[Source : Sub.Pakunga Chanchin by P.S.Chawngthu]
An khaw tlawh pakhatah pawh an tih tur an tih hmain zan thla eng hnuaia naupang pawnto chu MacDonald Sap chuan uluk deuh maiin a thlir a. Naupangte chuan Sakei kar lem an siam a, an zinga pakhat chu Sakei lemah an chantir a, midang chu Zawlbuk lemah an mu thap mai a.
Sakei lema chang chuan an kar kam chu a pawt perin a inkah tir lem a. Chuveleh naupang dangte chu an tlan a, Sakei hliam hnu chu an chhui ta a. A hmu hmasa berin, “A lu ka chian e,” tia auvin a thiante chu a han hrilh a. A lu chiantu chu chawimawiin Sakei lu chu an zawn ta laih laih mai a.
MacDonald Sap chu a thawk thut a, naupangte hnenah chuan, “Sakei lemah ka chang ve ang a, amherawhchu, pate silai nei chauhin min kap thei ang,” tiin a hrilh lawk hmasa a. Zawlbuk lemah naupangte chu an kar kam puah hun ngaichang ran chungin an mu khawm ta tihah chuan MacDonald Sap chu an kar lem kamna lamah chuan leiah a bawkvak phei ta thauh thauh mai a.
A hma lama naupangte tih dan ang khan an kar kam chu a han pawt per ve ta a. Chuveleh naupangte chu ‘Kar a puak e’ tiin an tlan khawm a, Sakei hnu chu an chhui leh ta a. Chutih lai chuan MacDonald Sap chu mual letliamah chuan a lo thi der ve zuah tawh a. Naupang huai fal deuh pakhat chuan, “Phung phung ti” tia va kapin, “A lu ka chian e,” tiin a thiante chu a han hrilh a.
Chu veleh MacDonald Sap chu a rawn tho chhuak a, naupang hnenah chuan, “Sakei min kap hlum a, i huai hle mai, mahse pate silai nei chauhin min kahah ka tih kha…..i pa’n silai a nei awm si lo va, ka chang tha leh ang” a han ti a. Naupang chuan, “Ka kap thei che, ka pa’n silai a nei” a lo ti ve khauh mai a.
Naupang chu a pawm a, duat deuhin a luahte chul sak pah chuan a pa hming leh an in awmna te a zawt a. Naupangin a hrilh zawh chuan, “A nih leh i pa’n silai a neih tak tak chuan in inchhung khawi lai hmunah nge a dah thin i hria em ?” a han ti leh a. Naupang chuan, “E le kan tapchhak sut bulah kaihphawh theihin chhuat a siam a, chumi chhungah chuan a dah thin. A lak chhuah lai pawh ka hmu tawh a lawm,” a ti ta mai a.
MacDonald Sap chuan, “Mmm, tunah chuan Sakei kapah ka pawm ta che a, Sakei mi kap ta a ni, i tlangval hle mai. Tikhan nangmahnii chan zawm leh tawh rawh u le,” a ti a, a kalsan ta a.
Chu khua an tlawh tum pawh chuan khaw daifem lamah bawk an thleng leh a. A tukah chuan zing takah an tho va, Sakei lema a chang kap lemtu naupangte inah khan an lut a. An sut bula an chhuat thingphel phah chu kai phawkin naupang pa silai lo kawl ruk chu harsa lo takin an mansak leh ta hmiah mai a ni. Mite chuan MacDonald Sap thil hriat theih dan chu mak an ti a, an hlau em em mai a, nasa takin an fimkhur phah ta bawk a.
Khaw pakhat an han tlawh dawn erawh chuan an thlen tur thu an hriattir hmasa thung a. Lal leh Upaten lo hmuakin an lo lawm a. Khua an han luh rual chuan MacDonald Sap chu a’n hawi kual a, ral khata mi pakhatin SignBoard-a lehkha tar pawt thlaa, a nuaihlawm lai chu a hmu a.
Chumi hmun an thlen chuan chu lehkha nuai hlawm paih chu chharin a han en a, ‘Aspro leh M&B damdawite ka zuar a, a mamawh apiangin rawn lei rawh u’ tih hi a lo chuang a, a zuartu hming erawh chu pawh thler bo nachang a hriat avangin a lang lo va.
Zanah chuan Bawrhsap lawmna vantlang inkhawmte buatsaihin MacDonald Sap chu thute an sawitir ta a. Chutah chuan ngaihthlak nuam taka khawvel chanchin hrang hrangte a sawi bakah damdawi lam chanchin tawite, sawi chhunawm ve chakawm tak si hian a sawi hmawrhmuh a.
Mi thiamten Aspro leh M&B dandawite an siam chhuah tawh thu leh eng natna damdawi atan nge an hman ber chu Bawrhsap pawh nise a la hriat tam loh thu a han tarlang tel zauh mai a!
A thusawi zawh chuan pa pakhat hi phur fahran mai hian a rawn ding chhuak a, Aspro leh M&B damdawi chu hahipa rawn fakin natna an tihdam theih chi hrang hrangte chu phur leh hre deuh mai hian a rawn sawi ta hliam hliam mai a. MacDonald Sap chuan a bula thu hnenah chuan chupa hming chu zawtin a lo chhinchhiah vat a.
A tuk zingah chuan chupa chu tlangau a koh tir a, damdawi a zawrh ruk leh ruk loh dawp kual hmasa hnihne lovin, “Idamdawi kawl ruk zawng zawng tunah han la nghal vat rawh,” a ti tlang nghal thuai mai a. Ani pawh chuan hlau leh khur chungin ava la khawm nghal a. “Thu tha taka i awih avangin ila kawl zawng zawng hi i zuar zo thei ang. Tun chinah phalna la lova i zawrh zui leh vaih chuan ka hrem ang che,” a ti hmiah mai a.
Heng lo pawh hi MacDonald Sap leh Pu Pakunga zin dun hian thil tam tak an dap chhuak a, mahse sawi sen vek a ni lo ang a. An zin dun lai a Sub.Pakunga’n mak a tih em em chu Zoram Bawrhsap meuh ni si tour programme pawh siam lova a zin chhuak thut mai thin te, thlen nana mi chenbeh zawk in pawh hnualsuat lova chhuat laia a mu ve mai thei te, kawng laka rit phur chau awm deuh hmel a hmuh a an chhawk mai thin te leh naupang leh pitar putarte a kawm peih em em mai thinte chu a ni.
Lehkha thiam sang M.A., LL.B., I.C.S., leh London Ukil meuh a ni bawk a, Superintendent of Lushai Hills a nih chhung khan rukru leh misual mi sual man chhuah theih loh a nei ngai lo va ni.
Similar Posts:
- Bawrhsap MacDonald leh Sub.Pakunga Khawthlang Zin Chanchin !
- Nun tihlimtu – Naupangte
- Mizoramah Sakei Sawm Chauh Maw?
- THANG PART-II
- Kawrtethawveng Playground-ah Sakei a thi
hahaha….
August 9th, 2011 at 10:42 am
.1st
Report this comment
August 9th, 2011 at 10:44 am
Chhiar nghal ang ka nghakhlel tawh bawk a..
Report this comment
August 9th, 2011 at 10:59 am
Ngaihnawm khawp mai
Report this comment
August 9th, 2011 at 11:03 am
A ngaihnawm lehpek kher mai. Aspro tih khi Asporo tih zawk tur a nih hmel.
OT lawks. Ka nu hi mi bawrhsawm deuh mai a nia, ka naupan lai hian ( vawikhat a lei tamna neilo na na na chu ) ka lei zing thin mai mai khawp a, a zuartute pawn ASPORO-A min ti mawle. ; D
Report this comment
August 9th, 2011 at 11:09 am
Va fing ve aw….
Report this comment
August 9th, 2011 at 11:46 am
A va chhuak zing ve le…TSa khan lo vil se a tha ang !
Report this comment
August 9th, 2011 at 12:00 pm
Superintendent of
Lushai Hills a nih chhung khan
rukru leh misual mi sual man
chhuah theih loh a nei ngai lo va
ni
Ka awi lo e, man loh pakhat tal chu a nei ngei ngei ang.
Report this comment
August 9th, 2011 at 12:03 pm
A ngaihnawm hle mai. Pakhat chiah han thailan zeuh ka’n duh chu…a bawkvak phei ta thauh thauh a…tih lai te khi. Bawkvak phei tham tham a tih ni zawk se a fuh hmel
Report this comment
August 9th, 2011 at 12:06 pm
Ngainawm leh e..
Kan bawrhsap a pui roh chu a lo va ham sitrik thin ve le..Dan leh dun te khatih lai ang khan lo kengkawh tha zel se chuan kan ram hi a lo nuam dawn chu ani reng mai si a..
Report this comment
August 9th, 2011 at 12:12 pm
Ngaihnawm hle zel mai. A thawh rimna leh finna ka ngaihsan em em rualin, Mizote min finkhalh hneh leh lutuk erawh chuan engemawti takin min HURT deuh tlat mai. Tlawmah ka la ani awm e. A buan tawk Chhim miril, Pu Ch.Saprawnga lakah a tlawm ve tho kha a. Ti tawh mai ang.
Report this comment
August 9th, 2011 at 12:14 pm
#7: @Rooney : I awih loh leh a man loh misual pakhat tal han sawi ve la…..
#8: @Benny : Bawkvak dan hi chi hrang hrang a awm kan ti thei ang. Rul tleng ang pawh hi bawkvak kan ti tho va, naupang bawk vak pawh hi an rul tleng chuang lo va…..!
A hmutu Pu Pakunga sawi (a Diary) a mi a ni a, lo correct sak hi hmu ve lo tan chuan lo pawmpui mai hi a hahdam thlak zawk lo maw?
In hriat ang khian ‘Cut & Paste’ a ni a, ka irawm chhuak a tel lo ve. Mahse ka source hi chu ka tan ve tlat dawn a nia.
Report this comment
August 9th, 2011 at 12:20 pm
@10, PKFanai : Mizote min fin khalh hi tlawmah la duh suh, Indian Civil Service (ICS) a tan hma pawh hian London Ukil (LLB) a ni thin a, Sap naran chu a ni lo a lawm! ……Nagaland leh Manipur, Meghalaya leh hmu hrang hrangah sulhnu a ngah mai.
Report this comment
August 9th, 2011 at 12:26 pm
MacDonald designation hi Superintendent tih ni mahse tunlai D.C nen hian a inang thuak ang chu. D.C ai mah hian Power an neih san zawk ka ring mah.
Tin, ICS hi mi vantlang chung chu an ni hrim hrim a lawm ! Tunlai IAS nen hian an compare chi ang em ?
Report this comment
August 9th, 2011 at 12:38 pm
Good post lushai_er nang nge nge
Report this comment
August 9th, 2011 at 12:44 pm
12. Lushai_er, Nang meuhin chutia itih tlat te chuan; ni mai e maw le. Nia, a chet dan pui roh khi, a Sherlock Holmes riau roh a. Sir, Arthur Conan Doyle te nen hian an in hmelhriat duh hmel roh riau a lawm maw le.
Report this comment
August 9th, 2011 at 12:49 pm
Kum 1956 vel khan, ka pa pawh Assam Police hna thawk a ni a, Police 3 emaw 4 emaw chauh pawhin Lushai Hills kha chu an vil hneh hle, sualna a la tam lo bawk a.
Aijal Jail a ruak hiau mai a, Endiktu a rawn kal si a, tang pakhat tal awm loh chu an tih vanga Silchar atanga tang pakhat an zuk lak chhuaha Aijal Jail-a an tantir hun lai te kha … a va ngaihawm tawh tak em!
Bawkvak phei them them hi STALKING an ti a, game/exercise nuam tak a tling. Mawng tipoh vohva bawkvak chi mi hi an awm bawk, fiamthu ril deuh chu hei hi a ni, “Keep up your end when you’re stalking your foes,” —mawngtam tihpoh loh hram tur a nih vei nen, KEEP UP khi ngaihsual palh chuan a POH DUH LURH LURH hmel asin!
J F Laldailova pawh kha naupang pawnto chhawnchhaiha naupang vocabulary zir ngat ngat mai tho a ni, naupangte atang hian zir tur tam tak puitling leh ram khat hruaitute pawhin an lo pawchhuak thin a nih hi. MacDonald Hill hi tun hma chuan Thingpui Huan Tlang tih a ni thin.
Report this comment
August 9th, 2011 at 12:51 pm
A ngaihnawm leh hle e!
Hman laia Mizote’n silai an lo neih ve ṭhin te kha illegal vek tihna em ni chu le?
Aspro leh M&B damdawi, Bawrhsap pawhin a hmanna a hriat chian loh chu zawrh mai tur a awm lawi si a, a mak ang reng hle mai.
Report this comment
August 9th, 2011 at 1:03 pm
Lushai-er, a pu pakunga khian tawng a chhepsual palh a niang…la ti hram ila. Mihring han bawkvak ta thauh thauh chu a mak awm em a tih thu ah. A ngaihnawmna a tibo chuang lo ve.
Report this comment
August 9th, 2011 at 1:27 pm
@ Lushai-er..hetiang lam hi i post thin a, i hre zauvin a ngaihnawm thei lutuk..Ka ngaisang khawp mai che..Good Post
Report this comment
August 9th, 2011 at 1:29 pm
@17, hlatekhua: License nei chauh khan silai an kawl thiang a ni lawm ni kha ? Hmanlai han tih hian hmanlai lutuk tawh hmel loh!
Report this comment
August 9th, 2011 at 1:40 pm
Pu chawnghilh thil hriat dan em2 hi chu aw….. ka lo ti ve mai2 thin
Damdawi zuar kha Chawnghilh lo ni ta se,Mc Donald pawh hi buai ve ram2 mai thei ni
Report this comment
August 9th, 2011 at 1:56 pm
0T loks. Ka naupan laiin vawi khat chu Influenza damdawi ka nu ten min tir a, ka theihnghilh ta tlat mai a, a tawp ah chuan ‘ Championza’ damdawi in nei em kan ti mai chu(h), dawr a thu ho kha an nui nasa ve viau in ka hria!
Report this comment
August 9th, 2011 at 2:20 pm
A ngaihnawmin chhiar a manhla lehpek mange!
Report this comment
August 9th, 2011 at 2:20 pm
bawkvak thauh thauh: mizote lakah chuan an ruakhau in, an sang em a; rul tleng paw’n tleng se, an mitah chuan a ‘thauh thauh’ tho lo’ng maw.?!.haha.
Report this comment
August 9th, 2011 at 2:35 pm
#St.Sammoo : Kei pawh kan mitthla ve danah chuan a khup pawh a hman ka ring lo, a kut leh ke nen mawng poh turhin Sakei lemah a chan ka ring….lolz
Report this comment
August 9th, 2011 at 3:09 pm
Macdonald a fin dan thauh thauh khi birbala fin dan nen a inang thauh thauh…lolz
Report this comment
August 9th, 2011 at 3:09 pm
Macdonald a fin dan thauh thauh khi birbala fin dan nen a inang thauh thauh…hahaha lolz
Report this comment
August 9th, 2011 at 3:27 pm
#19: @Ainawn :
….!!!
Kan naute thenkhat ka lehkhabu hawh pha lo te, chhiar hman lo te, leh misual.commer junior ve leh zualte current affairs hre tak takte, Mizoram history lam hre lutuk lo te tan ka contribute ve (humbly) a ni. Competitive exam-ah te pawh atangkai ve tak mialin ka ti! Mi(sual) ti sualtu pakhat lo ni ve thei se ka ti.
Report this comment
August 9th, 2011 at 3:40 pm
A ngaihnawm khawp mai. Pu McDonald chu a che Sherlock Holmes ve thei hle mai maw
Ka hriat sual loh chuan ‘Kar a puak e’ an ti ngai lova ‘Kar a per e’ an ti zawk ṭhin.
Report this comment
August 9th, 2011 at 3:51 pm
Thohlim chhiar ka ni nangin ka chhiar tui viau tho mai. lushai_er
Report this comment
August 9th, 2011 at 3:58 pm
Pu Pa Kunga hian a sawi thiam khawp a lawm !
Ke pahnih in lei a rap a, a kut pahnihin lei a beng bawk a, a mah a pa lian si a, chak deuh leh in tha-zo deuh a a sawh thoh thoh chuan, bawkvak phei thauh thauh pawh a dik thei tho a lawm
A hmutu in a hmuh dan a sawi fiahdan a ni mai a lawm
A ngaihnawm hle mai, Sherlock Holms a thawnthu kan chhiar a ni ri ngawt a lawm…….
Report this comment
August 9th, 2011 at 4:01 pm
#17@hlatekhua Says:
“Aspro leh M&B damdawi, Bawrhsap pawhin a hmanna a hriat chian loh chu zawrh mai tur a awm lawi si a, a mak ang reng hle mai.”
In ti detective deuhin Pu McDonald a hian a hre lo der a, chu chu in ti hre deuh koh chhuah a tum vang zawk a nih hmel. Nangpawh a zuar tu khi lo ni ta la a man chiang hle dawn che nih khi, a hre lo khi mak i ti anga i hrilh chiam awm sia…lolzz
noi
Sherlock Holmes te hi chhiar la thil chiang zawk hriat a duh avangin a hriatsa hi la hre ngai lo angin a thup fo ṭhin, midang on na tur te te chauh hi a rawn sawi a, a tawp ah a lo hre ber leh nge2 ṭhin.
Detective ho zia i hre lo a ang,
Report this comment
August 9th, 2011 at 4:11 pm
Asteric@32, chhaw fal leh vah ṭhin! Detective-ho zia chu ka hre miah lo mai pawh ni lovin detective pakhat mah hriat ka nei lo lehnghal maw le. Sherlock Holmes (Sailo Khawma an ti bawk em?) i tih chu Mizo ṭawngin chhiar tur a awm em?
Report this comment
August 9th, 2011 at 4:31 pm
@Mah Dear Asteric : Kar hi tunhma kan pi leh pute’n Silai an neih hma chuan fei ki bar nei an hmang thin. Chung hunlai chuan ‘Kar a per thin’!
Mahse kum 1800 hnu lamah Silai an hman chuan ‘Kar a puak e’ te pawh an lo ti ve anih pawn mak tih vak loh tur.
Khawchhak leh Khawthlang lam sawi dan a inang vek lem lo ang, chutiangin Chhim leh Hmar lam thil lam dan a in ang vek kher lovang.
Report this comment
August 9th, 2011 at 4:32 pm
#33@hlatekhua: lo lana lutuk ange aw
we r friend….Hman deuhah keipoh kumpui linglet meuha ka lo zir ve ṭhin kha la zir ngai miahlo in min han hrilh chiam chu a ngaihnawm duh kher mai. 
A intih hriat em avangin hre ngailo ang in ka lo ngaithlaa, kei chuan a mizia ka lo zir char char zawk a. A hriat chian loh pawh hre ber anga confi taka sawi chi, thil risk mai mai ching a ni tih kha keima lam aṭang chuan a fiah ta em em a ni.
Thil intih hriat lutuk hi a ṭha lo duh khawp mai
Report this comment
August 9th, 2011 at 4:37 pm
sub. tih lai hi engtihna nge mawnile. Hei chu sub.Pakunga chanchin a tel ve tawhlo anih hi.
Report this comment
August 9th, 2011 at 4:42 pm
#36, @funny : Subedar Pakunga leh MacDonald Zin chhuah tum a thil thleng vek kha a la nia…. a ziaktu hi Sub.Pakunga!
Report this comment
August 9th, 2011 at 4:45 pm
sub lai khi engtihna nge ka ngaihtuah chhin a, a inhmeh lo hlawm khawpmai.
subtitle Pakunga
subscript Pakunga
subordinate Pakunga
subsidiary Pakunga
subvention Pakunga
substitute Pakunga
subsidy Pakunga
…… etc
Report this comment
August 9th, 2011 at 4:46 pm
Asteric@35, la na teh suh e, i comment@32 ka chhiar khian kan nui!
He post hi a ngaihnawm. Mahse Pu Pakunga chanchin a lang tam vak lo a ni. MacDonald tih leh tun laia kan hriat lar tak zawk mah McDonald tih hi thil thuhmun, lam dan pawh thuhmun a ni em tih ka ngaihtuah deuh daih.
Report this comment
August 9th, 2011 at 4:48 pm
lushai_er#37: “Sibudar” an ti thin amaw kalo tih vang anih chu a ka ngaihzawn thiamloh. Kalo hre thelh ve hlemai a.
Report this comment
August 9th, 2011 at 4:55 pm
@39, hlatekhua : McDonald hming hi Irish hming, MacDonald hi Scottish hming an ti thin lo maw aw ?
Report this comment
August 9th, 2011 at 4:59 pm
@lushai_er: Mizo history hi sikul zirlaia kan zir bak kha hriat zauna dang em em ka nei chuang lova, mahse pasalṭha hrang hrang chanchin kan zir te hi chhim lam leh hmar lam mi an inpawlh nuk thova, zirlai a in anga ziah dan pawh a in ang vek a. Neuva te ‘kar per’ a sahliam um khan silai an hmang tawh a, ‘kar per’ tiin a ziak bawka.
Silai cheng an kar kau sa a, a hmeh puahna ah hrui an thlunga, chu chu sakei in a pal a a cheng an kar kau a per tak avanga ‘kar a per’ ti a hrilhfiah ṭhin kha nia ka hriat danin.
‘Kar a puak’ tih hi chu chhim leh hmar lamdan in anglo a ni thei dawn em ni. ‘Kar a puak’ tih khi ka vawikhat hriatna a ni.
Report this comment
August 9th, 2011 at 5:01 pm
36
funny # Sub. chu Subedar lam tawi mawle.
Doctor tih ai a, Dr. an dah mai ang deuh a nia.
Report this comment
August 9th, 2011 at 5:12 pm
@Asteric : “Naupang pawnto chuan duh leh a puak chu lo ti se, kar lem kha a puah loh chuan an hre thei dawn si lova….”
Mahse pawnto ve lo chuan a per kan ti tlat mai dawn nia
Report this comment
August 9th, 2011 at 5:18 pm
#44 Nimai teh se, a ziak tu hian silai anih avangin a cheng kau per lam aiin a kaw hmawr a vei zawk aniang…haha. Thil kar reng reng chu a inthlah(release) in a per kan ti ṭhin, a puak kan ti ngailo
Report this comment
August 9th, 2011 at 5:28 pm
‘Chuveleh naupangte chu ‘Kar a puak e’ tiin an tlan khawm a’
A ziaktute hi thu leh hla lama kan tluk loh te an nih ka ring…..Naupangho pawnto hla an rawn qoute-ah i pawm sak ila, a hahdam thlak ang.
Naupang i khin i khin chuan ‘Naupang’ khing rual ini mai…lolz
Report this comment
August 9th, 2011 at 5:34 pm
#46@lushai_er: Teh daih chuan
Chuti chu a ziaktu pawi ka lo sawi palh ange Naupang titi ah ngai mai ta ila 
Report this comment
August 9th, 2011 at 7:19 pm
Ka chhiar chhuak vek a nia aw…ngaihnawm e.
Report this comment
August 9th, 2011 at 7:56 pm
@Asteric. Kar chu thang a nia.. Thang a puak kan ti dawn nge a per kan ti dawn..ka tan che nia.. Hihihihi
Report this comment
August 10th, 2011 at 3:47 am
50
Report this comment