Ka thuziak hmasa lamah Mizo Wikipedia neih a thatzia leh a tangkaina thenkhat ka sawi tawh a, mahse thuziak dah (phal?) kan la awm meuh lo niin a lang.
Ka han sawi nawn leh ang e.
A hmasain, misual.com leh website dang ilo hmangtu tih loh chu Wikipedia-a han thawh thei tur vak kan tamin a rinawm loh va (Internet hmang thiam lovin engtinnge wikipedia-ah thu a ziah lem ang?). Internet hmangtu zingah pawh thuziak peih chu tlém te. Thuziak peih zingah pawh thuziak tùr hria chu tlém te. Thuziak tùr hre zingah pawh Wikipedia-a ziah tùr chi hria chu tlém te. Wikipedia-a ziah tùr chi hre zingah pawh ziah a tul ti chu tlem lehzual, ziah a tul ti zingah pawh a ziak tak tak chu hmeithai kara (pathlawi) zât lek kan lo ni ta a. Za-a sawm zel lo la ta ila: Internet hmang: 20000, thuziak peih: 2000, ziak tùr hria: 200, Wikipedia-a ziah tùr chi hria: 20, ziah tül ti: 2, ziak tak tak: 0.2!
Kan hun neih dan leh rilru senna lam hi a inang lo hlawmin kan thahnemngaihna hi a inpersan angreng hlawm a, kan tlém bawk si a, beisei san vak theih chu a ni lo. I tuizawng a nih loh vangin a tangkai lo tihna a ni lo va, kei ka tui vang ngawta pawimawh a ni hek lo. Mahni mum muma mum pahin eng eng emaw kan ti vêl mai mai a ni ber e… hringnun hi. :D
Mahse…
A…! Keimah tak pawh ka insawi chaurau zo ve a.
A tihtawp nan Lalzuahliana chhamhla ril phalna la hran lovin ka rawn ziak e, ama chanchin hriat belh nei chuan heta Lalzuahliana chanchin hi i han ziah belh ang u hmiang:
Duhthusamte chu puak darh mai tùr
Hmangaihte chu tihnat mai tùr
Thawhrah chhehkhawm pawh kangral mai tùr
Muanna a awm loh chuan –
Awmze nei reng a awm thei lo
Mi chakte chuan an hneh loh an tawng a
Huaisente chuan an ngam loh an hmachhawn
…
laddt..
Ziak tluan lo mai ang.
Tlipna:
Lehkhabu kan lei kim thei vek lo va, thil zawng zawng kan hrereng thei bawk hek lo. Chuvangin Internet hman changa i unau leh i mizopui, leh mizo tawng thiam dang zawng zawngin an ràwn theih tùrin i lehkhabu neih leh i thil hriat atangin hetah hian thil ziak rawh le. English wikipedia-a daha ni hnih-khat-a NON NOTABLE tih vanga an delete mai tùr, kan hnam tana pawimawh si, emaw, english leh tawng dang wikipedia-a awmsa thu i lehlin thiam eng pawh, hetah hian dah rawh le!
Pu Thenphunga Sailo chanchin en duh tan hetah hian a awm e. I hriat sa vek maw? Hriat belh i neih chuan ziah belh la, ziah sual a awm chuan ziak tha rawh. Zirsangzela Hnamte chanchinah hian i hriat ngai loh pakhat tal a awm ka ring… Han chhiar chhin teh le.
Link pakhat:
(Kan tel lohna pawl hi pawl laktlâk loh a ni tihna a ni kher lo. Hmana KGB leh tunlai FBI khuan ka tel lovin hna an thawk tha ve phian :-S )
Thutàwp:
Kan post a mak teh nuaih hlë mai, i ti rilru a nih chuan a thuchah i hriat chian leh chian loh ngaihtuah la, mak i ti teh nuahin ka ring lo, kei ariang lungmawl hian.
Zirtir:
misual.com-ah hian thuziak kalhmang chi hrang hrang a tam angreng.
April 5th, 2012 at 2:15 pm
.
Report this comment
April 5th, 2012 at 2:23 pm
Infuih thar zel hi kan ngai. Kei pawh, min fuihtute thu zawmin ‘Palak Dil’ tih leh ‘Chhimtuipui Lui’ tih kha ka dah lut ve nghal kha a ni a. Mahse, ka dah-luh dan a dik lo nge maw ni? Ka thuziak ve te kha ka zawng thiam lova, ka hmu thei ta reng reng lo a nih chu!
Step by step-a thuziak dah luh dan kha, i lo sawi theih chuan ka lawm hle ang.
Report this comment
April 5th, 2012 at 2:39 pm
Teh nuaih tak chuan!
Report this comment
April 5th, 2012 at 3:32 pm
A ni teh tak e a. A hre ril deuh khan han thawh chur chur teh u.
tren tren
Report this comment
April 5th, 2012 at 3:39 pm
@#2 Dr John. Zawndan chu hetiang hian:
Hetah emaw:
https://incubator.wikimedia.org...../Main_Page
Hetah emaw:
https://incubator.wikimedia.org/wiki/Wp/lus
hian kal phawt la, all articles/thuziak zawng zawng tihah lut leh rawh. Hetah hian a hruai lut ang che:
https://incubator.wikimedia.org.....dex/Wp/lus
Chuti a nih loh pawhin Phekpui (https://incubator.wikimedia.org...../Main_Page) atang hian a zawnna kua, phek dinglam chunglam deuhvah hian Wp/lus/I thuziah tiin zawng la, i hmu mai ang.
Entirnan: Palak dil tih i zawn duh chuan Wp/lus/Palak dil tih chhu la, enter rawh.
A lawmawm e.
Report this comment
April 5th, 2012 at 3:43 pm
Dr John-a chhimtuipui lui hi i dah hmain ka dah lût nge, hetah hian a awm:
https://incubator.wikimedia.org.....hhimtuipui
Wikitext thiam lo tan thuziak awmsa chunglama ‘edit’ tih atangin a en chawp theih. Har a awm lo. Wiki formatting hmang kher lo pawhin thu fir tawp pawh a dah theih.
Report this comment
April 5th, 2012 at 4:01 pm
Ka dah ve nual tawh a…..! Thangtharte tan ro hlu tak anih ka beisei. misual.commer zinga blog nei te pawh khan kan thu leh hlate contribute ve ila maw le.
Report this comment
April 5th, 2012 at 4:03 pm
physics an hrilhfiahna saw ka va en hmasa ber pek a, ava tawiin ava ho teh tlawng ve. Real science, pure science, father of science & technology te tih duah tur alawm. hehe
Report this comment
April 5th, 2012 at 4:04 pm
A that dawn khawp hi.
Report this comment
April 5th, 2012 at 4:05 pm
Sandman-a hian a link hi misual phek sirah hian awlsam taka tlawh theih turin dah kuau sela, reminder atan pawh a tha anga contribute a awl deuh ang.
Report this comment
April 5th, 2012 at 4:09 pm
#5 & #6 houdini, ka lawm e. Thiam tawh turah ka in-ngai. Misual-a ka post kha Wiki-ah i lo dah lut a, ka va’n lawm em! Thian-te comment atang khan han siam that leh hlek a, dah kha a tha-in ka hria a, ka’n khawtlai deuh a, ka dah dan pawh a lo dik lo a nih awm khi maw… Million Thanks!
Thuziak vawn-that (archive) leh ziak tam tura infuih (encourage & inspire) hi thil pawimawh tak a ni. I thil vei leh thil buaipui hi tun atanga kum 10 hnu-ah chuan Zofate hian a hlut-zia leh a that-zia leh a tangkai zia kan la hre tulh tulh ang a, ‘lawmthu hrilhtu che’ i tawng nualin ka ring. Keep It Up.
Report this comment
April 5th, 2012 at 5:01 pm
Ka submit ve dawn a, ka paste vek tawh a, mahse a tihdan ka thiam tawh lova, a in save nge ni pawh ka hre tawh lo. Ka chhuahsan leh daih
Report this comment
April 5th, 2012 at 5:15 pm
Tan tlang chanchin,Thasiama se no neihna leh Fiara tui submit turin ka draft mek e.
Report this comment
April 5th, 2012 at 5:46 pm
Ziah ve chu ka chak viau mai, mahse sipai bang hi wikipedia ah chuan ka la bo khawp mai.
Report this comment
April 5th, 2012 at 6:23 pm
Kan mithiamte chet lakna tur leh pawimawh tak anih hi.
Post tha teh nuai khawp tak mai.
Report this comment
April 5th, 2012 at 7:03 pm
A that in rin chuan a tha ngei ang
Report this comment
April 5th, 2012 at 7:53 pm
#8 funny. re physics hrilhfiah dan. A hre thui leh ziak tlawr thiam chuan a tihdanglam theih vek. A ruangam tak tak chauh ziah a la ni.
#11 john thanks.
#12 Awmtea Khiangte. Hetah hian kal la, create page tihah hian i phek duh chu ziak la, a tihdan chu a lo lang vek mai ang. Paste tawh chuan ‘save’ tih hmeh a ni tawh mai.
Mizo interface hmang tan chuan ‘dahthatna’ tih a ni thung.
Inregister theuh i tum ang u.
#13 Levi, ti tha e.
Report this comment
April 5th, 2012 at 7:56 pm
Thu awmsa ho han en hi chuan rawn tlak leh innghahna tham ka la hmu lo, ka duhtui deuh nge ni. Hei aia changtlung deuha ziak turin ziaktu zawng zawng ka ngen e. Ka mamawhna a nasa tawh viau a nia. Hre ril leh thuuk ho kha han che chur chur teh u’n.
Report this comment
April 5th, 2012 at 7:59 pm
#10 funny
Ni ngawt mai, sandman-a te han che duh tak tak se chu thil har a ni lo maw le!
Hnam tlemah chuan a tlin hma ber pawl kan ni ngei ngei ang.
Report this comment
April 5th, 2012 at 8:00 pm
#18 master kim
Dik chiah. A riruang ringawt deuh vek a la ni a, a tisa belh turin kan thiam theuh thawh khawm a tul khawp mai.
Report this comment
April 5th, 2012 at 11:35 pm
La rawn ziah ve tum teh ang.
Report this comment