in, hmui tlema liah huh deuh hnuah lip balm, creams ang chi ho hi hnawih mai tur a ni. A tihdan dang chu ka misualpui ( Zualbonez, etc) ten an lo la tuihnih ang chu.
Tuilum hman thin hi a nuam phian a, mi tamtak te phei chu a lo in kan awm thei awm lo ve. Tuilum a insil leh inbual hian kan vun temperature a tisang a chu chuan vun a thisenzam awmte a tidul a, hei hian kan taksa lumna mai bakah vuna tuihu awm ang ang te boruakah a tiral thin a ni. A hnu leh chu vun ro neih a ni tawh mai! Tuivawt a inbual khuk chum chum te hi nuam ve deuh a nia sin.
A tir lamah khian vun a vawh chuan a ro kan ti tawh a, vun a lum in a ro i ti leh te pawh in ti maithei.Tuilum hman vanga vun lum hian a daih chhung a rei lova, vunin boruaka tuihu a hip hun daih lovin kan vuna awm ang ang tuihu bo na hun chhung ang vel chauh hi a daih thung a ni. Chu mai bakah chuan vun kha kan tui hman khan a tihuh a boruaka tuihu leng a tlem hrim hrim bawk nen, huh belh leh chuang tur a awm tawh lo. Kan ihruk hul meuh chuan, a lo vawt leh thler tawh a, a ngai te bawka bul tan ang kan ti leh mai. Chuti ni lova nileng leng a tuiluma kan inchiah a nih chuan a dan a dang ngei ang le.
Vun ti lum a, taksa atanga tuihu bo lo tawka vun vawng mawm tawk tur a inthuam peih leh thiam chuan lukhum, hmaikawr (zawngte lukhum/monkey cap), thawmhnaw lum leh mawza lum inbel mai hi a finthlak. Mahsela thluak lamin a temperature balance a tih ang tawk a kan regulate theih tak tak dawn loh avangin, a lumtawk chiah chu hriatthiam a har hle ang; balance lo tum ve chhin teh.
Thlasik khawvawt nuam tak hi thenkhat tan hun tawrhhlelhawm tak a ni thung! Ke-uih thin te tan. Mi khawngaihthlak tak an ni; tamtak te chu kumtluana uih pawh an lo ni mahna. Hetiang mi te tan a thurawn tlem te ka hriat ve chu; Mawza lum lutuk bun loh tur, ke thlan a tinep a uih na chance a tlem. Tin ke fai taka sil a, kethiah kar hul taka hruk thlap thin tur a ni. A theih phei chuan antifungal powder ang chi hi mawza bun dawn apiangin phul thei ila a tha hle, mawza reng reng nikhat aia rei bun loh a tha bawk. Ke tin zuahsei loh leh fai taka tin kar kher thin tluk a awm lo. A tihdan dang chu misual ke uih kumhlun ten an rawn sawi zawm leh liam liam mai ang chu maw.
Lalpian hun lawmawm tak lo thleng mai tur hi, vun ro chat khi chat leh buh thar hmui rim nam rum rum a ke rimchhe tel lovin hlim taka “U a ma” tlang dial dial turin sahmulphah thla chibai ka buk theuh a che u.
Vive Valeque.
November 14th, 2010 at 8:30 am
Daih mai a… post tha e.
Heh rep hi zawng ka nei ngai meuh lo…. ka inhnawih ngai lo bawk….mahse thiannu-te inhnawih hi kan ring ve mai zel alawm.. :lol:
Mawza bun uih hi chu kei ka expi ve tawh..mahse fai taka ke sil leh mawza fai chauh vawi 1 vel chiah bun thin hian a zia khawp mai.. tlema taimak deuh erawh a ngai e.
Report this comment
November 14th, 2010 at 8:36 am
Tui lum ka hmang tran der tawh.
Report this comment
November 14th, 2010 at 8:44 am
Kan sipai tan lai, base camp pawn lama kar khat khawsak kha chuan maw, khaw vawt nen ke uih te chu engah mah kan ngai ngai lo kha a nia. Han awm awl takah chuan a lo ngaihmawh awm ta riau a nih hi.
Tuilum a inbual bawk, meilum, heater, blower ai bawk; vun chu ro loh ngaihna a awm thlawt lo a ni.
Report this comment
November 14th, 2010 at 8:46 am
Hmai phih mai leh kekawrte a letlinga hak mai thla a inher chhuak leh dawn ta! Tui-kang nghahpui tur ka melh ang! :roll:
Report this comment
November 14th, 2010 at 8:47 am
Post tha tak nih hi. Pheikhawk/mawza uih rim a tam tan ta.
Report this comment
November 14th, 2010 at 8:47 am
heh a rep tlat…… zanah a vawt tawh sia. zun peihawm bawk silo. zingah hma zetah zunchhuak tawkin ka harh ziah nia…. ninawm rapthlakkkkkkkkkkkkkkkkkkkkkssssss…..
Report this comment
November 14th, 2010 at 8:50 am
Hmai ka phih peih tawh lo. Sikri bulah ka tawlh ka tawlh ta mai. :lol:
Report this comment
November 14th, 2010 at 8:54 am
#7: Sikri ai pah khan bawngsa rep fip deuh, tel a minute nga vel chiah hem hmin la ei rawh. A tui duh phian a nia. Zinglam hmarchapui bawl tur rawh pah bawk la, saihlum pakhatin sava pathum i perhthla a ni mai dawn a sin. Vun erawh a ro duh ngawt ang.
Report this comment
November 14th, 2010 at 9:45 am
Thlasik chu sawi loh, hard water hmang kan ni bawk a, lotion tello chuan hmai phih hnu reilo teah hmai hi a ro khir un zel mai, kum tluanin lotion kan hmang helam chu.
Mizoram vanneih na chu soft water kan nei hi a ni.
Report this comment
November 14th, 2010 at 10:03 am
Heh rep, chat leh vun rote hian Krismass a nemnghet alawm le.ha ha…
Report this comment
November 14th, 2010 at 10:39 am
Naupan lai khan tun ang hun velah hi chuan hmai kha chat nasa thei rap, hmui ro khi tuar thin bawk.
Report this comment
November 14th, 2010 at 10:50 am
Hmaaanlai, kan naupan lai te kha aw! Veng mawng naupang tih takah kan va chât khir khawng nasa thin rem rem tak em!
Report this comment
November 14th, 2010 at 11:58 am
Thlasik laia ke a uih duh bik na chhan hi khawvawt vanga ke silfai that peih loh vang a ni thei ang em? He post hi ava han tha in ava han tangkai tehreng em, kei ka tan hian.
Report this comment
November 14th, 2010 at 12:17 pm
Tuivawt a inbual hi hriselna an ti. Kei chu tuivawt a inbuala hrisel viau ai chuan tuiluma inbuala hriselloh deuh ka thlang.
Report this comment
November 14th, 2010 at 12:20 pm
va tha ve, kan tangkaipui theuh ang le. thlasik hi chuuu…. ka sawi peih lo. chhungril atang hian a rawn kher nget nget a, kawrlum za pawh ha ila a vawt tho. zan mut dawnin khum a lo vawt thlur, zing ah lah thawh hrehawm si. vun ro tih vel hi chu a tihdan dan a la awm a, vawt erawh hi chuuuu.. krismas te hi march thlaah hian sawn daih ila ka duh.
Report this comment
November 14th, 2010 at 12:38 pm
ka hul hiu hiau e.
Report this comment
November 14th, 2010 at 1:00 pm
Inkhawm hlanin ka post a lo chhuah chu a. In lo comment liam liam a a lawmawm e. Mahni experience theuh te in share tawn ila a tha viau ang, post khi chu khuhhawnna maia ngaiin.
Misual ke uih kumhlun ho an va ngawi rei ve aw, an comment ka ngaithla chak teh a sin le.
…khrum
Report this comment
November 14th, 2010 at 1:18 pm
Post tha tak ani. A bengarthlak bawk! vun hi enkawl ngun a lo ngai khawp mai thlasikah phei chuan! Ke khi hi chu tuilumah, hydrogen leh foot shampoo tlem telh ila, ngam tawka sa ah chiah vang vang ila, a nem hunah ke sir nawhna in nawt leh ila, hruk hul that hma-in foot cream hnawih leh ila tha duh phian. Mahni ina tih peih loh chuan, beautician ho pedicure tih zin tir deuh a ngai ani mai!
Report this comment
November 14th, 2010 at 1:21 pm
Tuisik ngei maia inbual loh hi chuan inbualah ka inngai meuh lo. Thlasik pawh ni raw sek sek.
Report this comment
November 14th, 2010 at 2:37 pm
keichu khawlum lai pawn tuilumin ka inbual ziah.
Report this comment
November 14th, 2010 at 4:10 pm
Tha ve! Misual daktawr- Khumchikthei hi rawn chik fo rawh se. Beng a tivar-in hriatna a tizau e.
Report this comment
November 14th, 2010 at 8:36 pm
Zualbon heh rep enkawl dan leh ke uih enkawl dan lampang hi i comment ve ngei a ngai ang le.
…khrum
Report this comment
November 14th, 2010 at 9:38 pm
thlasik chu keini ang chhangchhepa tan a buaithlak a nih hi..Fa te an khuh leh chuah chuah tawh mai..hei tun zan pawh Heater nen , Nebuliser nen,steamer nen, Vai tel ( a kawma vai puithiam ruak keng kung awm) nen, thawmhnaw tih lumna BAJAJ ho siam nen kan in chhawp ta ruih mai…Nuber pawhin thlasik ka huphurhna chu Dawmdawiin/Damdawi expendture sang lutuk hi a ni a ti..a ni hi ka financial adviser ber a nia..LOL..Fa te pneumonia nei te an nia a buai thlak khawp mai..ber thla a tang khan fa te dam dawi etc man ah 30K kan seng der tawh ( source..NUber)..
thlasik hi chu kan chhungkaw tan chuan tunah rih chuan kan huphurh khawp mai..MASS /NY te lo ni chho tur nen…
OT lawk…Dec 5 hi kan fanu 1st B day a nia,neih chhun a lawm kan tum ve deuh a, Family in. hmun hla si lo Naute te poh kal se poi lo tur (Proper Aizawl khaw chhung) Picnic spot ( tui chenna awm)in hre mial lo maw?
Report this comment
November 15th, 2010 at 8:49 am
[...] Sikni eng mawi a lo lang leh ta: Daih mai a! | mi(sual).com [...]
Report this comment