Tunlai chu nuthlawi thi hul in ka hul a, eng mah post tur pawh ka hre lo a, comment tur ka hria pawh a ni hek lo. Chhun lam a ka hah thin vang pawh a ni mai thei, ka misual khat riau mai.
Mi ten tunlai thangthar te taima tawk lo ang a an sawi leh hna thawk tha peih lo ang a an sawi te hian ka rilru tak chuan ka pawm lem lo. Mi tam zawk in a hna kan thawh chhan hi eng vang nge kan tih chuan, tunlai dinhmun ah chuan Pawisa (money) hi a ni ngei ang.
Entirnan lo sawi ta mai mai ila,tu’n lo haw lo se. Pu Hva te hi Mizoram ah thingpui dawr vel a thawk tur in han inhlawh ve dawn ta se a duh ka ring hauh lo. A chhan chu a hlawh kha a tlem dawn tlat. Mahse, US velah chuan mi dawr nghak tur pawn a inhlawh peih tho.
A chhan chu a hlawh kha dollar in a la dawn tlat a, currency exchange a han chhut chuan thla khat ah nuai chuang a hlawh thei dawn tlat alawm. Pi Daduhi te pawh, UK ah chuan mi restaurant-ah a inhlawh peih tho alom. Helam aiin khulam chu an hna tlem a a hahthlak deuh a nih pawh in an hlawh in a phu tlat a.
Kei pawh hi ek vawi khat paih a sing chuang lalut tur ni ila ka peih tho ka ring! Thlakhat ah chuan nuai 50 tal chu ka hlawh hman dawn tlat a. Mizo thalai te hian hna hniam thawh hi kan hreh a ni lo, kan hlawh tha se la chuan engkim hi kan thawk peihin hnamdang ai a kan taimak zawk ka ring.
Rual û zawk te hian Mengrei generation te min ti mai mai a, duh vang reng a meng rei kan ni hlei nem! Kan cyber age ah chuan zan a men rei pawh hian tih tur a tam tawh em alawm! A then in hnathawh nan kan hmang a, a then in TV en nan, facebook a thenrual tha te kawm nan, a then in misual nan leh thil dang dang te.
Kan rual u zawk te hun ah kha chuan zan lam a tih tur a awm lo em atin ni! TV a la awm bawk si lo,internet te chu khawi lamah. Current nei te chu tlem te bak an la ni lo ang.Chhun lam a cinema en te, tingtang perh te, nula rim tih vel te kha a ni mai. Kan men rei na hian chhan a nei ve tlat asin.
Bible ah zing thawhhma a tha tih a in ziak te in ti mai mai a,a dang in zawm tha leh peih chuang lo a. Bible hunlai te kha chuan zan a lo thlen hun kha chuan a thim em em ang a,a rehthup bawk ang. Hma tak a mut mai loh chu tihtur dang vak a awm kei misual hian ka ring lo.
Tunlai sânah Bible kha ziak tha leh ta se, a ziah dan a dang daih ka ring. Zing a finrial hun a tha a nih chuan zan reh a fianrial hun hman pawh a tha tho lo’m ni? Hetia ka rawn sawi vang hian Bible ka ring lo ka tihna a ni lo,amaherawh chu ka ngaihdan ka rawn sawi ve mai mai zawk a ni e.
Chuan,hetiang lampang post a awm tawh leh awm tawh loh pawh ka hre lo, ka ngaihdan mawl te hi ka rawn thlasik satel mau puah pui phawng phawng a ni e. Ah!,duhtawk phawt mai teh ang.
Post dang rawn ziah chhunzawm vat ka tum ang.
Similar Posts:
- Tunlai chu..
- Hman hi
- Mizoramah hian hna a vang tak tak em?
- Kan Mizia leh nun duh dan
- Taimak vang nge hobby-a neih vang?
(Y)
August 4th, 2011 at 7:36 pm
Post tha e. Ka han first ve chhin reng reng ange 🙂
Pi Daduhi chu London ah amah aia zaithiam an tam deuh ani maw.. 😀
August 4th, 2011 at 7:37 pm
chhiar ang
August 4th, 2011 at 7:39 pm
Post tha tak ani..!! I ngaihdan hi dik ka ti ltk.. thawh hreh kan neihna chhan chu hlawh a tlem vang ani chiang alawm.. A chhan chu growth kan teh dan hi hnathawh that vang nilovin pawisa ah kan teh a.. Mizoram chhungah ngei pawh Computer lampang aia growth a chak dawn anih chuan Driver hna (tuman lo haw lo se, entirna mai mai) thawh pawh kan hreh tawp nang…
August 4th, 2011 at 7:40 pm
Ka la chhiar ang..Chhanapa post a nih hrim hrim chuan…
August 4th, 2011 at 7:41 pm
Ngauhdan te neih a thiang a lawm ha ha 🙂
August 4th, 2011 at 7:48 pm
Ka pawm e.. Rate pangngai pawha inhlawh peih pawh an awm nual,kut hnathawh zahpui hunlai kha chu kan kal pel tran mekin ka hria kei mimawl thlir dan atang chuan.
August 4th, 2011 at 7:51 pm
tunlai thalai mengreite hian hnathawh hi chhuanlamah kan hmang ve fo mai a, hnathawh vanga mengrei hi a tak2in engzah nge awma in rin!?
August 4th, 2011 at 7:58 pm
ChhanaPa, i sawi sual hret. Ei hmuhna, inchawmna tur anih a thianghlim taka pawisa thawhchhuah theihna tur anih chuan thawh hreh ka nei ngailo. Kum 10 liamta khan Aizawl sawrkar pisaah hian hmunphian zuarin ka tei kual fo tawh thin asin. Mi bankhur laiin ka inhlawh thul, Serlui leh ramri lui kama hnahmawi hralh turin ka la a ka kawt haw thin. Thakthing bazarah Antam zuarin zingah ka thu hreh hauhlo mai. Ek pawh ka kawt tawh asin. Insawi theina/engemaw na lam ani lova, ka rawn correct zawkna che a ni e hairehai 🙂
Ka thiannu college pakhat a thawk chuan naupang ho khirh zia a sawi thin. Taima leh thahnemngai an tam laiin, tam tak te erawh chu a hminga college kal, chhungte neih ainnghat, zirlai engmah ti tha peihlo, “I don’t care” chi an tam a ti. Nakin hnu ngaihtuah awm tak2 te annih thu a sawi thin.
Engpawh nise, chhuanlam a awm chin hi chuan thil felhlel a awm tawh thin. Mengrei thlavang i hauh te khi a tha viau, menrei chhan a zirah erawh nise!
August 4th, 2011 at 8:00 pm
#8 hmunphiah*
August 4th, 2011 at 8:05 pm
Entirna mai2 a ni. Nangmah ka tihna kher poh a ni lo. Mizo thalai te ka rawn sawi nan i hming ka hmang hawh mai2 a ni.
August 4th, 2011 at 8:05 pm
Pu Hv, entirna mai2 a ni. Nangmah ka tihna kher poh a ni lo. Mizo thalai te ka rawn sawi nan i hming ka hmang hawh mai2 a ni.
August 4th, 2011 at 8:08 pm
Mate ainawn ka lawm e.
August 4th, 2011 at 8:11 pm
E khai! Kum lama upa tan chuan i thuziak hi ka hmu ZUHREI KUA tlat mai a.
A ngaihnawm hrim hrim e. A chang chuan heti zawnga thu lak hi a tul ve alawm tiraw….
Pu HV hi a lo ZAHAWM ber e! Comment number 8-na, first para khi ka duh!
August 4th, 2011 at 8:26 pm
Pu Hv chu ka ngaisang zual che.(rilru tak tak)
August 4th, 2011 at 8:29 pm
Ka rilrem zawng tak a ni. Comment 8 khian he post a ti hlu. (Y)
August 4th, 2011 at 8:32 pm
Kei chuan “kan hlawh tha se la chuan engkim hi kan thawk peihin hnamdang ai a kan taimak zawk ka ring” lo. Mizoram sorkar hnathawk hlawh tam lutuk avang hian thalai ho hian an beisei sang viau asin.Private sector ah hian thla khata $100 (Rs. 4400) aia hlawh tlema thawk duh an van zia he website ah hian kan sawi tawh kha. Law of suply & demand thlir chuan Ailzawlah McDonalds restaurant awm ta sela, thla khatah Rs. 3500 hlawh tur zawng ila, Mizo aiin Gurkha te Bru te rawih an nawm daih ka ring.
August 4th, 2011 at 8:36 pm
Ignatia (33-115 AD), century child leh Pc-a, in ngaihsanna chi a nilo, a tul vanga ti mai ka ni thin.
August 4th, 2011 at 8:44 pm
north east region rau rau, regional college rau rau ah a nawlpuiin mizo te kan chungnung hran lo thin hian ngaihtuahna a tithui duh. a thiam fal chu kan awm ve zauh zauh thin. entirnan mizoramah chuan ripans leh vety college a zirtirtu te sawn an hre chiang ang a,hnam dang kan khan lo tlat thin nia. kan society pawh hian role thui tak a nei ngeiin ka ring.. hetiang lam hi han khel ve teh u a..he he
August 4th, 2011 at 9:46 pm
hlawh tlem vanga thawh peih loh khi ka ring chiah lo. Thawk lova om mai2 ai chuan hlawh tlem te pawhin mi taima chuan a thawk mai.
August 4th, 2011 at 9:51 pm
Ka ngaih dan ve mai mai ah cuan mizo te hi kan chapo a, hna hniam kan tih (hrethiam mai ang chu) hetiang thawh hi kan la zak tlat.. taima, hna hniam thawk peih ni ila VAI ho hi kan mamawh tlem sawt ang
August 4th, 2011 at 10:22 pm
1. Hlawh chu a sang thawkhat : Hlawh tam leh tam loh chungchangah chuan social economy ah a innghat zawkin ka ring. Tun dinhmunah hi chuan tu pawh mai hi(sawrkar hnathawk leh thawk lo pawhtu pawh) kan hlawh a sang thawkhat viauin a rinawm. Kan ram thawhchhuah aia sang hlawhfa man a san avangin CYMA hial a inrawlh phah a ni si a.
2. Thawh duh leh duhloh kan nei a ang zawk : Hman deuh khan cement mistiri helper tur vai ka hmu zawh loh avangin Mizo thalai khawlaia infiam/ awm mai mai ka hriat ang ang te ka han zawng khual a. Thawh chu an duh. Mahse, Slap chhun tur ka tih avangin an peih lo. Tuna kan dinhmun tak zawk hi chu hlawh san leh san loh ai mahin Mizo thalaite hian thawhduh leh duhloh kan nei a ni zawkin a lang. Vaiin thawh sen loh an nei laiin mizo chuan thawh peih lo kan nei a ang hle mai. (Hetiang hi sawi tur ka hre hnem mai)
3. Thalai awmze neia meng rei kan tam maw? : Thalai meng rei ka hre tam thawkhat viau. Awmze neia mengrei : mahni, chhungte leh khawtlang thatna tana mengrei erawh ka hmu tam lem lo. Thalai zan mengrei; a tuka gas la tur intlar/ la an awm mang lo. Zan mengrei zingah ‘It’s my life’ ang hi an tam zawk hmel. Zan lama awmze neia meng reite hi chu engtik hunah pawh mi hmantlak a ni duh viau.
Mizo thalai zingah lehkhathiam chhuanawm tak tak an awm laiin Zirtirtu pakhat chuan, ” A nawlpuiin Mizo thalaite hi lehkha kan zir tlem; huau huau leh tlaran zawngin kan tlan nasa,” a tih hi chu zirlai ah pawh zirlai loah pawh a dik thawkhat viau mai thei.
August 4th, 2011 at 10:35 pm
Menrei chungchangah ngat hi chuan mengrei zinga 20% hian hna kan thawh pawh ka ring lo ve. Thawhhma hi a lo tha, peih vak lo mahila sawinep ka phal lo deuh ka ti.
College kan kal laiin hmunphiatin kum 2 zing (dar 5:00)kara thawh chi thawkin ka inhlawh ve zan tawh. Hman niah ka phiah thinna office-hotupa ber nen kan inkawm a, ka sawi a-mak a ti ve khawp mai.
Hlawh lam ai chuan taima phawt ila a tha ber…hlawh tlem vanga thawk loho hi chuan an la mamawh tawk lo a ni mai, tin, an chapo tihna-tin, an ding chhuak mawh khawp mai.
August 4th, 2011 at 10:46 pm
Chanmari veng, Aizawl a KEC Internationl Limited ah te sawn Mizo thawk tha peih an awm tawh derlo an tih kha. Hlawh an pek zat kha tlem an ti lutuk ani awm e. Hnadang hmu chuang silo vin, hlawh tlem nih duhlo vin an bang zel mai niawm tak a ni. from reliable source
Chapona, duhâmna, nihna/phaktawk aia lan san tumna, hunawl ngah lutuk hi sim ila, kan zia deuh mahna.
August 4th, 2011 at 10:47 pm
#23 awm tawh mang der lo*
August 4th, 2011 at 10:56 pm
Lehkha thiam thiam hian thawh hreh kan ngah zawk a; awm mai mai kha kan zak lo zawk tlat a ni. Lehkha thiam thawh zah avanga hna nei lo ai chuan thiam lo an hlu zawk.
Kan nunphung hi han bihchian chuan a lem em bawk atin ni.
August 4th, 2011 at 11:02 pm
Hlawh lam a nilo kan value system hi change a ngai a ni zawk.
Hmusit tu leh ngainep tu an tam avangin kut hnathawh hi kan zak mai zawk a ni. Amimal tak chuan tumah kan zak lo, hlawh ngai reng pawh nise USA a ka thawh hrehloh kha Mizoram ah chuan ka zak tlat thei, mi chek khum leh en hnuaihnunna a awm thin vang zawk a ni.
August 4th, 2011 at 11:25 pm
Thawk lova awm thei hi an tam viau a nih dawn hi. Hnathawh pah ngailova zir thei an tam ve toh a ni mai lo’ng maw. Tak taka, a peih chu an la awm tho. Tunlai mi zinga tho hma tak tak an tam mai. Tunlai mi Jejea te ang te hi en ila, hman laia an thlen phak bak a nih ve tho hi maw! Kan hun lai threuhvah hian kan hlima kan lawm thiam hi a pawimawh ber a ni mai.
August 4th, 2011 at 11:31 pm
Comment #26 (Y) A dik ka ti khawp mai..
August 4th, 2011 at 11:51 pm
Hlawh tam tak hmu tur chauh a thawk peih hi TAIMA a ni thei in ka hrelo.
Ka chhungte ti buailo in ka awm thei tur a ni/ ka chhungte ka chawm thei tur ani, ti a zir tang tang / thawk tang tang hi mi taima an ni in ka hria.
Thang thar te hi rual u zawk ten Mengrei gen. an tih vang a mengrei nilo in hnathaklo a meng vak vak, chhun a engmah ti peih mang si lo an tam vang a ti an ni zawk lo maw?NOI
August 5th, 2011 at 12:03 am
Asteric #8 khi han chhiar chhin teh
August 5th, 2011 at 12:20 am
Ka lut khat hle mai ka inthla hrung deuh don lom le.
mihring hian hmalam beiseina eng a neih chuan a sual tak tak theihin a thatchhiat theih dawn a mawn le ka ti. tun hma a MIP tih vel lai khan ka mi hriat pakhat chu zu zuarte pawh lo luh khunga zu a vanga damdawiin hial lut tawh kha a nia, MIP project a awm kha chuan Lo te vat in ipte pui nen nitin a in ak chhuak ve hnak hnak mai. a zuih ta mai pawh a. Kut hnathawh(Agri/Horti)te hi hlawk se zawng thalai tam tak hi kumpui ling let pawn an ram riah duh hi ka ring thin. He lai a nupui fanau chawmna pawh tlinglo tih hriat reng loh theih loh a vang a hna dil a intlar tuau tuau hi thalai te pawh hian an ning ve tho in ka hria.
August 5th, 2011 at 12:23 am
Taihmakna kan hrilhfiah danin a zir bawkin ka ring. Tu emaw chuan sawng saw hlawtna nei lem lo a tuipui em avang leh nuam a tih em avang kha kha a thil tihah khan taima ta riau ah a inngai mai thei. Mahse Taihmakna chuan eng thil pawh ti se positive outcome leh value a hring chhuak turah ka ngai.
August 5th, 2011 at 12:26 am
critic, a hlawk tih ka chiang e. Khawpui mi te hi kan chapona leh intih veina rilru hian han bawh chiah kan ngailo mai niin ka hria.
Awlsam taka sum lakluh nghal theihna anih loh chuan kan peihlo tlangpui… enge a chhan? Kan intih vei vang, lan engemaw kan tumna rilru vang, mi nuih kan hlauh vang, mahni nihna aia lan engemaw kan tum vang, kuthnathawh kan peihlo (thatchhiat vang) ani thei ang.
August 5th, 2011 at 12:38 am
#30 @Pu Hv- ka chhiar e, ania sin, tuna i hnathawh á¹hin i sawi te khi kan ramah chuan mikhawngaihthlak leh tuarna hmachhawn tu ah kan chhiar tlat á¹hin a ni. Kan enhniam avangin a thawktu te pawhin zah ah kan la ta bawk a. Ram changkang ah chuan tuarna pawh a ni lo, an tello in an awm theilo tih an hre vek a ni.
Sum hi kan pathian lutuk a, engkim hlutna tehnan kan hmang vek a, hemi avang hian thil ti thei deuh ten anneih bak bak neih belh tumin eirukna ah mipui te hian kan hruai lut a, an zak vak hleinem money ngah chu an value a sang em alawm. Kan chan ai pawh la se, chhungkaw zahawm anla ni thei tlat a. Chuvangin kan Value system hi kan change phawt a ngai zawk a ni ka ti. Hlawh lam aiin a thlirtu mipui te rilru hian kan ngaihsan zawng kan siam á¹hat phawt a ngai a ni. Thawhloh hlawh thleng2a la kan ngaihsan loh hunah chauh eirukna pawh hi a tlem ang.
Life is not measured by how much you own
August 5th, 2011 at 1:09 am
A van tha tehlul…. (Y) Mu rei hi minti vak vak hlawm a. Zan dar9 vel a mu a, zing dar 6 vela tholeh ai chuan dar 2 a mu a, dar 8 a kan thawh hian kan mu reilo zawk daih si. 😛
August 5th, 2011 at 1:24 am
Pu.HV, Midang fuihna rilru nen i sawi a ni maithei e, ithlirna zawn ka man lo pawh a ni thei bawk. ka thlirna kan sawi a nge. Tunah hian nitin a in hlawhfa(Labour) hian ni khatah Rs.200 vel a hlawh a chuan thlakhat a ni 31 awm ang a chhut leh Sunday vawi 4 paihin Rs.6000 vel hlawh thei ang a ni a. Hei pawhhi regular a awm renglo, entir nan mi insa leh thil dang dang awm lai a thawh a ni. A nihna tak ah chuan inhlawhfa te hian thla khat ah Rs.6000 hi an la pha hauh lo. Mistiri leh chuktuah huan nei tha ho, an hnah ilo Bazar a zuar a tum khat a sang tel lei thin te pawh hian an tha sen leh huan enkawlna sum sen an paih leh hian IV grade hlawh pawh an phak loh zia an sawi ka hre tawh bawk. Heihi a nia buai thlak ka tih thin. Hnathawh zah tih a in dem ngawt pawh hi a dik fam kim dawn a mawn le. Mihring zahawmna hi intodelh leh todelh loh hi teh na pakhat chu a nih ve ka ring a. Hetiang hi kan ram dinhmun a la nih a vang hian buai thlak tak niin ka hria. He mi ka sawi a vang hian kut hnathawh in a din chhuah theih loh ka tihna leh an awm lo ka tihna lam nilo vin a tam zawk erawh chu a ni tlat si a ni. Sorkar leh khawtlang in kut hnathawh a chawi vul miau loh chuan mipuite kut hnathawha survive tir tum hi thil har tak a ni lo mo. A market tur hresa in eng thil emaw chin tur tih ni ta se ti ila an ti reng bawk si…. ti hi kan la ni a, sorkar emaw mipui emaw puhna ah hian in hnial na a awm thei ngei ang. Ka ngaih dan chuan Politician chuan mipui nun khaw chhuahna tur a ngaihtuah tur niin ka hria a chuan mipui mawl zawk leh kawng hre lo te a zirtir in kawng a kawh hmuh tur niin ka hria. Sei ta hle mai.. 🙂
August 5th, 2011 at 1:35 am
critic #36 mi hnena inhlawh ngawr kha em ni tum kumkhua tura i duh/ilo chhut dan?
Mi hnena inhlawh pahin mahniin thil dangah ka indap chawp thin. Chuti chuan nupui fanau chawmin Aizawlah khan ka khawsa ve thin tawh. Engkim neih a har a, mahse rual awt zawk2 in ka awmpui ngai bik hauhlo asin.
Zing dar 9 atanga tlai dar 3 vel bawr chauh hi hnathawh hun emaw tihna ang chi rilru kan neih chuan engtihna mah kan ni lemlo reng ang 🙂
August 5th, 2011 at 1:56 am
Pu.Hv, ni lo ve tin, ka back ground a tang a sawi pawh ka ni chiah lo.entirna pakhat ah ka hmang mai a ni. Ka sawi awmzia zawk chu hetiang hi a ni. Tun ah hian thalai tam tak inhlawh chawpa lehkha zir an awm mek a tin, thlalai lehkha thiam Taxi driver leh MR a thawk( Driver hlawh Rs.2000-4000 vel), hna tha zawk chang leh dap e nge maw zat an awm mek. Thalaite chung chang kan sawi hian a chhe lai chauh hi kan hmu thin a, thalai fel tak tak te a tang hian teh ve a tul ka ti khawp mai. Heng thalai fel tak tak te hma khua han thlir pui pawh hian a zik a bul deuh lo mo ka ti. Mithen khat tih anga plat form a tang a ‘kut hnathawh uar’ tih vak ri ngawt hi a tawk lo deuh. Vai thir chhe zawng entawn tur a in zir tir ai chuan thir chhia a hralh theih a ni ti a vaiho lo lan hma a kawhhmuh tu kan mamawh a nih hi.
August 5th, 2011 at 2:00 am
critic, an awm teuh ang, mahse hetiang lam sawi hian a tlangpui lak khawm a sawi ani thin tlat. Kan thatchhe tlangpui anih hmel e.
Thirchhe zawng te hi entawn tur reng anni asin. An taimak naah te, eizawnna tur tha an dap thiam naah te…. an hlawk lutuk.
August 5th, 2011 at 2:01 am
Thuhlawm (paragraph) a then theih then loh te hi thatchhiatna/ngaihsamna chikhat ani thei mai em? Chhiar a hreawm angreng teh asin hairehai 😛 😉 NOI
August 5th, 2011 at 2:05 am
Mizo hnam ai a taima hnam hi an awm ka ring ta lo ve kei Mi(sual)putar mai tur hian.
Ka nu leh pa in a ka awmlai khan ka taimak thu an sawi ngai lo.Thache berah min sawi.Chuti chung chuan colage ka kai ve chinah keimahin ka in chawm chho char char.
Mizo thalai an duh ang or mawmawh ang leina tur hlawh tur hain hna eng pawh thawk peih lo an awm ka ring lo.
Mizoramah chuan sorkhar hna thawk amgn lova hlawh teuh tih an hre kur hlawm a chuvang chuan hah deuh a tlem te hlawh tur hian kan thalai te rilru hi a na thin a lawm maw le.
August 5th, 2011 at 2:09 am
Israel ramah hian Mizo han thawh ve na tawhah chuan hnam dang in hmun an kang tha theilo taima an tih ang hi an ni veks.
Mi tlemte awm rei tawh hanthawkpeih miah lo erawh an awm ve tho.Nupuite thawhsa a in la lian ve ngawt eng emaw zir chhuan lam thawk peih lo 2/1 vel an awm ve.
Mizoram lam a drug ngawlvei vak vak ang chi ho pawh kha zing 5 ah hna thawk turin an inpeih ap hman vek.
Israelis ho hian mak ti khawp Mizo an taima.
A chhan chu maw thawh phu ang hlawh vang mai maw le.
August 5th, 2011 at 2:33 am
40
H.Vangchhia, Thanks. (Y) Mahse i hnial hrat..ha..ha 😀 😛
August 5th, 2011 at 3:03 am
Zan rei pui pui online hian thil trangkai tih tur avang khawp mai…Hei tunah pawh dar3 a ri tawh a, nachinah khan lo mu tawh ila, ka tan a tra fe zawk tih k hre reng… mahse la online…eng vang nge? Mahni in thunun theih loh vang a ni…Zing thawh hma a tra tih hi ka tran tlat e…
Mizo tralaiten internet hman dan kan thiam hunah(a trangkai theiang bera kan hman thiam hunah. Tunah hi chuan trul lovah kan online nasa ltk zirlai zir loh phah lehnghalin) tun ai hian ram kan la hmangaih ang…Mahni zirlai á¹heuh te kan thiam zawkin kan lak tlak zawk ngei k beisei ve tlat..
August 5th, 2011 at 3:55 am
Kut-hna hi chu Mizo thalaiten kan thawk chak lo deuh a ang. Khawl-thil (Machine) hmang thei par par tawh ila chuan, chhawr theih tur kan tam viau ang.
Zualko tlan turin kea kal peih lote kha, Motorcycle nen chuankal hreh lo kan tam thin. Tunlaiah cellphone a tangkai ta a ni mai a.
Tractor nei fer fur ta ila, leilet phaia hna thawk chak tak tak tur thalai hi an ther fer fur ang! Hmanraw tha kan la nei lo va, kan hmanraw tha ber kut leh ke, ngaihtuahna thluak hi a inchawk tho turin kan ram hruaitute pawh hian an dawn ve ngei chuan a rinawm. Thahnemngaihna thil dang hi kum 5 chhung hian a tam dan a dang ta a nih ber hi maw!
August 5th, 2011 at 7:12 am
#26, ka sawi tum tak ka sawi thiam loh i rawn sawi chhuak.
August 5th, 2011 at 7:25 am
Comment zawng2 a tha vek e. Kei aia hre ril zawk leh ziak thiam zawk te khan post dang lo siam ve teh u. Kei zawng, Mene Mene Tekel Upharsin, bukin ka awm a,ka tling zo ta lo a ni e.
Lunglei ka thleng chiah e.
August 5th, 2011 at 7:26 am
Comment zawng2 a tha vek e. Kei aia hre ril zawk leh ziak thiam zawk te khan post dang lo siam ve teh u. Kei zawng, Mene Mene Tekel Upharsin, bukin ka awm a,ka tling zo ta lo a ni e.
August 5th, 2011 at 8:40 am
Post tupa i post hi a dik ka ti e,kan thatchhiat vang em em a niloah ka ngai keipoh.Mizoram angah te hi chuan life a awlsam a thawh vak loh pawhin ei tur leh silh leh fen tur chhungte emaw zarah neih theih zel deuh thaw a ni a,hetiang ang dinhmunah hi chuan mi tupawh tan thatchhiat chu a awl khawp in ka ring.
USA angah te chuan kum an tlin tawh chuan chhungte in support na a nep tawh a chuvangin thawh loh chuan ei loh deuh thaw a nih a vang thatchhe hming pu chu an tlem phah deuh niin a hriat.USA mizo zingah pawh thatchhia tih a han sawi tur hi an awm tlem ngawt in ka ring.
August 5th, 2011 at 9:04 am
Ava mak nei nuai ve mawle !!! En thuak chuan ka han like ngawt dawn a, belhchian dawl ka ti leh lo.
Hlawh tam hi mi nazawng tan a theih loh a, hna zawng zawng hi hlawh tha taka siam vek pawh a theih ngawtloh. Ram/State economy te pawhin a zir ve a ngai alawm. Bakah, hlawh sang nei pha tur level -ah in vawrh ve phawt ta ang ila ??
Where there is a will, there is a way,
Where there is H.Vangchhia, there is HAIREHAI
August 5th, 2011 at 9:52 am
Pu HV a sawi ang khi a dik ani. Tun lai thalai ho hian hna thawk tha peih lo, nu leh pa chawm tura family din ve ringawt an common lutuk a, kan chhiar seng lo anih hi.
US leh ram changkang te nen chuan in tehkhin lo mai ila ani mai. US ah hian an hlawh tam zia chauh kan hria a,nun leh thil reng reng a cost a san zia kan hre leh tel thin lo.
An ram a changkan avangin sawrkarin thil tam tak, minimum standard tur a tih chin a nei a. Chu chu hlawhin a phak/phak lo tih ngai ngei ngei a tam lutuk.
Kan ram la thang ve mek a unskilled labour atana hlawh sang tak lo phut rikngawt hi a dik lo hulhual. Sawrkar leh thuneitu te’n dik lohna an nei in, kan ram chu siam that a ngai ngei mai. Mahse hlawh engpawh nise, taima hmasa tur kan ni mai.
Kei pawh hi chawhmeh zuar in bazar ah ka naupan lai zawng2 ka tleirawl chhuah thlengin ka thu ve thin asin. Nu te’n em nen a ration phur tura an tih lahin zah kan sawi thei chuang lo…HAIREHAI # 50
Where there is a will, there is a way, Where there is H.Vangchhia, there is HAIREHAI. 
August 5th, 2011 at 11:31 am
Misual zingah hian kei ang a chawhmeh zuar thin in lo awm teuh mai a…
Behlawi hnah ka zuar nasa thin… (Mahse ka zuar hlawi hlawi ngai bik lo a nia 
)
Technical entrance exam-ah ka phu tawk seat ka hmuh ve vangin councelling ka kal a ngai. Nilengin Cement chawk leh lung thiar a ka inhlawh hnuah, tlai dar 5 vela’n Taxi ruak, Aizawl pan tur a awm remchang hlauh mai a. A thlawn a kal theihna tluk a hlu ka tan a awm silo; chawpchilh tawkin Taxi ah ka inhnawhlut a, tlaivar thakin Taxi driver pahnih in Cigrette-in min ur mai kha zawng, ka va’n chau tak emm..! Mahse, kha’ng hrehawm (?) tlem ka paltlang ve kha, tunah hian sawi a nuam ve riau..
Pu HV-a thiltawn hi a ropui in, a chhuanawm thin khawp mai…
Mu rei leh thatchhe ho chungchang erawh ka sawi peih lo…
August 6th, 2011 at 10:53 am
Ka pom e.