«
»

Chhanna Mak!

November 24th, 2010 3:25 pm by kawlhawk

Mi hmasa te’n mual an liam a, mi thar an lo chhuak zel a. Par chuai chu kuhmum-in a thlak a, hnah vuai pawh chawrno-in a thlak thin a. Khuareiah Chulram chu hring hmun a lo ni a, tuikhur ro pawh a lo khat-liam leh thin a.

Khawvel leh a chhunga thilte hi nitina danglamin, mitkhap kar lekah a inlet but but a. Thil siam tinrengte pawhin an ze hlui leh tha lo laite hnawlin, ze thar/nihna thar nen mawi takin par an rawn chhuang leh thin a. Chutih laiin kei erawh, keimaha thil tha lo awmte hnawl thei lêk loin kum hei chen hi ka awm ta! Khawlohnaa dinin ka awm a, khawlo taka khawvel chhuahsan erawh ka duh hlauh si lo. Thlarau khawvel ka thlirin, thlamuanna reng ka nei lo a!

Nun thar nei turin thinlung thar ka mamawh a ni. Ìtna, Chàkna, Hûrna, Ìtsikna leh khawvel thil bawlhhlawh tak tak te’n a chiahpiah ve loh- Thinlung thar! Mahse, Ani chuan– “He leiah hian thil tha lo reng reng ngaihtuah ngai lo, sualin a tihbuai loh leh thlemnain a ngam loh thinlung thar ka pe tawp lo ang che u. Chutia’ng chu Van-a in chan tur a ni si a. Tin, in damchhungin Hurna te, Ìtna te, Chàkna te hian a chhuahsan hek lo ang che u.

Mihring pangaiah ka din tawh che’u a, thihna in suangtuah apiangin lungngaihnain in khat ang a, thlanmual in mitthla apiangin hlauin in khur thin ang. Tuna pangin thih thlamuanna neih tum suh u; A hun taka thlamuanna ka pe ang che u.

Nangmahni-ah, Inchhungah khan ka awm a; Tirhkoh Pawla anga “ka nun hi ‘Krista’ a ni” tih in hriatfiah tik ni-ah==>>
Sual reng reng ngaihtuah ngai lo thinlung thar ni loin, thlemna lo lut apiang hneh thei nun…
Sum ngainatna thinlung nei si a, Sum-in a bawih theih loh nun…
A tuai nalh leh mam tha apiang ìt-na thinlung nei si a, ìtna-in a hruai sual zawh loh nun…
Eiruk mai duhna thinlung nei et et si a, eirukna-in a thlemthluk rual loh nun…
Ruihna leh thil tha lo tih chàkna thinlung la nei reng si a, chàkna sualin a thunun hneh ngai loh nun…
in lo nei tawh zawk ang.

He leia in cham chhung chuan Khawvel mawina te’n in mit a la reng ang a, Khawvel rimawi te’n in beng a verh reng ang a, Khawvel thil te’n in lung a len reng bawk ang.”
a ti a.

Thil tha lo ngaihtuah ngai lo, Khawvel thil tawh phawt ngaina thei lo, Sualna leh thlemna te’n a chimbuai ve loh- Thinlung thar dila ka aû laiin, chhanna mak min pe ta zawk a. Thinlung thar/ Thinlung thianghlim lam ni loin, sual lam ngaihtuah thin leh Sualin a luhkhung ngam thinlung- hneh theihna thuruk min pe ta zawk a!

Similar Posts:

Recent Posts:

This entry was posted on Wednesday, November 24th, 2010 at 3:25 pm and is filed under More than words. You can follow any responses to this entry through the RSS 2.0 feed.

31 Responses to “Chhanna Mak!”

  1. 1
    Black_Hawk Says:
    November 24th, 2010 at 3:31 pm

    Mi{sual}ah ka 1st post vena a nia, min han comment sak liam liam teh u.

  2. 2
    sillyBoy Says:
    November 24th, 2010 at 3:33 pm

    Similar post tiha 13 November ah pawh Mr. X tih i post tawh khi. :D

  3. 3
    hehe Says:
    November 24th, 2010 at 3:35 pm

    tunlai chu Pathian thu post hi a tam riau mai a….a tha tho a…mahse a ti boring lek lek mai a..hetiang lam atchilh lo tan chuan…..he he

  4. 4
    Black_Hawk Says:
    November 24th, 2010 at 3:40 pm

    @#2; kawlhawk anih khi

  5. 5
    sillyBoy Says:
    November 24th, 2010 at 3:51 pm

    #4, I va chiang lo ve aw !!! :D:D:D:Dnui vak teh ang

  6. 6
    Alejendro Says:
    November 24th, 2010 at 3:52 pm

    Posted by Black_Hawk

    1. Ka thiam ve ta!! Date: 2009/10/27
    2. Thlasik rim a nam tan… Date: 2009/10/28
    3. Top-2 leh Chawlhni(Sunday) Date: 2009/10/31
    4. SHEX!! Date: 2009/11/18
    5. Sawi lawl lawl mai awm. Date: 2009/11/18
    6. Taikheri Date: 2009/11/20
    7. Ropuite Vs Ropuina-te Date: 2009/11/21
    8. Duat sual > Sual duat > Duat hlum! Date: 2009/11/25
    9. Anti Bu Date: 2009/11/26
    10. Bazaar ka fang Part-I Date: 2009/11/26
    11. Love Story Date: 2009/11/27
    12. Love Story-II Date: 2009/11/30
    13. ..Leh ngawt ang… Date: 2009/12/01
    14. Thla hrang!! Date: 2009/12/03
    15. Phuahchawp damdawi & Zut dam thiam Date: 2009/12/04
    16. Ngaidam miah suh Date: 2009/12/05
    17. Hringnun…. Date: 2009/12/08
    18. ‘V’ ?? Date: 2009/12/08
    19. Tunge hlauhawm zawk? Date: 2009/12/10
    20. Misualdotcomers hmingin Thil tha? Date: 2009/12/11
    21. Kan Fai Ve Ta!! Date: 2009/12/15
    22. Mi Bo Pahnih?? Date: 2009/12/17
    23. Kerawl, Krismas Kerawl Date: 2009/12/20
    24. Charity Bawm hawn zan thlalak thenkhat Date: 2009/12/23
    25. Hengte hi SIM ka tum! A ruh langin… Date: 2009/12/27
    26. ‘Bik’ kan ni em? Date: 2009/12/30
    27. SIM ka tum takte kha… Date: 2010/01/02
    28. Vawiinah hming ziak ang! Date: 2010/01/03
    29. Virgin kher a ngai lo! Date: 2010/01/05
    30. Kaw-rap-son tih tlemnan an ti maw? Date: 2010/01/05
    31. An ti Bu – II Date: 2010/01/05
    32. Vanram fan thu leh Thih thlamuanna Date: 2010/01/09
    33. Beckham-a Date: 2010/01/09
    34. Kan tè bik lo e! Date: 2010/01/12
    35. He ram, He Hnam hi… Date: 2010/01/15
    36. Naupang pawngsual kan hmuhdan hi Date: 2010/01/16
    37. Hei le, OT Huang (Kan va la ngai dawn em!) Date: 2010/01/17
    38. I have a Dream Date: 2010/01/18
    39. Love Story – III Date: 2010/01/20
    40. Vai Fim (Film) Date: 2010/01/22
    41. Kohhran chu kohhran… Date: 2010/01/23
    42. “Kalvari Tlang/ Darthlalang Tlang” Date: 2010/01/24
    43. Pu Shailendra-a’n Nokia E63 a nei ta! Date: 2010/01/24
    44. Aizawl Development Authority (ADA) leh a behbawm Date: 2010/01/26
    45. Recovery theih tawh loh chu… Date: 2010/01/27
    46. Kawlhawka Thurawn 10 (Nupa hlimna) Date: 2010/01/30
    47. Zùn ngai lungmawla Date: 2010/02/02
    48. A der-a that/ fel (Thlirna tlangdang) Date: 2010/02/03
    49. Khua a la Var lo! Date: 2010/02/04
    50. Khua a la Var lo zel dawn! Part II Date: 2010/02/05
    51. Hei le, OT Huang Reloaded! Date: 2010/02/06
    52. Tunlai Aizawl Date: 2010/02/07
    53. Pute u, min khawngaih lo em ni? Date: 2010/02/09
    54. Pawngsual! Nupa ti tì… Date: 2010/02/12
    55. Cheng 400 (500?) luanral thu… Date: 2010/02/14
    56. Kan au zel dawn! Date: 2010/02/16
    57. Kerh Kerh… Date: 2010/02/19
    58. Topic 3, Chawh-chaw-rawi Date: 2010/02/27
    59. Love Story- IV (Ka Thài) Date: 2010/02/28
    60. Mobile Phone ka chhar… Date: 2010/03/02
    61. Ho mai mai… Dik maw, Dik lo maw? Date: 2010/03/03
    Leh a dang te… ka peih tawhlo a tam e mai! :-P

  7. 7
    Black_Hawk Says:
    November 24th, 2010 at 4:09 pm

    @#6; Pu kawlhawka chu lo va post tam em2 ve! Tupui ah aw, Tupui ah…….

  8. 8
    ninja Says:
    November 24th, 2010 at 5:01 pm

    Tha lutuk! Hawrawp mal te te khi ka amen thlap vek. Post ka chhiar chhuah hmain black_hawk hi a dum lo tawp ang tih ka hre thei :D

  9. 9
    ninja Says:
    November 24th, 2010 at 5:07 pm

    ‘Mi hmasa te’n mual an
    liam a, mi thar an lo
    chhuak zel a. Par chuai
    chu kuhmum-in a thlak
    a, hnah vuai pawh
    chawrno-in a thlak thin
    a. Khuareiah Chulram
    chu hring hmun a lo ni
    a, tuikhur ro pawh a lo
    khat-liam leh thin a’.

    a va mawi teh lul em!

  10. 10
    Maisek Says:
    November 24th, 2010 at 5:09 pm

    Ha ha! an van man chiang kher che em! Mr Black_Hawk! :lol:

  11. 11
    H.Vangchhia Says:
    November 24th, 2010 at 5:12 pm

    Dangdai ve :)

  12. 12
    Maisek Says:
    November 24th, 2010 at 5:24 pm

    A dik khawp mai! setana hi chuan engtik lai pawh hian min thlem reng ang! Pathianin thlemna kan tawh hi a phal, kan do zawh loh tur thlemna erawh min pe lovang! Pathianin mihring te hi duhthlan theihna min pe a, chuvangin keimahni theuh hi kan pawimawh ta ani! Sual hneh theihna thuruk Black_Hawkan a sawi pawh hi kan duhthlanna ah a innghat ani! Post ropui tak ani e! :-)

  13. 13
    century child Says:
    November 24th, 2010 at 5:47 pm

    thra dup dup hle mai

  14. 14
    Pasaltha Says:
    November 24th, 2010 at 6:17 pm

    Pu Kawlhawka’n a nickname a thlak ta a ni maw!!!

  15. 15
    zualbonez Says:
    November 24th, 2010 at 6:27 pm

    nickname tal hi chu phat san lo ila :mrgreen:

  16. 16
    Rempuii bAkcheH Says:
    November 24th, 2010 at 6:35 pm

    @Black_Hawk, Ziak thra hle mai! Rawn post zel rawh!

  17. 17
    awmawmpuia Says:
    November 24th, 2010 at 7:04 pm

    Kawlhawk i ti tha e.

  18. 18
    nictoz Says:
    November 24th, 2010 at 7:21 pm

    A tha hle mai..a ngaihnawm bawk si..sentence hnuhnungber ang nun neitu hi khawvel a mi ropui ber leh awhawm berte an ni…

  19. 19
    Black_Hawk Says:
    November 24th, 2010 at 7:30 pm

    Ka 1st post a comment petu zawng2te chungah lawmthu nasa takin ka sawi e. Mi thenkhatin kawlhawk emaw min ti mah se, ka lawm zel ang. :evil:

  20. 20
    thiana Says:
    November 24th, 2010 at 8:08 pm

    Leh ta mai mai thin a. Ka rawn luh ve hlima min welcome-tu awmchhun Kawlhawk kha a lang leh ta ngai meuh lova, ka khua a har teh ngawt nia mawle. Mahse heti pui hian a rawn Vapual thlazar ang tih reng ka lo ring lo asin ! :P

  21. 21
    chhawkhleipar Says:
    November 24th, 2010 at 8:45 pm

    He post chu va tha em,hetiang anga thu ziakthiam nih hi ka tum ve maithei a ni. A post tu hi kawlhawk a ni emaw Black Hawk a ni emaw a thu ziah atang hian a ngaih san awm hrim hrim e.

  22. 22
    D_auaChwngthu Says:
    November 24th, 2010 at 9:15 pm

    caomment vak dan pawh ka thiam lo e. :lol: :P

  23. 23
    pisc_m Says:
    November 24th, 2010 at 9:27 pm

    a tha ti ila tawk mai in ka hria. :-)

  24. 24
    nastycool Says:
    November 25th, 2010 at 12:29 am

    Boring post,sermon ni se,mumang thuah 2 nei khawpa tui in mutthilhsan daih ila.NOI

  25. 25
    hmingtea Says:
    November 25th, 2010 at 1:47 am

    coment :lol: :lol: :lol: :lol: :lol: :lol: :evil: :evil: :evil: :roll: :roll: :roll: :roll: :wink: :wink: :!: :!: :?: :?: :idea: :arrow: :| :mrgreen: :cry: :oops: :P :x :lol: 8) :? 8O :o :( :-) :D

  26. 26
    misualthar Says:
    November 25th, 2010 at 11:19 am

    I ziak tha hle mai. I riltu tak tak ziak inih chuan inkawm ka chak. I thuziak hi ka dahtha dawn e.

  27. 27
    Mr. TSA Says:
    November 25th, 2010 at 12:07 pm

    He². Kan va inman chiang thin em!! Post tha khawp mai.

  28. 28
    Saitawk Says:
    November 25th, 2010 at 4:53 pm

    Rose par hi a hming thlak in hming dang vuah ila, a mawina a bo dawn chuang em ni!!!!!!!!!!!!!!!

  29. 29
    shailendra Says:
    November 25th, 2010 at 4:59 pm

    nia… :lol:

  30. 30
    mzvision Says:
    November 27th, 2010 at 8:14 pm

    he post hian mi pakhat chu ati chiangthar or piangthar ani tih kahriatin kan tlaikhahnu chhiar ve a Ropui hle mai. testimony entawn tlak tak anih hi

  31. 31
    Asteric Says:
    November 27th, 2010 at 8:37 pm

    Comment: Tirhkoh Paula pawh khan thianghlim kha alo dil ve nasa tawh ani lawmni khah.

Comments are closed

This is an archived copy of mi(sual).com — new comments can no longer be posted.