English hmang ho te hi chu han inthen dawn hian inthlahna tawngkam hi an ngah khawp a. Goodbye, Bye bye, See you, take care, ta-ta,So long, Bye etc, hman vak loh zingah – farewell, pip-pip, toodle-oo, cheerio etc; English ni chiah lo mahse – ciao, adios etc.. an ngah lutuk. Inthen dan azirin inthlahna tawngkam hi a hran ve zel thei a. Nitina i thawhpui te chu “Goodbye” i ti tuk tuk kher lo ang, “Bye” emaw “See you”, “Goodnight” te pawh a niang chu. Hla deuha zin tur te chu “Take care” “Goodbye” te pawh ni mahna.
Mizo te hi chuan engkimah hian “Mangtha” hi kan hmang vek mai a. Tunlaiah hi chuan “A nih leh aw..” “Bye” “bye bye” te pawh kan ti a. Zin tur te chu “Tluang deuhin i kal dawn nia” te pawh kan ti ang chu. Mahse inthlahna tawngkam bik hi kan neih hi chu “Mangtha” tih hi a ni mai lo maw?
Hlathu ah lah kan hmang hnem. Songbook hlui te ka’n hai vel a, misual post hlui te nena tangkawpin eng engemaw chu ka hai chhuak a. Kan love song te lah hi a’n lungchhiatthlak hlawm khawp mai lehnghal a. Luah zawh loh di, khua hmuna len loh tih lampang hi a hawi deuh vek a. Mahse tha tak chuan an inmangtha leh zel lawi si. Hla thenkhata Mangtha tih awmna tlem ka rawn tarlang. Hei bak chu ka zawng peih tawh lo, lo thawh belh ve teh u, hla tunlai deuh te pawh a theih vek e.
Zantin Mangtha:
Mahse e ka hmangaih min nghilh bik suh aw
Nangmah ngaia damchhung hun hmang tur hian
Mal ka sawm che khiangawi i chan thlengin
Damten leng la, zantin mangtha
Nunrawng Hmeltha:
Biahthu min hlan zawng kha han dawn la aw mi u
A mak in thiam pawh i lo thiam zawk e
Tun lo tuar ve tawh tak ang maw
I chhai thar di nen zantin atan mangtha
Lenlai a ruallo:
Khuanu samsuih loh zawng
Inthen zawk mai ang aw
Thennan hawilopar min thliah la
Mangtha aw, damtakin mangtha mai le
Annem Vala – Sailothangi
Lem ang der thiam mi u mangtha
Tawn leh ni te lo her thin mahse
Sam ang i then hnu riang i chantir hi
Min nghilh bik suh aw mangtha mai le
Ka thai Mampui – Lallianmawia
Kei vanga tahlai lo bang tawh rawh
A rem mawlh si lo nang nen lendun
Buan ang pawm leh hian kan mawi tawh lo
Mangtha, mangtha
My PPO Di – Lalzova
Aw a pawi mange khua hmuna len loh chu
Dawn rawh kei anga i zun ngai hi
Kei chu riang zual tur hermawi di ngaiin
My PPO Di mangtha
Kumtluangin Mangtha – Zira Hnamte
Zanin chung chhawrthlapui eng ruai khi,
Awmkhawhar tizualtu maw lo ni;
Mualzapui dana leng ka ngai nunhlui te nen.
I tiamthu di zawngte lairilah a cham reng,
Kumtluangin aw mangtha dar ang tawn leh hma zawng.
Dam takin mangtha mai le – Valzotea
Engdang vang anilo lungrunpui i tan hian
Ka tling zo lo a ni dam takin mangtha le
I duhlai tleitir ngei chu pawm ta la aw
Damtakin leng nang che
Rebecca Saimawii:
Aw i sakhmelmawi kei ka lawmna
Vul zel se a riang ka lawman
Mahse aw min dawnpui si lo
Ka riang lua e ka di ngaiin
Ka hrilh tam ta biahthu di zawng
Nghilh bik lawng che mangtha
lunglen thlak mang e
January 13th, 2011 at 3:36 pm
He phek thar hi ka nau little-te-rascal tan ka hlan e
Report this comment
January 13th, 2011 at 3:48 pm
48
nghasih Says:
January 13th, 2011 at 9:46 am
@ Funny
“PP” tih pawh hi “PukPui” tih aichuan, “Pek_Pari” tihna ni tlata ka hriat chu… Nuthlawi pakhat, hmelchhe ve deuh, a hming “Vanlalpeki” tih hi a awma, naupanlai atangin a thianten, “Pari” anti thin ani awme.
I rin thu i sawi tih ka hre chiang PP O di tih hi chu ka hre ve chiang. fam Lalzova khan ku nutei khatih lai a Pukpui nula hmeltha ngo leh nalh tak mai zirtirtu ni bawk a phuah na alawm
nghasih tuikhuahtlangah an awm thin tiro i nutei chu? a hming pawh ****hami
Report this comment
January 14th, 2011 at 5:32 am
@52 fonz i tih dik hmel kan inchhung i tih atang khan i hriat dik ka ring reng a
Report this comment