History han en vang vang hian Pathian hnen atanga rawn kal ka ni inti leh keimah hi pathian ka ni inti tamtak kan hmu a. Heng sakhaw dang hmuchhuaktu – Buddha, Mohammed, Confucius, Lao-tze te ngei pawh hi chung ang mihring chu an ni a. Amaherawhchu heng mi zawng zawng hi kan LAL ISUA angin an pian tur thu te, khawia lo piang tur nge tih te, an nun hman dan tur etc. tumahin an hrilhlawk hauh lo. Kan LAL ISUA chauh hi A piantur thu hrilhlawk tu nei chhun a ni.
Isua Krista hi a piantur thu te, a hun hman dan tur te, a thih dan tur thlenga puanlawk nilo selang chuan Ama lema rawn chang (impostor) tamtak an awm thei ngei ang. Mahse hmasang atangin mi tamtakin A chanchin an lo hrilhlawk avangin Juda ten nasa takin haider tum mahse tunthlengin ‘Messiah – Chhandamtu’ a nih zia a rawn lang chho zel a nih hi. A chunga sakhaw hmuchhuaktu dang te khi chuan ‘ Heta hi ka rawn kal e, mi ring rawh u’ an ti mai a. Chu chuan mihring pakhat ve mai an nih zia leh mihring dangte aia an ropui chuan bik lohzia a tilang a ni. Mahse Isua Krista erawh a rawn kal a, zawlneite lehkhabuin Messiah chanchin tur a ziah zawng zawng a rawn tidik thlap a. Chuchuan lokal tura an (kan) beisei a nihzia a rawn nemnghet a ni.
Bible-ah hian Isua Krista lokal tur thu hi vawi tamtak a in ziak a. Tuna ka sawi duh ber chu Juda te mai nilo, hmanlai khawvela hnam fing zinga an mifing leh ropui, lehkhathiam te pawhin Isua Krista piantur thu anlo hrilhlawk hi a ni.
Tacitus (AD 56 – AD 117, Rome ram a senator leh historian) an hmanlai Rome mite chungchang thu a sawi naah ‘Engtikni ah emaw chuan khawchhak lam in hnehna anla chang ang a, Judai ram atangin Hotu leh khawvel awptu a lo kal dawn a ni’ tih thu hi mipuite ngaihdan nghet tak a nih thu a sawi a ni. Suetonius (Gaius Suetonius Tranquillus, Suetonius ti a hriat chuan, ca. 69/75 – after 130), a pawhin khawchhak lam ram pumpuiah ah chuan matheilovin Juda ten thuneihna sang ber an chan tur thu hi hmanlai atanga mi zawng zawng lo rindan a nihthu a sawi bawk.
China ram mite pawhin beiseina an lo nei bawk a. China ram hi khawchhak lama awm a nih avangin an ngaihdan chuan mifing tak khawthlang lamah lo piang tur a awm tiin anlo sawi thin a. Hetiangin, “Tcheou dynasty hun laiin, Tchao-Wang lal kum 24 naah, ni riat ni thla 4 naah, chhimthlang lamah eng alo lang a. Chu eng chuan lal in a rawn en a. Chu eng chu a danglam em a vang in lal chuan a mifingte a zawt a. Mifingte chuan lehkhabu pakhat an lo chhiarsak a, chu lehkhabuah chuan khawthlang lamah mithianghlim a piantur thu leh chu mithianghlim zuitu chu an ramah ngei pawh an la awm tur thu an hrilh a ni”.
Greek mite pawhin ‘MESSIAH’ hi anlo beisei nasa hle bawk. An chunga anchhia lo thleng te a bo theihnan hetiang hian an mifing Aeschylus-a (c. 524/525 BC – c. 455/456 BC ) chuan a lehkhabu Prometheus-ah a lo hrilhlawk a ni. “Pathian lo lan hma chuan in anchhia te hi a tawp mai ring suh u, Amah ngei chuan A lu chungah midangte sual zawng zawng a la phur dawn a ni” tiin an beisei tibo lo turin mipuite chu a thlamuan a ni.
Roman mifing, Cicero (Marcus Tullius Cicero , January 3, 106 BC – December 7, 43 BC ) pawhin an thlahtu ten an thawnthu ah “Lal lokal tur, Amah kan rin chuan chhandamna kan neih theih na tur” ti a thu an ziah chu eng ang mi nge ni ang tih leh engtik hunah nge a lo kal ang tih alo chhui ve mek bawk.
Virgil (Publius Vergilius Maro , October 15, 70 BCE – September 21, 19 BCE), Roman hlaphuah thiam pawhin a lehkhabu Eclogues pali naah chuan hmanlai pipute ten a an sawi thin; hmeichhe thianghlim, naute lawma nui ver ver leh chumi avanga hun thim tak chu alo kian tur thu a sawi a ni.
Plato leh Socrates te pawhin he ‘Thu tisaa lo chang tur khawvel mifing’ hi lo la kal tur angin an sawi a (Anni pahnih hi Isua hun hmalama mite ve ve an ni). Heng mite hian chu Chhandamtu lokal tur chuan mite chu hmasang atanga an sualna anchhia chu a phelh sak dawn a ni an ti bawk. China ram mifing Confucius –a (September 28, 551 BC – 479 BC) chuan hemi lokal tur a hi ‘Mithianghlim’ tiin alo sawi thung.
Khawvel nghahfak ISUA KRISTA hi Juda te chauh nilo, khawvel mi zawng zawngin an lo nghakhlel em em tih chiang takin a lang e. Sual phuara awm te phelh a, an anchhiate tibo a, an hun thim tak te tibo turin beisei em em in anlo thlir a ni. Keini chuan vanneihna zawng zawng changin kan piantirh ata heng mite lo beisei em em hi kan hmu a ni. Kan tana ‘MESSIAH – CHHANDAMTU’ lokal hi kan lawmzia entir nan, kan thinlung A lamah hawiin Krismas dik tak chu i hmang ang u.
Similar Posts:
- A hlimthla leh a tak
- Pathian A Thi Elo!? {Sunday Pual}
- Hmanlai leh tunlai
- Camping ah Isua inlar
- Ka Beiseina Che U
December 18th, 2010 at 9:31 am
Hrilhlawktu hmasaber hi a ropui ber e.
Report this comment
December 18th, 2010 at 9:38 am
Tunlai chu kan thupui hi a Pathian thu ruih mai zel a nih hi mawle..
Report this comment
December 18th, 2010 at 10:01 am
Va han tha thin em. A ropui hle mai. Pathianthu a ti awihawm zual.
Report this comment
December 18th, 2010 at 10:09 am
A thui deuh veee
Report this comment
December 18th, 2010 at 10:22 am
Buddha,mohammed, etc te khian pathian ka ni an tih ka va hre lo e.
Report this comment
December 18th, 2010 at 10:33 am
A thain a bengvarthlak hle mai. I dap zau hle mai. A dang pawh han ti zel teh Laldom. ‘Isua hi lo ring ve tawh rawh u..’ tih tlawng ai chuan a chiang e.
Report this comment
December 18th, 2010 at 11:00 am
Comment em em pawh a ngaih loh hi a..chiang kik kek e..!!
Tun lai Pathian thu thiamte hi chu a chhui hla peih peih an nih mai awm hi maw..
Khawnge kan Chanhima kha..? Rawn bei thui leh viau mai thei ani..
Report this comment
December 18th, 2010 at 11:19 am
Kan tive daihtenang bible a a ziahdan atanghi chuan mihring hmasa berkha adama a nia adawt kha evi nia chumi inthlah chhawng kal zelah tangin lal isua lopiang takha a nia chungthlah chhawng kalzel aho chu isarel hnam hnamthlan kantih hokhu ni bawksia keini jentel tanchi chuan chhhan dam a damloh kanngai vemeuh a mimawle ? Tlan ngaitechu adama thlah chhawng kalzel hokha nimai awm tak keini jentel kanni daih bawksi tuna kanhma loka krismas te pawhhi eden huana evi leh adama te bawh chhiat nakha thisen in kalvari tlangah rawn tlantur a hringmi anga a pian nani kha nimaia judate tanchuan lawmawm em em rual hian keini jentel te tanchuan chhandam ngaikannih napawh awmve silo adama thlah kalzel juda te tan liau2 adama bawhchhiat vanga chhandam nihngai nibawk si buat thlal teh nua emm
Report this comment
December 18th, 2010 at 11:31 am
Ka chung chiah a mi comment chu a va mak nei nuai ve..
Report this comment
December 18th, 2010 at 11:38 am
Sakhaw dang betute pawh hian tidik an intih ve hmel tho bawk a. An thu leh hla hi kan hrelo em mai a hriatchian deuh chu chakawm ve mai angreng.
Report this comment
December 18th, 2010 at 11:39 am
Post tha tak a nih bakah a ngaihnawm hle mai. Messia (Isua) hi Bible a zawlnei kan hmuh kherloh pawn an lo hrilhlawk tih thute hlei hlei hian MESSIA A NIH ZIA a tarlang chiang khawp mai.
@7 irpa : Nia tiraw, Kan Messia hi chhanhima’n a rawn khawih-hnang leh viau ang tih chu a hlauhawm deuh roh.
@8 S.Dala : va mak nih niah ve aw… :lol: Gen 3:17 “…a rah i(Adama) ei avangin lei hi nangmah avangin anchhedawngin a awm ta a ni…” Rom 3:23 “…Mi zawng zawngin thil an tisual tawh vek a Pathian ropuina an chang zo ta lo a ni”
tih atang pawh hian Jentail leh tail-lo lam ani dawn em ni.
Tin, Adama bawhchhiat lai khan Juda, jentail,Greek a la awm hleinem.
Report this comment
December 18th, 2010 at 11:42 am
#8 I thilziak hi a chhiar theih trawk2. Chuan adama thlahte chu kan ni vek. Mizo tawng ziah zir rawh, i comment hi a nawi bawk, mahse ti zel rawh.
Report this comment
December 18th, 2010 at 11:50 am
“Bible-ah hian Isua Krista lokal tur thu hi vawi tamtak a in ziak a..” vawi engzat? :rolleyes:
Report this comment
December 18th, 2010 at 1:54 pm
I Joh.3:8 ah chuan: “Pathian Fapa lo lan chhan ber chu diabola hnathawhte a tihboral theih nan a ni” tih kan hmu a. Khawvela Diabola hnathawhte lo intanna chu Eden Huan-ah a ni tih kan hria.
Juda te mai an ni lo, kristian chauh kan ni lo… mihringte tan ringawt a ni lo… thilsiam zawng zawng tana lokal a ni!
Thil siam zawng zawngte chuan beisei em emin, Pathian fate lo lanna chu an nghakhlel hle si. Thil siam zawng zawngte chu thil lawilo thu thua awmtirin an awm tawh (an duha awm an ni lo va, a awmtirtu avang a ni zawk e; beiseina neiin, thil siam zawng zawngte ngei pawh chu chhiatna bawih ata tihchhuahin an awm ang a, Pathian fate zalenna ropuiah chuan an lut dawn si a. Thil siam zawng zawngte chu tun thlengin rum leh nauvei na tuarin an awmhlawm tih kan hre si a. – Rom 8:19-22
Zoram Khawvar hunah chuan Lal Isua tlanna hi a takin leilungah a thleng tawh ang a… Diabola vanga thihna anchhia chu lakkian a ni tawh ang! Leilung zawng zawngah Pathian Lalram a ding ang a, a tira a siam ang khan a dah leh ang..chu chu TLANNA ROPUI kan Lal Isua lokal chhan dik tak chu a ni!
Report this comment
December 18th, 2010 at 3:07 pm
kan tive mai mai teh ang keimisual hian Messiah ni a hrilh lokna i hantih ahkhian kei chu thuthlunghlui ka en a,
Thuthlunghlui en awm reng poh a nia a,chhan chu Isua pian hma lo ziah tawh a nih a vang in,eng pohnise Isua pian hnu a ziah ziah chu awm mahse a rin tlak tohlo tawh ang tih hi ka ring bawk,Achhan chu a nih tur ang a nihtawh hnuah chuan duh duh dan a ziah tawh mai thei a ni ve tlat,
Thuthlunghlui ka han em mai mai hian,Messia a lo kal huan a khawvel awm danturte Israelte lal a nih turthu te khawvel zawng zawng a awp tur thu te a awm a,kan LalIsua krista khan a hun lai poh khan Lalna nei in khaw pakhat poh a awp ka hre bawksi lo a,
chiangtak a sawithei in awm chuang kei misual hi min lo hrilh fiah teh uuuuuuuu
in vai in krismas chi bai vek u leee,,,,,
Report this comment
December 18th, 2010 at 3:18 pm
messiah hi davida thlah a tang a lo kaltur a ni sia,
pathian in nula thianghlim a raitir a lo piang a ni leh daih bawk si a,Lo rengah poh pathian chuan sawnte poh a lo thlak ve tihna a ni ngei dawn chu,
Fate sawnthlak lo tur in kan zilha keinin sawn kan thlak leh tho ang vel ni mai lo ang maw
a engber hi nge kan rin tak ang awwww
Report this comment
December 18th, 2010 at 3:46 pm
@16 Sason : Isaia 9:6 thu-a ,”Kan tan naupang a lo pianga…” tih hi Isua Krista, Messia ni bawk sawina a ni a, Isua pian hma daih a puan lawk a ni baw e. Bible zir mite chuan Genesis atanga thupuan thleng hian a thuchah lai mu chu Isua Krista, Messia ni baw hi a ani an ti thin.
@17 comment hi i uang nge i fiamthu, nge i rindan diktak?
Isua hi Messia a nih i rinloh chuan i tan Krismas pawh a awmzia awm vak lovang tih ka hlauhlel lo.
Report this comment
December 18th, 2010 at 4:11 pm
chi ti a nih chuan krismas hmang zo phot i la la sawi chhun zawm leh ila that dawn chu,krismas te chu ka hmangve duh tho sia,ching lo deuh in ring hrih phawt mai ang,Thian ten min thlih ve duh lo palh ang,,,,,
lolzzz
Report this comment
December 18th, 2010 at 7:11 pm
Thlarau thianghlim pawh in virgin ngat lo chu a duh lo a nih hi. Misual ho hian extra- virgin ka zawng ve mai dawn mi? Hahaha
Report this comment
December 18th, 2010 at 10:46 pm
Isaia sawi kha a lo pian hunah chuan mihring dam chen chu thing dam chen niturin a sawi si a.
Kum za mi a thi chu anchhe dawng hlamzuih a ti si a.
Sakeibakneiin buhpawl a ei tawhg ang a ti bawk .An ei tawh em aw? :lol: :lol:
Report this comment
December 19th, 2010 at 1:11 am
Va ngaihnom ve……….chhiar a man hla hle mai.
Report this comment
December 19th, 2010 at 2:40 pm
Confucius khan sakhua adin, hmuchhuak em ni aw ?
Eternity in their Hearts- Don Richardson-a lehkhabu kha in chhiar tawh chuan, hnam hrang hrangten Chanchin Tha an dawn tur thu, zawlnei leh an pi leh pute hmanga an lo puan lawk dan a ziak nual mai. Bul thuhmun vek kan lo ni e.
Mizote pawn Darphawk-a inlarna/ hrilhlawkna kan neih ang deuh hian.
Report this comment
December 19th, 2010 at 9:34 pm
In comment a ngaihnawm hlawm hle mai, lawmthu ka sawi e. Kei miril lo ve tak hian in zawhna neihte chhan thiam ka nei tlem ngawt ang, mahse Pathian thu hi mihring finna atanga chhui phak rual a nih silo.
Report this comment
December 19th, 2010 at 9:44 pm
@8-na,S.dala, mihring zawng zawng te hi Adama thlah kan ni a, lei pumpui anchhedawng awm a nih rual khan mihring zawng zawng te hi sualin min chimvek a ni (Israel hnam chauh ni lovin, Israel hnam hi Abrahama atang chiaha in tan a ni a,Abrahama hma khan hnam tamtak an awm tawh tlat).
@13, Pu HV-a, Bible a inziak hi a zat chiah kalo chhiar lova.
Report this comment
December 19th, 2010 at 9:52 pm
@15, sason, i thlirna chu a dikhlel deuhin ka hria. Isua Krista hi Lal a ni Bible-in a tih hian khawvel a lalram (physical kingdom) din tur a lokal a nilo. Thlarau lalram din tura lokal a ni zawk. Chu chu Juda ten tunthlenga an pawm theih lohna pawh a ni. Anni chuan khawvel lalram dina, hnam dangte laka sang taka awm chu an thlakhlelh ber a ni.Mahse Isua vekin ‘Ka ram chu he khawvela mi a nilo, ni sela ka thuihhruai ten an bei tawh ang’ a tih kha.
A hrim hrim in Isua Krista pian atang ringawt pawh hian khawvelah lalram (dynasty/emperor/kingdom) engzat nge lo awm tawh a, engzat nge tluchhe tawh i hria em? Kan Lal Isua Krista lalram din hi tun thleng hian a la tlu chhe mai ni lovin chatuan thlengin a ropui deuh deuh dawn a ni. Khawvel lalram mai mai nena khaikhin chi a nilo.
Report this comment
December 19th, 2010 at 9:54 pm
@16 Sason, Isua kha Thlarau Thianghlim fa a ni a, chu chu Pathian a nihzia tarlanna a ni zawk. Mihring fa pangngai nise Pathian a ni thei dawn lova, a awmzia tak chu PATHIAN MIHRINGA LO CHANG a ni.
Report this comment