via email
Likphai, Sialsuk: Sialsuk atanga kilometre 20 chuang zeta hlaa a thlam chhe tawh sirah chuan chheni leh tuboh nen leilet neih ngei tumin Remmawia chuan a bei ve fat fat a, a kum tel teh meuh mai a beih hnuah pawh pa neinung leipui tia pawh a sualchhuak thei meuh lo. Tunah erawh Remmawia tan kawl a eng tan ta. Kawrte tuihna tha tak pahnihin a karchheh Remmawia leilet hi Sialsuk khaw chawmtu phai – Likphai an tih thlen thlak hma deuhva awm a ni a, metre 100 bial vela zau awihpangtlan leileta siam tur hian kum 10 chuang zet a bei tawh a ni.
“Thiante chu tuthlawh leh bawngtuthlawh nen an feh a, kei chu chheni leh tuboh kengin ka feh ve thin, ka ram neih ve chhun a ni si a, leilet neih ve ngei ka duh bawk si a, tuboh nena ka beih mai loh chuan a tihngaihna a awm lo,” tiin Sialsuk khaw pa Remmawia chuan a sawi. Bialtu MLA, Parliamentary Secretary i/c Agri, Minor Irrigation KS Thanga hmalaknain Likphai leh Khuangthli Hnar phai awmte chu loneitute’n an chhawr lehzual theihnan cheng nuai 130 zet sengin tihchangtlun mek a ni a, hemi zar zo zingah hian Remmawia hi a tel ve ta hlauh mai, Minor Irrigation hmalaknain a leilet lunghmun chu darkar 20 zet JCB in a haizawl sak ve ta.
“Ka leilet tia ka sawi ve hi midang tan chuan leilet pawh a ni meuh emaw, a lunghmun em em a, mahse kawrte pahnihin a karcheh avangin a lei a tha thung hle a, kan bialtu MLA Pu KS Thanga’n hma min laksak hi ka lawm takzet zet a ni,” tiin a leilet zawl awmchhuna JCB inhung chu a kawk a, hnuk ulh teuh chungin “Pu KS Thanga hi ka lei Pathian a ni” a ti a. Likphai Zau a leilet neitu dangte pawhin Remmawia taimak zia chu hahipin an sawi a, mahse a leilet a lunghmun em avanga zauh a harsat thu an sawi tel zel thung. “Nikum khan phur 47 ka thar ve a, ka lawm kher mai, kumin hian ka tan kawl a eng ve ta, JCB in darkar 20 zet ka leilet min nawr zawl belh sak a, phur za thar ngei tumin ka bei dawn a ni,” Remmawia chuan a ti.
A hmuna he leilet tlawhtu Parliamentary Secretary KS Thanga chuan Remmawia taimak zia a hmuhin tanpui tlak a ni tih a takin a hmu a, leilet neitu pakhatin JCB darkar 20 zel an inchhawr chhawk thin pawh chu Remmawia hian darkar 6 tal chan belh bik se tiin helaia Minor Irrigation thawktute chu a hrilh nghal nghe nghe a ni, “Fa sawmpakhat ka nei a, kan awmkim lai chuan kan kut pawh a rual a, kan ti thei mai thin, nupui pasal neiin inhrang te an chang ve zel a, tunah chuan ka fate pahnih tha bak chhawr tur ka nei tawh lo, Sialsuk khua chu ka ni nangin Sialsukah hian ka awm hman lo a ni, ka leilet hian min mamawh miau si a,” tiin Remmawia chuan a sawi.
“Sawrkar tanpuina pawh ka beisei ngai lem lo, tunhma atang tawhin sawrkar hian min pui ngai hauh lo, mahse tunah chuan ka tha sen ngai lovin ka eibel min rawn tihlen sak ta, ka lawm hle a ni, a bak chu keima’n ka thawk ve thei tawh ang,” tiin Remmawia chuan ama kova awm ve chin a awm tih hrerengin taima zawka thawh a tum thu a sawi zui a ni. Likphai leh Khuangthli Hnar depa phai awmte hi Minor Irrigation leh Agriculture department te chuan hlawk zawka loneitute’n an hman theihnan 2009 atang khan hma an la tan a, helai hmun – Sialsuk khaw chawmtu phai hi motor kawngin a pawh ngai lova, tunhnai maia bialtu MLA hmalaknaa kawng hi sialtlang a ni. Minor Irrigation hian chhungkaw 39 enkawllai phai leilet tui pek hna an kalpui a, za zela 80 zet an zo tawh a ni.
Similar Posts:
- Leilet i thlir zuai ang u hmiang.
- Chemphai Leilet
- Phaisen khuaa Bengali School thuneituten enfiah rang se duh
- Mizo landmark pahnih
- Leilet lamah aw…
February 15th, 2011 at 3:35 pm
a va dang dai ve, a thupui chu…
Report this comment
February 15th, 2011 at 3:54 pm
Remmawia chuan a sawi.
“Sawrkar tanpuina pawh ka beisei ngai lem lo, tunhma atang tawhin sawrkar hian min pui ngai hauh lo, mahse tunah chuan ka tha sen ngai lovin ka eibel min rawn tihlen sak ta, ka lawm hle a ni, a bak chu keima’n ka thawk ve thei tawh ang,”
Va han tha dap dap em….
Report this comment
February 15th, 2011 at 3:56 pm
chhiar a nuam hle mai …. readers digest vela mi ni awm ani
Report this comment
February 15th, 2011 at 4:05 pm
tu emaw ni nen email a thil dawn in ang chiah ani maw lolz
Report this comment
February 15th, 2011 at 4:07 pm
Pa taima tak ani bawk a, a hlawhtlin chhoh zel ka beisei.
Report this comment
February 15th, 2011 at 4:08 pm
Va ho ve (with due respect to Remmawia) …KS thanga propaganda ve mai mai a ang khawp mai…Policy makers annih ang hian policy leh implementaiton lama an hnathawh tha te lo tar lang zawk sela…hetiang block Agriculture /minor irrigation te minor works a hming lo chher tum vel mai mai..leilet hi chim leh se accountability lak a duhawm tawp si lo
hrim2in remmawia buh thar hunah tal in propaganda ve se :evilgrin:
Report this comment
February 15th, 2011 at 4:43 pm
Ka lo OT lawk mai teh ang. He thu hi han chhiar ve chhin teh u, mak ka ti ngawt a sin.
http://buannel.com/2011/02/pah.....mment-5957
Report this comment
February 15th, 2011 at 4:47 pm
“Sawrkar tanpuina pawh ka beisei
ngai lem lo, tunhma atang tawhin
sawrkar hian min pui ngai hauh lo,
mahse tunah chuan ka tha sen
ngai lovin ka eibel min rawn tihlen
sak ta, ka lawm hle a ni, a bak chu
keima’n ka thawk ve thei tawh
ang,”
Helai hian rilru hneh khawp mai…
Report this comment
February 15th, 2011 at 6:40 pm
heheh!! a ngaihnawm hle mai, a leilet hming LIKPHAI – sexy trep! lolz.. a entawn tlak hle mai. a leilet chu quarry atan chuan a tlak em si lo a ni maw. a tha e! mi taima chuan hlawhtlinna a chang chho zel tur a ni
Report this comment
February 15th, 2011 at 7:28 pm
A tha, a tha. Sorkar chet nghak lova mahni hna ngei mai bianga thlantui luanga an thawk hi a ropui ka ti, ka ngaisang khawp mai. A tanpuitu chu politician pawh nise, Remmawia taimaknaah hian zir tur a tam, hmuh hmaih rual a ni lo.
Sorkara innghat ringawt lo, mahni kutke ngeia din tum mihring hi Mizoram-ah hian rawn pung tual tual teh se
Report this comment
February 15th, 2011 at 7:32 pm
Pu Remmawia, Lalpan malsawm che rawh se. Ani chauh lo pawh hi
taima tak tak Khawlailung khuaah zirtirtu ka nih laiin ka hmu teuh mai. Mizo hi kan lo taima,mahse as hralhna a chhe em a ni.
Report this comment
February 15th, 2011 at 8:00 pm
A lawmpui awm hle mai.Hetiang mi hi ngaihsan na chang kan hre ta. Atak tak a thawk te hi Politician an ni emaw, thingtlangpa an ni emaw ngaihsan na chang i hre thar zel ang u.
Report this comment
February 15th, 2011 at 8:09 pm
Ramengmawia taimakna hi entawn tlak ngei mai.
Mi fa te taimakna hi kan politician ten hmingthat lak nan an hmang tangkai thei zel hi tha ve hranpa ka ti mai mai.
hahahaha
Report this comment
February 15th, 2011 at 8:20 pm
Pu Remmawia chu a va han lawmpuiawm ve. Mahnia kum 10 tal tap lung hmun han sual chu! a PÀ hle mai.
Pu Ksa pawh a fakawm hle mai. Sialsuk leilet nei, he project chhawrtute ka lawmpui tak zet e.
Report this comment
February 15th, 2011 at 8:40 pm
13# @hmingtea thin hi aw! Khawi Ramengmawia maw
Report this comment
February 15th, 2011 at 10:04 pm
Hetiang puih tlak mihring hi an tam reng asin! Sawrkar hian puih chho mawlh mawlh teh se. Kan la chhe lutuk bik lo a nia..
Report this comment
February 15th, 2011 at 10:40 pm
@drake #15, ka duh tawr tawr lutuk! ka’n nuih khiah khiah chu le! Saula, Paula an tih bawk… tihte pawh ka hrechhuak
Report this comment
February 15th, 2011 at 10:43 pm
Report this comment
February 15th, 2011 at 11:28 pm
Pu remmawia, Fak awm e…a mah hi hna a thawk tak tak ni in ka hria…Mizoram hi kan lo khawngaih thlak khawp mai…Dec khan Kan Pu ( hnamdang) nen Lawngtlai,Lunglei, Saiha kan tlawh a, ta a comment chu ka lawm lo hle mai,’You Mizo have a very hard life….Ive been to Nagaland, Arunachal, Manipur,Meghalaya…but.. you have no Land for your living not like other Northeast” an ti tawl mai chu .. Mahse Japanese, Sinap,Taiwan ho pawn ram an nei chuang lo mahse an taimakna avangin hnam hausa an ni mai…keini pawh Pu remmawia ang a kan taimak chuan kan la Hausak ka ring in kan hope awm chhun a nih hmel…
Report this comment
February 15th, 2011 at 11:36 pm
Tanpuina tel lo a kum khat chhung a a nuaih bi la hi, hmun hran hranah hian an awm a nia. Tanpuina beisei lo a hnathawk te hi an hlawhtling ziah (fo ni lo in). Hetiang han tanpui lehchhawn hian hlawhtlinna hian hma a sawn awk awk zel… ‘Min tanpui phawt se ka hlawhtling ang’, ti ho ni lo in…
Report this comment
February 16th, 2011 at 12:35 am
Kum sawm chhung a thawh kha JCB in kar khat lek ah a ti thei ang??
Pu LAL Remmawia hi
Report this comment
February 16th, 2011 at 11:21 am
BAWNGTUBOH nen keipoh ka chhuak thin
Report this comment
February 16th, 2011 at 1:43 pm
Pu Remmawia chu a ngaihsanawm hle mai. Mahse article han chhiar hian Pu KS Thanga campaign na ni awma mawi a ni. Don’t get me wrong, kan MLA fapa hi ka thian tha tak mai a ni, mahse, chuvang zawk chu nge ka lo tim deuh hlek. A zahthlak lek lek ka lo ti thawk tha hle mahse. ”kan bialtu MLA Pu KS Thanga’n hma min laksak hi ka lawm
takzet zet a ni,” tiin a leilet zawl awmchhuna JCB inhung chu a kawk a, tih sentence phei hi chu a. Kawk kher lo se! A ti tak tak nge phei chu ka hre lo,mahse…. Thianpa te pa ni bok a a hnathawh chu ka chhuang khop mai,mahse….
Report this comment
February 16th, 2011 at 3:33 pm
a tum a ruh hle mai.. fakawm tak ani
Report this comment
February 16th, 2011 at 3:47 pm
LK a ka comment kan paste ve leh mai ange
a va lawmpui awm ve. Pu KS Thanga hi a taima in hna a duh tha khop mai. Hman deuha Fisheries ina sangha chi an sem tur tender an koh kha, a awih lo hlom deuh a. An Nursery a tlawh sak vek a. An supply theih tur aia tam lo chhang an awm nual tih hmuhchhuah a ni. A hmuna a kal a an sangha chi neih theih zat tur a en kher na chhan ka zawh hian “sangha chi khawi hi mipui ten eizawnnana hmang se kan duh a, kan encourage bawk a. Mahse diklo taka sum siamnan kan phal lo. Sangha chi nuai 5 nei thei tur anga in sawi in nuai khat chauh an neih a, phai vai ta sangha chi nuai 4 an supply tel thin ang kha kan phal lo a. Supply tur awm ang ang pawh hi mizopa a ti tak tak te hian insem zai se ka duh vang a ni,” a ti then maia. A ropui ka ti khawp mai.
Loneitu te bulah pawh Politician tawng hluak hluak angin a tawng ve lo. A tul leh a hau hrep mai. Minor Irrigation canal siam ah hian brick 2 vel lo tlu a awm a, a ram neitu khan hei hi a chhia a, a repair dan kawng min dap sak rawh a rawn ti hlauh mai a. I leilet chawmna tura tui lakna kawng sawrkar ina a siam sak che a ni a. Hetiang brick 3 vel leh cement, balu tlemtea chawhma hna pawh ni lo ah hian sawrkar pun buai duh suh. I tui kawng angin lo en tawh la, sawrkar ta a ni lo, i tana sawrkarin a siam a nih hi. Lo repair rawh, a ti deuh nek mai.
Hemi tum hian Nursery nei anga in report Congress hruaitu lawk ve tak dil hi entur zingah Dept. ten an lo telh ve a. Dept. te hian a nursery hi a ruak tih an hre reng a, Pu KS-a an zah avang hian an lo telh ve a. Tah pawh chuan NUrsery entura lo kal ka ni a, a nursery a sangha chi a awm hrih loh chuan a supply ve thei lo a ni mai. Tu pawh nise vaisanga khar chhawnga supply kan phal lo, tunah rin chuan en pawh a tul lo a nih chu a ti sam et mai.
Report this comment
February 16th, 2011 at 7:41 pm
Report this comment