‘I va hman ve..’ tih thu hi ka dawng fo va. Chuta ka chhànna chu, ‘Thil dang ti turin ka hman bîk lo..’ tih a ni. ‘I va hman ve’ tih thu dawn hi thil nuam tak a ni lêm lo. Tu paw’n he thu dawn hi kan châk zawk zawkin ka ring lo.
‘Hman’ kan tih hi eng nge ni? ‘Hman’ tak tak hi a awm thei meuh em? Pangtichawra chuan nitin nilêngin TV a en thîn. Midang ngaihah chuan hman tak a ni. Mahse, a hman takzet em? Teh suh ei, TV a en avângin thil dang a ti hman bîk lo.
Badboy hnathawh ber chu nilênga mut a ni mai. Mi chuan hman an ti lutuk! Mahse, a mut miau avângin thil dang ti turin a hman tlat lo.
Kei pawh misual.com-a ka luh reng avângin midang chuan hman ta viauah min lo ngai thîn. Mahse, a âwm lo chuang lo. An hnathawh ang thawk tura min ngaih vângah ka ngai mai. Misual.com-a ka luh avângin thil dang ka ti hman lo. Misual.com tân chiah ka hman. A pawimawh ber zâwka chu, he thil hian ka hna a tikhaihlak chuang lo va, hna a tam deuh chuan misual.com tân ka hman lo leh mai a ni.
Khamranga (mipa) ve thung chu an thenawmte in sain a inhlawh a, ban khur a lo lai tãwrh tãwrh a. ‘I va hman ve’ han ti ngawt teh. A lâwm miah lovang. Midang paw’n mâwl an ti ngawt ang che. Mahse, a nihna takah chuan ban khur lai turin a hman a ni. A hna thawk turin a hman a, ban khur a lai hman a, thil dang ti tur erawh chuan a hman chuang miah lo.
Hman tih tak tak hi a lo awm lo. A titute min hmuh dân a zirin hman nih kan hlawhin kan hlawh lo zâwk a lo ni.
An hnathawh ang i thawh loh avânga mi’n ‘I va hman ve’ an tih chea i lâwm loh viau chuan, ‘Nang pawh’ ti la, he thu hi i lo hrilh hrep dâwn nia.
Similar Posts:
- Taxi Ka Hmang Ve a
- Tata Photon+ vs Reliance Netconnect
- Bike Khalh Training Pe Dawn!
- Corruption do dân duhawm
- Misual hi eng forum nge?
June 1st, 2011 at 4:32 pm
test
Report this comment
June 1st, 2011 at 4:35 pm
Kum khat chuang hnu ah ka 1st ve taaaaa ….. chhiar tan ang aw.
Report this comment
June 1st, 2011 at 4:37 pm
A va tawi ril tha ve
Report this comment
June 1st, 2011 at 4:40 pm
Thlirna tlang a zirin thil hmuh dan hi a dang mai mai a ni. Kei pawh hei ka mu dawn, thildang engmah ka ti hman ngang lo
Report this comment
June 1st, 2011 at 4:40 pm
Tunah tak hian engmah tihtur ka neilo, tihtur ka neihloh em avangin TSA thuziah hi ka chhiar mai mai. Thildang tihtur awmse ka ti thei reng, KA HMAN khawp mai a !
Report this comment
June 1st, 2011 at 4:41 pm
A dik khawp mai…kei pawh computer hma a nilenga thut hi ka hna a ni. Ka eizawnna a ni miau si a.
Report this comment
June 1st, 2011 at 4:44 pm
Ka hna leh IT hi a inzawm a, ka misual hman a; ban khur lai ila chuan ka misual misual hman lo ang.
Report this comment
June 1st, 2011 at 4:45 pm
A va tha leh pek em! Ku Ts.
Report this comment
June 1st, 2011 at 4:47 pm
“I va Hman ve” tih chu a literal meaning a lak chuan a awm thei lo.. ka pawm.. A literal meaning a ngaituah chuan a Post tupa thil sawi khi dik khawp mai.. Mahse a tlangpuiin i va hman ve kan tih hian kan sawi tum ber ni a lang chu Hnathawh tur tangkai i va nei lo ve emaw i va lak tlak loh ve
emaw kan sawi tum na ber zawk a ni…
I thil tih chu a va Productive lo ve tih na te pawh a ni thei ang chu..
Report this comment
June 1st, 2011 at 4:49 pm
keipawh …same as # 7 sillyboy…chuan analytical/calculative work ho hi chu zan lamah ka ti zawk thin …
Report this comment
June 1st, 2011 at 4:53 pm
I va hman ve tih khi han modify vel ila, a literal meaning nilovin a thil sawitum tur awm chuh:-
“I va hman thei ve” : I va taima bik ve tihna lam kawk deuh.
“I va hman thei bik nangchu” : Sarcastic..
“I va hman em em ve” : Hman tu hian thil a tisual ni ngei tur ani..
Report this comment
June 1st, 2011 at 5:22 pm
A nih duh hmel
Report this comment
June 1st, 2011 at 5:28 pm
NIa.
Report this comment
June 1st, 2011 at 5:41 pm
Post tha khawp mai. Mahse ka duhthu a sam chiah lo. “I va hman ve..” titu thlirna tlang atang chiahin i lo chhui a. Mihring nuna pawimawh tak- MAHNI DUHTHLANNA ang zawngin i la chhui lo tlat. I thuziak in nghahna bulpui ber pawh hi ‘duhthlanna’ a ni zawkin ka hria.
Pu Sangpuiipa chuan inkhawm aiin len mai mai a thlang thin a, inkhawm tur chuan a hman chiah lem lo a ni. Miin an ina leng turin min sawm a mahse ka hman lo a chhan chu len duh zawkna ka nei tlat. Chumi awmzia chu hmudanga leng tur chuan ka hman reng a lo ni. Ka ‘hman’ dan a zir hian ka mizia leh nihna tamtak a hriat theih bawk.
I ril hle mai..Good Post.
Report this comment
June 1st, 2011 at 5:44 pm
Hman va tak chu a ni. Zing a tho, slipper a bun chiah hi A hman nghal.
Report this comment
June 1st, 2011 at 5:45 pm
Ngaihtuah chhuak thiam khawp mai
Report this comment
June 1st, 2011 at 5:46 pm
a dik khawp mai…tun thlengin nonick-a pohin nickname thar ala nei lo a,ala phuah hmanlo tihna nih don hi..:)
Report this comment
June 1st, 2011 at 5:47 pm
Nia, jewel pawh ck a hman vak lo tunlai chu.
Report this comment
June 1st, 2011 at 5:50 pm
keichu ka hmanlo
Report this comment
June 1st, 2011 at 6:05 pm
Iva hman ve an tih chuan chhanna awlsam ber chu nia tihmai tur!!!
Report this comment
June 1st, 2011 at 6:07 pm
nia
Report this comment
June 1st, 2011 at 6:12 pm
Dik fû zel… Mahse, hna thawk lova awm mai2, mu mai2, leng mai2, hman mm ho hi “i va hman ve” ka tizel dawn thau thau!
Report this comment
June 1st, 2011 at 6:17 pm
17 Msquare : no_nick ni reng mai roh min ti tute kha ka pawm mai..
Report this comment
June 1st, 2011 at 6:30 pm
A dik fu mai mahse i thlir na lam atang chuan “hman” a awm theih dawn loh in ka hria.
Hman leh hman loh tehna chu-
1) kan hun neih dan
2) kan thil tih keimahni tana a hlut leh hlut loh
3) kan thil tih midang tana a hlut leh hlut loh
4) kan hriselna leh kan hlimna
Hemi chungchang ah hi chuan Pi elcee-i ngaihawm hle mai, hmanah kan sawi vak tawh kha mawle
Report this comment
June 1st, 2011 at 6:32 pm
https://misual.life-a ka post leh comment a tam em avangin ‘i va hman ve’ titu ka tawng zeuh zeuh a, chu’ng ho chhànna tur deuha ziak ka ni. Keini hnathawh chu computer hmaa thut a ngai a, hunbi a awm lo bawk. Chuvangin hnathawh paha https://misual.life page hawn leh comment chu a har lo lutuk. Thu post pawh a har lo. Thu pawh hi ka hna pakhat a nih vanga ziak ka ni. Chu’ng ka thuziakte zinga thenkhat ka rawn post thin mai a ni. Hnathawh loh chang chuan phone atangin ka lut mai a, phone atangin lehkhabu atanga ka lakchhuahte ka rawn post thin.
Report this comment
June 1st, 2011 at 6:58 pm
TuaiSialA, pawi ti reng reng suh. I thu leh hla hi kan hlimpui tak zet. I hnathawh kar laka post tha tak tak i rawn chhawpchhuak thei thin hi i fakawm khawp mai :titaktak:
Report this comment
June 1st, 2011 at 7:01 pm
Post-tu pa hi Tuaisiala ni tawh suh se, thu a thiam e mai…:-D:-P:-D
Ka thian pakhat paw’n ka hnathawh dan hre hawt lovin,”in hnathawh hi a nuam ngawt ang, in awl hmel si,!” min ti ngawt tawh. Tha te te in ka hrilhfiah a, a zak khawp mai…:-):-D thil hrechiang mang lo a sawi ngawt hi a lo tha lem lo…
Report this comment
June 1st, 2011 at 7:15 pm
A hnial hrat thlak ka ti keicu!
Report this comment
June 1st, 2011 at 7:15 pm
Hman chu ka hman, mahse tuna ka signal hi a buai em a ni…
Report this comment
June 1st, 2011 at 7:19 pm
Shout outs to KRISTA @ 14.
Intih tunlai nana engkhaw sawi set set lova’Whats up?’ in tih leh rikngawt thin te hi,’everything’s up’ tih a chhan chakawm hle thin mai.
‘Whats up?’ kan tih chuan mi in thil a ti mek a, emaw, an thil tih lai kan chian chiah loh avangin ‘Whats up?’ ti a zawh tur ani. GREETING ATAN HMAN LOH TUR. ‘Irritates the heck out of me’.
Report this comment
June 1st, 2011 at 7:24 pm
Zanin chu ka va hman tak em, tunge min cho?
Report this comment
June 1st, 2011 at 7:25 pm
@ 30…wassup min tih chuan nothing not even my d*** ka ti thin
Report this comment
June 1st, 2011 at 7:29 pm
Ni e
. Khamranga hnathawh chu ka peih loh zawng tak a ni. 
Report this comment
June 1st, 2011 at 7:37 pm
Office hour chhunga hna dang/thil dang lo tih chungchangah chuan Dr. K. Thanzaua sawi ka la hre reng: Office hnathawk turin sawrkar/ pawl in mi a ruai a, chumi hna piah lama thil dang lo tih chu eirukna a ni e a ti thin. Mei zu a chhuah (office mei zuk phal lohna hmunah) a remti lova, hna a awmloh paw’n dawhkan kal san lova awm hrim² kha kan hna a ni a ti thin. Dik fuin ka hria chutiang tehna atang chuan enge kan an hlawm ang aw!!!
Report this comment
June 1st, 2011 at 7:59 pm
Zanin chu khawiahmah ka kal hman lo, inah fate awm ka ngai!
Report this comment
June 1st, 2011 at 8:02 pm
#34
a dik a ni. Chhun chawlh (lunch break)emaw ah mei zuk pawh ani mai. Insum theilo chuan hnapawh thawk lo mai sela, meizial vang mai mai a hnathawh huna kal sawn. Hna pangai thawh tur a awmloh pawhin mahni thuthmun vel tihfai nan hun hman hlauh mai tur. Hnathawh zat (hourly) hian Mizoram hna hi kal vek sela, ram chuan hma a sawn phah khawp ang.
Hetiang deuh ang hi hmang sela a to chuang lova.. an awm hun chhung leh thawh chhung chhinchhiah thlap zel mai sela. Chumi atang chuan hlawh pe thin se.
https://i54.tinypic.com/2d933p3.jpg
Report this comment
June 1st, 2011 at 9:33 pm
Ani teh tak e a
Report this comment
June 1st, 2011 at 10:03 pm
@HV: Mizo te hi kan thatchhia ka ti miahlo, kan system hian a zir lo zawk ni in ka hria, i pic rawn dahang te khi chu hmang ila, duhamna rilru nen kan thawh tawrh² ka ring tlat. sawhthing to lai paw’n zan thla engah mi sawhthing to zawngin an feh chhuak peih a nia, taima ka ti khawp hlawm mai.
Report this comment
June 1st, 2011 at 10:22 pm
Khawhar inah pa pakhat a rawn lut a, a thiante bulah a pha zut zut a. Nangni angin ka hman ve lo a, te a ti ta deuh deuh a. A thian pakhat thinrimin “Kan hman bik hlei nem, kan ngaihpawimawh avangin kan kal alawm.” a tia, a reh hmak.
Report this comment
June 2nd, 2011 at 12:50 am
concept diklo luklak a nih hi. Ti te chuan pa in fa engtin nge a zilh theih tawh ang ni. TSa chu Hmanbawm ah an chukrawn nasa lutuk che a, helam ah i rawn in justify a ni maw? Ti te chhuan thatchhia pawh an awm thei nang, mut ngat ngat an peih viau chuan.
Report this comment
June 2nd, 2011 at 10:47 am
van buaithlak!
Report this comment
June 2nd, 2011 at 11:21 am
Han sawi ve chiam pawh ngai in ka hre tawh vak lo … Hmasawnna lam hawi a ke pen tang tang mi, thil tangkai tak ti a buai reng mai ho hi i va hman ve kan ti ngawt ngai in ka ring lo. I va hman ve kan tih te hi thil tûl ni lemlo/ hlawkthlak vaklo a in terek mai mai a, thil tangkailo tih nan a hun ngah thei zawk te hi a kawk mai awm mang e ka ti…. “Hman deuh” nih kan zah avang pawh hian a kawh ah chuan kan chiang tlang in ka ngai… Ngaihdan hrang hrang hi neih ngai a nia, he Post pawh hi lehlam tlâng a tanga thlir chuan tha tak ve tho mai a ni….
Report this comment
June 2nd, 2011 at 2:32 pm
Nimin lamah ka online “hman loh” avangin Tuaitea post tlai khaw hnuah ka rawn kawmen e
Report this comment
July 31st, 2011 at 3:00 am
Hman lo chung chung in Tsa post a ni bawk a ka kawmen ve hman hram a nge .
Report this comment