Johana 5:14…”Ngai rawh, i dam tak hi, thil tisual leh tawh suh, chutilochuan thil tha lo lehzual i chungah a lo awm dah ang e,” a ti a.
Natna mihringa lo thleng thin/awm thin hi a chhan kawng thumin hetiang hian han then ta ila:
- Insum loh, fimkhur loh, tlang hri leng, accident, etc.
- Pathianin mi a thunun nan emaw fiah nan emaw vanga natna a pek (Israel fate).
- Setana atanga chhuak natna. (Joba nun)
A chungah kan tarlan tak ang khian natna mihringa alo thlen dan chu kan hre fiah thei awm e. Mi thenkhatin natna alo thlen hian setana tih nat ah ngai in tawngtainaah te setana an hau chiam thin a, a ti na tu setana kha hau la damna puang rawh te an ti fo thin. Suahsualna avanga na nge setana tih nat nge an nih Pathian thununna an chungah alo thleng nge, anih loh leh tlang hri leng leh thil dang dang vang tih te hriatsak phawt a tha awm e.
Lal Isua khawvela alo kal lai khan natna chi hrang hranga na te a tidam thin a, ‘tisual leh tawh suh’ te a ti fo thin tih kan hmu a. He Johana 5:14-a kan hmuh Bethesda dila damlo a tihdam pawh hi thil tha lo lehzual a chungah a lo thlen loh nan tisual leh tawh lo turin a fuih a ni. Bible hrilhfiahna tamtakah he damlo hian thil a tihsual avanga kum 38 ngawt a damloh phah na chhan sawi na a awm hran lo va. Nimahsela, tupawh mai hi Pathian mithmuh leh hriatah chuan misual kan nih zawk avangin he pa pawh hi tisual leh tawh lo turin a hrilh mai anih a rinawm.
Kawng lehlamah chuan, kristian ni mah ila Pathianah nun nghet tak neih loh chuan inkhawm, bible chhiar leh tawngtai te hi ti ve thin bawk mah ila, sual tih na remchang kan hmuh chuan kan ti hreh lo fo thin. Ruihtheih thil te leh sual chi hrang hrang te ti reng chungin pawnlang nun erawh kohhran mi tak, Pathian ngaihsak tak anga lan kan tum fo thin. Hetianga chawhpawlh taka kan nun thin na hian kan sim chuan si loh chuan kan ruihtheih leh sual chi hrang hrang chin thin te chuan min vaw let a, natna khirhkhan tak tak te kan tuar ve fo bawk thin. Natna chi hrang hrang kan chungah alo thlen hian thenkhat te chu Pathianah an inhmuhchhuah phah a, an sualte an sim a, an awmdan tha lo te an bansana, Pathian an hnaih phah thin. Thenkhat ve thung erawh chu Doctor-te leh Pathianah beiseina sang tak neiin an dam ngei an ringa nimahsela, an dam chuan si loh hian beidawnna sualah te an tlu lut fo thin bawk.
Pathian mihriat emaw Pathian mi hman emaw rawngbawltu emaw nih tawh phei chuan A tihdamna chan tawh hnua tluksan leh chu kan Bible chang innghahna a mi ang hian a aia thalo lehzual hi a thleng duh khawp in a rinawm a ni. Keipawh Pathian hminga ka sima, ngaihdam ka dil hnu ah Pathian tihdamna ka changa mahse khua a lo rei a, kalo bawhchhiat leh avangin a aia nasa lehzualin tun thleng hian kala na ni in ka hre fo thin.
Natna hrim hrim hi sual a ni lo va nimahsela, kan natna chhan zawka kha sualna avang te, setana natna min pek te emaw Pathianin min thunun nana min tih nat te emaw thildang dang vangte a ni fo zawk a ni.
Engpawhnise, ringtu kan nih avangin kan na thei lo tih na a ni lo va, manganthlak tak leh tih ngaihna awmlo khawpa kan lo na anih pawhin Lalpa chu kan hnenah a awm renga, a hnai reng a ni tih hi kan hriat fo a tha a, Lalpaah dam nun neih zir a tul fo thin. Hosea 6:1-ah chuan, “Hawh u, LALPA hnênah i kîr ang u: Min lo pawt sawm tawh na a, min tidam leh dâwn si a, Min lo vaw tawh na a, min tuam leh dâwn si a”, a lo ti hial ani.
Sawiho tur:
- Natna hi sual a ni em? Nge sual vangin kan na zawk?
- Natna lo thlen dan ni a kan hriat te sawi ni se.
- Natna/tuarna hian Pathian min hnaih tir em? Kan dam chuan si loh hian Pathian min hlat tir tu, min ti beidawng zual mai mai tu a ni zawk em?
- Natna hi engtia tuar/hmachhawn tur nge?
Similar Posts:
- I Thiltih chu Nangma Mawhphurhna
- Eden natna
- Dawn Tisei
- Thlarau lam Indona(Spiritual Warfare) – {Sunday Pual}
- The Oneness of God
December 8th, 2009 at 11:12 am
No. 1 -3 hian natna chungchang chu a sawifiah nghal vek mai. No. 3 Setana atanga chhuak natna (Joba nun) pawh kha Pathian remtihna thlapa thleng a ni. Pathianin Joba nunna khawih tel a phal lo va, a taksaah chuan setana thuneihna a pe thung.
Report this comment
December 8th, 2009 at 11:29 am
Natna hi khawvel a kan awm chung chuan kan ta, thihna pawh kan ta. Thihna emaw Natna emaw Pathian remtihna a tuar kan ni thin, chutiang bawkin malsawmnate pawh.
Report this comment
December 8th, 2009 at 11:37 am
Lehkawks, Nula leh Tlangval inngaizawng hi an pahnih chungchangah midang hriata sawi chi nilo, thil sawi dun turin hmun fianrialah ankal dun a, ruahin a nan tak vang emaw zan boruak avangin an haw hnu chuan Nula chu a khua a sik ta.
He Nula nat chhan hi sual vang a ni thei ang em? Pathian in a duan danin a awm vang zawk nge? A sual vang chu niin ka hrelo.
Report this comment
December 8th, 2009 at 11:59 am
Thawnthu pakhat ah chuan: Pathian leh a vantirhkoh hi khawpakhatah an kal a, mihausa in ah an thleng a, zanah an inhnuai room-ah an lo muttir a, vantirhkoh chu an lo mikhual danah a lungawi lo hle a, zing an han thawh chuan Pathian chuan chhuat khi tuar chu a hmu a, mam takin a zut phui sak ta a. An kal leh a, nupa rethei tak bawng vulh a eizawng te in ah an thleng leh a, zingah chuan an bawngpui a lo thih avangin an nupa chuan an lungngai ta em em a. Vantirhkoh chuan lungawi lo takin, “Mihausa min thleng tha lo tu In pawh i siam that sak a, mirethei bawng pawh kha i duh chuan i ti dam thei tih ka hria” a ti a. Pathian chuan, “Nizan khan thihna a lo kal a, an pa kha lak a tum a, an tan a tangkai em vangin an bawng zawk la turin ka lo ti anih kha. Mihausa te kha chu leihnuaia hausakna awm kha an hmuh ka hlauh vangin an chhuat ka ti phui anih kha,” tiin a chhang a.
Hetiang tho hian natna pawh malsawmna a ni thei a, thihna pawh malsawmna a ni thei a ni.
Report this comment
December 8th, 2009 at 12:11 pm
Nunna te, thihna te, malsawmna te leh anchhia te hi Pathian min pek an ni a, amaherawhchu kan dilloh zawk malsawmna te hi kan dawng fo thin.
Report this comment
December 8th, 2009 at 12:19 pm
ka hnathawhna ah khawl in ka in ti palh a ka kut ka ti na ta a hei sual a ni ang em ? motor accedent a hliam te hi sual a ni ang em? nia mahnitan a rha lo tih hrereng chung a sim duh chuang lo hi chu sual poh ni awm tak a ni fimkhur loh avang a intihpalh te poh hi sual ni awm tak ah ka ngai bawk
Report this comment
December 8th, 2009 at 12:20 pm
Puitling Sande Sikual zir atan a va tha e aw, poi lo hetah poh hian i zirho teh ang u, chhiar lamah kan lo ramtang teh ang.
Report this comment
December 8th, 2009 at 12:23 pm
A va scientific lo deuh ve.
Report this comment
December 8th, 2009 at 12:25 pm
natna lam sawi tak ah chuan a ot em lovang chu maw .ka fapa te kum 2.3 ngal a u nen an infiamna ah a ti na a hei an cher khawng tlat mai a dr ten kal lo se an ti a .mahse ani te hi football hi a uar ve khop a thutphah vuanchung in a ke tuam khawng hmang chuan ball a pet lui zel mai a nuam a ti phian mai sia a tleina ber a ni si a ti tir nge trha tih tir loh kam dr rual misual ho khan min han hrilh te un
Report this comment
December 8th, 2009 at 12:30 pm
amah a tleia insawiselna a hnuah a neih lem loh chuan ti zel mahse enge a pawina kalo ti ve mai!!! Tikhan a in exercise zel a ni maia!! Mahse, a inkhelh hnuah na a sawi chuan tih tir loh chu thra ngei ang le!
Report this comment
December 8th, 2009 at 1:28 pm
mawngmirh leh mit-hrik(awm tak tak chuan) pawh Pathian remtih na vek
Report this comment
December 8th, 2009 at 1:49 pm
E, ka ha hawlh zawng tak mai a ni. Ka cheina a rei tawh khawp mai hemi chungchang hi. Paul E. Little chuan natna awm chhan ch hrang hrang a chhui a,
i) Natna hi Pathian fiahna a ni thei:
Ringtute-ah Pathianin Amah kan rin leh rin loh fiah nan a thlentir thin. Chu chu Amah ringtute ah No.1 nih a duh fo thin avangin eng angin nge an lo rin chiah hriat tumin a fiah fo thin. A ringtute chuan Amah hnaih nan an hmang fova; a ringlotute chuan vui nan an hmang fo bawk.
2) Natna hi Pathian hremna a ni thei:
Pathian hremna a nih chuan a tuartu ten Pathianin a hrem a ni tih an chiang mai thin.
3) Setana inrawlh vang a ni thei:
Setana hian a lal rawn hrawt ve a duh a avangin mihringte chungah kan duh loh zawng natna te leh vanduaina dangte a thlen tir a, Pathian hua ila, Pathian lakah hel ila a tih vanga ni fo thin.
4) John Calvin-a chuan, “Mihringte chunga thil thleng reng reng hi Pathian remtih vang chu ni vek lo mahse a hre vek a ni’ a ti e, an ti a. A dik ang.
5) Tin natna hi Pathian hremna em em ni si lo, a thununna ang deuh pawhin a lo thin bawk.
Heng zawng zawng hi Mihring suala tlukna in a ken tel a ni a. Kan na thei hi kan mihrinna lai tak chu a ni bawk. Na thei lo ni ta ila, dam awmzia leh hlutna pawh kan hre ngut ang emaw chu le.
Report this comment
December 8th, 2009 at 2:40 pm
A bengvar thlak e. Tunah hian ka khua a sik deuh ser ser a, engvang nge niang ka hre ta hauh lo mai le!
Report this comment
December 8th, 2009 at 5:31 pm
@hmingtea; ka lo hmufuh ve hlauh a: in naute chu i sawi chiang lo angreng riau mai, a diagnosis leh a rei tawh lam chu sawi thei la ngaihdan a siam ve theih deuh ang a. mahse a enkawltu berin a kal loh tur a tih chuan rest tir rih chu a tha zawk ahmel a.
Report this comment
December 8th, 2009 at 6:27 pm
Irre, i hritlang khawsik hnaptui a nih kha, mulum la a dam mai ang, sual leh sual loh lam pawh a ni ove
Report this comment
December 8th, 2009 at 6:39 pm
atheist ho in he post hi comment ve ta se engtin tak comment ang maw…. !!!
Report this comment
December 8th, 2009 at 6:56 pm
Natna hi kan tawrh tura Pathian siam niin ka ring tlat a, Setana hnathawh a ni kher lo. Pathian ropuina lo lan chhuahna tura kan tawh chang pawh awm ang. Mahse, natna tam tak erawh hi chu kan sual vang leh thuawih loh avanga kan tawrh erawh ch a awm thei ang. ZG-a idea hriat a chak awm hle mai.
Report this comment
December 8th, 2009 at 7:32 pm
A post-tuin natna awm chhan a sawite hi kei pawh ka pawm. A bul pui berah chuan natna hi sual a ni lo va, sual avanga natna hi lo awm a ni zawk tih hian a khai khawm viau mai.
Tin #12 jvc sawi hi ka ngaihdan nen a in mil khawp bawk. Pathian thununna a nih chuan a thunun tawktu chuan a hre ngei tur a ni. A pawnga taka eng natna pawh “Pathianin kan thatna turin min pek a ni ang” tih ringawt thin hi chu a Pathian thu lo tlat. Exodus 15:26-ah chuan “Kei LALPA a tidamtu che ka nih hi” Pathianin a ti. Isaia bung 53 thuah ‘a vuakna vual tea tihdam’ kan nih thu kan hmu bawk. Pathian zia chu malsawmtu leh tidamtu a nih laiin Setana zia erawh chu tichhetu, tihlumtu a ni thung. Chuvangin, natna zawng zawng hi Setana atanga chhuak vek a ni lo va, tam tak erawh hi chu Setana atanga chhuak a ni thei bawk tih hriat erawh chu a thain ka hria.
Report this comment
December 8th, 2009 at 9:33 pm
hmingtea:inau chu pettir hmiah hmiah roh.naupangte chu antlei na anih chuan tap borh borh roh se
Report this comment
December 8th, 2009 at 10:44 pm
Natna thu hi chhui chhui tur ani lo. Sual vanga na te, sual si na lo te, mi fel na te an awma. Natna chu natna a ni mai.
Report this comment
December 8th, 2009 at 10:59 pm
Engvang pawh nise natna hi chu a na tho tho!
Report this comment
December 8th, 2009 at 11:00 pm
Natna hi chu thil tul pakhat mihring leh ransa te tan an survive theih na hmanruah pawimawh tak a ni. Taksa hian na hrelo ta se, kan thi hma viau ang “physically” in. Natna hian kan taksa in a mamawh kan tlakchhamnate a ron ti lang thin, chu chuan damna tur min zawn tir nghal a min ti na thei thil chu identify vata a damna tur kan zawn nghal a ngai thin.
Chutiang bawkin, thlarau lam natna hian kan damna tur pathian min zawntir thin. Conscience min pek chhan pawh rilru inthiamlohna hmangin kan thlarau a chauh zia min hriattir thin. Ran nen kan in an loh na pakhat chu kan tharau chatuan ram thleng tur kan neih hi a ni.
hei hi sawi hote ang. Misualin an sual vanga natna an tawrh thin chu kan hriatthiam pui tlangpui, mifel te chunga natna thleng chu kan hrethiam lo thin. Eng tia justify chi nge ni ang?
Report this comment
December 9th, 2009 at 7:04 am
Natna hi sual a ni em ? tih ai chuan, Natna hi hremna a ni em ? tih ni zawk ta sela, i sawi tum hi a fiah zawk lawng maw ?
Sual vanga hremna a nih chang a awm a, a nih loh chang a awm bawk. A generalise theih loh. Bible chang hrang hranga a inziak dan a inan miau loh avangin, thutlukna felfai tak lo siam ve ngawt a awlai lo khawp mai
Report this comment
December 9th, 2009 at 7:53 am
Sual hi Bible-in a define-na zawk chu “DAN BAWHCHHIAT HI SUAL,” a ti; “the wages of SIN is death,” a tizui leh a. Sual man/hlawh-chhuah hi atir atangin an la SALE tlawm ngai lo —a man pangngai reng THIHNA a la ni. A to belh lo va; a tlawm hniam hek lo.
“Natna hi SUAL,” ti chiahin Bible chuan a define lo; mahse bawhchhiatna kaihhnawihin NATNA chu a awm a ni phawt mai!,
KO LOM E, Mizoram BRTF ziak dan!
Report this comment
December 9th, 2009 at 8:50 am
Natna dangthei ka taksa a min ngamloh a tawnin ka damlo thin. Khawvel a thil nung tawh phawt chuan an damlo/na thei vek, sual vang a nih ka hre hauhlo mai. Mi thianghlim/mi fel te hi ania damlo nasa fo chu!
Report this comment
April 5th, 2010 at 1:22 pm
nie,kan soi tha hlawm hle mai.a post tu hian a ti dik a.natna hi sual ani lo.mhs bohchhiatna avangin natna alo awm.hei hian a khaikhawm vek.a biblical bok ani.
Report this comment