Ka la hre reng… Dt. 10.3.11 zan dar 8:00 vel a ni a. Kha tia, “Ka Facebook a hrang” tih Tuaitea post-a uan ka chhuah lai leh Comments te chhiar a, mahni-a ka khìk vun vun lai khan, hriat ngai loh no. atangin phone call a rawn lut a –
“Tidim khaw daiah I’u Biakchhawna te an accident a, a hmunah mi 5 an thi a, i u fapa – Hriatpuia (kum 13) pawh thi zingah a tel. I u erawh a harh tha, a hliam ve nual a, a ban vei lam a tliak bawk…”
tih thu thinthawng tak chu! Min chhangtu chiah – ka u te pafa chunga vanduaina leh chhiatna rapthlak tak avang chuan, kum 10 zet ka rah tawh loh – Burma ram leilung rap turin, chawpchilh takin thuthlukna ka siam ta a.
A ruang nang tur chuan muang lova chet nghal vat vat a ngai tih ka hria. Ti chuan, mite zin chhuak tur anga nupa hun hlimawm leh inthlahna fumfe pawh hmang hman lovin, Tiau/Zokhawthar panin zan dar 11:00 velah kan inkhalh chhuak ta a. A tuk, zing dar 8:00 velah Zokhawthar kan thleng a. Tiau ral kai nghalin, Tahan a haw tur passenger phur jeep-ah kan invawmlut nghal ta nawk nawk a, zing dar 9:00 velah Tahan panin Tiau kan chhuahsan leh ta a. Tluang taka kan tlan chuan tlai dar 5:00 vela Tahan (Kawlkulh) thleng tur kan ni a, kawng siamin tum 2 zet min dan avangin, zan dar 7:30 velah ka pianna – Kawlkulh khua cht kan thleng ta a.
Khua a thim tawh avangin a vuina hun/prog. chu kan nang ta lo a, a ruang pawh thlanmualah an lo phur phei tawh a ni. Mahse, a ruang kan hmuh ngei theih nan thalai hruaituten ruahmanna tha tak mai an lo siam a, thlanmualah thalai tlawmngaite’n min lo nghak a, minute 20 vel a ruang kilna hun min pek hnuin kuang chu an nawr lut a, a thlan chu cement leh leirawhchan hmangin an khar ta a.
Burma ram pawh a lo zalen tawh angreng phian a, zin kawngah harsatna engmah ka tawk lo. Ram thlalak (ID Card = Hmatpungtin) neih loh vanga inman leh man tuma inveh ang kha a awm tawh lo. Zalen takin a zin veivah theih tawh a, Tahan khawlaiah pawh Mizoram mi dik tak zin veivak hmuh tur an awm nawk tawh a ni, an ti. Tawng dang thiam a ngai lo, mizo tawng i thiam chuan a tawk. Tiau leh Tahan inkar pawh mizo motor, mizo driver, mizo passenger, mizo chaw dawr, mizo hotel vek a lo ni tawh a, Tahan leh a chhehvel khua te lah zo khua dik tak hlir lo ni bawk nen. Hawh u, Thla khat vel chawlh lain Tahan-ah i han MI ang u hmiang. 
Run lei
Sakawr thing phur, Tidim khaw dai
Bawng tawlailir
Hei aia phur hnem pawh ka hmu nual, thla ka la hman lo.
Mizoram kal tur – Tahan gate
Kum 20 chuang kal taa ka nu an phumna leh tun tuma ka u fapa an phumna – kawlkulh thlanmual
Similar Posts:
- Tahan to Tiau(Haimual kawng)
- Burma-ah ka zin Part – II
- Burma-ah ka zin Part – III
- Kawlkulh leh Hliapui inkarah motor a chesual, mi 2 an thi
- Mizo hmeichhe ruang chhar!
March 26th, 2011 at 7:09 am
Ka tawrhpui che, kawlhawk chho thlawk thla zap rang an tìh zawng zawng i neih zo va, kawlhawk dangte chuan Ngaihban Tlang an pan thung asin, Jeep load chu a free chin awma mawi a nih hi le, a damte kan inkawm leh thei hi Pathian malsawmna a ni e. Lalpan thlamuan che u rawh se.
Report this comment
March 26th, 2011 at 8:02 am
A va zia lo ve aw,mahse tluangtakin i han thleng chho a,misual tan thlalak tha tak tak i rawn pho lang thei thung a lawm…
Report this comment
March 26th, 2011 at 8:44 am
In chhiattawh avangin ka tuarpui che. Tahana MI hunah chuan ka kal ve duh ania.
Report this comment
March 26th, 2011 at 9:21 am
Kum 13 mi boral chu a va han pawi em! A khawvel a intan dawn chauh a ni si a, a nu leh pa tan tuarthiam a har dawn mange.
Report this comment
March 26th, 2011 at 9:25 am
A va pawi thin em. Ka tuarpui a che.
Kan chhuahna lam hi chu ka kal chak takmeuh nia mawle. MI pawh a chakawm khawp mai. Mahse, mi dawizep ngang hi ka nia,zalen viau e ti lo hian tihsual palhah Burma jail ah kum 3 lek kan tang palh ang tih chu ka hlau viau.
Pic ho chu hmuhnawm hle mai. Ka han nui dawn a,mahse gate ami khi zoram mipuite intihtheihna tur bungrua/hmanrua an ni tih ka chiang a, ka inti mi tak leh thuai.
Report this comment
March 26th, 2011 at 10:04 am
E khai…chhiat tawh avangin i lo zin bo daih a ni maw? Jeep chungah nge i chuan, a chhungah zawk?
https://i54.tinypic.com/aexjjp.jpg
A hnuaia pic hi Kennedy Peak. Tlang chhipah Buddhist pagoda a awm a. Bomb darh a, cross phun a va chakawm ve le!
https://i51.tinypic.com/2rwxflw.jpg
Report this comment
March 26th, 2011 at 12:49 pm
Kalhawk chu, i reh vang vang a, engti zia nge ni ang aw, tih laiin chhiat in lo tawk reng a nih hi. I ngawi thei hle mai. Dam takin i lo kir leh thei a, a lawmawm hle mai.
Report this comment
March 26th, 2011 at 2:09 pm
Pictures-ho chu a mawiin, a bengvarthlak hle mai! Run lui lei hi dawh that a nih hmain truck-in a zawh chim fo an ti. Zu phur truck pawhin a zawh chim a, a phur hnem bawk a. Inbual turte hian zu zuk in lawk teh ang an ti mai thin a, an liluh a, um hnih-khat hi chu an zakzeh chhuak fo mai an ti bawk. Inbual fai ser sawr hnua han khiat chu a nuam lo hranpa lem lo vang. An temporary RV a ni ve ringawt!
Report this comment
March 26th, 2011 at 2:33 pm
Ka chhiarchhuak dap e.. I lunglen dantur ka ngaihtuah a, a khawhar thlak awm mang e.
Report this comment
March 26th, 2011 at 7:35 pm
Sorry lutuk! Post vil hman lo leka ka’n buai chu! Zawhna a tam, chhan chak tak2 lah ka ngah. Hmmm… Thawklehkhat-a Burma ram han zin a, dam tè a lo let leh ta chu – thenrual inleng neuh2 te an lo awm ve a, min lo hrethiam phawt mai teh u’n. Part – II ah chuan tiang mai2 hi ka ni tawh bik hlei lo’ng e!…
Report this comment
March 26th, 2011 at 9:08 pm
kawlhawka te chhiat tawh zarah Part II lamah Tahan vel pics min khilai sela i lo nghak ang. Remchang awmthei sela a huhova han zin a chakawm hle. Chhiat tawkte Lalpan awmpui sela
Report this comment
March 26th, 2011 at 9:46 pm
Kan Pipute chettlat nasatna lam leh sulhnu tam tak an hnutchhiahna lam a nih avangin ka ngaihven tlang a, chhiat tawhna lam pawh a lan deuhthaw hial a nih hi. Kawlhawk hian a hrethiam em ang chu.
Part II lamah chuan beisei tak tak ka ngah khawp mai.
Report this comment
March 29th, 2011 at 8:23 am
Sakawr kal thliah thliah hian ka lung an ti leng ..
Report this comment