A thinchhiat em vanga Thin-awrh-a an tih, ka pu Chalsawithanga kha Selam khuaa piang leh sei lian a ni a. Mualkil upa niin tum khat an lal hoa zu an in chu an rui sual deuh nge ni thil dang vang zawk, an lal Mangthawla chuan ka pu thian-sa-beng, an khaw thirdêng Hluancheua a vêl a. Thinchhe hmingthang tih takah, a thian a chhanna lamah lal a tilungni loa, tuna Tualchengah hian 1939-ah a pêm phah ta ani. Ani kha zawng thuhnu dâwn lo mi leh ân chhe ve tak a ni reng a.
Tumkhat pawh pawlsawm result a chhuah tumin an veng YMA chanchinbuah ka u hming a hmu a; “ I hming tawpa an dah hi engnge?” tiin a zawt a. Ngaihsam hmel zet hian u Hruaia chuan “Kawlni tihna a nih kha, mi inti sâp ve te” tiin a chhang liam mai a ( Ka u hian H. Lalruaizela Colney tiin a hming a ziak thina). Ka pu ngaihdan a ni nasa ta lo mai ! “Tuisik i nih hma atangin Kawlni, K-AW-L-N-I tih a ni. I tu tu tu leh thleng pawhin chutiang chu a ni zel ang. Thlahtu bul phatsantu ni tawh ngai suh” a ti ta hrep mai a!!! Ka u ka lainat teh lul nen engmah lah ka sawi ve ngam si lo.
Tu hmuh hmasak tih takah, ka pi khan ka u hi a chhan em em thin a. Chumi tum pawh chuan “Leh ta chiam chiam thin a, chhungte chu thangthar dân a ni mai a lawm” a lo ti a. A ni lah chuan “Thangthar dân a?! Lalhruaizela tih hma chiah a eih-chhi(H) an dah te hi i hmu em? A laiahhnan hming, Hmangaihlalhruaizela tih hi I sak a ni lo’m ni?” a ti tak deuh deuh a. Tute thlavang hauh zawng a nâ a niang, ka pi chuan “a sei lutuk an ti a ni mahna” a han ti leh hram a. Thangthar nun lepler (leplerh? 
) hi hrethiam mawlh hek lo le, ka pu chuan “Sei lutuk a awm thei lo; laiahhnan hming chu dam chhunga kan hming tur a ni ngai ; chu chu pi pu chena Mizo dân a ni. Tunlai thangthar hoin mahni hming bung hnih bung thuma an chhuahte hi a tiha tih chi va ni suh (Lal Tive Zela tih ang chi a sawina ni maw?)!! Sailo lal lal lai la ni se zawng salam an chawi hial ta ve ang” a ti a. Bak hlak hian “Dâwt pawh va ni suh; hming vangin tu’n lei an chawi hlei lo’ng e” ka pi chuan a ti a. Tara lamah inhnial an peihin ngawi zawka tan kha tlawmah an la ani awm a sin.
Ka pu kha zawng mi dang thlirna atanga thil thlir thiamlo leh mahni ngaihdan sahuai thing vawn tlut mai mi a ni a. a tuate mah thliar lo hian a ngaihdan mak sak tak tak a hrilh leh chiam thin. Vawikhat pawh kan kohhran ziaktuin committee kohna a rawn dah tumin ka pu chuan, “Thangzik, eng ti zia-a ka hming bula esi-awu (s/o) in dah tak fo ni? a lo ti a. Pa Zika chuan “Chu mi kha mi fapa – son of- tih lamtawi a nih kha ; Hruaia pa hi i fapa a ni tihna’n a nih chu” a ti a. A ni ta pek chuan “Sap tawng kher han hman tak zel mai chuh: eng in ti ta nge maw ni le?! ‘Ram leh hnam humhalh’ tihte hi in sawi uâr viau a ; Mizo tawng hi kan phawsial, kan daingul a ni tih hriain humhalh ula, tihhausak tum ta che u. Esi-awu (s/o) aiah efi-pi (f/p), di-awu(d/o) aiah efi-en(f/n), nupui a nih leh en-pi (n/p), pasal a nih leh pi-esi (p/s) tihte hmang ula; hun tawn mila tawng thar chherchhuah tur a ni ngai” a ti a. Pa Zika chuan “a ni viau tak e” a ti naa a hnu zelah engtin nge a ziah ka hre zui lo.
Kum sawm leh panga liam ta, u Hruaizela fanu Kawlnithangi pian kum khan ka pu chuan min kal san a; ka pi nen kum zawnin an boral ani. Mahni thu duh, mi luhlul tih takah, ngawr leh thawhah vanga a bawhsawp reng lai pawh khan meizuk zu thlah duh hauh lo a!!! An han khap ngial pawhin, “Japan râl leh vai sipai tukdawl zawh loh hi vaihlo vangin ka thi loang” a ti tlat zel a; mahse a meizuk chuan a hnuk a chhat ta a ni.
Pawl thum pawh pass lo nafam chu a thil thlir dan a dangin, a vei zawngte kha a mak thin ngawt mai. Zan khat pawh a damlo kan menpui laiin min ko a; en ngai en reng chung hian “Zochiang, in tu leh fate zawng an vanduai dawn teh e; ei leh bâr, silh leh fênah chawmhlawm in ni mah zahthlakin, tawngah leh zel in intodelh lo tulh tulh mai si a” a ti chuai raih a; thih dawna ruaia chutiang han sawi chu engin nge maw mawlh ni dawn ni (?).
NB: He Paws hi @Jewel leh Tinge??? Part -II chhânna a ni kherlo.
Similar Posts:
- Ka thianpa ve thung…. :-)
- Ka ngaihtuah mai mai a..
- Mizo tawng a translate tur
- Thupui (Topic) ngai hlir sawiho hi!!
- AIZAWL – AIZWAL
January 20th, 2011 at 12:54 am
#49, Zu seh chu ni lovin, zu seh a thi* tih zawk tur a ni e.
Report this comment
January 20th, 2011 at 12:55 am
tuikuk togtai khiiiiiiiii….
Report this comment
January 20th, 2011 at 12:58 am
#48, Ngawr(T.B) leh Thawhah(Asthmatic Bronchitis) hi meizial zuk vanga awm anih ka van hre lo ve!
Report this comment
January 20th, 2011 at 1:06 am
oithoss..@pu hv,lushai hi lo hrihfiah ve teh…A pu thih hun lai khi chuan Mizo hian TB leh Asthma hi kan hriatbel hmel vak loh tiro.,lalthrian.
Chutiang bawkin, nang pawh hi an sa hnu chhuinaah hruai che se la,i hriatloh luatah an hmusit thiang lo che. A hun lai leh a hmun azirin kan tawngkam leh ngaihtuah hi a danglam mai thin asin. Lei a mum tih sawitu Galileo leh Coppernicus te pawh kha an thusawi kha dik mahse a hunlaia an pawmdan anih miau loh avangin mimawl an ni mai.
Report this comment
January 20th, 2011 at 1:22 am
Ngawr leh thawhah te hi chuap natna an nih avangin meizuk chu an ngeih vak chuan ka ring lo
Report this comment
January 20th, 2011 at 1:24 am
ka hriatsual loh chuan TB leh Asthmatic bronchitis chu meizial zuk avang chuan a thleng thei e.
Report this comment
January 20th, 2011 at 1:26 am
awi Luliana a rawn lang hlawl mai! I in la dr tawh lutuk a, ‘natna’ tihvel loh chuan i koh chhuah theih toh loh
Report this comment
January 20th, 2011 at 1:29 am
TB leh Asthmatic bronchitis chu meizial zuk avang chuan a thleng thei chiang bang e. 100% in ka chiang e.
Report this comment
January 20th, 2011 at 1:33 am
Lolzz@pi bleki…chu pawh a ni chuang lo…
TB chu a thlentu hrik a awm, meizuk ringawt vang chuan a awm thei lo. Asthmatic bronchitis chu allergy chi khat a ni, meizuk a ngeih lo viau…
Report this comment
January 20th, 2011 at 1:35 am
#58: Ngawr leh Thawhah vei hi mei zu kher lo vei leh thih pui ka hre teuh mai! A ngeih vak chu ka rin vang pawh ni lovin. “a meizuk chuan a hnuk a chhat ta a ni” tih lai tak hi a nia kan helh deuh chu!
Report this comment
January 20th, 2011 at 1:37 am
#57, bmw: Dr. rawng kai zawng zawng chu an comment-ah hian lo chhinchhiah kauh kauh ang aw! Damloh ve hunah ka rawn vat a tan !
Report this comment
January 20th, 2011 at 1:45 am
In luhna teh daih chu. Dr. Khumchiktheia kha khawnge?
Report this comment
January 20th, 2011 at 1:52 am
TS, OT lalnu ka lo luh hi chuan topic ah a chen theih tak tak tawh thin loh! lol
Lushai, Luliana hi chu a rawn tlak loh lutuk…a pass tak tak em tih hi a hrechiang tumah an awm lo
Report this comment
January 20th, 2011 at 1:54 am
lulian, nih Chhuhrik hi han sawifiah teh.
Report this comment
January 20th, 2011 at 1:55 am
Luliana sawi khi a dik ang.Ka comment hnuhnung khi chu ka cancel tawh hnu a lo tlang palh. Chi loh lutuk. Chuan Lulian, lehkhabu pakhatah Chronic Respiratory Disorder nei te hi Prone to TB a in tia, hei hi a dik em? Heng CRD (kaitawi ve thuai) ah hian meizuk vanga thleng thei Emphysema te hi a tel em? No offence. Zawhna liau liau, ka hre duh tak tak. Please
Report this comment
January 20th, 2011 at 2:06 am
@ 60. Ka comment 58 khi chu cancelled.
Report this comment
January 20th, 2011 at 2:06 am
A va rapthlak em!
Report this comment
January 20th, 2011 at 2:15 am
meizuk….bronchitis,asthma a Q nei ho khan COPD hi lo kukal.kom teh u,Q dang inneih chuan kan inzawt chawp dawn nia[diagnosis+treatment ni lo in]
Report this comment
January 20th, 2011 at 3:03 am
I pu te chu a va ngaihawm reuh ve.
A reh leh ta thuap mai!
Report this comment
January 20th, 2011 at 3:40 am
Lersia chu i ziak tha hle mai a..
Thu awmze nei tak, zirtir nei tha bawk si, ngaihnawm tak a ziak ni bawk si hi a quality a sang khawp mai..
Report this comment
January 20th, 2011 at 3:47 am
Report this comment
January 20th, 2011 at 3:54 am
Fugi. Kei chu zunchhuakin min tiharh laklawha, vawt bawk si. Mengkar mai!
Report this comment
January 20th, 2011 at 4:59 am
Mizo te hi chimral awl tak tur kan va ni em!!! Pi pu ten kum tam an lo ngaihlut thing ti tlat ngam thangthar, chhawrnahawm thil hmuchhuak thei silo. Ramchangkang leh hmuhphak a piang tihdan (a awlsam lai chinchiah) la a, an mahni an tum phet ching kan ni ta der mai.
Pi pu atanga samdum pu thin khan sam rawng a lawi kan nei ta lo, kan kawt thlerah lah Tribal nula meng pawl phat nen kan inpel ta sup sup mai a nih hi. Mizo hmingput zakin sap hming kan pu ta deuh fur mai. Mahse, Nancy ni ve si saptawnga biak theih reng reng loh tamna ber ram a ni mai awm e.
Changkan na hnamchawm lutuk nen hawi pir mai lovin. Mizo takin changkan i tum zawk ang u hmiang.
Report this comment
January 20th, 2011 at 5:08 am
Lersia #73 “Mizo te hi chimral awl tak tur kan va ni em!!!” ka hmuh ve dan tho a ni e
Report this comment
January 20th, 2011 at 5:19 am
@Hv, 74, nangni chu ramdangah in awm zawk a i khawlai leng hnukulh teuha haw i nei khat ang.
Hrangbana college hnaiah hna chhete ka thawk ve a, zir lai te ka hmuh hian nitin min vel a ni ber e.
Report this comment
January 20th, 2011 at 5:31 am
Lersia #75 ka hre vek lo tawp ang mahse, theih ang2 hi chu kan lo thlir ve reng thin asin, ngaihtuah a thui thei khawp mai.
Report this comment
January 20th, 2011 at 6:26 am
Khaw pakhat ka zinna ah hian kawngsir thil in ziak ah hian Artist Vlthlana hory day ti hian a lo in ziak a ka ngaih tuahna sa mai a..a tawp ah chuan ka nui top ..kawlni tih a lo ziahna ni awm tak a ni…
Report this comment