Ka vui tep…
Dar 7:30 rik tawh chuan, tuktin ka in luah (room) chhuahsan in; nileng a office hna ka thawh hnu ah, Clinic lianlo te ah zan dar 9:00 vel thleng ka kal leh thin. Hmanhmawh ni leh tihtur pawimawh ka neih ni hian engemaw rokhawlhna dang hi a awm ziah bawk; ka ngaihbel vang a ni nge ni lo ka hre lo? Chumi zan pawh chuan, chau leh ril tam takin Bus stand panin ka kal hlawk hlawk a. Eng dang ei lo a, room thlen thuai a hahchawlh ka duh zawk si a. Tum bur chungin Bus-ah ka thu lut hnawk a. Ka inngaihtuah lung puam…
‘Ngati bik nge, ‘tiang reng reng a hmanhmawh bak-leng a hun ka hman bik le, ka duhawm lutuk em ni zawk..?’
Ka inthiamlo leh lawi si…
Ka rin lohna lamah thildangin ka rilru a la peng tlat! Eng dang a ni law. Bus conductor, a hmel en reng reng pawh a hrisel hmel em em bik lo chuan, Bus fare a rawn khawn phei a. Bus tawt ang reng tak chhung a, nileng a hun a hman dan chu ka ngaihtuah zui ta daih!
Nula a nih tawh hmel lo lehnghal! Mahse a fanau te chawm na’n a hna a nih tlat vang in, chu hna hahthlak tak chu a thawk a ni. Zing ka thawh hma atanga a hna tanin zandar 11 dawn thleng an service nitin awm si a. Ka hnathawh nen ka khaikhin chiah chu, hrilhfiah tu dang reng ka ngailo. Ani hnathawh aia ka hna hahdam zia ka hrechiang. Chutih rualin a hlawh zat tur ka ngaihtuah thlen phei chuan ka zak lehzual. Bus conductor chuan khawi lamah han hlawh tam vak a rinawm silo. Hei vang hian ka hnathawh a sang lua tiin, Bus conductor hi ka ngainep miah lo. Kan hna hahthlak dan leh kan hlawh ka khaikhinna mai a ni.
Ka room kalkawng ah chuan ka ngaihtuah chhunzawm ta zel a. Pathian min hruaina, malsawmna ka dawn zozai te ka’n chhut let a. Sawisen a ni lo, hriatsen lah a ni hek lo! Ka duhthusam lo deuh a thil a thlen apianga vui ka tum mai leh, ka chan a chhe ta viau a ka ngai ta mai thin hi ka ti dik em le?
Aw LALPA, min ngaidam ang che, I malsawmna; I rorel, ka tana tha ber ni si hi. Hma ka sial luat tuk vangin, I hnen ah ka vui leh mai dawn thin. Mahse, Nang chuan I remruatna ka hriatthiam theih na’n, kawng eng emaw tal min ruatsak thin te hi a va hlu em. Lalpa ka lawm e. ‘Nang chauh ka Hausakna I ni e’ tiin rilru tawngtaina nen, hlim takin room ka thleng a. Kha zan kha ka tan a hlu in, theihnghilh a har riau.
July 10th, 2011 at 12:50 am
A ropui hle mai. Krista hmai ti baltu ni lova, ringlotute mithmuhah pawh timawitu inih ngei ka ring e.
Report this comment
July 10th, 2011 at 1:05 am
A tha hle mai. I inhmuh chhuahna ka sawisel tihna ni hauhlo in thlir dan diklo kan belh hlek teh ang
Kei pawh ka ni fo thin, rilru hah leh thlarau chauh laiin mi chi hnih tawn ka nei a
1) mahni aia chan chhe zawk te ka hmuh in Pathian hmaah ka insit in ka vuivaina zawng zawng ah te ka zak a, ngaihdam ka dil thin. (an mahni ang ka nih duhloh vang leh mahni hma ka sial vang mai a ni)
2) Kei aia dinhmun tha leh chang sang te ka hmuh in Pathian ah ka vuivai nasa zual sauh a, ka lungawi lohna a belhchhah thin. (an mahni ang ka nih duh vang leh mahni hma ka sial vang mai a ni)
Mahni sual leh inchhirna chu mahni ah thlarau in min hriattir thin
Report this comment
July 10th, 2011 at 1:06 am
A tha hle mai… Ngaihtuahna thui tak min neihtir!.
Report this comment
July 10th, 2011 at 1:15 am
Hmeichhe Bus Conductor mizoramah pawh hian kan nei leh thuai ang ka ring…hmanni chu sa zawrhna ah bawngsa lei turin ka zu kal a, hmeichhia hlir zu han nia mawle…mi pa chu 4/5 vel bak an awm lovang….
I ngaihtuahna khi a ropui hle mai…
Report this comment
July 10th, 2011 at 1:15 am
I va vannei ve aw…
Report this comment
July 10th, 2011 at 1:28 am
Ziak tha hle mai… Tu pawh mai hi midang tan malsawmna kan ni thei vek a ni.
Report this comment
July 10th, 2011 at 1:29 am
Ziak tha hle mai… Tu pawh mai hi midang tan malsawmna kan ni thei vek a ni.
Report this comment
July 10th, 2011 at 1:39 am
Leilung piah lam hausakna zawng… “Nitin min zir tir zel ang che…”
Very thinking post !
Report this comment
July 10th, 2011 at 2:00 am
Nungdama ka awm vang hian ka lawm hrim hrim. I ti tha e …
Thingtlang lam rethei deuh te chu free in i clinic ah chuan lo enkawl thin thei nghe nghe ta la, an tan chuan malsawmna ani ngawt ang chu
Report this comment
July 10th, 2011 at 2:00 am
Chung zong2 chu lawmthu sawi chungin kan dil e…… Tih satliah ni lo deuh lawmthu sawina tak2 hi chu a awm chiang a lom. Good post.
Report this comment
July 10th, 2011 at 2:46 am
MHIP world cup ah janpan chuan Germany 1=0 a hnehin semifinale an lut ta
Report this comment
July 10th, 2011 at 3:24 am
#4 mizoram a hmeichhe hna thawk office emaw kuthna emaw pawh an tam zawk chhan chu, hmeichhe tam zawk vang a nih ka ring ta..!
Report this comment
July 10th, 2011 at 3:57 am
I thuziah chuan thil thui tak min ngaihtuahtir ve leh chawng, a dik khawp mai, i ngaihdan leh thlirdan khi. Keimahni, nie keimahni a insawiselna tam tak kan nei te hi, chiang zawkin midang nen han in tehkhin ila, kan vanneih bik zia a lang chiang thin, chutiang bawkin, tha leh fel nia kan lo inngaihvena te leh kan lo chapona te, chiang zawkin han in bihchiang ila, keini aia hniam leh rethei emaw, changkang lo zawk emaw nia kan lo ngaih ve te ah pawh hian, kan tluklohna eng emaw, an chungnunna, an theihbikna te a awm ve tlat thin nia,… mi zawng zawng hi eng emaw berah, sipesial taka duan leh siam kan lo ni zawk, mak tak maiin. Good post
Report this comment
July 10th, 2011 at 4:00 am
A tha khawp mai. Experience atanga thuziak hi a hlu, chutiang bawkin testimony pawh.
I thupui dah leh a thuken hi a inpersan deuh em aw ka tia. Mahse Lungawina hi hausakna chikhat a ni tho bawk a ni.
Isua kha hmeichhia pakhatin i paina pum leh hnute hnek thin neitu chu a a hamtha e tiin a hrilh ve ngawt mai a. Mahse Ani chuan “A ni, nimahsela Pathian thu hriaa zawmte hi mi hamtha an ni zawk e,” a ti thuai mai(Luka 11; 27-28).
Petera pawh khan tum khat chu a ngaih a tha lo deuh a ni ngei ang,” Ngaiteh, keinin kan in leh lo kalsanin kan zui ta chia” a ti ngawt pek a. Isua chuan Pathian avanga in leh lo,chhungkua chan chuan dam chhung la lain a aia tam zawk an hmu anga, tin chatuana nuna an nei bawk ang a ti daih mai(Luka 18; 28-30).
Pu Paula phei chuan uar takin he leiah hian mikhual chambang mai kan nihzia a sawi a ni. Isua Krista’n min tlanna avangin Van khua leh tui nihna kan nei a. Chumai ni lovin Rom 8;17-ah phei chuan Pathian roluahtu kan nihzia a sawi hial a ni.
Midang nena in compare ngai miah lova hausak/hlim theih hi a level a sang khawp mai. Mi hnuaihnung zawkte dinhmun ngaihtuah avanga hlimna hi chu Gandhite pawh khan an lo apply ve nasa thin viau. Mahse an dinhmun hriatthiampui nan erawh a tul fo. Hlimna diktak hi chu Isuaah hian a ni a. A lo ka leh hunah ropui takin kan lang dawn a ni. He khawvela kan thil tih pawh hi a ropui nan leh ama rawngbawl nan ni ti thei thin ila a hlu leh zual a ni.
MARANATHA……..
Report this comment
July 10th, 2011 at 4:09 am
‘Ngati bik nge, ‘tiang reng reng a hmanhmawh bak-leng a hun ka hman bik le, ka duhawm lutuk em ni zawk..?’ tih aiin ‘Ngati bik nge, ‘tiang reng reng a hmanhmawh bak-leng a hun ka hman bik le, ka duham lutuk em ni zawk..?’ tih hi a dik zawk angem? nge post tupa hi a ‘duhawm’ ve hrim hrim zawk?
NOI
Report this comment
July 10th, 2011 at 6:28 am
In comment hian min va tilawm thin em. Thuziak post regu lem loh phei chuan, han post ve chiah hian a boruak hi a dang riau in ka hria; mahse misual.com thiante hian min ti tlangnel thiam thin khawp mai.
#15.. chhut sual a ni maw.. “Duham” khi a dik zawk. Ka lawm e.
Ka post chhan: Thla hmasa khan chanchinbu (weekly) ka enkawl lai ah, hmunawl remchang deuh a awm a. Ziaktu hming pawh tarlang lo in he thu hi ka tarlang mai mai a. Pathianni hmasa khan, Mizo thil tul eng eng emaw kan buaipui laiin, kan thiannu pakhat in, “Mahming,BMA AW thla hmasa a chhuak ah khan, mi pakhat in Bus conductor leh ama dinhmun khaikhinna lam hawi in,a testimony a ziak kha, tha ka ti tawp. A ziaktu kha i hre mial lo maw?” min ti a. Chumi chuan min ti phur ta deuh a ni…
Pathianni hman nuam vek u…
Report this comment
July 10th, 2011 at 8:13 am
A tha lutuk. Ni e, kei nite chu mizoram mipui tam zawkte ngaihtuah chuan kan vannei thlawt e, Internet…… hetia kan han inkawm khawm thin ringawt pawh hi thingtlang mi tam tak chuan an awih lo hial ang.Duham hian chin lem a nei lova, sum pawh hi a pun chuan, a hmanna pawh a pung ve mai bawk a nih a.
Report this comment
July 10th, 2011 at 8:52 am
A tha khawp mai. Mahni chantawka or nihnaa lungawi mai hi a hahdam em em a ni.
Sorkar hnathawk phei chu lungawi ngawih ngawih tur an ni. Thawk duha dila tling an ni a, taima taka thawk tur an ni hliah hliah.
Report this comment
July 10th, 2011 at 9:07 am
mahni ai hniam hmuha lawm chu a har vak lo maithei. Mahni aia dinhmun sang te’n kutzungchal min lek khum valh2 hian a ni.. kei misual hian lawm har ti thin..
Report this comment
July 10th, 2011 at 11:32 am
# 19.. A dik khawp mai. Mahni aia hausa te dinhmun nena malsawmna kan dawn (kan tawn/neih) khaikhin chuan, lawm chu har tak a ni.
Hei hi i ngaihtuah ve mai mai ngai em? Kan hma hun atana kan duhthusam leh kan it/awh te reng reng hi, mi hausa/midang te lo chen hnu leh neih hnu vek a ni mai lo maw??
Report this comment
July 10th, 2011 at 11:36 am
Engpawhnise in awmdan chu Krista chanchintha nen inmawi phawt rawh se..tih ziak anih kha.
Report this comment
July 10th, 2011 at 12:13 pm
A last para chu ka duh tawp…
Report this comment
July 10th, 2011 at 1:50 pm
Mahming, i ziak hian rilru a khawih khawp mai.Vui mai hi kan lo tum leh mai thin a, mahse, keini aia chan chhe zawk han hmuh hian, vui tur kan lo ni reng reng hlei nem. I experience i ziak atang hian kei ngei pawh ka inngaihtuah nasa mai! I hna hi hna zahawm tak, tunlaiah phei chuan pawimawh em em ania, mi mamawh i pui thei tluka hlu hi a awm lo ania… Good post!
Report this comment
July 10th, 2011 at 5:42 pm
# 22 & 23.. Ka lawm e. Pathian malsawmna hi kan chhiar thiam a tul ngawt mai ti r’u…
Report this comment
July 10th, 2011 at 6:49 pm
Mipui kal khawm ila, kan harsatna theuh hi dawhkanah phawrh ta ila. Midang harsatna kan hmuh hnuah chuan kan harsatna theuh kan la anga, ngawirengin kan haw ang..tih message hi hmanah ka dawng nawlh tawh.
Report this comment
July 10th, 2011 at 10:34 pm
A ropui hle mai, a tha e, kan thlenchin atang hian hmasawn zel i tum ang u. Temple atanga tui lo chhuak chu a tirah chuan tlemte a ni a, atawpah chuan a daia dai kai rual a ni tawh lo
Report this comment
July 10th, 2011 at 10:59 pm
#4
hmanni chu sa zawrhna ah bawngsa lei turin ka zu kal a, hmeichhia hlir zu han nia mawle…mi pa chu 4/5 vel bak an awm lovang…
va mak awm ve ooo..!!!
Report this comment