Kan khaw mual lehlamah chuan rel horn chu a rawn ri ruai ruai mai a, chutia a ri kan hriat velah chuan khaw mipuite chu hmanhmawh em em chuan an insiam ta nghal sup sup mai a. Kei pawh chu thiante leh chhungte an insiam tak sup sup avang chuan ka thuamhnaw neih ang ang chu ka bag-ah chuan ka vawm lut ve ta mawl mawlh a, chutia kan insiam sup sup lai chuan, “khawi a kal tur nge kan nih ? Engatinge kan khaw mipui zawng zawng chu kan insiam tak sup sup?”, tih chu ka rilruah a rawn lang ta thut mai a.
Ka nu hnenah chuan “Ka nu, rel te chu tuk tin zan tin a rawn kal ziah a, tinge vawiin hi kan vaia khaw mipui ho kan insiam tak sup sup le ? Khawnge kan pem dawn a?”, tiin ka zawt a. Ka nu chuan “I hnena ka sawi thin kha, khaw nuam deuh panin engtikah emaw chuan kan la kal dawn.. ka tih kha, hei min hruaitutur rel chu a rawn kal mek ta alawm”, tiin min chhang a. Ni dawn tak maw, a va han nuam dawn tak em !! tiin phur tak chuan ka insiam chhunzawm ta a.
Rel chuan kan khaw Rel Station chu a rawn thleng ta a, kan khaw mipui zawng zawng chuan a sir tawn tawnah kan lo hmuak a, kan inkhai bawr hlawm kher mai. Ka thianpa Sawmtea te chhung pawh an ui bukchi ‘Bruno’ chu pawmin, an lo buai va nak nak mai a, Kimi pawh a lehkhabu duh em em te chu a pawm tun a, a keng senglo chuan a nau Jerry chu a ken tir ve teuh bawk a, kan hmelah chuan hlim hmel hi ka hmu vek a, ram nuam takah chuan kan kal tawh dawn si a.
Rel chu a rawn thleng ta tak tak a, muangchang chuan a ding ta ruai ruai a, a ding ta e tih chuan hmanhmawh tak chuan kan lut ta sung sung mai a. rel chu a sei em avangin kan khaw mipui zawng zawng chu kan leng vek dawn chiang, a thlamuanthlak hle mai. Kan chhungkua chuan kan thu ta dal mai a, ka nau Rintei chuan a theihai pai chu a vel sar sar a, a daih chin chin chuan kan ei bawk a. Tun atanga reiloteah kan zinkawng chu kan tan mai tawh dawn, kan phur kher mai.
Chutia hlim em em a kan awmlai chuan Rel Ticket endiktupa hi a rawn kal a,”Khaile, in ticket te rawn phawrh tawh ula, ticket neilo chu a chuan theih dawn loh a nia”, tiin ring tak chuan a rawn au lung lung a, an phawrh ta sap sap a, ka chhungte pawh chuan an phawrh ta sap sap a, kei erawh chuan phawrh tur ka nei ta lo !! Mahse ka nu leh pa ten min lo ken kep ang tih ka ring tlat a, Ticket endik tupa chu ka bul a rawn thleng a, ticket ka neih leh neih loh chu min rawn zawt ta a.
Kei chuan ka neih loh thu leh, ka chhungten min ken kep ni a ka hriat thu ka hrilh a, mahse ka nu leh pa leh ka nau chuan min lo ken kep hauh si lo. Mak ka ti em em a, engtik laiin nge ticket kha an lo lei? engatinge ka nu leh pate pawh khan min lo lei kep ve mai loh ? Tiin ka zawt ta a, Ticket endik tupa chuan,“Tumah a inlei kep theih loh, mahni a lei vek a ngai alawm”, tiin min chhang ta !! Ticket chu ka nei lo chu a ni ta si a, Rel ah chuan ka zin ve thei dawn ta lo !!!
Chutia mangang taka ka awm lai chuan ka pa chuan “Hmanhmawhin Mual Venga Biak Inah khan va tlan ta vang vang la, ticket chu khatah khan a awm, khata mi kha alawm keini pawhin kan lei, va tlan rawh, i la lei hman ang”, tiin mangan hmel tak chuan min hrilh a. Rel atang chuan ka chhuk a, Mual Veng Biak In lam pan chuan ke chuan ka tlan phei ta vang vang a. Ka va thlen chuan mi tam tak hi an lo awm khawm a, Rel Ticket lei tum chuan an lo lut khawm chu a lo ni a.
Chutia Ticket zawnga Biak in chhung kan dap kual suau suau lai chuan Putar pakhat hi maichamah chuan a rawn ding chhuak a, kan hnenah chuan,” Ticket lei tur a awm tawh lo, a lei theih hun a tawp tawh, ticket hralh bang zawng zawng chu hal ral vek a ni tawh. He khua hi tlangkangin a tichhe vek dawn tih kan sawi kan sawi thin, chumi atanga chhuahna chu Rel chauh kha a ni, tunah chuan huntiam a zo tawh, Ram nuam pan tur rel chu a chhuak mek e”, a rawn ti ta a !!
A rang a rangin Biak in chu kan chhuahsan a, Relah chuan kan chuan ve theih hlauh takin tiin rel lamah chuan kan tlan phei ta dul dul mai a. Rel chu a lo tlan chak chho tan mek a, theih tawka chakin kan um, mahse a tlan chak tual tual si. Kan va ban pha tep,mahse chak takin a tlan ta, min tlansa ta !! Chau em em chuan kan thu ta hnawk a, kan lung a chhe em em bawk a. Sawi tur pawh kan hre lo, engtiklai khan nge Ticket kha an lo lei le ? Ka lo hre ve lo em ni ? Tiin ka inzawt a, ka ngaihtuah chhuak ta. Ka nuin ” Ram nuam min thlen tu tur Rel Ticket chu Lal Isua a ni a, Lal Isua i nei tur a ni”, a tih thin kha ka hre chhuak ta !!! Mahse a tlai ta si !!
Similar Posts:
- Kan Sorkar Chaktak
- Chhingkhual Lenmawii
- Travel Agent vs Airline authority (mipui kan fimkhur na tur)
- Mi Mawl Pa (Sunday Pual)
- Musical Charity Night
July 8th, 2011 at 6:06 pm
entir a ava nei tha em.
Report this comment
July 8th, 2011 at 6:08 pm
A pic en chuan, “Relin min rawn pan” tih awm tak.
Report this comment
July 8th, 2011 at 6:15 pm
Digimalt hi hetiang lampang thuziak i thiamin ziah tur pawh i hria. Pulpit-a tawngkam un tak taka sermon pap pap ai chuan a let sarih hmun sawmsarih-in a fiahin a chiang zawk e. Isua pawh khan a hun lai thil zelin tehkhin thu hmangin Pathian thu a sawi thin a, Digimalt pawh hian tunlai takin tehkhin thu hmangin Pathian thu a rawn sawi thin a, a tha em em a ni.
Report this comment
July 8th, 2011 at 6:24 pm
mr-conductor tih hla kha ka hrechhuak uar uar mai, ka lung a ti leng lutuk, tha lutuk malt!
Report this comment
July 8th, 2011 at 6:25 pm
ehe– ka mur chum chum– tha kati lutuk- K chunga mi sawi ang khian- Pulpit ah he thu hi han sawi ta la, midang tamtak thusawi ai chuan hlawkpui tak tak kan tam zawk ngei ka ring!
Report this comment
July 8th, 2011 at 6:26 pm
Report this comment
July 8th, 2011 at 6:51 pm
Good Post…. Tehkhinthu tha tak ani…THRUIST tiro pu cfL
Report this comment
July 8th, 2011 at 7:04 pm
Amen
Report this comment
July 8th, 2011 at 7:05 pm
Print media ho in an copy paste leh pawp ang chu he post hi…by Digimalt an ti leh tawp ang a. Nick ang ang a author hming put tir ai chuan…source misual.com te hi ti mai se tha tur. by no nick, zoho,hv, hnam sakhua etc., tih vel hi chu a hre ngai lo tan chuan a mak deuh tur aniaa
Report this comment
July 8th, 2011 at 7:12 pm
A va han tha kher em. Tumah tai a nei si lo. Lalpan malsawm rawh se.
Report this comment
July 8th, 2011 at 7:13 pm
Ka lung ti chhe deuh tlat. Khua te pawh a ti har. Thla hle mai. Tehkhin thu hman hi Lal Isua khan a uar khop mai. Thil pakhat zawh duh ka nei, min chhang thei in awm chuan. Luka17:37 ah khan lakbo ho kha khawnge an hruai tih an zawh khan ngati nge Isuan saruang awna piangah mulukawlhte pawh an awm ang tia a chhan deih le.
Report this comment
July 8th, 2011 at 7:24 pm
tha hle mai…
Report this comment
July 8th, 2011 at 7:32 pm
Biakin chhungah ticket zawng suau suau
I tlipna deuh daih khi… hairehai tha ve pah reng. I thiam, chhiar pawh a nuam… Thumbs up
Report this comment
July 8th, 2011 at 7:34 pm
11. Ting Tong, Saruang chuan mulukawlhte a hip khawm angin, Kan Lal Isua lo kal leh hunah chuan, amah ringtute chu, mitkhap kar lovah tawih thei lova tih dang lamin kan awm ang a, a hnenah min hip khawm dawn thu a sawina a nih khi. (1 Thessalonika 4:16-17 & 1 korinth 15:50-56)
Report this comment
July 8th, 2011 at 7:38 pm
Pk thanks. Mahse saruang leh mulukawlh han kalkawp hi a tha lo lam a ang em a ka ti deuh.
Report this comment
July 8th, 2011 at 7:41 pm
Lakbo te kha tihboral tur zawk an ni em lo ang chu maw.
Report this comment
July 8th, 2011 at 7:53 pm
A va’n tha tak êm! Post-tu, i irâwm chhuak ngei a nih chuan mi namai lo (a tha lamin) tak i nih dawn hi ka ti
lo ni lo pawh ni se i thu thawh hi a that êm vangin i fakawm tho tho 
Report this comment
July 8th, 2011 at 7:56 pm
Tiang lo hi mumangah ka hmu tawh..!!
Report this comment
July 8th, 2011 at 7:57 pm
Tingtong i serious chuan ka chhang zel peih ang che. Mahse 17 a i zawhna khi chu uan thil a ang ka ti mah mah. 16 khi chu, mak ti duh suh. Isuan “Kei, lei ata khaikanin ka awm chuan, mi zawng zawng keima hnenah ka hip ang”(Johm 12:32). A ti a. Isua krista kha kraws lerah khan a thi ngei a, mi ruang mai niin lak thlak a Thlana phum ani asin.
Report this comment
July 8th, 2011 at 8:06 pm
sorry 15 leh 16 zawk anni e. not 17
Report this comment
July 8th, 2011 at 8:12 pm
Pk, ka lawm e. K uang hlei nem. Ka thil hriat a beitham lutuka, thil hote anga langah poh ka la buai anih hi. Ka lawm tak2 ania. Ka ngaihtuahna poh ka seng tamlo aniang e.
Report this comment
July 8th, 2011 at 8:22 pm
21, chuti anih chuan, ringtute leh sa ruang ei Mulukawlh tehkhin pawh hian i rilru ala tihbuai cheu ka ring deuh a. Mantira a awm dawn zana zanriah hnuhnung an kilho khan, Lal Isua khan, “La ula, ei rawh u: hei hi ka taksa a ni” tiin tehkhin thu bawk a sawi leh a ni. (Matthaia 26:26) .
Report this comment
July 8th, 2011 at 8:29 pm
A va ngaihnawm reuh ee
Report this comment
July 8th, 2011 at 8:30 pm
Ok, i han sawi chuan ka ngaihtuah thiam leh e. Ka buai deuh chhan chu hmanah ka comment ve hma hian Zoram Genesis thuziah ka chhiar a, rinna naupang tih takah ka confuse der alawm le.
Ot deuh rauh sia, post tupa NT(nuih tlawn).
Report this comment
July 8th, 2011 at 8:32 pm
Ka rilru ava khoih ve.. Ticket hi ka neih ve toh leh tohloh poh ka chiang si lo a..!! Tiang lam ka ngaihtuah hi chuan ka rilru a hah vek zel!! Kai ve loh hi ka hlau ani!!
Report this comment
July 8th, 2011 at 8:59 pm
25. Hlauhthawn tur leh rinhlelh tur a awm em ni? “Tin, Mosian thlalerah rul a khai kan ang khan, Mihring fapa hi khaikanin a awm bawk tur a ni: tupawh a ring apiangin amah avanga chatuana nunna an neihna turin. Pathianin khawvel a hmangaih em em a, chutichuan a fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan. Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e” (Johana 3:14-16). “Chatuan NUNNA (Rel ticket) in nei tih in inhriat theih nan Pathian Fapa hming ringtute hnenah heng thu hi ka ziak a ni” (1 Johana 5:13) . A chiang em mai.
Report this comment
July 8th, 2011 at 10:09 pm
Tha hle mai.Mahse, mizo riru ah chuan rel tlansan nih hi a common lo riau. Hla thu atanga ngaihtuah chhuah tepawh a ang deuh ka ti
Report this comment
July 8th, 2011 at 10:12 pm
A tha hle mai face book lamah kan comment sak leh teh ang hetah chuan min hre si lo ha ha….
Report this comment
July 8th, 2011 at 10:27 pm
@26.. Ka ring a, mahse ka tisual le h thrin alom..
Report this comment
July 8th, 2011 at 10:30 pm
A tha hle mai, zirtir pawh a nei tha khawp mai,.
, 
nena chhiar pawh hian a ‘rau lo’ chuang lo 
Report this comment
July 8th, 2011 at 10:48 pm
Excellent post.
Report this comment
July 8th, 2011 at 11:09 pm
29. I thil tih that avanga Rel Ticket nei thei ini lova, Pathian fapain a thisena a lei sak che ani a, i lo tlu leh palh anih pawhin, inchhira simna thinlung dik tak nena i pan chuan, lo ngaidam tur chein a inpeih reng a lawm. Amaherawh chu, “Min ngaidam thei” tih vanga sual chhunzawm zel erawh chu, ani leh miah si lo. Inthiamlo leh dik ti lo chung chung a UIRE nu pakhat hian mittui tla zawih zawihin a pasal hnenah ngaihdam a dil a, A pasal chuan a hmangaìh em avangin alo ngaidam thlap a. “ka pasal hian min hmangaih em mai a, min ngaidam zel thovang” tiin chu nu chu a UIRE chhunzawm zel a rinawm loh. A pasal chuan ngaidam thei zel dawn pawh ni se la, a rilru tih nat chhun zawm zel chu a duh bik hauh lovang ti raw.
Report this comment
July 9th, 2011 at 12:18 am
Digi chu post tha thei fia fia khawp mai!
Report this comment
July 9th, 2011 at 9:16 am
ka duhaiin i ti tawp hma, ka lo phuah belhsak dawn che a mawn le.
Rel tlanliam tur chu mittui nen hnaptuinen….. aw ka chhungte kha….
Report this comment