Mizoram kawng chhia hi kan buaipui hlawm teh e! A chhe em bawk a ni. Mahse, tihian ka ngaihtuah ta mai mai a, kan kawng neih ve chhun te hi a te in a chep si a, kawng sir ah lirthei kan dah tlar thup mai bawk nen.Lirthei khalhtute lah a rem leh rem lo ngaihtuah lovin a theih anga chak a tlan kan lo duh ve tum hrang bawk si, rem leh rem lo ah chak deuh deuh hian kan in lehpel ang fua fua a. Kawng chhe deuh nei chuang hian lirthei accident, insut te, tlan chak lutuk avanga mi motor kawng sir a ding tha hle hle lai han sut chawrh mai te a vang hian nunna hlu tak kan hloh phah teuh teuh mai zawng a ni bawk si.
Tunah hian kawng mam tha tak tak hlir han nei mai ila chuan, a kawngin a zauh belh dawn chuang si lo, road divider kan nei lem bawk si lo a, kan lirthei khalh thiam tak tak te ho hian chak tak takin an han khalh ang a, kan insu buaih buaih fo mai ang tih erawh hi chu a hlauhawm hle chuan ka hria. Mizoram University kawng chhiat zia te khu, han tlan chak em em ngaihna awm miah lo khuan a chhe hneh ve a, chuti chung chuan motor insu palh, mi kawng kal lai su palh tih te hi a awm ve reng tho mai a, rulngan pa ang zarin han siam phei se chuan nunna kan hloh phuk phuk mai ang tih ka hlau thei khawp mai.
A bikin motor lian khalh tu te phei hi chuan kawng hi an inti neitu em em khawp a, a rem leh rem lo ah pawh motor te hi min kian tha duh der bawk si lo, kawng kawiah lah chak deuh deuh hian an lim puat puat a, kawng tha taka han tlan vak vak chi pawh an ni hrih lo in ka hria. Kan sawrkar kal ta zawng zawng te leh tuna sawrkar mek te hian kawng tha vak lo tlan theih tho si min hlui hi tha an ti tlang vek a nih duh hmel mang e te ka ti ta mai mai a.
Chuvang chuan tuna kawng chhe tak tak kan neih te hi kan him zawkna a lo ni mial lo maw? Saphoin “Blessing in disguise” an tih ang hi a nih ve theihna lai chu a awm in ka hria. Chutih rual rual chuan kawng tha tak ah, fimkhur tak maia lirthei khalh vek han ni ila chuan a nawm dan tur hi sawi ngaihna pawh a awm lo tepin ka ring!
Similar Posts:
- Tunge mawhphur ang!!!
- Aizawl khawpui kawng chhe lutuk leh traffic jam (A thling baw hawkin!)
- Rapper RDi Serchhipah chesual
- Ka ti mai mai thin!
- Mizoram kawng kam quarry
(Y)
October 20th, 2011 at 6:00 pm
Thil awm thei tak tur chu a ni.
Report this comment
October 20th, 2011 at 6:10 pm
nia
Report this comment
October 20th, 2011 at 6:19 pm
Ih, eng lo a nia. Kan eng lo lutuk a, hetiang renga kan eng lo zel chuan kan eng lo zel ang…lolz
Report this comment
October 20th, 2011 at 6:26 pm
A nih duh hmel. Mahse, khawvel ṭhang zel ina a ken tel leh a mamawh a ni miau bawk sia. Chetsual ka cho tihna ni lovin kawng ṭha chu ka thlang daih zawk.
Report this comment
October 20th, 2011 at 6:47 pm
Motor khalh dan a that loh vanga kawng chhe lutuk neih kher tur ani lo asin maw le. Parkna hmun awm loh chuan park loh mai tur, tih hi enforce that a ngai ani.
Report this comment
October 20th, 2011 at 7:00 pm
Accident thlenna hmun hi kawng thalai tak a ni duh khawp mai.
Kawng chu nei tha thut ila chu accident chu a tam phah ngeiin a rinawm, mahse zu khapna dan thlahzal kan sawi ang deuh a nia, fimkhur nachang kan hre thuai thoin a rinawm.
Report this comment
October 20th, 2011 at 7:10 pm
Kawng chhia hel na lama intihpalh pawh hi a tam asin…kan kawng hi chu ‘choose the following’ ani tawp…haha!!
I au rual ang u hmiang…
Hei kal(kidney) thalo ka neih phah der mai,taksa a han insawh tak2 hi chuan ngeih pawh an lo awm lo anih hi..
KAWNGPUI THA…KAWNGPUI THA…Haha!
Report this comment
October 20th, 2011 at 7:19 pm
Kawng chhia han sawi mawi lek lek mai chu!
Report this comment
October 20th, 2011 at 8:16 pm
Kan rilru mil tawk chiah kawng kan nei. A siamtuin ram hmangaihna rilru nei phak hauh lovin a siam a. A enkawltuten hmangaihna tel lovin kan enkawl chhunzawm leh a, kan ram kawng hian that a phu hlawl lo.
Pa fing inti tam tak zingah hian kawngpui chhe dawn mahse mahni in sakna rod chhut ngil inthlahrung lo engzat nge awm ang?
Report this comment
October 20th, 2011 at 8:41 pm
Enge kan duh….?
Report this comment
October 20th, 2011 at 8:42 pm
Kawng chhia avanga chetsual hi a tam zawk daih lo maw? Motor lah a tlo theilo, kei chuan kawng chhia ai chuan a tha kan inhmeh daih zawk ka ti
Report this comment
October 20th, 2011 at 8:50 pm
OT# Zemabawk kawng chhe rei tawh lutuk hi a khamawm tawh khawp ma. Ruah a sur leh a diak/kawi a;ni a sat leh a khu em em mai a, …
Report this comment
October 20th, 2011 at 8:52 pm
Report this comment
October 20th, 2011 at 9:13 pm
Kawng chhiat chhan hi engineer pakhat ka zawt a, ‘kan pu-in siam rawh u,’ a ti si lo va a tia. Ngatinge ka tia, ‘pawisa a nei lo va’ a ti a. Ngatinge ka ti leh a, ‘an puten an pe lo va’ a ti leh ringawt a.
Report this comment
October 20th, 2011 at 9:25 pm
Kan rama kawng siamtu Deptt. hian an kawng siam hi a senso tura an estimate, a chhah zawng tura ruahman leh an siam dan tak tak – an senso leh an siam chhah zawng dik tak hi min han hrilh duh se aw…..??
Report this comment
October 20th, 2011 at 9:35 pm
Chhia aiin tha reng reng ka support zawk zel dawn kei chu.
Report this comment
October 20th, 2011 at 9:43 pm
mizoram kawng hi state dang nagaland, manipur, arunachal etc kawng te ngaihtuah chuan a chhe vak pawn ka hre lo kei hian,,,tlat mai a!
Report this comment
October 20th, 2011 at 10:00 pm
Kawngpui tha i duh lo bawk a, a chhiat bawk hi ti raw? Kawngpui tha lo duh ve tawh rawh, accident a tam kher lovang. I rinthu mai mai a ni.
Report this comment
October 20th, 2011 at 10:05 pm
MZU kawng te khu…. lungchhiat thlak!!
Report this comment
October 20th, 2011 at 10:40 pm
NLUP sum hian siam mai se la, ‘NLUP Road’ kan ti mai ang a. A sema sem lo hian a siamin siam se la, mipui tan a tha fe zawk ang!
Report this comment
October 20th, 2011 at 11:12 pm
Post tupa in ngaihdan mai mai anih chu, chutiang ang zawngin kan hruaitu te hian han ngaihtuah ve se eng tin nge kan han awm ang le? A tha chu a chhia ai chuan a duhawm em em dawn lovem ni.
Report this comment
October 21st, 2011 at 12:00 am
Kei chu kawngpui tha ka duh…
Report this comment
October 21st, 2011 at 12:40 am
.
Report this comment
October 21st, 2011 at 6:21 am
#10- Kawng tha leh Electric eng….1980 hma lam atanga kan khaw au hla a nia…Lal anlo kal chang in….he..he.
#17 Tialkhara like e(Y)
Report this comment