[Source : Sub.Pakunga Chanchin by P.S.Chawngthu]
Sub. Pakunga leh Bawrhsap MacDonald Khawthlang lama an zin hun hi kum 1946(*Kum tawp lam ?)-ah khan a ni a. Aizawl atangin Sairangah an kal thla a, Sairang atangin Tlawng dungah Vai Maji lawngin an chhuk thla a. Chung lai chuan Tlawng lui kamah khua a la tlem hle a, a awmchhun pawh khaw te tak te te, inkar hlat tak taka awmte an ni hlawm a.
Luidung tluanin ramhnuai ngaw dur ruih mai a ni. Hmun thenkhatah erawh chuan Pu Chuaian Teak a phun nual tawh a, Suarhliap leh Bairabi pawh ser huan an siam nual tawh bawk.
Lawnga an chuan lai chuan titi khawchangte sawiin Sub. Pakunga chuan Mizote tana sipai tan a la harsat em em laia tleirawl kum 14 mi lek tantir a nih dan te, an sipai chhungkuaa dik lo taka amah ertute chu mak taka an tal buai thin dan te, indopui laia Japan sipaiten a ke bul chiaha hand grenade an rawn vawm tuma a thih loh tlat dante leh a naupan lai atanga amahah Pathian awm tlata a hriat thute MacDonald Sap chu a hrilh mawlh mawlh a.
Ani pawh chuan a naupan lai chanchin leh London atanga India rama a lo luh hnua a thil hmuh dante a hrilh ve a. Mahse a rilruin tlai lam chawhmeh tur a lungkham tlat mai a. A khat tawk hian, “Pakung, chawhmeh han lamna tur khua lah chu a lang mang si lo va, tlai chawhmeh tur engtin nge maw kan neih theih ang le?” a ti fo mai a. Sub. Pakunga chuan, “Pathianin min la ngaihtuahsak ang chu” tiin a chhang mai a.
Tlai lam dar 3:00 velah chuan engti dan tehreng emaw ni, thil thleng ngai zen zen lo, Nghatun thankin tawng chen zet mai hi tui atanga rawn perh chhuak chhovin lawng bathlara thu Sub. Pakunga mal chungah tak mai chuan a rawn tla a. Sub. Pakunga chuan lo nem beh mai hi a tum a, mahse chu sangha chu a nalin a lo chak hle mai a, lawng chhuatah chuan a tal thla a, eng emaw ti tia lawng chhuata nem bet chuan an a man ta a.
MacDonald Sap chu, “En teh hei, Pathianin tlai chawhmeh atan Mizoram sangha tui ber Nghatun thankin a rawn pe ta che a lawm!” tiin a han entir a. MacDonald Sap chu a lawm em em mai a, “Pakung, Keimahah Pathian awm tlatin ka hre thin i tih kha nichina i sawi lai kha chuan ka awi lo va, tunah chuan ka awi tak tak ta,” a ti ta hial a. Hemi tuma a thil tawn hi Sub.Pakunga pawh hian mak a ti a, a sawi a sawi thin.
Tichuan an kal zel a, Tlawng tui luang a la chak tha bawk a, lawng chhungah zan khat an riah hnu chuan chawhnu tlang herah Suarhliap khua an thleng a, tah chuan zan an riak a. A tukah Hriphaw khaw lam panin an chhuak ta a. Kawnga an kal lai chuan luite dung zawh angai ta tlat mai a.
MacDonald Sap chuan a pheikhawk bun lai chu hlipin ke lawnga zawh a tum ta tlut mai a. Sub. Pakunga chuan, “Khati kha chuan kal suh, i pheikhawk kha bun leh zawk rawh. Ke lawnga i kal chuan rei lo teah i ke a na ang a, a buaithlak ang. Pheikhawk huh te chu a tihro leh theih a, ke na chu tihdam leh chhung a rei a ni. Pheikhawk huh ai chuan ke damna a pawimawh zawk,” a lo tihsak ngawt mai a.
MacDonald Sap ngaihdan a lo ni lo nasa mai, “Chuti tea i tih, ka pheikhawk hi i pheikhawk ang, Sawrkar pheikhawk a ni ve hlei nem! London-a pheikhawk tha chi ka lei asin, lui dung zawhpui atan ka phal lo,” a ti teu ta hlur mai a. Mahse rei lo te hnuah chuan a ke chu a na tan ta a, “Pakung, i sawi chu a lo dik e,” a ti a, a pheikhawk chu a bun leh ta a.
Luite dung an zawh chhuah hnu chuan lei charah an kal ta a. An kal lai mek chuan chul ram hi an thleng ta a, tah chuan thingkung lian pui mai lo halin a kan hlum avanga lo ding tawl zuah mai hi MacDonald Sap chuan a han hmu a, a bulah dingin a han thlir chiang a, chek vawng vawng chung hian, “Hetiang tiat ni thei tur hian kum tam tak i hman a ngai a, mahse lo hal hun chhung darkar rei lo teah tihhlum i la ni ta si a, ka va han ui tak che em!” ti meuhin chu thing lo thi chu pawi a tihzia chu a chham chhuak. Tichuan an kal zel a, tlai lamah Pu Hrangchhunga thihsan Hriphaw khua, a fate puitlin hmaa a nau Sub. Pakunga lo awpsak tur khua chu an thleng a, ni hnih lai an chamchilh a.
Chumi zawh chuan indonaa a thawhthat avanga Sawrkarin Sub.Pakunga hnena ram a pek tur Goboicherra chu an zuk fang ta a.An ram fan Goboicherra khawper Kanhmun khuaa an riah zan chuan an ral lehlam Tripura ram chhunga Damcherra Bazar chu zan rei tawh hnuah a kang vak mai a.
MacDonald Sap pawh chu va thelh nghal turin a tlan phei ve nghal thuai a. Chu kang thelhnaa a taimak leh huaisen zia chu sawi hat a tling a ni.Mahse chu zan chuan Superintendent of Lushai Hills tih an hre lo va, thingpui huan Sapah an ngai mai a ni.
Sub.Pakunga ram awp turte an en fel zawh chuan khaw dangah MacDonald Sapin tih tur a khek thatte dap chhuak turin an kal ta a. Khaw pakhat ( a hming chu sawi lo mai ila) chu khua a thim thut thut tawh tihah hian an lut a, khaw hmawr fem lama hmeithai in pakhatah an thleng a.
Zanah chuan vak chhuak lovin, chu hmeithai ina lo chuangkaite chu a hming leh tunge a nih pawh sawi lang lo hian nelawm takin a lo kawm hlawm a. Anni ho pawh chuan nel takin an kawm a, an inkawmhonaa an ti ti khawchang atang chuan Bawrhsap chuan a thil hriat duhte chu a hre thei ta thuai mai a. Mahse chhuak vak lovin Sub.Pakunga nen chuan mutna an siam a, an mu ta a.
A tuk zingah chuan an han vak chhuak ta a, mahse mi ina leng lut lovin khawlaiah an tawi a, mi an hmuhte chu ti ti puiin chu khua a in awmte chu a neitu an zawt lawr dan dan a. In hrang hrang neitu chhungkaw pa berte hming an hriat hnu chuan tukthuan ei khamah an pawn chhuak dun leh ta a.
Chutih hun chuan lo lama hnathawk tur tam zawk chu an feh chhuak tawh a. MacDonald Sap chuan in pakhat chu a pan ding nulh mai a. Kawngkapui lam atang pawha lut lovin kawmchar lam kawngka atangin chu inah chuan a lut ta thut mai a.In chhungah chuan nu pakhat leh naupang ho chauh an lo awm a. Zaidam tak hian, “Khawnge in pa?” tiin a han zawt a. Nu chuan, “A zin chhuak a, a zin chhuahna pawh kar khat lai a tling tawh,” tiin a chhang a.
MacDonald Sap chuan in chhung chu a han thlir kual a, khum mawnga an thul hun chu a han hmu a, “In thul chu a va tha ve” tih pahin a hawng a. A chhungah chuan sana pakhat hi a lo awm a. A sana bun lai nen chuan a thlek tawn a, hun pawh a lo vawng dik hle a. “Eng hunahte nge in sana chabi hi in pek thin?” tiin a han zawt a. Nu chuan, “Kan pa’n midang khawih ve hi a phal lo va, tikhan midang khawih theih loh turin a thukru a. Amah lo chuan chahbi pawh kan pe thiam lo, amah zawh ngawt loh chuan a chabi pek hun pawh kan hriatpui lo ani.” tiin a chhang leh a.
Sub. Pakunga hnenah chuan MacDonald Sap chuan, ” En teh, hetiang sana hi li pek loh chuan darkar 24 bak a nung thei lo va, a li pawh a la khauh tha khawp mai. An nuin an pa karkhat lai zin bo tawh anga a sawi hi a zin hla vak lo a nih hi,” a ti sup a, chu in chu an chhuahsan ta a.
An thlen in lamah an let leh a, an insiam sawk sawk a, zin chhuak turin an kal chhuak ta a. Mahse mite’n khua chhuahsan tawha an ngaih vek tawh hnuah chuan an kir leh a, an thlen in pangngaiah bawk chuan an innghat leh a, nilengin pawn lama inlar chhuak lovin an awm ta a. An awm mai mai pah chuan MacDonald Sap chuan bur ruak hi bawng thiah a siam a, zan pawh an riak leh ta a.
Zan rei tawh hnu chuan MacDonald Sap chu a tho va, a bawng-thi siam keng chuan sana neite kawmthlanga an fu huanah chuan pal keu awng chawpin a lut ta a. Bawng peh ri niawm takin fu hnahte chu a tiri suat suat a, a khat tawkin a bawng-thi ken chu a tiri ruk ruk bawk a. “Bawng, bawng” ti a thawm an rawn neih veleh chuan tlan chhuak niawm takin a reh daih a, a hnuah thawm a nei zui leh mai thin a.
A tawpah huan neitupa thinin a tuar ta lo va, thingfak nen a zuang chhuak a, “Chu bawng phiangsen chu zanin taka in nghal vei chu! Tu bawng pawh nila ka pawi khawihtu chu i chak lo viau ang” ti chungin thinrim engphiarin a huan chhungah chuan a tlan lut a. Bawng-thi rik ruk rukna a thlen chuanin MacDonald Sap chuan, “Che sawn tawh suh, i chet sawn vaih chuan ka kap ang che.
Mizoram Bawrhsapin ka man che a ni,” a lo ti thum dut mai a. A man hnu chuan a hruai chhuak a, dawp pawh dawp kual set set lovin, ” I opium kawl zawng zawng rawn la chhuak rawh, Sawrkar phal loh thil i zawrh avangin i chungthu ka ngaihtuah dawn a ni,” a ti ta rup mai a. Ani pawh chu khur zawih zawihin a inpuang fai ta vek mai a.
Part II lama chhunzawmah ti tawh ang, thui kan ti tawh ang e...(TSA’n min request teh reng a nih kha)!
Similar Posts:
- Bawrhsap MacDonald leh Sub.Pakunga Khawthlang Zin Chanchin II !
- Bawng Vulh Maw!?
- Sub. Pakunga, Mizo lal huaisen.
- Sub. Pakunga bawk kha (Zoram Upa pawl sulsutu a ni)
- Rinawmna leh Tlawmngaihna a thi lo!
August 8th, 2011 at 2:32 pm
Lal pu Lushai post tha lehpek ve! Photo nen thlap lehnghal.
Ka tum ve trum hi chuan tuman min 1st khalh thei lo chu ni!
Report this comment
August 8th, 2011 at 2:42 pm
chhiarchhuak thlap,tiang lampang hi chhiar anuam ka tih zawngtak
thlalak erawh ka en thei lo.
@BMW chhiar miah lovin comment pek tur emi?he he
Report this comment
August 8th, 2011 at 2:43 pm
E khai, a lo chhuak a ni maw….? @bmw: Weekend lamah reh vang vang a, week days ah i rawn parh hma leh si ve
Report this comment
August 8th, 2011 at 2:43 pm
post tha tak ani
Report this comment
August 8th, 2011 at 2:47 pm
@ceeagch: speed reading course ka attend hian min pui tak² a ni
Chhiar chak dan formula a lo awm thlap alawm le!
Report this comment
August 8th, 2011 at 2:47 pm
#4:Chhiar chhuak hman meuh maw ? kei pawh thlalak ka hmu thei miah lo!
Report this comment
August 8th, 2011 at 2:52 pm
Nghatun thankin lu han khel a van chakawm em !!!! Ngha-hrangchal lu nen hian enge tui zawk ang aw….???
Tun thla August leh Sept/Oct hi tui a fim viau tawh emaw tih hian a la khauh tha khawp mai. Fimkhur hun lai tak a ni. Lengpui kai ka tum a, ka chesual teuh khawp mai!
Report this comment
August 8th, 2011 at 2:53 pm
Che nalh ve aw! Ngaihnawm hle mai. Sangha ber mai kha han chhum ila, a tuihang a tui dawn em mai!
Report this comment
August 8th, 2011 at 2:58 pm
@Chawnghilh: Para then dan hi kan Adminte hian a content chhiar chiang mang lo hian an then ta fo mai! A tawp para then dan khi chu ka siam chu a ni lo a ni auh !
Kan Bawrsap chu para khatah hian han tawng zo hram se la aw….te ka lo ti ve mai mai a!
Report this comment
August 8th, 2011 at 3:02 pm
lushai_er: I picture dah dan mai mai chu, engtinnge khitianga i dah thiam zawk a. hehe
mac donald-a ka vawikhat hmuhna, a thlalak ringawt pawh. A hming kan hriat lar na a rei tawh nen.
Report this comment
August 8th, 2011 at 3:10 pm
@funny : Pic ka hmu ve thei lo…………….!
Engtin nge a lan pawh ka hisap thiam lo….XP ka hmanga plugins load loh ka nei teh reng em maw ni le?
https://i1093.photobucket.com/a.....Donald.jpg hian a lang
Report this comment
August 8th, 2011 at 3:15 pm
Keipawh a lang nghal lo, a link a dik thlap sia wordpress hian link pangngai anga lo detect mai awm tak ania. a link khi copy a, bar a paste chuan a kal naturah (thlalak) a kal tho sia, link ang nilo thu pangngai angin a awm tlat anih ber khi.
Report this comment
August 8th, 2011 at 3:18 pm
@lushai, win XP i la hmang maw? awiii, you must be working for the govt then
telephone pawh rotary dial chi i office ah i la hmang hial lo maw?
Report this comment
August 8th, 2011 at 3:29 pm
Opium hi Mizote hian “KANI” kan ti em kha ? Drug Trafficking lamah hian kan va lo advance awm ve ?
misual.commer ho khan min hrilh thei in awm chuan Asus Slider tablet hi an release tawh em aw? A man engzat vel nge min hrilh thei in awm em?
https://www.techclap.com/news/a.....blet/7403/
Report this comment
August 8th, 2011 at 3:35 pm
@bmw : Ka laptop hi HP Pavillion tx1000 Win Vista Home Premium 2007 kum a ka lei kha a la ni ve…..Mahse ka sofware hman ho hian a compatible loh avangin XP-ah ka let leh a ni jokes
Ka SW hman hi 98 kuma mi te kha an la ni hlawm a….Version thar hi tha viau mahse Hardware upgrade loh chuan a speed a muang hma khawp mai!
Kan Desktop PC-ah chuan Win7 chu awm ve ran e…
Report this comment
August 8th, 2011 at 3:44 pm
Ngaìhnawm leh pek e. “Two of a kind” an ni maw. Pakunga sawi khi 100% in ka pawm, Pathian mi dik takte do dal hi chu, “Van ek khum ang” ani. Anmahni’n an tuar chawk. Mac Donald Sap chu a chanchin hriat tam poh leh a ngaihsanawm mai a.
Report this comment
August 8th, 2011 at 3:51 pm
A ngaihnawm hle char2 mai.
lushai_er #9 i sawi khi ka thu thehlh fahhrah te teah pawh a ni ta fo tho mai. Para a then dawn a tel tur te kha a hma para an dahah tlar sentence khat te an telh hram thin. “Hlawm khat atan a thui tawk tawh e,” tiin an then ngawt thin em ni ka ti hial asin.
Report this comment
August 8th, 2011 at 3:51 pm
Lushai_er chu thu hlui i phawrh ngaihnawm thei hle mai (Y), an ngainawm in chhiar a nuam phian zel bawk si.
Report this comment
August 8th, 2011 at 3:53 pm
#14 Kâni thlukna ka dah dan a dik em ka hrelo… ‘A’ lai khi thluk hniam niin ka hria.
Report this comment
August 8th, 2011 at 4:01 pm
lushai_er hian autocad i hmang nasa awm!!!
Report this comment
August 8th, 2011 at 4:15 pm
Ngaihnawm kher mai a, thlalak chu a reitawh awm nen a fiah phian mai a. Tin, ril pawh a ti tam bawk sangha khian.
Part II ka lo chang khiau e.
Report this comment
August 8th, 2011 at 4:20 pm
@sillyBoy : Acad chiah pawh ani lo, Add on ho mai mai a lawm
Tin, hman thiam te hi a awm ve bawk a…!
@lrp : Ty, engtik nge Tuipui ral lam i pan dawn?
@H.V : Nia, post a tam thei si a, ka hrethiam tho mai! an fimkhur ve viau turah ka ngai a, a awm leh zauh zauh chauh zawk a ni.
Report this comment
August 8th, 2011 at 4:25 pm
A va ngaihnawm ve le! Hetiang ziahna lehkhabu hi ka la hmu ve ngai miah lo pek a, remchangah ka la zawng chiam ang.
Report this comment
August 8th, 2011 at 4:30 pm
Part II chhiar thuai thuai ava chakawm ve le.
Nghatun hi ka ei tam lo na in, nghavang/ Vangpui hi a tui ber mai in ka hria.
Report this comment
August 8th, 2011 at 4:41 pm
Kanhmun..atang hian dap-lei a zawhin Langkaih lui kan kan a, Damcherra Bazarah kan va bazar a chempui ka lei ve tawh ….a lung len thlak mange….
A ngaihnawm hle mai
Report this comment
August 8th, 2011 at 4:43 pm
Thlalak khi a legend a awm si lo a, khawi zawk/ber khi nge MacDonald ni-a khawi zawk/ber khi nge Pu Pakunga tih hriat a har deuh a nih khi maw le!
Report this comment
August 8th, 2011 at 4:52 pm
van ngaihnawm ve, hei chu save hmak chi.
Report this comment
August 8th, 2011 at 4:59 pm
Ka chhiar thuak thuak rih a, a ngaihnawm thuak thuak rih e. Sub. Pakunga hian sipai lamah ‘ber’ nihna a nei nual.
Report this comment
August 8th, 2011 at 5:11 pm
Post Comment-tute, chhiartute amah PKfanai tih dan takin “lawmthu’ ka sawi e. Kan Post thenkhat comment tam vak pawh ka rin mang lohvah comment a tam zek laiin, comment antam ka rin na postah comment an awm leh mang lo fo mai….! Engpawh nise lawmthu kan sawi ve duh a ni e :chhuak nghal:
Report this comment
August 8th, 2011 at 5:16 pm
@Lushai_er..1 sept ka tum deuh, 29 velah ka rawn chhuk ang, fonzie a te nen kan ti ti leh ang chu..
Report this comment
August 8th, 2011 at 6:11 pm
Ka chhiar chhuak ta chiah e. Pathiana innghat ngam poh leh a thil tih chu a lang chiang thin a ni. Part 2 ka nghakhlel. Khi ai khian a ngaihnawm zawk dawn tih ka hria! Thanks Lushai!
Report this comment
August 8th, 2011 at 6:16 pm
Tlawng luiah hian lawng engtiata lian nge kal ve thei re2 le?
Chuan sairang atang hian eng thleng nge lawng kal thei? Vairampur a thleng thei em?
Report this comment
August 8th, 2011 at 7:05 pm
A ngaihnawm hle mai, history hriat loh tam tak min han hlui leh a ka’n lawm khawp mai.
Report this comment
August 8th, 2011 at 7:40 pm
Bawrhsap chu fing hle mai. Opium pawh chu anlo va uar hma ve maw le. Mizo ho khan anlo ti ve thin tawh tihna a mawn le.
Tlawnglui hi a hnar atangin hmun hrang hrangah ka kan ve tawh, a daihzai em a, ka hrethiam hrep love.
Report this comment
August 8th, 2011 at 7:54 pm
Thlalak en theilo te tan. Macdonald sap nupui mal no zia khi, feng chhing ve hle mai, teu teu teu. Chukss
Report this comment
August 8th, 2011 at 8:12 pm
35
Pc-a # Khai a… ilo hmu TAI deuh mai alaw
Pu MaC Donald a kekawr bul sei zia khi aw…
Report this comment
August 8th, 2011 at 8:21 pm
A huaisen hle mai,tunkai chu nise constable an tir maithei!
Report this comment
August 8th, 2011 at 8:34 pm
“Luidung tluanin ramhnuai ngaw dur ruih mai a ni. Hmun thenkhatah erawh chuan Pu Chuaian Teak a phun nual tawh a, Suarhliap leh Bairabi pawh ser huan an siam nual tawh bawk.”
Pu Chuaia hi Mizorama Kut hnathawhah chuan a tluk an awm tawh lovang tih khawp hial a Pa Taima a ni. Kum 1946 chuan Serthlum nasa takin an ching tawh a…….!
Tlawng kam huan siam dan hi rem changah a hranpa in rawn post kan tum dawn nia.
Report this comment
August 8th, 2011 at 8:58 pm
Tunhma chuan Tlawng hi phai lam a tang a chak lakluh na ber a ni e. Changsil kai te kha a lar thei zek
Report this comment
August 8th, 2011 at 9:49 pm
A Er. subject loh tehreng nen; i ziak ngaihnawm hle mai a. Helam pang hi i hriat viau hi mawle!
Report this comment
August 8th, 2011 at 10:05 pm
Thil hlui, ngaihnawm, common lo post tur i hre thei hle mai. A ngaihnawm thin e
Report this comment
August 8th, 2011 at 10:13 pm
#32, Lily : Google Earth i nei nange? I la neih loh chuan down load nghal rawh..!
Hei tlawng dung chu kan teh chhin a, a accurate vak lo mai thei; mahse general idea a neih theih ang.
Tlawng dung
Sairang –0.00Km
Hortoki-45.00 Km
Suarhliap – 76.50 Km
Bairabi – 81.60 Km
Kukicherra -123.00 Km
Katlicherra -130.55 Km : Katlicherra hi Silchar kawng riahna tawp ber a ni mai thei. Dwarbond lamah an kal chuan.
Katakhal – 210.30 Km : Hetah hian Tuiruang nen a infin.
Badarpur -222.30 Km
Karimganj -250.50 Km
Choria -275.60 Km
Syhlet -370.00 Km
Ti hian Syhlet atang hian Dacca a tlang thei bawk.
Report this comment
August 8th, 2011 at 10:16 pm
#40, @Teatak2 : Ka ziah leh ka phuah a ni lo. Ka source khi a chiang em aw…….! Engg subject kan post vak te chuan comment tur kan van viau ang tih te a hlauhawm a lawm le
Report this comment
August 8th, 2011 at 10:27 pm
Hmanlai Shillong lehkha zir tura kalkawng hi tunlai chuan a dang tih hriat a pawimawh. Bangladesh kha Undivided India huam chhung anih kha hre reng ila. Lalaghat atang hian Rel an man a, Syhlet an pan thin.
Rev.Dr.Zairema[L] ziak danah chuan ni-4 tlawng dungah an riak tlang pui thin. Ka Pu sawi dan nen pawh a inang.
Fur lai chuan kal chhung a rei lo deuh ngei ang, mahse a risky ve deuh mai thei!
Report this comment