mi(sual).com

Kha zan, Thlanmual chhak hnim buk phena ngam leh ngam lo chunga i hmui lum nal pelh mai ka fawhsak zan che kha, ka tan hun pawimawh tak a ni a.

Hmeichhia ka fawh hmasak ber zan kha theihnghilh leh theih rual lohvin ka nunah hian a nghet asin! Tun hnua ka ngaihtuah let hian i lo zei lo ve ngawt mai ka ti rilru thin, mahse, a bul tantu leh a zei zawk ni-a inngai kei lah kha ka vawikhatna ve tho a ni si. Engpawh nise, khami zan khan hlawhtling ka inti rilru veng veng a nih kha.

Rei pawh bo ngam lovin kan thiante pawh leh vat turin kan inkai chhuak a. Thinlung hmun khat puin, hmui tuai vat vat chungin hmanhmawh takin kan chho ni ta niin ka hria.

Khatih hun laia English thumal pakhat ‘Kiss’ hrilhfiah nana kan hman fiam thin, ‘Exchange of Saliva’ tih kha kan in exchange hman meuh pawhin ka hre lo. Mahse, a tak ram ka dai ve tlat tawh, ka lawm tawk a tling vet vet em! Tin, ka kiss chak ber i nih rei tawh em avang leh, ka ngam ngang thin si loh avang khan, kei chu kha zan khan kei chu thangchhuahpa ni ve hiala mawi ka ni.

‘Rah chin apiang kan ram’ tih hi thu dik a lo ni. Khami hnu atang kha chuan remchang a awm phawt chuan kan in Kiss ta fo a nih kha. Zir tir hran ngai lovin, zei pawh kan zei dun ve sawt ta viau niin ka hria. Vawi khat Kiss ringawt tur che a, i chhungte mut hun ka nghah rei thin zia te leh, ka nghah chhuah tak loh tum a tam ziate kha!

Rem leh rem lova, kawngka pawnlam lang lo chiaha kan ‘zuai’ tum te, chu tak ngial pawh a rem loh tuma ka haw ‘hil’ tak zan te… Tin, beidawng duh chuang lova a zan leha ka lo kal leh ziah thin dan te kha..! IN KISS HI A LO VA HLU EM!

Misual mipa ho hian (hmeichhia chu ka phut ngam lo mai), in hmeichhe fawh hmasak ber tum kha in la hre thei em? Sawi tur ngaihnawm tak tak in nei fur lo maw? Han sawi khawm mai mai teh ang u hmiang.

Ka post khat em a, run dalah ka rawn ti ve hram a ni e.

Similar Posts:

• Urlawk zan “kiss”
• In kiss hi sual a ni thei em?
• Sawrkarin hna 21 la dawn
• Zei Book – Part 3
• In kiss kan ni em?

Recent Posts:

• mi(sual) member piancham!
• Kal dem dem.
• Nova’n Anchhia A Lawh Sual Emni? {:Sunday Pual:}
• Beiseina nung (Pathianni pualin)
• Burma-ah ka zin Part – IV (Tuingo khuaa lung satel mak an tih kha)

This entry was posted on Thursday, August 25th, 2011 at 1:28 pm and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.