…teh ngawt a! Khawvel a hneh theih em ni? Theih suh e! Mi tamtakin hneh tumin, an chakna zawng zawng nen an lo bei chiam tawh thin a; Ralthuam tha ber ber leh Sipai nuai tamtak te nen an lo thawk chhuak fo tawh thin. Chutiang bawkin, ziaktu ropui leh rîl tak tak ten ziak-fung hmanga hnen an lo tum tawh thin a; Ram hausa ten an hausakna hmanga hneh an lo tum tawh thin. Mahse, Khawvel hneh thei Pakhat tè mah an la awm lo!
Khawvel hneha ngamtute : Mihring tumah, Sual/ Thil tha lo leh Vanduaina te’n a chimbuai loh kan awm lo. Mi tawn loh ang tâwng a, mi tawn ang tâwng lo bik lah kan awm hek lo. Chutia’ng hunah chuan, Sual leh Thil tha lo te hnungchhawn ngam leh, a chunga Vanduaina leh chhiatna lo thleng te inbawhbeh tir mai mai lo mi chu – chùmi ngei chu Khawvel hnehtu chu a ni. Mit ìtna leh tisa chákna ùma tlan mai loa mahni inthunun tlat te leh, mahni kalna kawnga hlawhtlinna puakchhuah ngei tuma bei fàn fân te tluka Khawvel ngamtu an awm chuang lo!
Sakhuana tel loin : Sakhuana atang chauha khawvel thil bawlhhlawh laka fihlim thei nia inngaihna te, Sakhuana avang chauha eirukna/ hlemhletna leh hurna laka fihlim thei nia inhriatna te hi thil tha zawng a ni ngei e; mahse, Sakhuana tel lo pawhin, kan chhia leh tha hriatna hmang ngei hian kan tana thil tha lo reng reng hneh kan tum ngei tur a ni. Chuti lo zawngin, Pathian laka vui duh hial khawpa vanduaina kan tawn chang leh, Thlarau lam nun a chauh tik ni apiangah, he mihring – Pathian hawisan thin-a hi Khawvel lakah tlu sawpin, mualphoin a tlawm leh mai thin.
Khawvel hnehna : Kan rah chin leh dàiram apiang hi kan Khawvel chu a ni a, a bak zawng chu Khawvel piah lam a ni. Kan nun tichhe thei leh kan hmakhua tithim vek thei thil tha lo laka inthiarfihlimin, chhelna leh tumruhna nen — Khawvel hneh i tum ang u. Khawvel chu hneh rawh le! 
Similar Posts:
- Kan hneh ngei dawn !
- Mizote hian kan sakhua dik kan vawn hun chuan
- Sakhuana hi!
- Tute nge him ang le?
- THAWHLEHNAA TIHNUN KA LO NI TA
January 27th, 2011 at 9:10 am
And here comes phek thar
. Kan belh lawk.
Mahni insiamtha tur hian in enlet satliah mai nilo, a pawnlam (3rd) person anga han in en te hi a tha duh viau asin.. Kan thiltihte mi dem thil, midangin an tih pawh a kan demna thin ngei ngei ah pawh hian keimahni na na na hi chu kan lo inthiam chawp fo thin.
Report this comment
May 23rd, 2011 at 7:37 pm
A va han tha tehreng em. Ka tan liau liaua ziah niawm tak a nih hi a.
Report this comment