He thawnthu hi hmanah ka chhiar tawh a. A bu hming leh a ziaktu erawh ka sawi thei ta lo. Translation ni lovin, ka rilru a la chambang ka phuahkhawm a ni.
Tuifinriat kam pakhat, khawkrawk zet mai hi a awm a. Chu hmun chu thli bengna lama awm a nih avangin thlipui tleh hian lawng a rawn len lut fo thin a. Lung hmun, rualrem lo tak mai a nih avangin chutianga lawng a rawn len luhte chuan chhiatna rapthlak tak tak tawkin, thi leh hliam an awm fo thin a ni.
Chutiang chu a nih a vangin, he lai hmun vela cheng, sangha mantu rethei ve tak takte chuan chhiat-tawkte tan chhanchhuahna in an sa a. Rap in chhe te, tlawm tak mah nise ‘Life Saving Station’ tih hi an tar ve kalh a. Chhiattawk an awm leh awm loh-te thlithlai reng turin an in ‘duty’ chhawk bawk thin a ni.
Thahnem an ngaiin an inpekna a thuk bawk a, chutianga lawng chhiatna tawk, thih mai hmabak tam tak nun-na chu, he Life Saving Station tlawm takah hian chhanchhuahin an awm thin a ni.
Vawi khat chu, chulai vaukamah chuan mihausa ho nuam tawlna lawng hian chhiat a rawn tawk ve hlauh mai a. An zinga tam zawk chu chhanchhuahin an awm a. Boralna lak ata chhanchhuah an lo ni hlauh mai chu an lawm em em mai a. Chhandam an nih hriat reng nan chu Station ah chuan inhmuh khawm thin zai an rel ta a. A khat tawkin intawhkhawmna an nei thin ta a.
Amaherawhchu, chu Sation tlawm tak mai chu an han en vel a, an lung a awi thei tlat lo. Building thar sak an duh a, furniture leh hmanrua engkim mai chu a aia tha leh changtlung zawk ni thei se an duh a ni. Chutiang tur chuan hma an la chho ta a. Station pawh chu a lo mawi ta hle mai. Chhanchhuah hna thawktu te pawh hlawh neiin an lak belh ta zel a. Chhanchhuah hna thawh nan lah speed boat leh tui hnuai luhna tha ber ber chi-te nen an ri ta khup mai a. Station ropui tak a lo ni ta.
An inhmuhkhawm tum khat chu lawng chhiat tawk awmlai nen a in nang hlauh mai a. Chhiat-tawkho chu Life Saving Station ah chuan an rawn luh pui hlawm a. A then hliam thi pheng phungte, a then chirh bal rim chhe tak kai hniang hnuangte, a then lah hliampui tuar au ruai ruai mai te an lo ni a.
An Station mawihnai tak chu a lo tawp zo ta a. An gathering function pawh chuan mumal reng a nei thei ta lo. Chutichuan, ro thar an rel ta a. Chhiat tawkte dahna tur bik in dang an sak belh leh ta a. Chuti chuan, lawng chhiat-tawk an lo awm leh pawhin khatiang ang a buai nuaih nuaih kha chu an lo pumpelh thei ta a ni.
Chhiat-tawk, chhanchhuah a awm apiangte chuan chu Intawhkhawmna chu an rawn zawm ve zel a, a kum telin an pung ta deuh deuh a. Chutianga an lo pun tak zel avang chuan inkaihhruaina dan leh dun te, member list-te, pawl ho-tu te an insiam a. An changtluang tak zet ta.
Amaherawh chu, mi chi hrang hrang zingah chuan ngaihdan leh duh dan a lo thu hmun vek thei hauh lo mai a. Chu chuan insawi neuh neuh leh in itsiknate, lam tang leh lam tangte a rawn hring chhuak ta tlat mai a. Engemaw ti hnu-ah phei chuan in la hrang pawl an lo awm ta thiah thiah a.
Chung chuan a hran zelin Life Saving Station dang an din ve leh ta zel a. Chulai hmun a Life Saving Station lo tam tak dan ngaihtuah chuan chhiat-tawk an awm a nih pawhin tuma’n nunna an chan tawh lovang tih mai tur a ni. Mahse, a ni hauh lo.
A hming maiin Life Saving Station an ni a, chhiattawk-te chhanchhuah ai chuan an mahni pawl thil leh activities-ah an buai zawk a. Chhanchhuah hna thawktu tam zawkte lahin hlawhfa rilru pu in an thawk a, inpekna leh thahnemngaihna tak tak an nei hek lo. Chutiang a lo nih zawh tak avang chuan chulai hmunah chuan lawng chhiattawk an lo awm leh pawhin chhanchhuaktu nei lovin mi tam tak an lo boral ta thin a ni.
Kan rilru a awm a tan: Eng Denominational Church pawh ni rawh se, Kohhran din chhan chu boral tur chhandam leh tisa leh thlarau a tuam dam ngaite tuam dam hi a ni. Hei hi priority-ah kan dah tur a ni a. A dang hi chu secondary mai an lo ni e.
Thu belh: Kohhran sawi chhiat tumna atan a rawn post ka ni hauh lo a, kan comment a nih pawhin tawngkam mawi hman tum hram hram ila a tha awm e, Kohhran hi chu a zahawm si a.
August 25th, 2011 at 6:32 am
chhiar ang
August 25th, 2011 at 6:39 am
sermon ropui tak a ni e,
August 25th, 2011 at 7:15 am
No Comment.
August 25th, 2011 at 7:25 am
Ngaihnawm khawp mai
August 25th, 2011 at 7:32 am
A sawi tum a chiang khawp mai
August 25th, 2011 at 8:21 am
Dik khawp mai. Mizoram chhunga Chakma leh Bru zinga kan Mission Field te hi han belchiang teh u. Mizoram Kohhran lian pahnih hian hmun khatah Missionary kan han dah ve ve a, mahni Kohhran a te zawk ang tih hlau in kan Missionary tam tak te hi mi beram rukchhuah tumin an hmanhlel mek anih hi. Ka rawngbawl sak te lah hi tanpuina pe tam theitu lam lamah an lut kual sek mai bawk si a. A zahthlak ania. (N)
August 25th, 2011 at 8:26 am
:-O
August 25th, 2011 at 8:32 am
awmawmpuia#6, missionary awmna khaw pakhatah phei chuan an kohhran mi ni lo chu an sikulah luh ve an phal lo mawle 🙁
August 25th, 2011 at 8:33 am
(Y) (Y)
August 25th, 2011 at 8:43 am
Dik hle mai lal Isua din mitthi khawkulh kongkhar te pawh in a an ngam loh poh hi a thilsiam mihringte hian kan kal sual pui leh zeuh thring zong ani e. Good short sermon
August 25th, 2011 at 9:08 am
Mihring mihrinna hi Vanlalsetana hian alo hmang tangkai ve thuai zel si anìh hi.
August 25th, 2011 at 9:10 am
Tehkhinna ngaihnawm leh awmze nei tak a va ni teh lul em…Good post.
August 25th, 2011 at 9:44 am
a va tha tak em!
August 25th, 2011 at 9:59 am
A ngaihnawmin tehkhin thiam khawp mai. Chhung Inkhawm kaihhruaina bu a telh chi.
Similar Posts ho chu leh!!!
August 25th, 2011 at 10:38 am
A tha hle mai. Ka rilru ang pu mi dang iniin ka hria. Nyishi kohhran hi an ropui chak riau mai a, ka la sawi chhawng ve ang; i phal chuan. Kohhran chanchinbu-ah chhuah chi anih hi maw le.
August 25th, 2011 at 11:11 am
A tha in ngaihtuah a ti thui hle mai (Y)
# 6 (Y)
Mihring rilru, Setana’n a hneh chin ah hi zawng, rinloh deuh deuh hi a thleng chawk thin…
August 25th, 2011 at 11:54 am
Hmun khatah kohhran 2 in missionary an dah ve ve, an member te kohhran lehlama an pakaihian beram in ruk sak an tih chu maw le!! mak thei ngei mai.. Kristian tih hi zir nawn leh kan ngaita niin ka hria. (Y)
August 25th, 2011 at 3:41 pm
@21 roseparvul, a dik khawp mai. Amaherawhchu, heti zawng hian ngaihdan ka nei ta deuh hlek a. KS leh Drug addict te kher kher hi chu enkawl hi an harsa hle mai a, anmahni chhanchhuak tura Pathian ruatbik/vohbik hi an awm a ni ang a ka ti ta deuh a. Ka ngaihdan hi a dik chiahlo maithei, mahse a phur leh vei nazawng hi chuan kan enkawl thiam meuhlo chu a nih hi a.
August 25th, 2011 at 3:56 pm
Heading ka hmuh a ka chhiar peih loh aiin,alo ngaihnawm in a ril khawp mai. Good Post. (Y)
August 25th, 2011 at 6:02 pm
Post tha tak a nih hi (Y)
August 25th, 2011 at 7:32 pm
Min lo ngaihhlut sak leh liam liam a, ka lawm e.
Eng Kohhran emaw ber-ah chuan kan tel theuhin ka ring a. Chuvangin, Kohhran hi ral thlir mai thei kan ni lo. Kohhran hian a ‘priority’ tur aia ngaihpawimawh a lo nei a nih chuan, keini a chhunga awmte ngei hian a siam thatna kawngah mawhphurhna thui tak kan nei a ni tih hi kan sawi tel leh hram ang e.
August 25th, 2011 at 8:02 pm
Good post, ka (Y) e. Ka ngaihdan chiah a ni.
August 25th, 2011 at 10:35 pm
Awmawmpuia leh triplestar : Khawilaiah maw Presbyterian leh Baptist missionaryte’n an beram an inruk sak tawn vel na chu? A bik takin Ramchhung Mission lam phei hi chu ka hre thawkhat ve khawp mai. Chutiang anga inruksak leh sikul kal tir duh lo tih vel a awmna hmun ka hre lo reng reng. Mi enge maw chinin sawi nuam an tih avanga an phuah kual vel mai mai thin hi inlo sawi chhawng a ni lek lo maw? Pawl lian pahnih chaltauh tir chak pawlah in lo awm ve reng a niang e. He laia vela thu belh chian dawllo kohhran lam hawi sawi hi ka (N) .
Rampawn- Upper Siang District(Arunachal Pradesh)atanga PKfanai leh Rose-i awmna tiamin, Silchar thleng khuan kan kohhran pahnih tirchhuahte hian Lalpa tan an thawk e. Hman kuma Shillong buai avanga sawi chhuah leh pawh chakawm loh khawpa harsatna bak kha chu kohhran pahnihte hian harsatna kan neih awm ka hre lo.