Khawvela ram naupang ber Sudan ram atanga indang, South Sudan chuan vawiin hian thla khat a lo tling ve ta.
He ram thar Republic of the South Sudan hi a ri tute chu: Ethiopia to the east; Kenya to the southeast; Uganda to the south; the Democratic Republic of the Congo to the southwest; the Central African Republic to the west; leh Sudan to the north-te anni.
Sudan ram pumpui (N&S Sudan) hian British awpna atangin 1956, kumthar ni khan zalenna a hmua; chhim leh hmar lama awmte chu inlungrual lovin indan duhin nasa takin an innawra; 1972-ah Civil War a chhuah phah hial a nih kha.
Kha buaina khan kum sawm tha zet a awha; thangkhat lian zet inrema an awm leh hnuin an buai leha; an inrem leha, chuti reng reng chuan tun thleng hian a khat tawkin nunna chan chu an la awm reng a ni.
Hetia independent ram an lo nih ve takah chuan African Union chuan an member 54-na atan an pawm tawh nghe nghe. Tin, Arab League paw’n full membership an pek theih thu an sawi bawk.
South Sudan rama an tawng tlanglawn ber chu English a nia; Kristian leh Islam sakhaw zuitu an tam bera; sakhaw tenau neuh neuh leh atheist thlengin an awm ve a ni. An capital chu Juba a nia; an ram pumpui hi 239,285 sq mi a zau a ni. A ram population chu 8,260,490 anniin heihi 2008 cencus a nih avangin a danglam tawh rin a ni. ‘South Sudanese pound’ hi an pawisa hming ve a ni.
South Sudan hi tuialhthei lama hausa tak anni chungin a hringtute atanga ram hnufual tak annia. Hmeichhe zinga 84% in ziak leh chhiar an thiam loh bakah naupang kum 13 hnuai lam chu lehkha zir lo an tam zawk a ni.Kumtin naupang pasarih zela pakhat chu an thi ziah anga ngaih anni hial. Sorkar hrang nei tawh mahse, hel pawl lian tak tak pasarih lai a ram chhunga an awm ve avangin a ram dinhmun hi a thalo hle.
Nimin khan hemi rama tlangval pakhat nen hna kan thawk dun hlauh maia; a hunlai khan ka lo hre lo naa; ka beng a verh ta zar maia; kan sawi dun bakah tarnet lamah ka thiam tawk tawkin ka zawng kual ve ta a ni. Ka lawm e.
Similar Posts:
- Sudan sorkar-in Mizo tlangval sawisak hlum pawi a ti.
- Boarding School leh Naupang khuaikhem.
- AR-in phùl lem dahsawn an remti lo!
- Republic Day a Mizoram Tableau
- Mizo naupang pahnih in huaisen lawmman la
August 9th, 2011 at 5:47 am
A la naupang ngei mai.
August 9th, 2011 at 5:48 am
Sudan nen thil chifel tur tam tak an la nei. An tuialhthei thlitfimna hmun tam zawkte chu Sudan ramah a awm.
August 9th, 2011 at 5:51 am
Sudanese thian ka neih te chu an fel khawpmai, fiam thu an dawl zo in an mahni pawhin fiamthu an duh. Remna leh muana tluantling an neih theih ka duk sak hle
August 9th, 2011 at 6:13 am
Bengvarthlak e. Hman deuh khan sudanese ho khat inkhelhna ah mizo tlagval nunna an lak kha…kha2 egtinge ni xel..
August 9th, 2011 at 6:54 am
beng a var leh ta sawt mai.
August 9th, 2011 at 8:27 am
Post bengvar thlak tak a nih hi.
August 9th, 2011 at 9:33 am
min u a ngai tlat mai…
August 9th, 2011 at 10:40 am
A la naupang hle mai tak a, ka la hriat loh hlir a ni i rawn sawi ni. Ka hlawk leh ta.
August 9th, 2011 at 12:09 pm
A ram hi naupang mahse, a mi chengte hi an dum ve tho angem le…bengvarthlak e.
August 9th, 2011 at 1:26 pm
A tha lituk top.
August 9th, 2011 at 2:40 pm
van tha ve aw! nia, 4 zawhna khi tunge chhang thei ang aww?
August 16th, 2011 at 2:26 am
Test
August 16th, 2011 at 2:28 am
Test again
August 16th, 2011 at 2:29 am
again