by Brig. Ngurliana, Venghnuai . [MUP TLANGAU Dec. 2001 issue atanga lak chhawn]
Khawpuiah hian hun rei tak atang tawh khan mipa te reng reng hian puanven hi kan ching ta lova, chuvangin kan tlangvalte hian puanven pawh an thiam ta lova, Art & Culture hoten Vanapa Hall-ah Mizo hnam lam chi hrang hrang te an entir changte hian puanven dan pangngai a veng lovin, “Sarawh puanven” a, chhing tak taka rawn invet chial chual hian an rawn lam ta dawrh dawrh thin a.
An lam thiamna leh an zai thiamna ten rilru a hneh em em laiin, an puanven dan dik lo leh mawi lo lutuk chuan rilru a ti hrehawm ve hle thin a. Chuvangin hetianga rawn chhuak tur tr hi chu, lo fimkhur zawk tawh thin sela a duhawm ngawt ang.
Mipa puan ven dan reng reng hi, vei puan ven emaw ding puan ven emaw pawh ni se, kawngrek(tairek)-ah hian lai hnuai zawn atanga puan hmawr kha vet tanin, taksa sir zakhnuai zawnah khan a hmawr lehlam tawpna kha bilh tur a ni a, bilh chhuah tur a ni nghe nghe. Puan hmawr bilh zawh kim loh kha kakchhun vela sei awm uai sela, a mawi a, lam nen a inhmeh bik hle nghe nghe a ni.
Kum 1926 te kha chuan Aizawl Sikulpui-a lehkha zirho tlangval zingah chuan puan veng leh kekawr bul (half pant) ha hi kan inzat reng thinin ka hria. Tin, hetih hunlai bawk hian Tachhip khua vela khaw panga lai, Pu Kamliana Sailo lal khua te chuan an puan ven hmawr thlep leta bilh an ching thar a ( New fashion 
), heng khua atanga tlangval ho Sikul rawn lutte chuan chutiang vek chuan puan an rawn veng thin a, an mawngtam hi an fun tut mai a, a mawi kan ti lo a ni ang chu, tumahin kan zawm ve ngai lo a ni.
Puan ven dan hrang hrang a tlangpui deuh nia ka hriat ve dan kan sawi ang e :-
1.Upa puanven : Khup chung chuangin an veng ber a ni. Upate hi an lung a leng hma a, lam an uar em em a, mawi lo taka khel lang ven vuna lam an awm ngai lo.
2.Tlangval puanven : Hei hi chu chawnpuar chanve zu khuh pha thelh a ni a, chu aiin a fual ngai lo.
3.Sarawh puanven : Sa rawh laklawh laia puanven phelh an hlau a ni ang chu, khup chung chuang lah a vengin, an puanven veh hnihna tawpah khan an bilh lut a ni, bilh chhuak pawh an awm. He puan ven dan hi inbuan dawn te, mizawn inchuh dawn te chuan an puan ven dan ber a ni.
4.Sailo puanven : Hei hi chu chawnpuar khuh dalhin a ni. Chu chu ke rek thleng a ni mai e.
Thu dang han sawi leh lawk ila, kan tlangvalte’n chheih lam, hnam lam an entir apiang a kawr ha lova an lam thin hi chu a dik bikin ka hre lo. Tun chinah chuan Kamis emaw tawnzau emaw tal ha tawh thin se a tha ang. Keii khaw lamah chuan 1917 te, 1918 te kha chuan Kamis kawr a ban puar pawh an la ching em em a ni. Tlangvalho hian zu hmunah te Zawlbukah te lam an uar si a, an Kamis ban hi kel-dawi tiat tiat hian an vai puar pup pup thin a ni.
[P.S : Tunlai kan hmeichhiate hian "ka puan ven hi...." kan ti fo mai, hmeichhia hian puan hi an "BIH" thin tih hi thangtharte'n kan hriat nawn leh ava tha em.]
Similar Posts:
- Mizo hmeichhiate’n puan an veng tawh.
- Tawng chungchang
- R.I.C.E
- Mizo-na hi eng ber nge?
- Vanglaini ‘Bihchianna’ bu Zing Daifim
(Y) 
April 20th, 2011 at 9:36 pm
bih ila.
Report this comment
April 20th, 2011 at 9:41 pm
Hmeichhe puan hi bih pui fo chi pawh a nilo!
Report this comment
April 20th, 2011 at 9:44 pm
ka b1h fuh em aw?
Report this comment
April 20th, 2011 at 9:45 pm
post tupa engnge keldawi tih khawngaihin min hrilh thei angem?
Report this comment
April 20th, 2011 at 9:48 pm
A dik anih chuan a bengvar thlak khawp mai.
Report this comment
April 20th, 2011 at 9:51 pm
@ninja, b1h fuh chiah nange?
Report this comment
April 20th, 2011 at 9:51 pm
Pu Brig. Ngurliana chu naupang chhe zawk zawk chu a nih tawh loh hmel, 1917 velah pawh tlangval a nih tawh hmel tlat.
@2,,Saitawka, i comment awmzia ka hrethiam thut. :
Report this comment
April 20th, 2011 at 9:57 pm
Like…Like..
Report this comment
April 20th, 2011 at 10:12 pm
‘Puan hmawr bilh zawh kim loh kha kakchhun vela sei uaithla sela…’ helaia ‘kakchhun’ awmzia hi han sawifiah teh u !
Report this comment
April 20th, 2011 at 10:23 pm
Bengvar thlak e, tunlai cultural show vel a an tih ang hian khup chungah ven tur emaw ka lo ti ve char char.
Report this comment
April 20th, 2011 at 10:43 pm
Ka hrethiam lutuk lemlo, bilhlut, bilhchhuak,kakchhun..post tha tak ani e, mahse, ka ngaihruat thiam chiahlo pek.
Report this comment
April 20th, 2011 at 10:55 pm
Report this comment
April 20th, 2011 at 11:10 pm
A bengvarthlak e.
Report this comment
April 20th, 2011 at 11:26 pm
k lo OT lok Pu sangthankima TNT hotu kha a thi an tia a dik reng em??
Report this comment
April 20th, 2011 at 11:29 pm
#14
iau ….Kan zawt mek e
Tun minute 3 liamta khan a chatthla chiah annih chu.
Report this comment
April 20th, 2011 at 11:34 pm
ava han poi tak em!!!!!!!!!!!! a chhungte tawngtai naah i hre reng ang u
Report this comment
April 20th, 2011 at 11:50 pm
#15 Facebook a Dinthar chatroom ho dawt anih kha. Tunah mai khan “amah ngei ka bia,” ti tuin a la dam thu a sawi e.
Report this comment
April 21st, 2011 at 12:22 am
Hmanlai kha chuan Hmeichhiain puan an bih thin a, Mipain puan an veng thin. Hmeichhiain an hnute bawr khuh chiahin an bih thin a, tunlaiah chuan Mipa puan ven dan angin an rawn ven ve takah chuan ‘puan an bih’ kan la ti reng dawn em ni?
Report this comment
April 21st, 2011 at 1:11 am
Puanvendan chi hrang pawh chu a va lo tam ve! Tunlai thangthar zingah hria an awm tawh mang lovang. Mipa kawr ha lo va an lam thin pawh hi hmanlai nun phung rengah kan ngai tawh a nih hmel. Eng veng ber emaw kha kawr ha lovin an rawn lam anga, veng dangin kan entawn leh luaih luaih a ni mai thei :rin thu:
Mizo mipa tamtak hian hmeichhe kekawr ha an la sawisel a, Salwar kamiz ang hmeichhia in an hak a ngai thei lo a hnam ti mualpho a ngai pawh an tam. Mahse an ni pawh puan an veng duh tawh bik lo va, sap in cheiin an in chei vek zawk si a
Hmeichhia te hi chuan kan hnam in chei dan kan la vawng nung reng zawk a nih hi. Chawlhni phei chuan puan kan la bih deuh vek!
Report this comment
April 21st, 2011 at 9:09 am
I van rawn thur chhuak tha leh ve le.Sarawh puanven te hi ka hriat hmasakna ber a ni awm e…Tar a lamah thil kan hriat belh zel hi misual nih nawmna tak pawh a ni e.Good Post
Report this comment
April 21st, 2011 at 9:16 am
………..
Report this comment
April 21st, 2011 at 9:17 am
Sailo ho chuan an va duhfual ve mawle…Tunlaia chuan ni se an pherh emawni ka ti hial ang a…lewll..
Report this comment
April 21st, 2011 at 11:42 am
Bengvarthlak triah triah. Puan ven erawh ka zak deuh – tunlai sanah!
Report this comment
April 21st, 2011 at 1:01 pm
@ 19 ELCEE.. i sawi dik chiah..Mizo hmeichhia hian, abikin Nutling chin hi chuan Puan Ven/bih hi kan paih miah lo..
OT..Puan tah hmulo thangthar kan tam tak em vang hian MHIP te hian puantah Festival te hi nei se..Anthurium te khawi tho se…
Report this comment
April 21st, 2011 at 4:06 pm
E khai, post ka vil hman lova, min lo hrethiam dawn nia.
#4, rose10 parvuli Says:
April 20th, 2011 at 9:45 pm
post tupa engnge keldawi tih khawngaihin min hrilh thei angem?
Kel no-te lian ve tawh tak. Inthawi nan a hman tlak tawh hi Kel-dawi rual an ti thin. Chutiang tiat chu a ni mai ang chu.
Report this comment
April 21st, 2011 at 4:13 pm
#11: Kakchhun hi thil sei lam tehna a ni a, Kut zungchal hmawr atanga kut zungpui inkar kak lai thleng, inches 5 vel bawr a nih chu. Eg. Kan sepa-tuai ki chu kakchhun vel a ni.
Report this comment
April 21st, 2011 at 4:17 pm
#11, Renghangman: Bilh-lut, bilh chhuak chu puan i ven ngai loh chuan i hre thiam lovang, Towel tal i veng thin ang ka ring. A hmawr kha i dul leh puan inkara i hnawh luh chuan i bilh lut a ni a, i puan hmawr kha i puan ven vek khan i thleh hnan chuan bilhchhuak ani.
Report this comment
April 21st, 2011 at 4:28 pm
#18 : Hmeichhiate hian mipa puanven dan pawn rawn veng ve mahse puan an bih tlat ani. Kawr kan hak ve tawh hnu rei tak tawh tak atang khan puan hi an la bih char char. Hnute khuh leh khuh loh lam ani pawn alang lo.
Report this comment