Mi tam zawk chuan hre tawh mah ila hre lo then khat kan awm thin avangin hriat ve mai mai atan ka’n post ve lawk ange.
Hollywood leh wood lo movie chi hrang hrangah film ratings – G, PG, PG-13, R, NC-17 an pe thin tih kan hria a,heng ratings an pek thin hi a awmzia kan hre hlawm emaw.
G – G hi General audiences tihna a nia. Heti ang rating keng film angte hi chu naupang chhumchhe tan pawha en pawi lo tura ngaih ani. Saruaka lanna leh drugs hmanna lampang a lang lem lo. Mi tu pawh en theih tihna ani e.
PG – Parental guidance, naupang zual tana en hrehawm a awm thei,nu leh pate fimkhur angai tihna ani deuh ber awm e. Saruaka lanna tlem-a-zawng a awm thei.
PG-13 – Heti ang rating keng film hi nu leh paten kan fate kan entir dawn chuan fimkhur hle angai. Saruaka lanna,tharum thawhna lang tam lutuk lo mah se drugs hmanna lam tlem-a-zawng alan theih bakah tawngkam mawilo chi hrang hrang hman ani thin.
R – Restricted tihna ania,Puitling tana en chi deuh a ni. Tleirawl leh naupangin an en dawn chuan nu leh pate emaw puitling dangte thlazar hnuaiah chauh entir phal an ni ang. Tawngkam thlahdah taka hman ani emaw,tharum thawhna tihlan nasat emaw,drugs leh hmeichhiat mipatna tih lan ani tlangpui.
NC-17 – Kum 17 hnuai lam tana en chi loh tihna ani ber mai e. Heti ang film ah chuan a hmaa kan sawi ratings tehfunga an hman thilte kha hluar taka tihlan eng emaw a awm thin. A leh lamah chuan heti ang film hi chu blue film kan tih ang hi chu a ni lem lo thung( A hma chuan he rating hi X-Rated ti a sawi thin ani bawk.
additional links
Motion Picture Assn of America Film Rating System (Wikipedia)
British Board of Film Classification Rating System (Wikipedia)
Motion Picture Assn of America Rating System (official site)
Central Board of Film Certification System, India Rating System (Wikipedia)
.
