Thapui nangnen

February 12th, 2011 6:30 pm by eL

Siar Chawngmawipui chuanin
A di val Hrangchhuana then mahse, tawn leh chang ni a nei
Kei erawh chuan he khawvelah
Tawn leh hi reng ka nei dawn lo, Aw!! ka di ve kha

A ni, mi pawhin an thian te, an hmangaih tak tak te pawh an then a. Ngati nge ka tawh em em bik le ka ti thin. Chumi ka inzawh rual rual chuan keimah leh keimah chu ” Mahse anni chuan kumkhuaa inthen tur an ni lo tih inhre reng chung a in then a, nang erawh chuan i tawng leh tawh dawn lo a sin” tiin ka in chhang leh nghal thin. Hun dang chu nise kan in mangtha anga, in tawh leh hun kan nghak mai tur a ni a le. Inthlahlel taka kan inthlah lai te pawh ngaihtuah ngm chui zia zang ka ni tawh lo.

Sualin tling lo mah ilangin ka rawn dil zel anga Lalpan
Min ngaidam ve anga
A buatsaih sa Chatuan ramah
Kan la in tawng leh dawn nia aw
Thapui nangnen chuan

Kan la in tawng leh ngei dawn lawm a tih lai te khan aw……

Chhun a rei zan khua a sei si
Zawt vel ila kawp lai then chu, tuar har ti ve maw
Kei chu lunglen ka zo love
Tap ruai ruai in kan run mahten, ka rawn fang tur chu

Tu dang ngai lova kan lenna tlang te pawh an lo ngui zo ta, engkim mai hian a nih tir a ni phak tawh lo a ni ber mai. I tello chuan engtih zai mah ka rel thei ta lo. Hlim taka kan nuih dar dar na hmun te pawh chuan min lo peih loh san ta a. A chul rup a, vul tut hian chakna an nei lo ni te hian ka hre thin. I tello chuan engtin nge ka awm tak ang??

Tawnmangan maw nang ka pawm che
Hai ang thang i aw i awm si lo, aw khawnge maw i awm?
Tuar i har dawn mang e lungrun
I zun ngai reng reng hian kei zawng, fam a awl awm e

Ka ngai che a, ka ngai vawng vawng che asin. Theih nise ka kiangah hlim ten han leng leh la. Aw, tawn ni a her tawh dawn si lo.

Sualin tling lo mah ilangin ka rawn dil zel anga Lalpan
Min ngaidam ve anga
A buatsaih sa Chatuan ramah
Kan la in tawng leh dawn nia aw
Thapui nangnen chuan

——————————————————————–
Kan vengpa Sangnawna hriatreng nan

22 Responses to “Thapui nangnen”

1
Phivawk Says:
February 12th, 2011 at 6:35 pm
Comment i1a
Report this comment
2
H.Vangchhia Says:
February 12th, 2011 at 6:35 pm
Mu teh ang zing dar 8:05
Report this comment
3
Zodin Says:
February 12th, 2011 at 6:43 pm
comment phawt ila..ka..chhiar zo daih..tawi tha hle mai.
PU H.V Muttui…
Report this comment
4
Atom c Says:
February 12th, 2011 at 7:30 pm
Hetianga hla thu tha tak tak an phuah lo ngaihtuah vung vung a, mahni nundan nena khaikhin hi a hahthlak ka ti. Kawng leh lamah chuan kan tawn ang tawng ve tho te kan hriat phah a, a thlamuanthlak phian lawi..
Report this comment
5
kawlhawk Says:
February 12th, 2011 at 7:44 pm
“Tanpui nangen”
Admin te pawh hian hetiang em em te hi chu han Edit thin hram se ka va’n ti em! A zia lo lulai thin em mai! Thuziak kar laka hman sual chu thuhran nise…

Tanpuina ngen
Report this comment
6
thlanrawkpa Says:
February 12th, 2011 at 8:06 pm
Spelling mistake tam ve pangngai.
Report this comment
7
kilung Says:
February 12th, 2011 at 8:14 pm
He hla hi chu tha ve tak ani.
Report this comment
8
piu_piu Says:
February 12th, 2011 at 9:04 pm
he hla kher2 hi chuh..min va phuahkhalh chiang tak emm..
Report this comment
9
El Says:
February 12th, 2011 at 9:17 pm
tum nei reng vanga ti sual lui te pawh kan ni mai thei asin..;-) Admin te in ti lawmawm e..
Report this comment
10
TuaiSialA Says:
February 12th, 2011 at 9:29 pm
Aw.. I va han luangliam tak em!
Report this comment
11
kawlhawk Says:
February 12th, 2011 at 9:30 pm
Het! Kei hi ka tisual chhiava a ni. “Thapui nangnen” khi “Tanpui nangen” tia ka lo chhiar tlat chu a! Chuvang a nia ka han sawisel tak hluai ni; keima chiangkun loh vang a ni e. Sorry, El. Ngaidam… Ngaidam…

Mahse, “Thapui nang nen” ti ta zawk la… (la ti-hram )
Report this comment
12
XaiA Says:
February 12th, 2011 at 10:08 pm
He hla hian lung a kuai zekin ka hria.
Report this comment
13
bucko Says:
February 12th, 2011 at 10:27 pm
He hla hi Pathian hla (Fakna) thenkhat ai chuan a Pathian hla zawk ka ti….

Hla tha leh lungkuai tak a ni a,christian love song an ti, thenkhat chuan.

Serkawn a BMP te chuan Pathian hlabu a telh an rawt a ni awm e.
Report this comment
14
chhawkhlei Says:
February 12th, 2011 at 10:53 pm
He hla hi thingtlang khaw pakhatah chuan biakìnah an sa an tia a nia aw . . . An sak chhan ( Sualin tling lo mai i la aw. . .
Report this comment
15
best Says:
February 13th, 2011 at 2:31 am
#13 bucko,k awih em2 lo..;-)

pialral ah pawh kan tih ngam tawh loh hi chuan kan chawh ve hle tihna….
kan la chawh loh hlawm viau hi le…!
Report this comment
16
caribou Says:
February 13th, 2011 at 4:04 am
He hla hi, a satu H. Lalthakima hian a sa lungrun thiam bawk a, ngaihthlak a nuam asin aw. Thihna vanga nupa tangthen natzia he hla hian a phawk chhuak chiang khawp mai.
Report this comment
17
H.Vangchhia Says:
February 13th, 2011 at 4:08 am
caribou, hmanni khan H.Lalthakima hian a hla lo lar thin te leh a thar… siam thar leh a tum mek thu min hrilh asin.

* I fb mail i hman hunah i check dawn nia
Report this comment
18
caribou Says:
February 13th, 2011 at 4:18 am
Nia, FB lamah khan H. Lalthakima khan a sawi tak asin. C. Vansanga leh H. Lalthakima te hi ka ngaihthlak tam ber an ni e.
Report this comment
19
TuaiSialA Says:
February 13th, 2011 at 4:38 am
He post/hla hi ‘Kum tam pawh liam se’ tih post-tu, Vitamin_C tan ka hlan ve e.
Report this comment
20
caribou Says:
February 13th, 2011 at 4:47 am
Naupang mengrei an awm elaw maw???
Report this comment
21
huxleyback Says:
February 13th, 2011 at 9:55 am
a mawi ee atha hle mai aaa….
Report this comment
22
eL Says:
November 15th, 2011 at 9:47 pm
ka va ngai.
Report this comment