Motor (ke pali nei) neih zawh ve loh chuan two wheeler hi tar thlengin kan khalh dawn anih hmel khawp mai, dinhmun leh eizawnna in a mamawh miau bawk sia. Mahse two wheeler nei ah chuan mahni neih ang nei ve ngai thei lo ber pawl ka ni ta ve ang!
Traffic jam karah kawnglai takah motor leh motor inkarah kan inzep phei a, two wheeler meuh pawh muangchanga kan kal det det leh kan din tlar phei ve put te pawh a tam ta hle mai.
Chutah tak chuan dawhthei lo fal leh hmanhmawh over zual, thin tertek nei ho an nih ka ring, two wheeler ve tho, lane khata intlar ve mai duhlo rawn tlan phei puat puat thin ho hi…traffic ti jam belhchhahtu leh midang tana harsatna siamtu an ni ziah, ka rilru in anchhia ka lawh mawlh mawlh thin, tlu tawp mahse ka pui hauh lovang!
Tlangval bike neiah chuan ka induh ve na thin chu ka tlanchak ve ngailo leh ka tlan puat puat ve thin lo hi a ni mai awm e, a bak chu han inchhuanna tur ka nei tlem hle..
Zan khat chu, ka nula rimna atang zan dar 11:30pm velah ka haw a, Solomon`s cave kawt atang sawn Tripper hi ka hma ah a tlan a, ka hmanhmawh vak ngailoh avang leh ka bike khalh hrim hrim hi ka cool theih thin em vangin dawh thei takin kawng min ken hun ka nghak phei a, tlanpelh tum em em ang pawn ka lang duh lova, chuan kan tlan zela, sipai canteen luh thlakna zawn kan pel phei a,tunhma a, mitdel zaina thin zawn velah tak mai khan chu tripper chuan kawng min kian ta a, signal light pe meuh hian kawng min kian a ni..!
Chu tripper lian zet mai chu a chanve ka tlan pel chauh tih ah chuan ka lam hawi zawng chuan a rawn her phut mai a, ka te thawt a, tleirawl bike khalh chuan khalh ila chu ka thi chiang ngawt ang…mahse ka tlanchak loh avang chauhin ka hmuchiang hman a, ka ding chawt a, chu zan reh tawh takah chuan ZAWNGSEN ka ti tuarh a..ka tlan pel a, a hma ah tak chuan ka va ding chat a.
Aizawl police station ah ka han tlan lut anga ka report dawn nge, kan venga ka thiante ka pun anga, truck liante chu kan umpha vat awm sia thianho in kan chingfel mai dawn em niang? tiin ka in ngaihtuah nghal zung zung bawk a.
Ka thianpa thusawi ka hrechhuak nghal zawk bawk a, bike in a thianpa nen an in phur a, an hmaa truck tlan chuan kawng a kian duh miah lova, kawng zau lai an thlen chuan an tlanpel fua a, kawnglai takah dingin chu truck chu an lo ti dinga, mahse a chhungah chuan patling pali zet mai hi an lo chuang a, tiang leh hmanraw lian pui pui kengin an rawn zuangthla a, kan tlanchhe leh ta ringawt, a tihte kha ka hre chhuak rum rum bawk a.
Keimah chauh ka ni bawk si, tripper lah chu a ding ve hmiah bawk a, a headlight a off miah bawk silo, a hma ah chuan engzat nge thu ka va hre bawk silo, zan a reh tawh bawk si. second 30 vel pawh kha rei tak a ni.
Tlawm hreh bawk si, va pawr hmasak ngam chiah tawh bawk silo, tlanchhe zawk leh dawih zawk nih hreh bawk si, dik ni a inhre bawk si…dinhmun laklawh taka awm chung chuan muang changin ka tlan chhuak leh ta a…thiante pawh pun ta lo chuan police ah pawh chuan ka report ta bawk lova… ( a vawikhatna )
To be continued….
Similar Posts:
- Mizoram Kawng
- 2nd.Bn MAP Constable Truck-in a chil hlum
- MLA vengtuten police driver kut an thlak
- Bike accident ah mi pakhat boral
- Kan Himna Kulh
A BVT hle mai. PIC chu a hmuhnawmin...
August 25th, 2011 at 9:00 am
Report this comment
August 25th, 2011 at 9:06 am
Hmanhmawh over ho hi an ninawm duh phian!
Report this comment
August 25th, 2011 at 9:11 am
Driver in a mah aia mawl zel handyman ah an chhawr si a, Truck Driver mawl pui pui an pung zel ang.
Report this comment
August 25th, 2011 at 9:24 am
A tha dawn e….
Report this comment
August 25th, 2011 at 9:29 am
Chandmary to chaltlang chho ah sawn kei pawh vawi khat chu, taxi min pass tha duh lo deuh hi rem changah ka tlan pel thut a, a hma ah muang tawk, tlan/speed ti lai tawkin kan tlan ve a nih kha, chaltlang dawrkawn thlen meuh chuan kan lo in zui sei hman khawp chu niin,
taxi driver chuan ‘i va mawl ve’, a rawn tia, kei chuan ‘nia mawl deuh a sin ka nih’ kan ti mai chu(h) a sa teh mai a sin..
(zan reh lam chu ni ve se ka ngam bik kher lo mai thei 
)
mi reng reng chu min treat dan ang zel a treat ve hi ka ngaihdan/duhdan a nia kei chu..dah mai a…
@3 hahahahah
Report this comment
August 25th, 2011 at 9:35 am
Police hnenah pawh report mah la, engtin vak in nge an tih ang ni? Truck chu a tlan liam daih hman tawh awm si a. A driver chu a mawl hmel hle mai. Dan dik taka driving licence la ni se chuan hetianga motor khalh thu a awm lo.
Report this comment
August 25th, 2011 at 9:41 am
Tipper driver kha ka nih kha, I bike a tang khan rawn chhuk na la chuan ka thian te nen khan kan sawisa zek ang che.. Kha mi zan khan i van nei khawp mai, na tuar lovin i haw thei a…PHIAMTHU…
Be cautious while overtaking tih leh expect the unexpected tih hi vawn reng a tha awm e.
Report this comment
August 25th, 2011 at 9:48 am
Ka naupan rilru hi kei chu ka la paih hleithei lo… A free laiah chuan han in tlan pelh vel hi nuam ka la ti tlats…Ka fapa pawh hian ‘ I tar tawh nen , i la khalh tleirawl thrin em mai! ‘ tiin mi khak fo mai… nuam ve tlats… Ka sim dawn chuang lo rengs.
Report this comment
August 25th, 2011 at 10:10 am
No Comment.
Report this comment
August 25th, 2011 at 10:18 am
Bike khalh ho hi in thinchhe tlangpui em ni..
Report this comment
August 25th, 2011 at 10:22 am
Speed pangngai maintain lova tlan hi ka hne thung. ‘Right of way’ awmze nei map lova lo tikhaihlak thinho hi ka ning bang thei lo. Mawl em em vang pawh a ni bawk lo vang, kan ramah hian traffic etiquette hi chu kan la tlachham chiang a ni. Mi ramah kan lo khalh sil ve nial nual tawh a, a kaida zawng a dang deuh a nih ber mai hi … MVA/MVI passed chhuak rau rau-te hi!
Report this comment
August 25th, 2011 at 11:16 am
Nikum khan Champhai ah tiang lo deuh hi ka tawng tawh a. Car ka khalh a, mit that loh nen Sumo leh a aia lian khalh ten light min down sak duh lova. A harsat loh nen ngeiawm duh tak a ni. Hei mai pawh a nilo chho zawng a tlan pawhin min side tha duh miah lo lehnghal. Gear lian lak zel a ngai a, zin dak lam tawh a ni bawk nen petrol uihawm duh khawp mai. Ka number dan vang kha a maw ni aw ka ti ta mai mai.
A dang ve thung, Champhaiah tho, zanah Zotlang lamah damdawiin panin kan kal a. Ruah a sur cherh cherh a chhum a zing bawk nen, zurui pakhat hi kawngsirh a lo ding a ka light alo en vung a, a mit a vai ta a niang kawngsir tui hawk ah an let tawp mai a. Nuih za si ka khawngaih bawk si nuam lo duh a nia aw.
Report this comment
August 25th, 2011 at 11:16 am
Kei pawh zan khat champhai phai pheiah truck nen kan intawk a, kawng a zim si head light a high tlat mai a.
Engmah ka hmuthei silo light bak chu, kawng laiah ka ding tawp a, ka thin hi a nel teh chiam lo nen ka chhuk a ka va phei a, (i sawi ang 2nd thought khi nei miah lo) vanneih a siamin brtf truck a lo ni hlauh. Ka back let tir hrep a sin ni.
Kan thatna tur a nih chuan rik deuh rap rap pawh a tul chang a awm ve thin. Post tupa chu an tih leh che chuan a tul phawt chuan kut te pawh thlak deuh tawh teh.
Report this comment
August 25th, 2011 at 11:49 am
Nula i van rim rei em em em!!!
Report this comment
August 25th, 2011 at 12:05 pm
Lo rim rei thei riau a nih khi……..
Report this comment
August 25th, 2011 at 12:37 pm
Ivan dawih tak
noi
Report this comment
August 25th, 2011 at 12:40 pm
keipawh hmanah tawlailirin ka khalh a..truck side ka pe duh si lova….han ti dawn ila..
Report this comment
August 25th, 2011 at 12:52 pm
rim rei hle tak mai ahhh…lo lang ve leh thei ta….misual zawg2 te chibai uh….
Report this comment
August 25th, 2011 at 1:20 pm
Vawikhat ka ngei em em chu..R15 hian min tlanpel a,na ka ti lo..a hnuah kawngsirah min lo nghak a min rawn tlanpel nawn leh kher kha chu ka ngei ve khawp mai,ka um a beisei anih ka ring a mahse ka um ta chuang lem lo a:)
Part 2 nghahhlelhawm hle mai.
Report this comment
August 25th, 2011 at 1:45 pm
@19 kei pawh tiang deuh khian, hman deuh ah cbz in chaltlang chho ah tho min tlan leh pel,(select II neih lai) min nghak, min pel leh thin a, thin in a tuar ta lo a, mi rawn leh pel leh tur bang/kopang lam ah ka nek bet ta a le, kawipui thlen chhoh hma side drain (tuikhur bulah)-ah ZAWNG-a ti pah in a ri bur a sin le(h), karkhat vel ka len loh phah,(scoter number a chhinchhiah ka hlauh vangin) heheheh
Report this comment
August 25th, 2011 at 1:58 pm
#20 Va pa tiah tiah ve, a pilh ve phing pheng dawn chu, a thip chi in. A sim phah loh chuan i hmuh leh hunah ti leh rawh. Tiang ho hi ka ngei teh mai a nia. Tihpalh an hlauhawm si, an fimkhur bawk silo.
Report this comment
August 25th, 2011 at 2:50 pm
#20 hahaha thra lutuk tlat
Report this comment
August 25th, 2011 at 3:21 pm
Ngaihnawm tak a ni
“…signal light pe meuh hian kawng min kian a ni..!” signal light hi a petu ten an kalna tur lam an sawina tur zawka dah emaw ka tia
I khalh cool awm hle tak mai a hairehai
Report this comment
August 25th, 2011 at 3:35 pm
#23 a dik chiah.. Signal light pek hi kan thiam lo tlang a ni. Test poh paltlang mang lo va license nei kan tam vang pawh hi a niang. hahthlakkkk
Report this comment
August 25th, 2011 at 5:53 pm
Aizawl chanmari kawn bulah sawn trafic jam karah tlangval pakhatin scooty hian min rawn tlan pel thawt thawt a, a piah deuh lawkah chuan bike pakhat nen an intaia a lo tlu a, tlan pelh pahin “I hman hmawh thawt thawt lutuk a nih kha” ka ti hram, hetiang ho hi ka ngei ve tho
pakak #20 khi ka
top. Tifuh lo a inti ve fu maithei a ni. Hetiang ching ho hi income sang tak an awm ngai lo an ti 
Report this comment
August 25th, 2011 at 6:06 pm
Aizawl atangin bike in kolasib ka pan a, kawnpui dai ah scooter pakhat ka tlan pel a,in tih tlan chak vang pawh ni loin. A tlawm la in min rawn um vak mai. Kawnpui pelh chiah a BRTF ho lung lakna, kawngpui diak lutuk ah khan khawi nge ka dai ang aw tiin ka ding khawmuang, in ti expert tawkin a rawn tlan lut a, a diak lai takah an tlu thlawrh mai chu..nuih a za si, i na em ka va ti mai chu, rum zeta mi melh pahin na lo a ti thawp sut
Report this comment
August 25th, 2011 at 6:23 pm
Post tha lutuk. Aizawl ah hian a bikin two wheeler khalh manner hrelo an tam lutuk. Thih leh dam thil ni awm tak hian an han tlan fua fua mai a, han phar din a engvanga hmanhmawh ta viau nge an nih han zawh ka chak thin. Fimkhur tak pawhin kal ila fimkhurlo zar kan zo thin si a. Ka mit ngeia ka hmuh – Bike in Taxi a kan chuang min rawn tlan pel a, kan hmaah kawng nalah a tawlh tleu a,vanneihthlak takin midang a su lova, a bike chu a khamphei in hmalamah a in vawrh phei fua a, amah pawh na tiin a zi thawlh thawlh a, mit a hmu ve tu pa pakhat chuan a va pan phei a, a kaitho mai dawn emaw ka ti kha ‘Tho ta che, tinge i mut reng? I hmanhmawh ani lawm ni khati taka chaka i tlan’ a va tih hrep mai chu a hretute kan lo lawm ru vekin ka hria!!
Report this comment
August 25th, 2011 at 6:33 pm
Ka thianpa pakhatin min hrilh ka han sawi chhawng mai mai ange :-
” Kawnpui thlen hma fe ah khuan bike pakhat a lo chhia a, ka dinga ka han zawh chuan a ke a lo chhia a ni a, han siam mai ngaihna a awm si lova, kawnpui khua ah chuan ka tlan phei a, ka hmel hriat pakhat mechanic ka va phur a, kan siam sak ta a, chutia a bike a that tak hnu chuan a tinunga lawmthu pawh sawi lovin a tlan nal nal nia mawle. A lak beisei neia pui pawh ka ni lova, 2 wheeler nei theuh theuh kawng laka chhiat hi a hrehawm em a, theih tawp ka chhuahpui ve mai a nia, mahse khati teh tawpa a han kal leh mai kha chu lung a awi lo lek lek a ni” a tih chu mawle.
Neia khalh thei theuh theuh pawh hi a lo inan loh theih khawp mai.
Report this comment
August 25th, 2011 at 7:17 pm
#25 an income sang lo mahse an nu leh pa te income a sang tlangpui thung alawm
Hei pawh hi chhungkuaa in zirtir chi bawk anih hmel
Report this comment
August 25th, 2011 at 7:29 pm
@H.Vangchhia(#23):
Ka thlawp e.
Signal/Indicator light hi kawng in kenna tur emaw kan la ti tlat hi chu ka ngaimawh khawp mai. Traffic lampang mi in awm anih chuan lo ngaimawh ve deuh turin ka ngen nghal a che u.
Engpawh nise a ngaihnawm tho e
Report this comment
August 25th, 2011 at 7:36 pm
Chhawnbura#30, ni ngawt mai tiraw, motor a lian/a te khalh ho pawh hi signal light pek dan hre miah lo hi an awm nia. nula pakhat scootry khalh pawh a signal min pek dan a dik loh vangin tlan pelh pahin ka hrilh tawh.
Report this comment
August 25th, 2011 at 7:51 pm
Bike a proton vuah ho, ri ring tak tak a tlan fua fua hi lawm khamawm ber mai chu. Changkan loh thlak lutuk. An tlan chak lai taka lo phih thluk tawp hi ka chak thin.Tlu tawp mahse an chawh ka ti.
Bike ri ring tak leh tlan chak ho te tan. Traffic police ho hian man teh se.
Report this comment
August 25th, 2011 at 8:06 pm
Kan sawrkarin bike silencer modified/proton vuah a khap a, mahse proton vuah chunga khawlaia tlan an tam, trafic police lam lahin man tang’e an ti chuang lo. Kan ramah hi chuan dan pawisa lova tal huai ngam ngam hi an nihlawh mai a nih hmel.
ADA lamin in sak dan tur an han sawi ve lah chu a palzam huai ngam ngam an vannei emaw tih mai tur a ni, then khat laka an huangtau viau laiin kawng pui si deuh thaw a sa te pawh an khap lem lo a niang, hmuh tur a awm nual mai.
Dan hi miin min hauh loh vang leh man kan nih loh vanga ngaih pawimawh loh ngawt tur a ni lo, nakin zela kei mahni tana tha tur a ni tih hi kan hriat a tha khawp mai.
Report this comment
August 25th, 2011 at 9:37 pm
Indicator hian kan kalna tur zawk a indicate tur a ni tih hre lo motor khalh senior tak tak zingah hian an tam mai.
Kei chu Bike ka khalh hian engtin emaw hian ka awm a, kum10 velin ka naupang sawtin ka hre thin. A remchang lai a nih chuan tlan leu deuh fua chakna ka la nei tlat nia:-)
Report this comment
August 25th, 2011 at 10:03 pm
Min tlanpel nazawng hi ka chan ai chang pha an ni kherlo..
Report this comment
August 26th, 2011 at 1:27 am
Pathlawi..i article hi ngaihnawm ka ti zual bik a mi aw te ka ti thin a, mahse comment na reng reng hi i chhang ve ngai miah lova, zawhna a awm pawn! Tuna mi pawh hi ngaihnawm ka ti khawp mai, i thil tawn te thiam takin i rawn ziak chhuak thei zel a…engpawh nise,,,gusnise
Report this comment
August 27th, 2011 at 10:26 am
I nula rim i che chhe hran lo tih a hriat, hit fuh lo la chu….nula rim thinrim haw…triper driver lakah thinrim bok…kungfu show ni mai don nih chu….nula i rim fuh chu tihxia hle mai
Report this comment
December 19th, 2011 at 1:56 pm
Buaina lian tham awm tur hi chu pumpelh tum hram hram a tha. I kalsan leh chu i ti fuh zawkin ka hria.
Report this comment