(A thupui leh a thu a hi a inmil lo deuh anih pawhin ngaihdan tawk in lo thiam mai dawn nia. A thupui ni lo in a thu a hian awmze thui tak a nei zawk a nia.)
Nizan khan veng lehlamah Mitthi a awm a. Khaw dang a thi a nih avangin a ruang hmuah ngai a ni. Keipawh ka thiante ho nen tlawmngaih chhuahin khawvawt hnuaiah chulai hmun ah chuan kan va kal ve a. Mahni veng a nih loh avangin pawnah thuthmun remin mi che vel chu kan lo thlir vel mai mai a. Dar 11:00 dawn hnaih ah chuan ruang a lo thleng dawn avangin mitthi in kawtah chuan mipui kan lo intlar a.
Chutih lai tak chuan mitthi in chhung atang chuan an veng a YMA hruaitu zing a pakhat chuan thu rawn puangin ” Zanin hi YMA hun anih avangin ruang lo thlen hunah Zu rim nam, Zu lo kam nam ve deuh emaw hrim hrim te kha inchhung in lo luh ve hi a rem lo. Mitthi in bul hnaihah emaw pawh awm lo ang che u. Kan mitthi hi inngaipawimawh ve si anih chuan thingpui lumna lamah khuan in lo zuk awm mai dawn nia” tiin a rawn sawi ta mai a.
Mak ka ti kher mai. Ruang a lo thleng a, ruang lo thlen hnuah pawh chuan a thusawi ang chu a sawi nawn leh nghe nghe a. Ka han hawi vel a, ka kal kual velna ah khan chutiang ang mi reng reng chu ka hmu bawk si lo! A thusawi vang nge ni anga, ruang lo thlen hnuah pawh chuan inchhunga thutna chu a awl duai hlawm mai a, pawn lamah erawh an zi mup mup a. Vawi 2/3 lai chu lut khawm turin an in au nawn leh nghe nghe a.
” Zu rui/rim nam luh ve phallo tute khan Thlanlaihna ah Zu rui/rim nan laih ve an phal lo tho ang em?”
Zu hi he Zoram ah hian chep tulh tulh mahse Zu in mi leh Zu hi a bo dawn chuang lo. Chuvangin hetiang zawnga a awmze nei lo a thil tih hi thil atthlak ber a ni. Thui tak pawh sawi ka tum lem lo. Khi ka thuziah khi thil tak tak a ni a, khi thu inchhiar atang khian thil awmze tam tak chu kei aiin in hriat belh nasa zawk ang.
A tawp nan he thu ka han sawi teh ang. “ZU hi hlau suh la, ZU bawih ah awm hek suh ang che. ZU hi hlau lo la. I thuhnuaiah dah la, I duh dan dan in hmang ang che mahse ZU erawh chuan I nun kha thunun suh se. ZU ngawlvei nih hlau ngawih ngawih a, chumi nih I hlauh tluk zet chuan Zu la in ngai miah lo leh a awmzia leh nihphung pawh hre lo a, pawngpaw tak a haw bur tu nih hlau bawk ang che.”
Zu chu in la, tem chhin ngai tawh lo turin tichuan Zu that lohzia mi sawi mai nilo in nangmah ngeiin hria la. Tichuan ZU chu I bawihah harsatna nei lo in i dah dawn nia.
Similar Posts:
- Zu leh Zoram khawvel
- ZU nge ZAWLAIDI
- Mitthi vui chungchang.
- Naupang kum 5 mi pawngsual a thah a ni
- Thlahrang/ramhuai
Nia,...
November 16th, 2010 at 1:19 pm
” Lalpa I Pathian ka ni, ka hmaah Pathian dang nei suh” tih Pathian thu sawm pek ami (a niin ka hria) hi chu ka bawhchhia in ka hria. Zu chungchang hi ka sawi peih em mai. Zu hi ka heh em em lo na a, ka sawi peih danah hian ka pa-thian ni berin ka hria. Lo comment tawh suh u.
Ka ning zozai tawh. Sawi tawh lo ang u. He post hi Zephenath ka pe daih dawn ka ning.
Report this comment
November 16th, 2010 at 5:16 pm
He Post hi vawiin chhuak chanchinbu Hnamdamna ni ta in ka hria(ka ennawn leh loh chuan ka chiang ta lo).. a source ziak silo in a chhuak tlat.
Report this comment
November 16th, 2010 at 5:19 pm
Ka thianpa chuan, “khap bur tur.. khap lohna ram ah kan awm a.. a hma ang khan a tui tawh lo.. khap hian a hlu.. a tui duh bik bawk, a ti mauh mai hairehai :mrgreen:
Report this comment
November 16th, 2010 at 5:30 pm
ZU ah hi chuan kan buai ve thlawt a ni. A ni bawk reng a, keini Mizo te hi chu ruih kher tum a in chi kan ni bawk sia. Sual a nih leh nih loh lam chu ka sawi theihah pawh ka ruat lo a, Chunglam rorelna nise. Ka duh chuan ka in a, ka in peih loh chuan ka inlo mai. Ka in loh laiin ka fel phah em em ka hrelo a, ka in laiin ka sual phah em em ka hrelo bawk.
Bible hi ti ve thla zen ila. Bible ah hian ZU in tur hian min ti ve tlat a sin. A bung leh chang chu ka sawilo ang. Amaherawh chu lo lak vung vak a, ruih ngheng tur tihna pawh a ni chuanglo. Hei hi mi tamtak kan kal sualna thin a nia, Bible a chang kan duhlai leh zawmawl kan tihlai hi ka la vung vak thin a. Chang dang kan thlir leh chuan, ZU rui lo turin min ti bawk.
Chang duhlai zawng thlan khawm a, vuahrem khawm vel hi Gospel a ni ngailo.
Report this comment
November 17th, 2010 at 9:30 am
@ Saitawk; Khawngaih takin I thil hmuh chu I lo enchiang thei em????
Hriatchian ka va duh ve. A inang em? Thil chiang deuh hlekin m in lo hrilh thei em? An chhuahna chanchinbu leh Editor address nen. Khawngaihin.
Report this comment
December 20th, 2011 at 5:42 pm
Ka Misual pui te u, he ka post hi engtin nge tun aia nasa lehzual a mi tam zok hmuh turin ka tih ang.
Report this comment
December 20th, 2011 at 5:45 pm
#56, a thupui khi change la moms, zu leh sex leh hnamdang tiin thlak la, hit ngot ang.
Report this comment
December 20th, 2011 at 5:48 pm
Lal ReMpy, ka kick palh ang che o. Dam mo?
Report this comment