Keu tlàn vek zîngah, he âr pahnihte hian pianphunga rualban lohna an tàwk nasa bìk a. A vulh puitlingtu Pi Hmingi sawi dànin, “Keu hlìm an nihin, a ke bùl zàwk hi samzaiin a keah a lo vèt hnawk nasa lutuk a. Ka lo hre har si a. A ke lehlamin a bulh phah ta a ni,” a ti. A ke veilam ke-bâwr a nei lo va, a bâwk ta luau va. A ke veilam a tawi phah hret bawk. Chhuat-châra a kal rèng rèng hian, a ke tawi lam chu a nghat ri karh karh a. A inlêngte chuan, “Kal ri khepa …” tiin a hming an phuahsak hial a. A han kal ri karh karh mai chu … sipai boot khing khat chauh bun per thàwm hi a ni ber e. Khua a tihar hranpa vak lo. “Sìk…” han tih pawhin, a ri karh karh kha a ri rang tlàt tlàt ting mai zù nia!
Tin, Pi Hmingi chuan, “Rualban lova sawngnawi an nih avàng hian, a pui (a hringtu-nu) pawhin a tiduhdah zualkai bìk a. Ka lainat èm avàngin ka duat phah bawk,” a ti. Pi Hmingi hi Retail Shop nei thìn a ni a. An chènna khua hi tè tham ve hle mah se, vei hnih-khat lek lek chu hèng a ârte hrai-puarna khawp lek na nà nà zàwng –tuk tin zan tina phàng lo hle tùra ngaih a ni.
Tin, ‘kal ri khepa’ pian rualpui hi a sawngnawi hlen bawk a. A chhan ber pawh hriat a ni lo. A kal dàn hi âr kal dàn a ni lo hrim hrim a. Takam tilpùk kalin a kal a ni ber e. A chàwkchaweng hi a tingtawm/phîr emaw ni dâwn ni, a bawp invuah a dik lo bawk a, ngùm hnùk thàwthângin a kal lawi lawi a. Penguin ang maiin, pigeon chested kalin a kal màwt màwt a, a hun tam zàwk hi chu daihlìmah a bawk hahdam a ni ber mai. A làn sawngnawi ai daihin a tuan lah chu a tha phian lawi si! Movie-in a hmuhnawm màwt màwt vei nèn, upload nân èm chuan ka server neih a dàwrâwm si a le!
Pianpui unau inhàl lo tak an ni hlauh va. An inngaina bìk bawk. An rualpuite leh anmahni keutu PUI beri chuan chhûngkhat en pawhin an en zui tawh chuang lo va. An tei teiin an teihawi san vèl! Inlainatna an lantîr zui eih lo. An inpèl vèl mai mai a. An in-good morning … thàwm chhuantlàk a awm lo va. Inchuk hlawk tum pawh ni se, an lo inthiar fihlim thiam ve tawh hrim hrim e –tùnah chuan. Tin, chhantu –tu tute emaw an nei zèl bawk a. Ngai teh, an lainàtawm bawk a, a vulhtu-nû pawhin theihtàwp chhuahin a duat tak meuh meuh va. A inlèngte rèng rèng pawhin an duatsak vek a. Zin veivàk, hèng âr pianphunga rualbanlo leh kuttualleichham hmutute rèng rèngin, an thla an làksak thìn bawk. Ar dangte aiin mî thlìr chian an hlawh daih zàwk asin le. Dr L. B. Sailo, Vets Director hian hre ve tak maw? Kan MLA, Pastor etc.,-te pawh hian zir chian tùr hèng âr kuttualleichham atang hian an nei mawlh ang. TERM LEH leh vàn lalram thlîr phàk an nih teh chuan …
A khaw hming ka târlang lo vang a, a neitu-nu hian an chanchin hi sawi nuam a tih èm avàngin, an thla ka làksak lai pawh hian a phùr ber berah a tang a, a thu sawi tam tak ka ziah kim sèn loh avàngin, a ngampà zualte chuan he number-ah hian in lo zàwt chhunzawm dâwn nia —phùr takin, lungkuai takin a lo hrilh zar zar ang che u. Vets Doc Hmingi tih hial a phû e. 9615432269-ah zawt chiang duh te tân, an kawtkaia pan chilh duhte tan pawh a inhawng reng e!
Similar Posts:
- Engthàwlna ramah engtháwlin…
- Lâwm hle rawh!
- Siamkima Khawlhring
- Den!
- Duhlian tobul – Duhliana (1600 – 1700 AD)
Tlawng kam vel min ti...
April 25th, 2011 at 12:35 pm
Va mak ve…
Report this comment
April 25th, 2011 at 12:35 pm
Van khawngaihthlak reuh ve
Report this comment
April 25th, 2011 at 12:58 pm
Hmingi tih hmingpu hian ran vulh an tluang duh.Heng ar khawngaihthlak takte pawh hi midang chuan vulh se an vulh puitling lo mai thei….
Report this comment
April 25th, 2011 at 1:26 pm
Rin lawk ngaihna pawh hriat loh thil kan han hriat belh leh tak chu…
Report this comment
April 25th, 2011 at 1:30 pm
Ar ramtuileilo leh zel enkawl peih chu ti tha hle mai…
Report this comment
April 25th, 2011 at 1:30 pm
pu shailendra jha hi ka thlawp e
Report this comment
April 25th, 2011 at 1:42 pm
A khawngaihthlak mange, mahse chanchin ngaihnawmtak a neih phah ta hlauh a, thusawi ngaihnawm thiam ‘Pu Chawnghilh’ te ka atang ngei a han ngaih-thlak phei chu a man hle e.
Report this comment
April 25th, 2011 at 1:48 pm
7 #
An khawngaihthlak mange, mahse chanchin ngaihnawmtak an neih phah…..tih tur a ni e..ka lawm e
Report this comment
April 25th, 2011 at 2:04 pm
3, I sawi takah chuan Hminga ar farm Tanhrila mi kha ka hria.
Report this comment
April 25th, 2011 at 2:05 pm
ka tet laiin ar kan vulh hnem thei khawp a.vawikhat chu arna hri rawn leng ni ta in ka hria,an ke hi khup chinah avung puar ula,an kal hlei theiloa an thi mai thin a…kan arnote 2 vel kha ka nu te khan a ke an tan khalh,an enkawl dam ve leh maia.an len hnu thleng khan ke khat in an bai auh2 zel..an khawngaithlak rual2 in an lainat awm…
Report this comment
April 25th, 2011 at 2:22 pm
Takam tilpùk kal….
Report this comment
April 25th, 2011 at 2:33 pm
Zirtur a va tam ve leee
Report this comment
April 25th, 2011 at 2:42 pm
An va khawngaih thlak tak ve aw, hei pawh hi khawngaihthlak reuh lutuk
https://i53.tinypic.com/b51cti.jpg
Report this comment
April 25th, 2011 at 2:46 pm
kan naupan ve laiin..kan sikul chungah sava bu a aw: a, kan han en chuan sava note pakhat chuan a mawngah ke a lo to va mai..mahse a thi daih
Report this comment
April 25th, 2011 at 3:27 pm
Cher Ami (dear friend) ang deuh khan ke lem siam sak ve sela aniang chu mawle, a lainat awm e.
Report this comment
April 25th, 2011 at 3:32 pm
13
hmelthatea # Siamtu hian siamsual a nei ve thin nge maw ni aw..a chang chuan a hman hmawh hian – a vuahpawlh ve nuaih a niang a..khawngaihthlak thin ma nge…
Report this comment
April 25th, 2011 at 6:02 pm
Ziak thiam kher mai..Para 4-na khi khawih that hret a chakawm..
A dang chu duhaisam thlap a ni. A flow a tha a, chhiar a nuam dap dap khawp mai.
Report this comment
April 25th, 2011 at 7:14 pm
Khaw te tham, khaw biru taka ar pahnih piangsual ai ngawt chuan Vets Dispensary-a an enkawl zat hi Animal Husbandry lam chuan an engto daih zawk awm si a le! Department chhuanawm tak an ni bawk.
Report this comment
April 25th, 2011 at 8:23 pm
Chawnghilh, i post chhiar a nuam thei khawp mai, a bengvarthlak e.
Ar note hi an tet lai hian lazai emaw samzai emaw an ke a a inveh hian, kha thil invetah khan lei a kai a, a lo rei hnu ah chuan hlum hrual mum ang mai hian a lo mum a, arte tan harsatna thlentu lian tak a lo ni thin a ni. Hetiang thil a lo thlen erawh hi chuan ar neitu ten an ar an ngaihsak vak loh vang a nih ka ring deuh.
Pic a a lan dan khi chuan ‘kal ri khepa’ an tih ni awm zawk tak, ke phah bawr vei lam bul zawk khi a nu a va ng ve
Report this comment
April 25th, 2011 at 8:34 pm
kan en mai khan a va tui dawn e ka lo ti rilru a, han chhiar chian chuan a lainat awm reuh hle mai….(a la tui hmel tho
)
Report this comment
April 25th, 2011 at 8:43 pm
Post tha lutuk tak a ni. Ngaihnawm ka ti zawng tak, ran an nih vang maia, a sawngnawi lutuk zual te kan tihhlum thin hunlai kha…awi…a lo va nunrawn thlak em
…Pi Hmingi hian fak a phu thlawtin ka hria… 
Report this comment
April 25th, 2011 at 8:55 pm
Mak dangdai taka ni e……. Taka…. arpui arpa a inlet a awm a sin… a thlalak ka nei a, remchangah ka la rawn share ang che u…
Report this comment
April 25th, 2011 at 9:40 pm
E khai ! Ka ei duh zawng ani hauh lo mai…..
Report this comment
April 26th, 2011 at 12:59 am
@16, mr.Duhlova
Chutiang zahmawh sawi suh,..
Report this comment