mi(sual).com

Inrinni tlai a ni; eng chawhmeh nge Bawiha Nu chuan min chhawpchhuah sak ka ngaihven lova, fate ho chakai bawp inchuha rak chel chul thawm chuan beng kawrawng a luh hek lo; chhun lama Vawkhniahzawn thla ruahpui hnuaia hah leh zawr hnepa thlawhma ka hrut kualna tha leh zung ka sen zawng zawng te chu ni dang ang chu ni se Bawiha nu mal chunga tah hawm hawmna tham zet chu a ni ngei mai!

Mahse heng thil zawng zawng pawh hrechang lo leka mo thar hlim ang maia thothang thaa min siamtu leh thahrui min pe thartu chu tlaia ka feh haw Saia Pa, Pu Thangzauva zin hawin chanchin tha lawmawm em em min lo fah chu a ni.

“Bawiha Pa, zanin chu lo leng phei la, hei puitling film ka rawn hawn a nia,” tih te mai chu!

A nia lawm! Ho in ti viau maithei, mahse kan tana a hlut zia hi in man thiam lo a ni. Kan khuaah hian TV nei pahnih chiah an awma, a nei pakhat zawk, kan A.O. pa hi chu fel hle mahse amah chu sawi loh, an Vawk vulhte nen lama kan zah ngawih ngawih leh a biak palh nih pawh khaw thenawm thlenga insawitheih nan hiala kan hman thin a nih vang hian an TV en te chu phal eng ang mahse kan ngam lo hrim hrim, an TV ah rau rau chuan an tukverh hi kan melh ngam tawk a ni!

Heti a nih vang hian Pu Thangzauva TV hi vantlangin kan en ber a ni a, an in kawtah chuan naupang ho TV en man thingfak hi a intiang rei rui reng mai a ni. Chawlhni tlaiah phei chuan vai film a chhuah hmuhnawm thin avangin chawhnu inkhawm ban a nih tawh chuan a pui a nawiin chawfun nen Pu Thangzauva te in lamah hian kan fuankhawm tawh mai thina, kei ngat phei chu Pu Thangzauva te nena thlahtu lam atang tawha lo inthian tha leh an TV-ah pawh DD nge Bangladesh kan en ang tih duh duha thlang zat zat ngam chin ka nih avang hian khawtlangin min en dan pawh hi sang ve tawk tak a ni a, hetia Video leh zel an han lei hnuah phei hi chuan mi biak thatte hi ka hlawh zualin ka hre thin.

Heti te mai hi kan khaw dinhmun chu ni ve mahse Siamtu hian kan khaw pa ho hi mi a duang danglam bik chuang hauh lo va, inthlah pung tura rahbi zawh ngai hi zawh hahthlak a nih loh ziate chu kan man pha ve veka, khawpui pa zanlai lunglawm chu hemi kawng ah kher hi chuan kan suangtuahpui phak ve tlat lawi si! Mahse kan inhnangfakna neih ve chhun erawh nilai leh zirtawp zan apianga Zeenat Aman leh Hema Malini-te  lam a lang hlauh dah law maw ti a Dumbur nen Pu Thangzauva ina Chitrahar en tura invawmluha, chutah vanneihthlaktaka an lo lang fuh ta hlauh a nih chuan an Saree kar vela an mal lo lang zeuh pawh hmaih miah lo tura khabe uai duaia lo chan kha a ni tlawng mai.

Puitling film an en thu kan khaw pa awmthei deuh khawpui zin hawte’n an sawite chu lo ngaithla ve tawh mah ila patling riltam tizualtu mai an nih thin avangin hetia Saia Pa in a rawn hawn thu min han hrilh meuh chuan thlalera tuihal dangchara vak rawlai, rin loh tak maia luipuia tla lut ta thutah te ka lo inchan deuh roh nia mawle!

Tichuan chaw ei kham mei zuk chu sawi loh, kam tak ngial pawh thuah mumal hman lovin ka dumbur nen chuan Pu Thangzauva in lam chu pheikhai zang vahin ka pan ta a ni. Ka chhuak tur chu kan nu chuan ngaihthat loh hmel tak hian, “Bawiha Pa i va hmanhmawh teh hurh ve a, tihtur pawimawh i nei em ni?” tiin min lo zawta, kei chuan mei nei taka nuih suk pah hian, “Pu Thangzauvate inah ka va kal lawk ang e, fai deuh khan lo inbual la,” ka’n ti supa, “Nangmah kha ka tihtur neih chhun chu i ni,” han tih zui chu ka chak khawp mai, mahse naupang ho hmaizah vangin ka ti ta em lo!

Ka va thlen chuan rilru nei takin in neitupa chuan naupang ho pawh tualchai turin a lo tir chhuak vek tawha, an nu lah kohhran hmeichhe thila a chhuah daih avangin a awmchhun chu Pu Thangzauva leh a nu Pi Sainguri kum 80 ral kai dawn tawh, tapchal bel chawt reng mai bakah a sipisial taka sawm bik mi pathumte chu kan ni mai.

Keimah baka sawmna dawng parawl pahnihte hi Upa Hauzela, kum reitak kaltaa kan khuaa lo pemlut, eng upa nge pawh kan hriatpui lohva ama awm awma inti upa ve tawp mai, inkhawm ngai chuang miah si lo, zahmawh sawi hrat zet mai leh Pu Leta, mi tawng tam lem lo, huihphai lam lek lek leh zahmawh sawina ah chuan engtiklaiin nge a lo thlen hman tih hriat miah lohva lo thu ve kur hman ziah maite chu an ni.

A hmasa in in neitu pa chuan zan danga naupanghovin an lo bihthlak thinna kua zawng zawngte chu a la phui tha em tih a’n enfiah leh te te a, tichuan Pu Thangzauva leh a sawmbik tlemte, rilrua vannei inti ngawih ngawihte chuan hlawkpui ngei tumin puitling film chu kan enho ta a.

Ennawm chu le!

Ekhai a! Ekhai a!! A va’n chiang teh reng em! Khumlaizawlah, thosilen hnuaiah an ti dawn emaw tih lain anni chuan choka chhuatah alawm maw an tih rikngawt le! Chhun lai laiah lehnghal! Khitiangte chuan naupang ho rawn tlan luhte pawh an hlau lo em mawni le aw tih chu ka rilruah a rawn lang nghal! Kan choka ka’n suangtuaha, naupang chu sawi loh, ui leh ar rawn tlan lut tur ringawt pawh ka ngaihtuahin tih ve chi ziazang a ni lo phawt, en zel poh phawt ang.

Sap ho na na na chuan an lo uluk khawp mai a, keini thingtlang pa ho zan leng haw kan va bur chawt angte kha an lo ti ve lo tawp mai, sap ho lo hmelthat bik em emna chhante pawh man chhuak nghal uar uar in ka inhria; a siam lamah hian an lo uluk em alawm, a liah te’n han liak fai hmasa te te a mawle!

Mahse hei kher chu tihve a va peihawm awm loh ve aw….E! taka keichuan ka chhuah dawnin Bawiha nu kha lo inbual fai turin ka hrilh  kha maw, zanin atan chuan liah fai hmasak ve kher chu ngai lo turah ngai ang. Fing te chu ka han inti leh hnuhnawh angreng khawpa!

Tichuan kan en ta zela, pui tak a ni pui tak! A chipchiar chuan sawi lo mai ila, thingtlang pa tan chuan thil mak danglam a ni vek mai! Rei ngial an pehhel hnua a bupui an han thet thleng meuh zawng, Upa Hauzela ka va ena, a kuhva thial lai hre chang tawh lo lek hian a lo ang phuau maia, a kamsirah lah chuan kuhva tui, lemtu tur hmu tawh lo chu a lo luang nguah nguah bawk nen, Pu Leta lah chuan Pu Thangzauva nu, ani tarchhia ve mai tapchala meiling haikhawma kun ket ket lai chu it hmel zet hian a lo melh nget nget tawh mai bawka, in neitu ber Pu Thangzauva lah ke pahnih hlang chho meuhvin thuthlengah a lo thutung ut tawh! Zep nak chuan kei ngei pawh chuan taksa chetna ka chang a ni tih ka kekawr hak lai ka tawt thar thut dan atang chuan ka hre mai! Kan hlawkpui tlang a ni e!

Pa theuh theuh chu rethei leh hausa pawh, zan lamah chuan angkhatin kan bungbu tlang thin emaw lo tih lain sapho nen chuan kan va’n lo dang tehlul em ve aw! Khum lu lam hawia pa zawkin dinhmun chungnung hauh zel tura kan lo ngaih ang ngawtte kha a lo ni lo tawp mai! Khual thu thang velah hian sap ramah mipa nau pai an awm thute hi kan hre teh chawka, tun atang chuan ka ringhlel leh tawh ngai lo vang, sakawr zawkin a pu chunga chuan a hauh tlat te chuan thil dik pawh va ni suh! Hetiangte chuan pa berin nau a pai kurh kurh mai loh rengin le!

Chutihlai chuan inhnuai lamah naupang phun ri kan hre ta tlat mai.

“An chhuah lo a niang a..”

“Chhuah awme mai, Pa Zauva’n wrestling cassette thar a lo hawn alawm, Saia paw’n a sawi vek.”

“Mahse a thim vek sia lawm…”

“A kua i hai a ni lo maw?”

“Hai lo sawhbeh! Nizan paw’n hemi ban vuan chung hian ka en.”

Pu Thangzauva chu a tho va, kan thil en lai chu a’n tichawl te te a chutah chhuat per rik dawt dawt pah chuan,

“Khawi maw tuiso kha lo la teh u, ka’n leih teh ang.” Naupangho hlau tlanchhe thawmin a zui nghal.

Chutah kan en zawm leh ta a, rei vak lo kan en leh hnu chuan a zo ta hrama, Pu Leta leh Upa Hauzela te chuan la en nawn leh chu chak teh mahse in neitu nu ber a lo haw ta bawk nen, Pu Thangzauva zin chau chuan mut thuai thuai a mamawh tlat tawh a, a mut a chhuak thar ta thut a ni ber mai, kei ngei pawh chuan kan nu hi hang dum, ping ve nil nel te mai mah nise hemi tum zet hi chuan a kiang thlen thuai thuai kha khawvela ka thil nghahhlelh ber a ni tawp mai!

Kan enpui te pahnih tan chuan an en lai kha an tawn san lai ber tur a ni maia, Pu Thangzauva nen erawh zawng chu aia thil ropui zawk hmachhawp kan neih tak miau avangin kan thianate pahnih lung dam zan lo pawh chu tin zai kan relpui ta a ni.

Pawn kan han chhuak chiah chu dang ta huihin ka inhria a, Pu Thangzauva te kawta khabe thial nuau nuauva bawngpui lo bawk te chu ka’n hmu keu ta vuk mai peka mawle! Khaia! Zia dawn lo tawp mai, bawngpui leh zel te kan hmu tai dawn a nih te chuan ti rilru chungin kan in lam pan chuan ka ka kal lam ai chak zawk fein ka pen ta hmawk hmawka.

Ka haw kawngah chuan thil tamtak ka ngaihtuah, zanina kan en zawng zawngte ang khan kan nu nen hian han  khawsa ve ta ila zing lamah chuan kan inbe zak tawh mai lo’ng maw? Mahse a tam thei ang ber chu kan ti ve tur a ni. Sapho, hnam pui leh upa tawh nge nge chuan tihdan hrang pawh an lo hre hnem e, sapho lian pui pui an nih nachhan te pawh hi a siamdan hrang an lo hriat tam bik em vang a nih dawn hi te ka’n ti thlarawka!

Siamtu malsawm zarah fa hi panga chu kan neive tawha, mahse a bu delh an tih ang chi hlir hi an la nia, dam reng na na na chu an lo upa ve zela, mahse thanlen ni reng a awn thei si lo! Chuvangin sap naupang ang tiata lian leh hmeltha neihve kan duh a  nih si chuan kan nu nen hian zanina ka thil en sapho tihdan hi a tam thei ang ber kan tihve ngei chu a ngai a ni; eng nge maw’n le, kohhran paw’n min phuar phah dawn mahse kan ti ve reng reng tur a ni, puitling film en ve manah!

Mahse, kan tih ve theih loh tur tam tak ka hrechhuak nghal! Anni anga dimlo baksaka thapui kan chhuahve dawn a nih chuan vawk in sakna bang thing bung remkhawma ka phuah rem chawp ve mai mai kan khumpui khan thenawm khawveng zawng zawng tiharh khawpin thawm  chhuah ngei ngei ang! A mualphothlak dawn lutuk tlat! Bakah an tihdan hrim hrimah pawh hnunglama sa barh ang chite kha chu ka duh teuh lo mai, fateho an rawn bauh chhuak leuh leuh palh ange a! Tin sir khen ang chite kha ti ve dawn ta ila pa ber neih hian a tlin meuh dawn em ni tihte chu ka ngaihtuahna tibuaitu an ni.

Thil pawi tak dang awm leh chu kan film en a chipchiara ka ngaihtuah chhuak thei ta reng reng lo mai chu a ni; Pu Thangzauva zawng a vannei bik mang teh e, an tihdan lo theihnghilh ta pawh ni se ti kha’n duh hun hunah a va hmetchhuak leh mai thei bik si a. Ka’n ngaihtuah let ngiala, tan khawh paha an thu chham kha chu ka la hre thei riai ruai e, naupangho an intlansiak pawhin an thiante’n an lo auhna ber a nih kha maw, eng eng nge ni khah? “Hip hip hurray!!” A, a ni chiah lo tawp mai, thenawm pa Pu Khama hmingte pawh a tel nuaih kha mawle. E! ni tak e, ‘Kham awn’ mawle! Heihi chu kan sawi ve ngei tur a ni, “Kham awnnnn!”

Tichuan kan in ka thleng ta, engmah ti khawmuang tawh lovin rilru leh taksa inpeihsa peng pawng chuan thosi len chu ka’n keu ta a, bawiha nu chu kamsira chilthli tla buahin a lo mu hnar suk suk tawha, ka’n nu hi a sam rawng luang nasa ve tak mai, eng anga chhun nisat lai pawha rawn thim lut chhak zel thin mah ni se kawtkaia bawngpui bawk pawh hmu keu vuh tawh kha chuan hemi tum zet hi chuan Zeenat Aman tluk zetin ka hmu nia mawle!

A puan sin lai chu ka’n thehhlim sak tawng maia, a beng bulah chuan, “En teh Bawiha nu, zanin chu puitling film kan en asin, naktuk chawlhni a ni bawka i han tlaivar dun zak mai te’ng aw,” ka’n ti a, chutah a lo zi tual tuala,

“Ngawi rawh Bawiha pa, zanin chu a theih loh tlat mai, vawin atang khan ka thlatin bi a intan chiah a…”

A ho zo vek! Hmeichheho hian in thlatin bi hi in ninga, in iak in iak  vei maw? Paho hian kan ning zawk fe tih hi lo hre rawh u. Kar khat chuang zette kan han thangbo va, rilrua hisap neisa ranin kan lo haw ve bawka, “Nu-i i tihtlak lai a ni em?” ti a inzawh hmasak te te ngai thinte hi….huiham mu hmak ang!

Similar Posts:

• misual.com = 666 :-)
• Film Ratings
• Mizo novel, film a siam theih a awm em?
• Rambo (2008)
• Korean flu – II

Recent Posts:

• Tu nge/Eng nge?
• KAN HLIAM CHHAR KHA AW!!!
• January 2013, Mizo(ram) Diary
• EIZAWNNA
• Pherh Fesawn

This entry was posted on Wednesday, May 18th, 2011 at 7:00 pm and is filed under HAHAHA, More than words. You can follow any responses to this entry through the RSS 2.0 feed. You can leave a response, or trackback from your own site.