Engvanga BRTF kawng siam te Company leh corporation kawng siam leh in sak te hi tha deuh tur ah leh tlo deuh tlat a hria nge maw kan nih le ? Mizoram PWD hnuai a kawng siam leh Building lian sak deuh reng reng chu quality tha vak lo tur ah leh tlo lo em em turah ngaihna lian tak mipui hian kan nei ngheh em em tawh mai hian CHHAN lian tak leh mipuite a a tuh ngheh em em mai hi engtia tih reh chi nge ni anga,mipui ten RINNA engtin nge a neitu sawrkar PWD te hi a neitu dik tak an nih anga neitu rilru putu te an ni tih kan rin thei ang le.
Thil harsa teh chiam chu ani hauh lo rualin thil awlsam tak pawh ani hauh lovang.PWD, PHED leh RD te Health Department a Engineering Branch te lehadang te a thawk Engineer rual ho hian an nihna dik tak an hriat chian hmasak chu a ngai hmasa ber tur chu ani ang.Chutih rual chiah chuan Contractor ho pawh hian an tih tur leh an nihna dik tak an hlen chhuak ve tur ani.
Central Corporation ah kum 7 vel dawn chu ka thawk ve a,Building leh Road Project pawh Cheng vaibelchhe tel fe chu ka lo enkawl ve tawh a.Contractor ho pawh Private construction Company vek an ni tlangpui a,mahse work te ah chuan respective state a eligible ten work chu an thawk ve tho thin bawk.
Heng Private company ho reng reng hian Experinence Engineer leh Fresh Engineer an nei vek a,chungte chuan work chu an enkawl in Vai Mistiri kutah leh ka hre tawh em mai ka thawk hnem thawkhat tawh ti ho Layman (Non-Technical) ho hnenah work an dah ngai reng reng lova.Tin Technical person an neih loh chuan work reng reng tan(commence) phal loh ani a, tin thawhlaia technical person an nei lo anih pawh in Work tih tawp lailawk te a tul mai thin ani.
Chu chuan Quality chungchang ah thui tak in thu a sawi a,thil reng reng a that lohna hre tel lo tan chuan ni mai mai rawh se tih mai hi tih awm reng ani thin ani.Kan Mizoram PWD hnuaia 1st Class Contractor ho inti nghat zing ah pawh hian Engineer regular tak a nei tu vak mah hi an awm tlat lo.Hei hian Work management leh quality leh duration of work completion a khawih thui khaw mai.
Ka laichin hnai tak chuan contract work Rs.500 lakhs vel man Pavement work a la ve ngawt mai a, Technical mi ruai duh hek lo manager ah Matrict chu a pass ve lo maw le a hmang ngawt a, a puitur in a fapa kan cousin MA lai chu ani ve a awm bawk a,18 months work kha kum 4/5 vel ah an han thawk zo thei tawk a,Department ngaihdam ngai tam tak awm chung in, a tawp ah leiba rulh nan a ram te hralh angai lo chauh mai ani.Aman a tuar em em bawk, ram in tuar bawk, mipuiin tuar bawk, sawrkar in tuar bawk ,pawi tak ani.
Kum 3/4 vel liam tawh atang khan Aizawl ah pawh contruction pakhat a rawn in din ve hluaia a tir ah chuan Central corporation pahnih -thum atangin work chi hrang hrang Crores sawmthum chuang man vel a la a, amah chu lehkha thiam lem lo ani bawk nen,a tirah a pawr teh lul nen tunah chuan an OFFICE te an khar tawh emaw ni le.A pa pawlthum pawh pass lo kha BE/B Tech/Experienced Diploma Engineer rual ho aia khan a thiam zawk ni awm tak ani.A eng amah chu hlawhtlin pui ta si lovin LEIBA nuai tam fe nei chungin an tal mek ni awm tak ani.
Kan PWD Engineer rual ho hi Mithiam awm khawm an ni a, mahse engvang ni maw an Retainning Wall remchim in Thalai nun pali lai a la tawh a, hman ni lawk pawh khan New-Secretariat Complex Retaining Wall rem zawh hlim chu a CHIM leh hum hum bawk a, tunah pawh chim mai tur a nih avang in thiah tira rem that tir leh hmun hrang hrang a hmuh tur a awm bawk a,khute khu contractor thiam loh aia mah chuan Design Fail ni ber in alang.
Heng zawng zawng hi engvang a lo awm nge kan tih chuan a Bulpui ber ah chuan Ram hmangaihna nei lovin kan PUMPUI chauh kan ngaihtuah avang leh kan hmangaih vang ani e.Kan PWD Engineer te pawh an CAR a nalh em em in hmasawnna nasa tak an hman mek laiin RAM enkawlna atan chuan PWD awm tirh atang an hman Kawng sira Alkatra chhuan khuk vut vut chu tun thleng practise (Hman) a la ni reng a,Biak that hlei theih loh Labour ho hian Alkatra Plant Temperature tur te, Laying Temperture tur te, Rolling temperature tur te chu an ngaih tuah lo nasa teh ang chu.
Technical nihna bo thak athil tih chuan engtin nge maw a that in a tlo teh lul ang ni le.Engtin emaw tal tan lak thar i tum tlang ho teh ang chu…Ti ringwt zawng in …buaithlak em mai…
Similar Posts:
- Kan Khaw Kawng hi!!
- Multimodal Highway Project leh Compensation
- World Bank kawng hawn a ni
- Mizoram ka hmuh dan
- Kolasib Town Road siam chungchangah thil fel lo a a awm emni?
June 26th, 2011 at 8:05 pm
chhe 1st…
Report this comment
June 26th, 2011 at 8:07 pm
“dik khawp mai” tih bak chu a hmunah kan awm ve si lova te lo ti dek2 ila(h).
Report this comment
June 26th, 2011 at 8:12 pm
I thuhlawm tawpber dawttu khi ka duh lutuk. A dik chiahin ka hre ve.
Ni ngawt asin kan lehkhathianm te hian an thiamna hi a tha zawngin han hmang thin sela ka ti ngawt mai. An thiam ropui mai si a, ram a changkang chak ngawt tur asin. Chuti nilova, tawngkam changa ram hmangaih mitthla pawh thiam si hian development pawisa paipawn bak an tum silo hi a pawi takzet a ni. Mipui te hian kan malmak ngam angai a ni. Mi rethei zuzuar pawh kan malmak ngam alawm mawle. Ram hmelma hetiang ho phei chu kan malmak ngam ngei turah ka ngai. Mipui vantlang kan pawimawh.
“work” khi hna i sawina anih ka ring ngawt a hairehai
Report this comment
June 26th, 2011 at 8:13 pm
Thil pawimawh tak a ni a, ram thanmawhbawk, mipui leh mimalin kan tawrh chhoh mek ani. Han sawiho chur chur teh u.
Report this comment
June 26th, 2011 at 8:31 pm
I va post tha em, Dindin. I experience i rawn sawi kher hi tha ka ti riau. Anni Lakhsmi, Rama, Ganesh leh pathian dang bia aiin El Shadai bia inti hian corruption hi kan kawmngaih em em mai a. PWD a EE te phei chu kan pathian biak lo chauh ani. CM ber pawn anni tih vui chuan ram thanna (development) a muan phah ang, tiin a sawi an ti.
Report this comment
June 26th, 2011 at 8:49 pm
Report this comment
June 26th, 2011 at 8:55 pm
contractor leh engineer tlem azawng hi hnathawh chhiat avang hian nthubuai neiin han jail bang han zut zeuh ze a zia kuar mai ang te a tia..
Report this comment
June 26th, 2011 at 9:02 pm
sihal, an tan hmain an in bail zel alawm
Development pawisa eirukna hi a thuk tawh lutuk a, tumah inti chhe ngam an awmlo. Thangtharte mawh ani tawh e.
Report this comment
June 26th, 2011 at 9:15 pm
Mizoramah chuan Company/Corparation kawng siam a tlo miahlo. NBCC in Aizawl khawpui kawng kum 3/4 kalta a mam em em a an siam khan fur khat pawh a daihlo tih kan hmuhchian em kha. Tantia etc World bank kawng pawh nikum furah khan tlan hrehawm em em khawpin a chhe hman. Heng Company lian ho hian PWD Dumka kawng siam pawh tlo lamah ala tluklo ve lehchhawng a, manganthlak tak ani. BRTF kawngsiam hi tlo chu a tlo deuh ber ni in a lang. Amaherawhchu, anni hi Politics tuinu in a chimbuai ve lova duh ang thal a hnathawk thei an ni a. Contractor pangngai ruai thei reng reng lo hian Party Worker hlir hian an hnuaiah hna thawk ve ta se eng chu an ang biklo maithei. Hna pek chungchangah hian dan ang thlapin ti ila, Contractor diktak te hian hna thawk thin sela chuan hna a chhiat chungchangah Engineer te leh contractorte 100% in an demawm ang. Tun dinhmunah hi chuan Politics kalfuhlo avang hian dem pumhlum ngawt theih pawh an ni biklo in ka hria.
Report this comment
June 26th, 2011 at 9:16 pm
Pu HV,chuti chu bail ho philtur chuan hitman ruai mai rawh se sawrkar hian…
Report this comment
June 26th, 2011 at 9:17 pm
Contractor ho leh engineer te chauh poh anni bik lo. Chungnungber Babutea pawh delhi mizoram house sak dawnin architect leh engneer te aiin a hre daih jok. Tuna mi pawh khu ama design mah2
Report this comment
June 26th, 2011 at 9:21 pm
a dik e…mizoram hian t nge engineer hmantlak tak hi kan neih theih loh,an thiamlo em ni,an hna lak dan te hian technical a based tha tawk m,deptt lian ve meuh enkawl tu tur chuan eng ang thiamna nge a rawn hman theih tih te kan teh em,English a rawn thiam nal em2 a kan lo la ngot te a ni m,vai B.tech/M.tech ho hian english an thiam tehchiam lo,an technical skill erawh khovel ah poh a tha pol an ni,kan enton ve atan tha te hi i hnualsuat lo ngam ang u,IES (engineering service) exam ah ngei poh english hi an dah tel manglo tih te hi kan hria m oo, trawng zot2 lam a ni lo tih kan Engineer te khan i hria ang u
Report this comment
June 26th, 2011 at 9:22 pm
Post tha tak a ni….
Mizoram-ah chuan a tlangpuia lakin Civil lama thawk aiin Technical lam thawk te in leh lo hi hlawh inzat rau rauvah a tha zawk
Report this comment
June 26th, 2011 at 9:30 pm
Buaithlak kual kawi vel vek maiin ka hria. 10% Contractor profit dah a nih laia hnathawktuin 15% or 20% vel a hlep phak dawn loh avangin a hralh a, a leituin 20% vel hlep tumin a thawk ta thin a nia. A enkawltu technical mi tan a nia buaithlak tur chu, hna chhiat/that a mawhphurtu ni bawk. Engineer pakhat chu Contractor (registered) hrawn miah loin a pension dawn an tih chu.. ha ha ha..
Report this comment
June 26th, 2011 at 9:40 pm
#12 a ka soi ang khian
Report this comment
June 26th, 2011 at 9:45 pm
Kan thupui a fuh chiah em ka hre lo, hei ka rilru a awm a ni:
1) uluk lova hnathawh
2) a tak taka thiamna awm lo
3) mahni hmasial vang
Report this comment
June 26th, 2011 at 10:39 pm
awmawmpui dik khawp mai, kan khuaah pawh NBCC ho lung rem a chim, tunah hian an remtha leh mek, engtak ang zel ang maw, a neitu te hian kan ram hi kan theih chin chinah i enkawl tha teh ang u khai…
Report this comment
June 26th, 2011 at 11:44 pm
Heti ringawt chuan, ti ringawt chuan, ti ringawt chuan-Vanlalpianga.
Tunah chuan BRTF kawng kawng siam pawh engmah a ni tawh lo. Dapchhuah(tut) to w.phaileng kawng khu BRTF chan a ni a. Alkatra an luan ve bawk a, ar in a thai darh thei ang tih khawp a ni. Tun kum fur hma asiam kha, chhe leh tan tawh. Alkatra te an hralh ru vel a.
Report this comment
June 26th, 2011 at 11:46 pm
Technical crisis a ni zozai lovang, Moral crisis zawk a ni.
Report this comment
June 27th, 2011 at 12:37 am
Kan la thra lawk lovang. Kan hausak tlan deuh hunah kan thra ve mai ang.
Report this comment
June 27th, 2011 at 1:07 am
Ih mo! kan mithiam tih ve te hi mizoram quota in tribal scholarship nen mark sheet percentage ngaihnathiam na nen an zir phak loh tur hnam pui (vai) ho zingah an zuk zir ve a, an rawn haw leh a Mizoramah engineer tiin kan lo ko ve a, an rawn zir chhuah chu EIRUK chiah! Hnam pui 95% aia sang hmu ho thiam tak tak te ai hian an eiruk zo zai hian an la hausa zawk lehnghal a! Zahna chang chiah an hre lo! Contractor ho lah hian hlep tam an tum luat vangin an hna a chhe em em bawk thin si nen! Bill lak hunah zu leh nula nen khing mi tlaktlai lo ho hnenah khian an Bill pass turin tan an la leh vak a chutiang mai mai chu kan ni e! Once a tribal, always a TRIBAL. kan inhmeh tawk fu lo mo.
Report this comment
June 27th, 2011 at 1:21 am
Aizawl kan kal dawn in nikum lam tawh kha a nia trum khat chu, Khumtung/ baktawng/tlungvel khawi ber nge ka hrechiang ta lo..BRTF ho ni hmiang ka ti mai a, khaw thlen hma kawngthlang lung rem nan balu aiah lungme ziah dip hi kawngah cement nen a pawlh mai tur ang hian an lo chap bial chai mai a, Dumka ho an lo phu suau suau a.. Enga tan nge ni ang le.? ka ti a, chuan pui te chuan balu angtluk tho a thra a nia, an hmang fo a lawm an ti a, mak ti tak chung in misual.com hi ka hre chhuak rum rum a Post chakin..!!
Report this comment
June 27th, 2011 at 6:41 am
@9 I ti dik fu mai. Contract lian tham hi chu an thawk tha ve tan deuh tawh zawk mah,Mipui hi kan aware ve tan tawh a,media an lo chak chho ve zel nen. A lian tham ni si lo heng BADP, MP/MLA Fund ang te hi pawisa tam ve viau si…a rapthlak teh ania. Thawh hma hauhin estimate chanve a pawisa in an han la advance te te a..chu chuan thawh zawh mai tum an tam teh mai ania. Final bill lah pek loh ngam loh in PU te an nei tha thei laileng si…
Kan ADC ah te hlei hlei sawn a la turu lehzual an la ti lehnghal…khua hi chu a van var lo tak em.
Report this comment
June 27th, 2011 at 6:44 am
PWD hnuaia contract dil te hian engineer ruai lovin engineer te ceritificate an hawh/lei sak thin alawm. Tender an chhanin an thil tel ve ngei a, mahse hna an thawh hian engineer an ruai ngai lem hlei lo a. A mak khawp mai.
Kawng tlo leh tlo loh chhan hi chu company an ni emaw, BRTF an ni emaw; kawng design te, material hman ten a zir miau loh chuan a tlo mawh khawp ang.
World Bank kawng design anga rawra (WMM) chunga black top (MSS) 2cm lek hi phaiah hmang ve se, a tlo tho ang em le?
Report this comment