«
»

Mipa leh Hmeichhia

November 15th, 2010 11:07 pm by TuaiSialA

Hmeichhia

Mipa chu ngaihnatawm hle mah se, a nunràwng ru tlat si. Mahni hma a sial em em a, thilpêk lam pawh a ui lo hle. Rei lo te chhûng chu hlim takin min siam a, a hnu lawkah kan mittui an titla a, hlimna tam tak min pe thîntu khân rilru natna leh thinrimna sawi hleih theih loh min pe tel bawk a. Anmahni avângin tuar nasa hlein thinlung tikehsawm vek mah ila, ka hmangaih bâng thei chuang lo – mipa a ni tlat atin ni.

Mipa

‘Ka theihnghilh’ ka tih lai pawhin ka rilru-ah a awm reng a, ‘Ka hua’ ka tih lai paw’n ka hmangaih ber si. Mitchhînsan ka tum pawhin a hmêl chu chiang zâwkin ka hmu thîn a; a thu min hrilh te chu theihnghilh tum mah ila, ka bengah a thusawi aia ring a awm si lo. Hmêltha tam tak kârah pawh a hmêl chauh ka hmu thîn. Ka thinlung hian hlat tum mah se, engtik lai mahin ka thei ngai lo. Chuti taka ka hmangaih chung pawhin min la ringhlel fo si. Hmeichhia tak hi chu aw..

Hmeichhia

A bulah mittui tla zawih zawihin ka hmangaih thu hrilh mah ila, ani chuan beiseina thinlung ka put a phal ngai lo. Ka ngaihthlâk duh min hrilh se ka tihte’n ka ngaihthlâk duh min hrilh ngai si lo; engtikah nge hmangaihnaa silfai ka nih theih tâk ang le?

Mipa

Ring tak auvin a hnênah ‘Ka ngai che’ ti lo mah ila, ka ngaih zia thup ka tum chuang lo. A hmêl hmu lo mah ila, a âw ka theihnghilh ngai lo. ‘Ka hmangaih che’ tiin a tângah bei kher lo mah ila, ka hmangaih zia a hre tho si.

Hmeichhia

Thenna biahthu an sawi lo, mawi takin thangvân sángah an êng a, mahse, anni zawng Chawngmawii leh Hrangchhuana an ni. Kei pawh ka taksa hi thlarauva thlâk danglam a nih hunah chuan vânah mawi takin ka la pârvul ve ngei ang. Chutih hunah chuan hmangaihna hian min tina leh tawh ngai lo vang. Thinlung atanga chhuak hmangaihna dik tak chu tu emaw tal chuan hlutna châng an la rawn hre ve ngei àwm si a. Chutih hunah chuan hmangaihtu ngaia ka hrehawmna hian hriatreng a hlawh tawh lo vang.

Mipa

Vaukamte chu engtikah mah intâwk dâwn lo mah se, tuifinriat phuarnghettu an ni si. Thla leh arsi te pawh khi engtikah mah hlâwm khatin an awm ngai lo vang; mahse, vân boruak zau tak timawitu an ni si. Thiantha te pawh inhmu châin awm thîn mah se, an duh chu a thleng dik kher lo, mahse, inthianthatna erawh an thinlung chuan a vawng reng thîn. Chuti ang bawkin ka hmangaihna hian engtikah mah hriatthiam hlawh ngai lo mah se, hmangaihna tihlutu a ni si. Hmangaihtu haider chuan hmangaihna a hrethiam thei ngai dâwn em ni?

Tunge thiam chang zâwk?

Similar Posts:

Recent Posts:

This entry was posted on Monday, November 15th, 2010 at 11:07 pm and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.

22 Responses to “Mipa leh Hmeichhia”

  1. 1
    Zephenath Says:
    November 15th, 2010 at 11:07 pm

    Men Vs Women ni maw?

    Mipa khi thiam a chang zawk a, Hmeichhia khi a dik zawk :lol: :roll:

    Report this comment

  2. 2
    D_auaChwngthu Says:
    November 15th, 2010 at 11:12 pm

    2nd :lol: :P
    Ku TSA ni maw, chhiar phawt mai teh ang.

    Report this comment

  3. 3
    Greedy Says:
    November 15th, 2010 at 11:16 pm

    Mipa hi chu kan fai leh kan smart’ kan balh leh kan ‘pa’, an tih thin kha. Tin, Hmeichhia ke bal hi ka ti thei bau lo. (kutke thiah nalh deu hi a sexy ka ti bawk).

    Report this comment

  4. 4
    D_auaChwngthu Says:
    November 15th, 2010 at 11:20 pm

    Inbia sela an inrem thei mai lo maw. khitia a hrana vui vai ve ve lo khian… :P

    Post chhiar nuam leh tha tak anih hi maw le, ka nihna i rawn sawi ta a mawni ka tia :lol:

    keima mimal buklungah chuan Thiam an chang ve ve in ka hria.

    Report this comment

  5. 5
    chhana Says:
    November 15th, 2010 at 11:20 pm

    Nupa kan inti thiamlova; zan tir lamah chuan kan han mu hrang ve bawk a; a hnuah chuan mipa bawk hian kan pan leh nge nge thin. Hmeichhiate lah chuan min lo hnar ngai chuang hleilova.

    Report this comment

  6. 6
    As_Khiangte Says:
    November 15th, 2010 at 11:21 pm

    TS, nang leh keia hmeichhe tawnte hi an in ang vak lo a nih hmel.

    Report this comment

  7. 7
    ngente Says:
    November 15th, 2010 at 11:36 pm

    @ chhana,# 5, i hrat hmel, lolz
    TSA tha thei e, star top che

    Report this comment

  8. 8
    kawlhawk Says:
    November 15th, 2010 at 11:42 pm

    Akhai a! Ts mai mai thin hi- Hmel keu vuk si, i tawng fu lo thin ka ti. “Vanduai vang nge, Sakhmel chhiat vang…” tih hla te pawh min hriatchhuah tir e aaa…

    Report this comment

  9. 9
    Athriangtea Says:
    November 15th, 2010 at 11:54 pm

    Van thra dup dup em..hmeltha tam tak karah pawh a hmel alo lang leh thrin tih phei chu kan Holy Bible ah ziak ve kher lo mahse thudik ringam mai chi ani in ka hria..!

    Report this comment

  10. 10
    H.Vangchhia Says:
    November 16th, 2010 at 12:46 am

    Mipa hi chu kan fel fai thlap an ti…

    Entirna pakhat:

    Zahmawh thleng mai hian kan ri zaih mai ania an tia lawm. Bow tie pawh han awrh tir mah ila mipa hi chu a ri zah tho tho. Hmeichhia te chu angaihna a awm niai nuai love, an engkim mai hi buaichuar nuai mai, hmai atanga khuh mawi chawp ngai vek a ni e, an tih kha :mrgreen: NOI

    Report this comment

  11. 11
    D_auaChwngthu Says:
    November 16th, 2010 at 1:09 am

    @10______ hahhahhahha :lol: :lol: :P :P

    Report this comment

  12. 12
    caribou Says:
    November 16th, 2010 at 6:50 am

    HV a comment khi ka LIKE e.

    Mipa hi chu an rilru a zau va, hmeichhia erawh an thu khel a te tlangpui.

    Hmeichhe kianga thuruk sawi chu, “a ruk te in lo puangzar rawh” tih ang deuh a ni fo.

    Report this comment

  13. 13
    ZerO Says:
    November 16th, 2010 at 7:07 am

    Zawhmawh in sawi elaw? :D

    Kei chuan…..
    ZAWLAIDI ang maia THLUM, RUM ang maia TAK NGAK, BRANDY anga LUMNA ngah, WHISKEY anga mi CHAWK PHUR THEI, VODKA anga THIANG KAK, BEER ang maia mi ti THAR LAM leh RAKZU ang mai a PENTAWNG pe na ka nei che hi SOLOMONA rangkachak aiin i hlu lo chuang lo a nia o DUHLAI.

    Report this comment

  14. 14
    ChhawnBura Says:
    November 16th, 2010 at 7:07 am

    @H.Vangchhia, #10: Like! Like! Like! :lol:

    Report this comment

  15. 15
    triplestar Says:
    November 16th, 2010 at 7:30 am

    I mawi chuang bik a sin
    I lenrual zingah hian,
    Fur khawthiang chhawrthlapui i iang e,
    Ngaihnobei chuang hmangaih par ka thliahpui si lo,
    Aw ka ngai em a che
    Luah loh L Di hmeltha.

    Tih ka rilru a a lo luh daih chu le, he hla hi CFL a hian a sa lungrun fuh thlawt

    Report this comment

  16. 16
    Mr. TSA Says:
    November 16th, 2010 at 10:28 am

    Ka lawm em em e.

    Report this comment

  17. 17
    chikus Says:
    November 16th, 2010 at 10:34 am

    Ngaihnawm dap2 hle mai…rilru a a lan lai taka kan chhiar fuh chu..lungte ati leng mai dawn alawm le…. :D :oops:

    Report this comment

  18. 18
    badboy Says:
    November 16th, 2010 at 10:37 am

    hmeichhia hi awm ta lose mipa ho chauh hi leng suau suau mai ilah.. Mr.TSA a te pawh hi kan hmutai viau lawng maw :twisted: :twisted:

    Report this comment

  19. 19
    duata pa Says:
    November 16th, 2010 at 11:01 am

    mipa- woman, withouth her man, is a savage.
    Hmeichhia- woman, without her, man is a savage.
    :D
    :o :(
    punctuation dah ve mai roh.

    Report this comment

  20. 20
    Killer shark Says:
    November 16th, 2010 at 11:13 am

    OT..lawk,
    Microsoft office 2003 kha download ka duh a, khawngaih min hrilh thei in awm em?

    Report this comment

  21. 21
    malsta27 Says:
    November 16th, 2010 at 1:32 pm

    An va khongaih thlak ve………… 8O . Han ziak zel teh.

    Report this comment

  22. 22
    Mr. TSA Says:
    November 16th, 2010 at 7:44 pm

    @Badboy: Leeeeeh!
    @malsta27: I chhiar miah lo! Mahse, i comment hrim hrim a, ka lawm em em e.

    Report this comment

Leave a Reply

You must be logged in to post a comment.