Lawngtlai, Chawnhu tlang atangin
Pu Chhawna’n a sawilawk tawh. Zoram_Genesis paw’n a buaipui. Zoram kawtchhuah chu chhim lam a la ni dawn tiin. Multi Modal highway project hi a ni mai lo’ng maw? February ni 1 khan an lai tan ta. He highway hian Lawngtlai atangin Paletwa (Chin State) a thleng thuak dawn a. Paletwa bul, Kaladan lui-ah lawng chawlhna (Port/Jetty) a awm nga, bay of Bangal atangin lawng a rawn lut nga, he highway kal tlangin bungrua a rawn lut tawh ang.
Package 1, Rulkual khaw thlangah RDS company-in an lai mek
Paletwa to Indo-Myanmar border inkar hi tender a la chhuak lo a. Lawngtlai atanga border inkar, 99.83 km (Rupee 5500 million project) hi package 3 ah thenin, contractor 2 in an thawk tan ta. Kaladan luia lawng chawlhna hi Essar Group-in an thawk mek a. Lawngtlai (zero point) atanga 38 km inkar leh 71km atanga 99.83km (border) inkar hi RDS Projects in an thawk a. 38 km leh 71 km inkar hi ARSS company in an lai mek bawk.
Package 2, Saizawh daiah ARSS company in an lai mek bawk
Eng anga zau nge?
Kawng zauh zawng hi 12 m a ni a, black top zauh zawng erawh 7m (2 lane) a ni ang. Kawng chhah zawng hi 66 cm a ni dawn a. Black top 11 cm a chhah a ni ang. Kawng kawi ulh tak tak a awm loh nan radius of curve 30m aia kawi a awm lo a. Kawng chho lutuk a awm loh nan maximum gradient 5% a design a ni.
Package 3, Ngengpuitlang kaw daiah RDS company-in an lai mek
Tu’n nge enkawl dawn?
He highway hi Mizoram PWD in a enkawl ang. Lawngtlai Chawnhu tlangah Multi Modal Project Circle a awm a, SE pakhat, EE pahnih, SDO pathum leh JE eng emaw zat an awm dawn a. Quality control pawh an ti nghal ang.
SE office, Chawnhu tlang, Lawngtlai
Contractor te hi?
Tlangram kawng (hill road) la lai ngai lo ve ve an ni. An zuam sual ang em? Fur a rei a, lung chang tha a vang si a. An beisei angin hnathawktu an hmu zo dawn lo a. Diesel, alkatra, cement etc. kan nghei zeuh zeuh si a. An buai ang em?
Harsatna Chi hrang hrang:
(i)Compensation hnam kan ni (?) Indo-Myanmar Road Land Owners’ Association a ding a, compensation an la dawn loh avangin hna la tan lo turin contractor te hnenah stay order an pe hmak!
(ii)Design leh drawing: He project DPR leh design titute sawisel duh vang a ni lo. Super-elevation (kawng kuala a vang zawnga kawng awih dan) 7% a fix tawp a ni. Radius of curve 30m a ni emaw 250m a ni emaw 7% a design a ni. Transition curve/length a awm lo bawk a, kawng ngil (straight) 2.5% atangin kawng kawi (curve) ah 7% in a inthlak tawp dawn! Ti chuan extra widening pawh kawng chhakah a awm vek dawn! Kawng thlang lama kawi (valley curve) ahpawh chhak lama zauh tur a nih chu!
Impact chi hrang hrang: Kan CM khan he kawngpui a tlang chuan security lama harsatna a awm theih a rin thu a lo sawi tawh a. Environmental impact pawh a awm ngei dawnin a lang. Ram ngaw thiata kawng thar laih a ni miau si a.
Similar Posts:
- Hei le Kolodyne Multi Modal Transport Project chu!
- Multimodal Highway Project leh Compensation
- World Bank kawng hawn a ni
- BRTF Kawng ve hi le!!
- Contractor that loh vangin kawng siam tur km 6.2 nuai bo
February 16th, 2011 at 5:36 pm
Pic a mawi h1awm h1e mai. Comment tan i1a..
Report this comment
February 16th, 2011 at 5:42 pm
Hmasawnna ropui a ni dawn e.
Kawngpui han tlang phawt se, ‘E.., a lo nih tak hi..’ ka la ti ang
Tun a World Bank kawng pawh 1999, High School ka kal lai a kan zirtirtu pakhat in in min hrilh tawh kha a nia; a tlang a ta langin, kawngpui a tlo lo eeee mai…( an siam lai atangin khuar a tam leh tawh si a)
Report this comment
February 16th, 2011 at 5:43 pm
detail tha khop my ….a drawing an siam laiin k pui ve hman tlatzz …
Report this comment
February 16th, 2011 at 5:44 pm
Compensation hnam han tih chuan Lunglei Airport ah kha chuan compensation sum kha an seng ve dawn lo tlatin ka hria asin.
Chuan, administrative capital leh business town hran kan nei dawn hnai a va ang ee..
Report this comment
February 16th, 2011 at 5:49 pm
PWD in an enkawl dawn.
Report this comment
February 16th, 2011 at 5:50 pm
Chuan…, ka la duh tawk lo…:-)
Compensation khian hnathawh a block leh ang em leee..?? Huan/Ram nei an pung leh nasa ngawt ang chu…:-D
Report this comment
February 16th, 2011 at 5:56 pm
zoramah khua a var hnai ta a ni ang e
Report this comment
February 16th, 2011 at 6:14 pm
Lawngtlai hi 1991 January khan zan khat riakin ka kal tawh a, nuam ka ti.
Report this comment
February 16th, 2011 at 6:15 pm
A puitlin hun chuan a tha ngawt ang. Kum tam erawh a ngai ang. Dawhtheih a ngai. Rilru sei a ngai.
Report this comment
February 16th, 2011 at 6:17 pm
Kaladan tih hming an chawi tir hi ka ei lo/helh ve pah reng (i cry)
Han thawk muah muah teh se… eiruk aiin thawh kha tam ngei thei sela ka ti ngei mai. Duhsakna ka hlan ve thuai
Report this comment
February 16th, 2011 at 6:20 pm
Ang em? –
Kawngpuiin a pal tlang tur – kum leh khuaa ram riang ni thin, enkawltu nei ngai reng2 lo, kutthlakna hnuhma pawh hmuh tur awm eih lo kha – ‘tu ten emaw’ a ram pata-na lehkha (phuahchawp chuk chuk) an lo hum leh fur tawh ang em?
Kum 5 kal ta khan, (finfiah tur awm si lo) chu mi, kha mi hnen atangin kan lei daih tawh… tih vel a awm leh ang em?
Hei hi, pipute atanga kan rochun ram ngei a ni… ti a, huai tak2a dawt sawi tawk an awm leh ang em?
Thla hmasa mai pawh khan kan sam fai a… tiin, a hma zana sam fai tih hriat reng2 hnuhma hmuh tur a awm leh ang em?
…ang em? …ang em? Huisss!
Engpawh nise, khawvar kan hnaih zel e!
Report this comment
February 16th, 2011 at 6:23 pm
Pu Zoram_Genesis ka hre chhuak zawk zawk mai ka ti!
Zoram ah khua a var dawn tawh a niang e… lawmawm hle mai
Report this comment
February 16th, 2011 at 7:04 pm
Mizoram PWD…NE PWD (Assam tih loh) tangkai loh zia ngaihtuah tel chuan
Report this comment
February 16th, 2011 at 7:08 pm
Ava han tha dawn em…Social leh Envoronmental Impact ngaih ven hle bawk ang u hmasawnna in a ken tel a ni a. Mahse kawng tam takin kan her dang lam thei.
Report this comment
February 16th, 2011 at 8:02 pm
Tha turah ngai phawt ang.
Report this comment
February 16th, 2011 at 8:12 pm
Keini ak zat hnih hnuai lam hian he kawng tlang hunah hian mimal takin hlawkna engtin nge kan lo tel ve ang le? tih hi ngun taka ngaihtuah chi mawle…..
Chhim al chu a eng dawn khawp mai.. Kawngpui bakah 40MW electricity producer kan la ni dawn lehnghal… south is very bright ani mai.. ha ha ha…
Report this comment
February 16th, 2011 at 8:48 pm
yessi…an duh leh ka teak huan leh sangha dil te pawh then phawk rawh se ….hui huii…all for Mizoram
chhim lampang insawn phei ve daih dawn ami le aw! hausak na tobul
Report this comment
February 16th, 2011 at 8:56 pm
Tunge a post tu hi?
Report this comment
February 16th, 2011 at 9:03 pm
@ vuangtu….A post tu hi chu contract leh sub contract changlo …: risk :
Report this comment
February 16th, 2011 at 9:31 pm
ZerO rawn ziak kim thlip thlep hle mai…
Report this comment
February 16th, 2011 at 9:39 pm
hahha! kawng laih hnathawktu company hnathawk ho hnena YLA hminga pawisa khawn te pawh an awm leh tawh an tih kha! huiss… YLA khan a monitoring lamah pui deuh ta se a zia deuh angem?
(ii)Design leh drawing: He project DPR leh design titute sawisel duh vang a ni lo. Super-elevation (kawng kuala a vang zawnga kawng awih dan) 7% a fix tawp a ni. Radius of curve 30m a ni emaw 250m a ni emaw 7% a design a ni. Transition curve/length a awm lo bawk a, kawng ngil (straight) 2.5% atangin kawng kawi (curve) ah 7% in a inthlak tawp dawn! Ti chuan extra widening pawh kawng chhakah a awm vek dawn! Kawng thlang lama kawi (valley curve) ahpawh chhak lama zauh tur a nih chu!
hriatthiam a va har ve keini ang thingtlang pa mawl tan chuan
Report this comment
February 16th, 2011 at 9:46 pm
I sawi tawi chipchiar thiam khawp mai. Pu Chhawna lo sawilawk kha a thleng dik ṭanah ka ngai. Pu Zoram_Genesis-an thiam taka a sawi lai ka mithlaah a cham reng mai. A nghahhlelhawm tawh khawp mai.
Report this comment
February 16th, 2011 at 9:50 pm
that hlauh hi, hemi chungchang hi vawi khat chu MDC 1 ka zawt tawh a,engtin nge kan LADC hian a lo dawnsawn ang? Enge in in buatsaih ve dan ka tia engmah zuk hre hauhlo a….
Ku Bucko huray….
Report this comment
February 16th, 2011 at 11:19 pm
Security lamah chuan harsatna chu a awm ngei ang, tin environmental impact pawh. mahse hmasawn tur chuan a then kan chan ve te pawh a ngai bawk ang chu.
Changkanna in an ken tel ve tlat thil thalo lam te pawh hi a awm ve tho ania. ka like e.
Report this comment
February 16th, 2011 at 11:56 pm
E khai, bengvarthlak hle mai.
Khitia 7% a chawhrual a nih tawp chuan banking mumal a awm hauh loh tihna a ni phawt mai a, Nakinah kawng an laih zawhah, motor lian a la tlan anga, kawng tha si tlanchak bawk si chu, matheilovin kawng kawiah an let thla vut thin dawn tihna a nih ber mai khi a aw.
…khrum
Report this comment
February 17th, 2011 at 12:04 am
Thil dang chu lodah tha rih ila, environment impact lam hi lo thlir ta ila…
“Ram ngaw thiata kawng thar laih a ni miau si a.”
Ramngaw thiah em em tur a awm lo! Thlawhbua ram an ni tlangpui. Ramsa chengte tan chuan River crossing lamah buaina hran a awm lovang, Major Bridge pawh pa-8 vel lai a awm ang.
Kawngpui sial hrim hrim vanga ramngaw tih chereu ai chuan kawng a tlang avanga tuten emaw thingtuah, thingzai, meihawl, etc., hmanga sumdawnna an tan thin hian Ramngaw a thiat nasa zawk ang. Forest & Environment Deptt. hian check gate siam vat se a tha ngawt ang.
Report this comment
February 17th, 2011 at 12:22 am
#22
Report this comment
February 17th, 2011 at 1:56 am
He project hi ka buaipui ve zek tawh. Hman lawk pawh khan MEA-a a khawihtu Joint Secretary pakhat-in min rawn phone a, an hmalak tawh chin leh harsatna awm thei te detail deuhin min rawn brief tak asin.(A puitlin hunah, credit lak tum liau liauin, ka tih ve chin ka la sawi chiam mai thei!)
Border trade, Zokhawthar leh Tlabung lama kan sawi ve sek te ai hi chuan prospect tha leh Mizoram economy tan pawh awmze thui zawk nei ngei tur a ni. Hlawhtling mawlh rawh se!
Report this comment
February 17th, 2011 at 2:54 am
hlatekhua in credit lak a tum em mai He Project hi chu Fail nghal se ka ti
. Technical detail a han ziah thiam viau chu le a Post tupa chuan, keini mimawl tan chuan han mitthla zung zung thiam a har.
Kawngpui hi chu thlur seng sung mai teh se. Chhim leh hmar, Chhak leh thlang ( From all the four corners). Han phun han phun thrin mah ila, hmasawnna tlem tlem hmuh tur kan nei chho ve zel e
Report this comment
February 17th, 2011 at 2:56 am
#29 virthli…lols!
Report this comment
February 17th, 2011 at 9:56 am
Ka post chu a lo chhuak thut a ni maw!
#18 vuangtu, a post tu i hriat duh chuan Lawngtlai Chanmari kawnah a awm
#26 lushai_er, ka conclusion khi hmanhmawh luatah a famkim ta lo a. Beneficial impact a awm a, negative impact a awm bawk a. Ka sawi khi negative impact zawk a ni. Ramngaw thiah piah lamah leimin a awm teuh bawk ang a. Kawng thlanga leivung paih khian furah khawr tui a ti nu dawn a. Nungcha leh sangha ten an tuar dawn tih a chiang.
Report this comment
February 17th, 2011 at 10:25 am
Keichu sustainable anih phawt chuan eng ang impact pawh nei se a thra ka ti riau.South Africa ang vel hian kan hausakna hi keimahni hian chhawr lem lo hian vai ngalsin ho hian a hlawkna an rawn hui vek ang tih erawh chu ka hlau deuh. Engineer, MBA hna neiloa thru mai mai ho tan chet ik peih chuan inhlawhna tur a awm tan dawn saw..
Report this comment
February 17th, 2011 at 10:46 am
He Project Survey veltute zinga pakhat hi ka kawm ve tawh. Hlawhfa hmuh a harsatzia a sawi a, ‘Rs 200 hlawha chhawrtur pawh kan hmu theilo a, NREGS a Rs 100 hlawha thawh an duh deuh vek si a’ ati. NREGS te pawh hian negative impact chu a nei lian dawn hle mai te ka ti ta mai mai. Kawngkual danvel chu World Bank kawng ai chuan a tha em ang chu maw.
Report this comment
February 17th, 2011 at 10:58 am
Aizawl to Lunglei Highway i vil zo ta bawk a, Kaladan Highway chu han siam hnum leh hlurh mai rawh le…
Report this comment
February 17th, 2011 at 11:03 am
Google earth atang in enchhin teh ang..!
Report this comment
February 17th, 2011 at 12:02 pm
@10,H.Vangchhia- KALADAN tih hi sap leh Vai hovin an lam thiam lova KOLODYNE tiin an lam thin a chuvangin Chhimtuipui pawh hi Kolodyne an ti hlen tep a ni.He tuipui hi Chin Hills ah chuan BOINU an ti. Halkha tuikhur hnar pakhat ang a ni a,chhim leh hmar hawi zawng a vawi tam luanglet in India leh Burma boundary zelah hmar hawi zawngin a luang leh a,Sangau bul Pangkhua leh Bualpui(H)
inkarah Tiau(R) nen intawkin chhim lam a pan ta vang vang a ni.KALADAN an tihna chhan chu hmanlai vai leh hnamdangin he tuipui hi kan tum thin mahse a len em avang leh fur lai phei chuan kan mai mai theih a nih loh avangin mi a dang rei thei hle thin chuvangin KALA=(Hnamdang or Vai tihna)
DAN chu dang tihna a ni mai a,Vaiho/Sap ho dangtu tihna a ni e.
Khawchhak leh khawthlang inbiakna hmunpui atan SAISIH CHHUAH-Sangau khawbul an lo hmang thin a,sap leh vai tam tak an lo kal thin a ni.(British Rajs) Thanks.(*)
Report this comment
February 17th, 2011 at 12:43 pm
Kawng laihna vung hian lui chu a ti nu ngei ang, mahse kan lo neih dan style hian a ti nu ve hrim hrim. Fur lai hian Tlawng, Tuirial, Tuirini, etc., lui te khu a lenlai chuan a nu eng phut vek…… Kawng laih vang a ni vek kher lo !
World Bank kawngah khan Dumping ground kher a lei an paih khan nasa takin hna a tisawt lo ! Environment impact hi ka sawi nep vang pawh ni miah lovin Mizoramah hi chuan, kum 2/3 a vei chuan hnim/thing hian a khuh leh vek thin. Kum 10-ah phei chuan lo atan a tlak leh tawh thin… ! Vairam-ah te hi chuan vawikhat de-forest tawh chu a ro vawng vawng mai……
Report this comment
February 17th, 2011 at 12:53 pm
Lawngtlai (pic 1) thlalatu hian dinglamah han her hret se – Phawngpui tlang a lan raih duh hmel e…
Lawngtlai khua chu, a lunglen thlak reih rawih hle mai. A tunlai pic kan lo hmuh phak ve avangin a lawmawm hle mai.
An beih tawh chin chu a zauh that hmel hle mai…thlur thum vel tal te han tlang ve zar zar theih tur ni se aw..
Report this comment
February 17th, 2011 at 3:27 pm
A post tupa hi hman lai ZeroCool kha ani em, te ka lo ti mai mai a
Report this comment
February 17th, 2011 at 5:00 pm
Hrelian#36 Burma a luang chin Kaladan, Mizoram a luang chin Chhimtuipui a ni mai lawm ni? Mizoram atanga laih tan anih vang ania ‘Chhimtuipui Multi Modal Highway Project’tih ni zawk atan kan lo awh ve ngawt na chhan!
Mizoram a luang chin, Muallianpui/Sangau kiang – Lawngmasu thlang km 5 chu suar, lungpui, luite rawn fintu awmna etc etc thlengin tipawh hian ka mitthla kim titih thei
Report this comment