-L.R.Colney
( A sei leh hle mai a, thupui chauh chhiar hian comment leh chiam chiam ang tih chu a hlauhawm mange aw. Chhiarchhuak erawh chu an inchhir lovang )
Misual.com ah Bawhchhiatna chungchang hmangin thu kan rawn post ve a, thenkhat comment na enin, misual dot com hi kan Mizo miril tak tak ten ron tel vena tlakah an ngailo mai ang tih a hlauh awm hlein ka hria. Tin, mi thenkhatin printed matter nena ngaih pawlh kana wm niin ka hria. Misual dot com hi “social network” a ni. Mizo twang kan neih zingah chuan account nei hi angah ber hial a rinawm. Social network tam tak a awma, English leh tawng hrang hrang te zir theihna nerwork pawh a awm naul mai.
Misual.com hi chu London khawlai pakhata duh duh sawi theihna hmun an siam ang deuh maiin, subject chi hrang hrangte dahkhawmna leh kan sawitlanna hmun a ni. Naupang pawngsual chanchin atanga Politiciante eirukdan, Pathian thuleh fiamthu thlengin kan dah pawlh a nih hi.
Kanla hriat ve ngailoh lamdeuh zawnga mi tuin emaw Pathian thu sawi kan hriatthar changin “zirtirna diklo, Liberal zirtirna rawngkai, Gnostic ho zirtirna” etc te kan titla vengawt zel hlawm a. Mahni awmna kohhran thurin takngial pawh hrekim hawt lo hian midangte zirtirna ka thlifim e, a diklo ve, te kan tive sek hi sim hmak teh ang u.
Kan mi sawisel fo leh kan relphar loh chauh mi thenkhatte hi chu ramdang / hmundanga kan ringtu puite chuan an ngaihsangin Bible college/ seminary atang ten chawimawina sang ber ber anlo hlan ang lawi thin bawk si a nih hi maw le…
ZIRTIRNA DIK LO CHU ENGE?
Kristian tamtakte chuan Nausen baptisma chantir thin kohhran chu zirtirna diklo, Pathian thu a inziak miahlo phuahchawp practise thinah an ngai ve hmiah lain thenkhat ngaihdan chuan dikber ani mai thei bawk. Kohhran thenkhatin Ringtu nihhnu a Tharau thianhlim chang(dawng ) anga insawi chu zirtirna dikloah ngaiin, ringtu chu apianthar nikhan thlarau thianhlim chu a changnghal a lawm tiin, zirtirna dik lovah an puh bawk.
Mahse kohhran thenkhat ve thung chuan Thlarau thianghlim dawnglo kohhranah puhin kohhran thi ah anpuh ve miah thung. Chuvangin zirtirna dik leh diklo hi kan ngaihdan zimte atanga kan lo tehve fo ngawt hi a dik ber a rinawm loh. Pathian thuah a inziak em tih chu kan ngaihtuah fo tur a ni. Tirhkohte pawh nitin pathian thu nen an enmil thin a ni.
A ZIAK ANGA PAWM KAN TIH FO HI ENGE A AWMZIA?
Thenkhatin “a ziak ang anga pawm tawp mai tur, ngaihdan lo sawi vefo hi a himlo” an tifo mai. Mahse a ziak ang bak bak thusawi ngaithla turin chawlh nitin an thawmhnaw neihthat ber ber nen an inkhawm thin tih hi an ngaihtuah thleng pha miah lo. Pathian thu sermon thiam kantih zawng zawngte hian Bible chang pahnih khat tlawhchhan a thusei tak tak sawite an ni hlawm vek mai. A ziak bak hlir an sawi a, kan tuipui ber chu a ni lawi si thin hi mawle.
A ziak ang ang in kan pawm dawn tak tak anih chuan Eden huan a Evi leh Adama thlemtu kha RUL tiin Mizo tawng chuan a inziak a sin. Enga tinge Setana kan tih talh ang?. Rul chu a hlauh awm vak hlei nem. Vawin ni tlengin thenkhat phei chuan anla khawi hial anih hi. In huanah emaw Rul I hmuhin hei le Setana tiin I au ngai a mi? Mahse rul chu setana aiawh, setana entirnah pawmin rul thu lehhla avangin kan in hnial vak vak chu anih hi. Huan lai takah chuan nunna thina a awm bawk (tree of life) tih pawh Pathian en tirna symbol ah kan ngai leh lawi si a. Chhia leh tha hriatna thei chu symbolah kan ngai leh thei bawk silo em ni ang le..? Nge athing chu symbol ah kan ngai anga, a rah chu a tak takah kan gnai ang?
THU MALKHAT (WORD) HRILHFIAH LOH PAWH APAWI THEI:
English tawnga Bible lehlin hmasa berchu King Jame version hi ani tih kanhre theuh awm e. Hebrew leh Greek tawngte atanga English tawnga an lehlin hunlai khan England ramchu kohhran sawrkar, sawrkar kohhran a ni der tawh a sin. Chumi awmzia chu kohhran leh sorkar a inzawm a, Pastorte pawhin sorkar atangin hlawh annei a ni. Kohhran lam enkawlhna chu Bishop leh puithiam ten anthawk thin a. Sorkar inrelbawlna (administration) chu Lalin an kengkawh thung a ni. In lungrual takin ke anpen ho dial dial mai a ni.
Pu.Jamesa chu chutih hunlaia Lal (king) a ni. Mi thiam leh miril tak mai a nih avangin Bible lehlin hna pawh chu Lal chuan mawhphurhna laiin tuna kan sawi king James version hi anlo letling ta a ni. King Jamesa chuan kohhran leh Sorkar inhmuh thiam lohna thlen hlauh vangin Bible thumal pakhat chu aletling ngam lovin a greek thumnal zulzui chuan a dah ta mai a. Chu thumal chu “Baptisma’ kan tih fo hi a ni. (Khatih hunlai khan nausen baptisma chantir chu kohhran ten anlo practised tawh si a) Mizo tawng Bible ah pawh Baptisma tiin kan dah ve leh ta mai a.Kan tawng ang maiah kan ngai tawh hial niin alang.
Baptisma tih chu Bible letling hmasatu ten an letling ngamlo nge lehlin lohin kan nei ve leh ta zela. Mahse India ram state thenkhat Baptist missionary William Carrey lehlin Bible neitute chuan he thumal hi anmahni tawnga letin (example: dhubon ..etc) ti ten an nei vek thung.
Pathian lehkhabu thumal pakhat “Baptisma” tih ringawt avang hian kohhran pawl engzat nge insual phahin leh in thendarh tawh ang le? Thumal pakhat avang ngawt pawhin khawvel ringtu te hi kan insual bangthei lo chu anih tak hi. Pathian thu hian Pathian in apekte vek hmanga sawi fiah, hrilhfiah fo chu kan lo mamawh hle zawk ani.
BAWHCHHIATNA:
RUL CHU: Genesis Bung 3 thua, Rul hi “Snake” ni lovin “serpent” a ni. Serpent chu “TUR” nei chi kher sawina a ni. Mizo pa ngei siam English-Mizo Dictionary, Lalropara Pachuau siamah chuan “serpent” chu mi rinawmlo, vervek tiin a dah vet lat mai. A enga pawh chu nise, rul tak tak anih lohzia kan hriat theih nan chuan, Pathianin “tuna tang chuan bawkkhupin ikal fo tawh anga, I duh zawng chu vaivut ani tawh ang”( Genesis 3:14) a ti. Chuti anih chuan ahma zawng khan ding chunga kal thin rul anih chu. Rul lo tleng ngailo leh bawkkhup ngailo alo ni hrim hrim a ni.phawt mai. Chuti chu kan tunlai rul hmuh thin ang hi nilovin vangtirhkoh paih thlak Lucifera, Rulpui tar tia Thupuanin a sawi, Ramhuai ngei chu a ni e.
“I duh zawng chu vaivut a ni tawh ang” Rul chaw duh zawngber chu vaivut nihsi chuan Rul hian vaivut hi ei hawng hawng reng awm an nih vei ne..sazu te leh rannung dangte dawlh phet an tum lawi si thin hi le..? Rul tak tak chu a nilo lehphot ta mai. Mahse Ramhuai (setana) chaw tuiber chu mihringte an ni thung. Kan hriat angin mihring chu vaivut atanga siam kan nia. Vaivut mai kan ni.(Genesis 2:7) Chuvangin vaivut mihringte hi alawm setana chaw tuiber chu ni.Setana chaw zanriah ei chak ber chu nangmah kha I nih chu…
IN NGAIHNA SUALAH ANTLUK CHIAH EM?
Genesis 3:14-15 a, Pathianin Setana hnenah I thlahte leh a thlah te ka indo tir ang a ti a. Thalh chi pahnih setana thlah leh Evi thlah an awm theih dan chung chang chu chhuak hmaah khan ka sawi tawh a, sawinawn kher tawhlo ang. A maherawh chu a tifiahtu lam vethung sawibelh leh lawk zawk ang…
Genesis 2:25 ah chuan “Adam leh Evi chu saruakin an awm a anzak lem lova” tih kan hmu. Mahse Genesis 3:7 ah chuan (suala antluk chuan) saruak an nih anlo inhria a, an zakta em em mai a ni. A hma an zahpui miahloh an zahpui tathut hi a mak a ni. Mitmeng hi dawtsawite, thil tihruk man chhuah nana awlsam ber anih laiin, anni chuan an zahmawh anzahpui ber thung hi engdang vang ni lovin in ngaihna sualah an tluk vang a nih arinawm.
Pathian thupek chu “in ei tur ani lova tawh pawh intawk tur ani lo”…Gen 3:3. In ei tur a nilo- Ei tih hi Strong’s Exhaustive Concordance of the Bible’ in a hrilhfiah dan chuan “(Partake) telva, (consume) thahrui hmang ral, kangral.. etc tihna a ni. Chuan “tawk or khawih” tih hi I kutin i khawih, I vuan, I chul etc.. tur a nilo tihna a ni. An thiltih rah chu an chungah lo tlain Pathian thinurna chuan an chituh rah ang chu aseng tir dawn ta.
An bawhchhiatna avanga Pathiam hrem dan hi lo en the: I hrehawmna leh I naupaina chu nasa takin ka ti pung anga, hrehawm takin fa I hring thin ang.(Genesis 3:16) zuk tit a daih a maw le…Thing rah ei vanga bawhchhiatna chu nise, I chaw ei apiangin I hahni a na ziah tawh ang tise a inhmeh viau tur ani. Mahse a ni siloh hi maw le. An bawhchhiatna chu an hriat fo theih nan (Original sin) hrehawm taka fa hrin chu Pathian anchhia hmeichhe chunga lotla ta chu a ni.
Tin, Thuthlung Hlui kan en chuan Mipa fa tawh phawt chu serh an tan thin tur a ni. Chu chu “circumcision” an ti a. A awmzia chu bawlhhlawh tak atanga lopiang, in ngaihna bawlhhlawh atanga mihringte hi bultan, inthlahchhawng kan nih vangin Pathianin serhtan thutlung a siam ta ani.. Sam 51:5 ah chuan Davida chuan khaw lohna a dinin ka awma, ka nun sualin minpai a ti.
Hmeichhia pasal nei tawh chuan a pasal avangin chhandamin a awm ve thei a a ni.(1,Korin 7:11-19). Tin ringlo mi nupui nei chuan a pasal ringtu a zarah Pathian pawm tlak ani, chutiang bawkin pasal ringlo mi nei pawhin a nupui avangin pathian in a pawm thei chauh a ni.
Evi sual atluk dan chungchang ah hian Mizo bibleah hian lehfuh chiahloh a awm avangin English kan dah ange: Genesis 3:6
a) The women saw the tree was good for food (lust of the flesh= tisa chakna)
b) And that it was pleasant to the eyes (lust of eyes= mit chakna)
c) And a tree….to make one wise (pride of life= chapon na)
Mizo bible hian theirah ngawr ngawr a bi tum mai a. chu chu a famkim tawk lohna a ni. Thingrah an eihma a Evi nun labuaitu chu a thing akha ani tlat mai.
Evi chakna tichhuak tu khi Thingrah nilovin a kung a ni tlat mai. Tin mit la em em tu leh amah tifing thei hial hmuh a ahmuh chu thingkung anih khi..
A sei lutuk dawn duhtawk leh phawt ang..!
Similar Posts:
- Enge Pathian Thu?
- Thei-ei bawhchhiatna nge, Inngaihna sual…?
- Eng Tirhkoh (Anti-Christ)
- Natna hi sual a ni em?
- Mihringin thlarau a neilo !!
(G) 
March 10th, 2011 at 10:24 pm
Ka chhiar hmasa ber ang
Report this comment
March 10th, 2011 at 10:31 pm
chhiar thla par par phawt mai teh ang…
Report this comment
March 10th, 2011 at 10:34 pm
sei khawp mai….
… setana chaw atan chuan kei chu ka la inphal lo phawt..
.. a post-tupa, tha khawp mai. thil pakhat i thu ziaka “a ni” tih hi athenah i zawma, athenah i zawm lo a, ka lo ngaimawh deuh, thu tawp siamna a nih chuan zawm loh tur ni tain ka hria..
Report this comment
March 10th, 2011 at 10:39 pm
(Kanla hriat ve ngailoh lamdeuh zawnga mi tuin emaw Pathian thu sawi kan hriatthar changin “zirtirna diklo, Liberal zirtirna rawngkai, Gnostic ho zirtirna” etc te kan titla vengawt zel hlawm a. Mahni awmna kohhran thurin takngial pawh hrekim hawt lo hian midangte zirtirna ka thlifim e, a diklo ve, te kan tive sek hi sim hmak teh ang u)
Zirtirna dik chu Bible atangin a hriat vek a, Isua zirtirna kalpui zel tu chu Catholic kohhran hi a ni. Catholic kohhran hruaitu thenkhat an khawloh chhuanlamin mahni nih duhna nei ten, Catholic kohhran chu tluchhia anga sawiin an mahni mimal ngaihdanin doctrine an thehdarh ta a, chumi te chu protestant tih a ni reng a ni. Presbyterian kohhran (Protestant) ni mah ila, ka sawi ngam sak thil a ni tlat.
Ka fanu sikulah ka hruai lawk angai a dang ka rawn chhiar zel ang. A negative zawngin lak ka tum vek lovang, fact erawh ka theih ang2 in thlawpna leh thlawp lohna ( i thu ziakah) ka rawn sawi chhunzawm leh ang. Minute 45 velah kalo kir leh ka beisei
Hnial duhna hrim2 ni lovin, comment = mimal ngaihdan sawina a ni tih i hriat ve tho ka beisei. Chuvangin mitin rilru hrang nei kan ni a, in dem ngawt a chi bawk heklo.
Report this comment
March 10th, 2011 at 11:08 pm
Hrethiam ve niai nuaih lo e a.. Eden huan ah khan Pathian khan Evi leh Adama te nupa kha dah hmasa lovin Tuikuk nupa dah hmasa ta zawk sela, Tukuk ho chuan rul sa an duh ropui si a, mihring bumtu rul kha an lo ei deih mai dawn a, rul khan hmeichhia a bumlo ni mai tur…Hahahaha… OT3
Report this comment
March 10th, 2011 at 11:19 pm
Bible thu lakkawih hi inti lehkhathiam ho chin thin ani. Genesis ah thei ei phal loh an ei, antih chuan an ei ani mai a, tuipui sen an kan an tih chuan an kan ani mai. Chung chu i rin loh chuan Isua thihna leh thawhlehna pawh i ring tak tak lovang, vanram kalna tham turin i ring lovang.
Report this comment
March 10th, 2011 at 11:21 pm
comment = mimal ngaihdan (personal opinion) tih hi leh mai teh se
we’re all good
Right to freedom of speech te a tam mai, so…
Pathian thu mipui hriata sawi tur chuan theologian tam tak kan nei a, chumi te hna niin ka hria. Theologian tiah pawh Catholic, Presbyterian, baptist, Salvation Army leh denomination hrang2 ten mahni doctrine milin theologian kan nei hrang theuh awm e. Pathian thu zirna neilo emaw, zir chhuaklo emaw lek phei chuan kan lo thutak khukpui ve vak thin hi midang rilru kan ti changelhmun zo vek thei mai ang tih te a hlauhawm thin ngawtin ka hre thin. Ziaktu erawh ka sawi chhan kherlo thung
Report this comment
March 10th, 2011 at 11:27 pm
#7 a ‘thutak khukpui’ kan tih hi hre tak anga kan lo sawi ve vak zel hi ka sawi chhan a ni e.
Report this comment
March 10th, 2011 at 11:27 pm
Engemaw ti ti chuan ngaihnawm ang reng tak hian thu hi i ziak thiam a!
I naupan tet lai, rilru bawlhhlawh kailo i nih lai khan, saruakin khawlaiah i leng fo thin ang-mahse i zak miahlo. I lo puitlinga, chhia leh tha i rawn hriat ve hnu chuan saruak chu sawi loh kekawrte nen khawlai i len ngam ka ring biklo. A, chutiang deuh chu a ni e.
Rev.Zosangliana colney nen inhnial teh u, in unauin(LR. Colney) fth.
Report this comment
March 10th, 2011 at 11:31 pm
Ka chhiar chhuak vek e.
Punctuation i uluk lo rem rem hle mai. Ka chhiarchhuah loh phah tep.:-[
Report this comment
March 10th, 2011 at 11:38 pm
Genesis 1:28 ah Pathianin “Chi tam tak thlaha lo pungin, leilung hi luah khat ula” a ti a, Adama leh Evi kha inpawl lova chi thlah turin a ti em ni ? Thei ei kha sex a nih chuan inpawl a khap tihna a ni a, inpawl lova inthlah pun dan lah chu Bible-ah hian a awm mang silova !!
Tin, Genesis 2:17-a “a chhia leh a tha hriatna thing rah erawh hi chu i ei tûr a ni lo [Evi i pawl tur a ni lo a tihna lo ni ta se!]” Pathianin a tih lai khan Evi a la awm reng reng lo !! Adama chauh siam ala ni a, chuvangin a chhia leh a tha hriatna thing rah kha sex a ni thei lo. Thei ei vangin emaw a hnuah sex chu a involve pawh a ni maithei, mahse thei ei leh sex hi thil thuhmun chu ni theiin a lang lo.
Thuthlung Hluia serh an tanna chhan kha ‘inngaihna bawlhhlawh atanga mihringte hi bultan’ kan nih vang nilovin, Pathian leh Abrahama-te inkara thuthlung chhinchhiahna zawk a ni. “Inngaihna bawlhhlawh” vanga serh tan tur nise Abrahama nilovin Evi leh Adama khan serh an tan ang chu !! Duh duh dana Bible hi kaihlek tur a ni love.
Report this comment
March 10th, 2011 at 11:41 pm
he thu in raawn sawidan hi ka hrethiam lo khawp mai…..inthu ah hian Adama kha thiamlohna nei lo lek lekin a lang a,adama kha original sin ah khan a mawhphurh na a sang zawk dawn lawmni……nge Adama thlemtu chu rulnu ni ve ta ang….Evi thlemtu hi rul a pa ni ta se….
Report this comment
March 10th, 2011 at 11:43 pm
N’e, spelling a buai nuaih mai. Bible thu lam hi zawng, kei misual hian ka sawi ve lo mai ang e. Ngaihdan han nei ve mah ila, keini aia zir sang zawk ten a KJV, a Grik, a Hebrai chuti khati an rawn ti leh ang a, ka dang der a ni mai. Chuvangin kei chuan zeldin thu bawl mai mai ai chuan kan Bible-a inziak ang ang hi ka lo pawm mai ang e.
# 6
.
Tunlai kan thuziak tam tak hian Evi hi an chhuah lepchiah riau mi ka ti.
Report this comment
March 10th, 2011 at 11:55 pm
Han chhiar chuan awihawm ve tak ang chuan alang.mahse Pathian ropuina leh Pathian anihna chu,keini mihringte hian kan hriatfiah zoh lohzia a tichiang khawpin ka hria.Joba pawh khan zawhna a ngahzia kha.A tawpa a hmuh chu,a zawhna chhanna ni lo in,Pathian ropuizia leh ama(joba) nepzia anih kha …hmu lo a,ring chu an enga thawl e…hriatloh ang2 hian ring tawp mai ang…mihring mihrinna hian a chhui zo lo ani. A pawimawh leh hlu kan hriatchian zawk ngai lai ni a ka hriat chu,sual ah mihringte hi kan tlu ani tih pawm ila,Evi bawhchhiat dan tak va hriat tum lam aiin,keini ve mai2 min hmangaih a,a fa a min la pawm duh hi ani in ka hria .
Report this comment
March 11th, 2011 at 1:16 am
mimal ngaihdan post a,midangin an ngaihdanin an comment ve a…ngaithei leh mang si lo…grrrrr….
a ngaihnawm rual rualin ka hne lam tawh zawk a ni kei zawng…. 
Report this comment
March 11th, 2011 at 1:17 am
Spelling leh i thuziak hrim hrim i uluk lo hle mai. Chhiar hrehawm tak ani.
Ka’n chhiar chhuah dap pawhin i sawitum ka man phalo. Vawi khatah vei i rawn ngah lutuk a. Bakah grep ei chungchang thupui ah i rawn hmang si a, a lehlin dan hlir i rawn sawi leh si.
uk… hehe
Report this comment
March 11th, 2011 at 1:25 am
Pathian thu har tak tak leh inhnial theihna thenkhat, sakhaw dang ngaihdan rinna nen in kalh te chhan letnan, hriatfiah thiam tumin ka rilru ka seng ve fo thin…. He thu hi chung zawng zawng chhanna atana ka hmuh thar chu a ni
“He has shown you, O mortal, what is good.
And what does the LORD require of you?
To act justly and to love mercy
and to walk humbly with your God.” (Micah 6:8)
Report this comment
March 11th, 2011 at 1:40 am
Hetiang lam bawk chu …
Thei ei chu inngaihna sual a nih chuan Evi khan Adama ei ve hma khan a ei hmasa si a, Adama tel lovin nen engtin nge inngaihna suala a tluk theih ang?
:very confused:
“Adama leh Evi te inpawl hma khan Setana leh Evi kha an inpawla, Kaina pawh kha Setana fa a ni” i ti a nih chuan Genesis 4:1 ah hian tihian a inziak kulh mai:
“Tin, Adama chuan a nupui Evi chu a pâwl a; tichuan a rai a, Kaina a hring a…”
Kaina a pianna chhan chu Evi a rai vang..
Evi a raina chhan chu Adama’n a pawl vang.. Setana’n Evi a pawl vang ni lovin tih hi Bible min zirtir dan zawk a nih hmel
A reng reng thuah, Evi’n thei a ei kha Setana’n a lo pawl tihna a nih chuan… Adama khan Evi thei ei ang chiah tho kha a ei si a, Setana’n Adama pawh a lo pawl ve tihna emni dawn ?
Report this comment
March 11th, 2011 at 2:03 am
keimahte #18 hrilhfiah leh chuan ngai lova a ziak chhiara hriatthiam theih nghal niin ka hria. Chuvangin i sawi ang khian
Report this comment
March 11th, 2011 at 2:15 am
Keini ril loh vanga misual ve hram hram tan chuan he post chu a huatthla la awm vak lem lo e..
mahse he thil ziaktu pa hi Pathian thua a ril loh em avang erawh hi chuan Pathian pawi a sawi ka ring ve tlat!
A thiangzau deuh tlat!
Report this comment
March 11th, 2011 at 2:20 am
#20
Report this comment
March 11th, 2011 at 2:40 am
A ziak a chiang te tan chuan sawi tur a awm leu.Inngaih sualna lam a lang leu If your are beliver of bible(Torah) ziak dang a awm ka hre leu .Ramayana lam ah a inziak te anihngawt loh chuan lalcoment.
Report this comment
March 11th, 2011 at 3:04 am
“A ZIAK ANGA PAWM KAN TIH FO HI ENGE A AWMZIA?” i ti a :
A ziak anga pawm awmzia chu Bible-a inziak Bible vekin a hrilhfiah leh hi a ni ber ang chu. Entirnan: Genesis ah chuan RUL tiin a sawi a, rul tleng zel zel chi a ni lo tih kan hriatna chhan chu Thubuan buah RuL kha Setana a nih thu min hrilh a ni. Hei hi a ziak anga pawm chu a ni. Tu emaw ngaihdan ni lovin.
Amaherawhchu, Evi leh Setana inpawl thu emaw, thei ei kha inngaihna sual a nih thu emaw hi Bible khawiah mah a in ziah ve loh avangin ngaihdan uchuak tak pakhat a ni ve ringawt. Kum zabi khatnaa kohhranin a lo hnawl tawh, kum zabi 20-na bawr vela William Branhama-te hovin an rawn thar thawhleh zirtirna chhum-ruahtui-pai-lo ang a ni (tangkaina pakhat mah nei lo tihna a ni).
Report this comment
March 11th, 2011 at 8:57 am
Nih duh hmel leh fu si ! ‘tree of LIFE’ tih pawh hi thing tak2 lam aiin, NUNNA(life) lochhuahna bul a nih duh hmel a, engtinnge NUNNA a lochhuah mai?? kan tih chuan… inpawlna a trang chu a nih duh hmel bawk sia… engpawhnise, Evi leh Adama kha chu Pathian hma a inneih hma a lo inpawl rih lo tur a tih kha..
. anlo bawhchhia niang a ?? 
Report this comment
March 11th, 2011 at 9:05 am
Good post Pu Colney..Lalpa’n malsawm che rawh se
“Pathian thu hi a nung a,thil a ti thei a,khandaih hriam tawn eng ang ai pawhin a hriam a,nunna leh thlarau,ruhtuah leh thling phel hrang khop hialin a chhun thei a,thinlunga ngaihtuah leh tumte a hre nghal thei a ni”(Heb4:12)
Keini Misual ho hian Pathian thu hrethiam thei tur chuan thlarau thianghlim hriattirna, thlarau mitvar leh bengvar kan neih a ngai a,chu mi nei thei tur chuan min twngtawi sak zui theuh ka beisei..
Mi te chunga thu neihna kan neih awm chhun chu TAWNGTAINA chauh a ni..tuman an hnial thei lo tlat.
AMEN!!
Report this comment
March 11th, 2011 at 9:06 am
Report this comment
March 11th, 2011 at 9:26 am
Tree of life hi a mak ve reng reng, a power hriat a chakawm e. Immortality a pe thei ang em a ei tu? Eng thei tak ni ang maw? Greek mythology a golden apple te pawh min ti hrechhuak e.
Report this comment
March 11th, 2011 at 10:16 am
chawlhni zan inkhawm a ngaihthlak tur nise ka mutthluk san char2 ang ka ring.. i sawitum tak i sawi har lutuk a, a kual chingchivet in minti muthlu hman tep
Report this comment
March 11th, 2011 at 12:50 pm
I tuipuina a rei tawh hmel khawp mai. I chikpeihna a ngaihsanawm khawp mai. Sex hrim hrim hi sual ah ka ngai lo. Sex chu Adama leh Evi khan an hmang tur ani hrim hrim, Pathian institution ani tlat. Bible pumpui han synthesize hi chuan sex related sin Pathian in a huat em em dan ah hian sual bul kaihnawih leh hmanrua a lo hman kholoh ani tih hi chu a ka ring khawp mai. Ka sawi ve vak tawhlo mai ang, ka chhuak leh nghal hrih mai. ka ngaihdan chu ka rawn post tawh kha, la chhiarlo tan hetah
https://misual.life/2011/03/.....na-ani-em/
Report this comment
March 11th, 2011 at 1:18 pm
Ziak tha hle mai ………. Evi thil ei kha THEI tak tak a ni mai lo maw ………. tun thleng hian THEI heh zawk chu hmeichhia kan/an ni zel sia……..
Report this comment
March 11th, 2011 at 2:42 pm
1.A hmasain kan post commenttute khinlet hi Misual-ah chuan a hlawk lem lo, hman ni lawkah pa pakhatin a ti tawh a a ai nasain an chilh zui.
2. “English tawnga Bible lehlin hmasa berchu King James version hi ani tih kanhre theuh awm e.” i tawngkam a chak mah mah, i tehna ka hre chak hle mai, John Wycliffe-a papacy/papal infallibility hun laia Bible lehlin leh chhan dang vanga an tihhlum kha ‘first translator in english’ tiin an accredit asin. King James version hma daih a nia.
3. I thu rawn ziah kha thu thar teh chawka rawn sawi i tum a, thenkhatin gnosticism kan lo tihsak che a, i lungawi chiah lo. a inzul vek tihna ni lovin khatiang khan gnostic hovin an zirtir thin, chuvangin neo-gnosticism tal a ni ngei ang. Hman laia sabellian-a zirtirna awm tunlaia thar thawhtute hian sabellianism an inti duh chuang bik hlei nem. I post kha ngun takin kan chhiar a, gnosticism zirtirna hi hre veah kan inngai bawk a ni.
4. Traditional doctrine huanga tel lo tute tualchhuak zirtirna emaw hi han belchiang ila My Icon church father Athanasius-a te hunlai khan an lo hnawl deuh vek tawh, thil thar a awm mang lo ve.
5. Bible hi doctrinally-a i interprete dawn chuan King James tih vel kha hmang suh, Root word ngaihven zawk rawh. King James version, version dang nena teha engkhawkha-a ngai duh lo hi an tam ve tho.
6. I post hmasa nen, i rin dan dik tak anih a, doctrine circle-a i vawmlut dawn anih chuan systematic takin han present la, chuan, point fel takin han siam la hlawm khatah traditional doctrine, defender of faith tarmit-in kan lo thlir ve ang chu. Mahse pawl chhuak thulak dan mai mai ni lovin aw…
Report this comment
March 11th, 2011 at 3:02 pm
Biblical debate hi Synod in a khap em khah. . . ?
Report this comment
March 11th, 2011 at 9:06 pm
@vakul:
1. Comment hi ziaktu zawng zawng ten kan nghai pawimawh theuh ka ring.kan thuziakte hi eng ang takin nge minlo lak thutak puive tih hi kan hrechak theuh awm e.Awmze neilo lutuka in comment sak hi ka rawn sawisel chu a ni mai e.Nang chuan point number pe meuhin min rawn chhang kauh kauh mai a, pa chimlim tak i ni hial lo maw.?a lawmawm hle.. Khi titur khi a ni. Hriatna kan in chawm tawn tur a ni.
2.John Wycliffe-a English Bible letling hmasa ber chu a ni ngei mai. Mahse Main-line church chuan accredit an pek ka hrelo.A chhan chu Old english an tih mai (Anglo-soxox)a letling tu a ni a. Sam zaik chuah alet a, sam ziak kher hi chu fanna ah andah a sin. Kohhran puiin an pek lo vang pawh ni lovin, ka rilru hian sam chauh letlingtu hi keipawhin Bible translator hmasa ber ti a han koh chu ka duhlo.Tin, English kan tih hian English hrang hrang Egyptian ho English, Jews English ang vel pawhin King James Verson aia hmaah chuan anlo let toh alawm. Mahse Bible pum, Old and new ENGLISH hmantlak angaih kohhranin a pawm hmasa ber chu King james kan ti ve thuai anih kha. Kei tak phei hi chuan ka hmang tam vaklo zawk a sin. Tawng bul lam atang ten kan thiam ang tawk tawk chuan kan zir ve tho alawm.
3.Ka thu rawn ziak chhuah hi Gnostic zirtirna ah i puh anih chuan Gnostism chu i hrehle turah ka ngai. Greek ho philosophy hmanga pathian thu an zirna hi a rawntlak hauh ka ti lo. Ggosis (greek) – knowledge hi chu thlarau atel loh chuan a thi mai ani kan biblein min tih sak avangin tha ka ti bik hauh lo mai. Mahse a inzulna ber awma ingiahtheihna chu rawn la chhuak zawk la.. Gnostic tih ngawt hian a huam zau em em mai si a.Bakah kan bible neih bak an neih avangin modern Apocrypha an ti hial khawpin a tam em em mai si a. Gnostic Gospel ah ringawt pawh Thomas Gospel thlengin an nei si a.Rawn thlang chhuak la kalo chip ve mai mai ange.
5. Tunlai aiin hmanlai khan Doctine humhalh hi an tina zawkmah a sin maw tak le. John Calvina theologian ropui a vawiin thlenga kan ngaih meuh pawh khan October 27, 1553 khan a zirtirna dodal tu Michael Servetus chu Geneva khapui pawnah a halhlum tawp anih tak kha.
He ka article hian doctrine lam rawn chherchhuah ka tum lova. Ka tum erawh chu Lal Isua Chhandamna ropui rawn hailan a ni. Tin, Bawhchhiatna chungchang ah hian Mizo ramah ringawt pawh sawidan adang tam ta hle mai. Chuvangin hei pawh hi sawidan pakhat ah lo pawm rih phawt mai la ka duh hle mai. A nih loh vek pawhin information pakhat ah lo dah ta la a that rih ka van ring em..
Tin, Pawl chuaka tlang han kawn zauh chu.. Protestant ka ni itih khan pawl chhuak ka ni i tihna a nia sin le…He lam pangphei chu sawi tam loh a tha ang. Catholic ah kan lutleh vek dawn anih loh chuan.
Report this comment
March 11th, 2011 at 9:12 pm
mr comment….”kan ngaihpawimawh” tihtur a niang not nghai
Report this comment
March 12th, 2011 at 9:50 am
Wycliffe khan Sam chauh a letling tih khi a dik lo deuhin ka ring..synoptic gospel leh NT hi a kutchhuakah an ngaia, OT erawh chu a thuihhruaite kutchhuak a ni maithei.
Kohhranin English translation a pawm hmasak ber pawh hi The Great Bible (authorized by King Henry) kha a ni. The Cromwell Bible an ti bawk. KJV hi chu authorized version pathumna chauh a ni zawk. The Great Bible an siam hnu hian Church of England phalnain The Bishops’ Bible an siam leh a, chumi hnu chuan King James hi chu a lo chhuak ve chauh zawk a ni.
Report this comment
March 12th, 2011 at 7:23 pm
I tidik vek e. Pawlchhuak rilru kalo pu lutuk alo nih dawn hi. Bible translation hrim hrimah chuan portion or NT ringawt angte, anih loh leh Bu 80 Apocrypha telin an ni tlang pui. Mahse King James hi Apocrypha telh lova,(paih) Bible bu 66 awmna hmasa ber ani e.
Report this comment