A mut rei tuk atana a hual chu Sunday zing a ni a, sunday tlai lenchhuah chu sermon ngaihthlak aiin a chemkalna zawng tak a ni. Hmuifângtlâng chu a lo chah thlak ve tawhna a ni a, Reiek tlanga Anthurium Festival-pawh ala chhim ve ziah a, a lo zung ve tar tar fo tawh.
A thiltih that aimahin a ngaihzawngte chhiar tham an ni a, a mit meng ringawt pawhin Office-ah hna tam tak a thawk thei a. Thian kawm tak tak a nei thei lova, facebook ah erawh thian sang chuang fe a nei a, group zawng zawngah a tel vek.
Mi thiltih that sawi sel ching tlat mi a ni a, misualna tan tlat mi a ni hlauh thung. Zahna a pai thlawt lova, zial leh kuhva erawh a pai reng. Mi a vawikhat hmuhna ah huat zawng nei tlat mi a ni a, mi huat nih erawh a duh lem lo. Thu duh ve tak a ni a, a thu erawh a fing teh chiam lem lo.
A piantirh atang renga mak dangdai a ni a, a chhipvirah tak khuavang a nei a, a biangsum a in san hleih a. A tleina tur a nih phawt chuan a nuar hmiah zel. Nu leh pate awm laia sual thiam êm êm, an awm loh changa fel hle si a ni. Aia upate zahna a tlachham hle a, mihring hi zah tur an awm pawh a hre lo.
Mahni intodelh aiin chhungte tlawhchhana in la hausa chi a ni a, a insawithei êm êm reng fova, a insawi ang chu a ni lem lo. Thil tihthat a nei tlem hle a, a thil tihthat awm chhun chu Jail-ah vawikhat chu Carrom Board-ah a lo champion ve tawh a ni awm e. Sikul kal ai chuan nilenga sakhi thanga inawhtir pawh a thlang zawk daih.
Inchei leh chhas tih lampang chu zirtir a ngai lo hrim hrim. A thiam ve zawng tak a ni a, khap ngai zawk mi a ni. A nunah Political fitness in tulna a nei lova, physical fitness in pawimawhna a nei bawk lova, a mamawh ber chu chhungte meng reng chunga bum leh pawisa dil chhuah a ni. Incheina changkang a ngaihsan êm êm laiin, miten kut tling lova sum an la lut chu a ten êm êm lawi si.
Hri vei neuh neuh a ngah hle a, zan menrei leh zing thawhtlai hri a vei a. Len tam hri a vei bawk a, engmah lova thinrim leh tihtauh hri a vei bawk a. Mi dem ringawt hri a vei a, korean serial film en hri a vei bawk a. A vei loh zawng chu zunthlum….
A nunah entawn tur a hnutchhiah lem lo. Mahse, kohhrana in hmang thin rui ve keuh zel thin te, mi rel chingte leh pawngsual tih te chu a ei lo ve êm êm thung a. Phone changkang tak a ak ve tho va, balance a nei ngai lo.
Mi text a hnehsawh lutuk, en miah lovin a ziak zet zet reng fova. Second khat ah thumal sawm chu a type hman var var.
A phone-ah thlalak sexy tak tak leh Korean serial film-a a changtute zawng zawng an fuan khawm a, biak in a ken luh tlak loh khawpin a tenawm.
Hnathawh hrim hrimah chuan NREGS a thawh nuam a ti ber a, eng nge a chhan ti a zawhna chu, “Kan âwl lutuk tlat” a ti. Nikhata cheng za leh cheng thum an hlawh thin lai khan nitin zu(local ngat) a in ziah a, a nileng hlawh chu cheng thum chauh a ni.
Tattoo’s nalh leh changkang ti tlat mihring a ni erawh a mak hranpa lo. A ngum ah phengphehlep lem a chhut tir loh leh a langsar ber laiah a chhas hming a chhut tir fova. Tunah chuan nalh ti hle mah se, nakinah a chhas khan a la ban ang a, za lem lo takin a nui a nui mai ang.
Mi khermei ve tak a la ni zui. Reality show tam ta lutuk hi naupang lehkha zir tân a hnawk pha tlat tia tang tlat mi erawh ka hre chiang khawp. Zaithiam pawh kan thlang zing tawh lutuk a, zaithiam aiin zaithei an tam tawh zawk a. Man Hunt ah pawh tuai an awm ve tho alawm ti tlat mi a nih leh nih loh chu ka hre lem lo.
A nun en a entawn tur a awm loh vei nên, vei a ngah roh phian a. Mipa inti hmeichhia, hmeichhia inti mipa leh nei in ang inkawp chu a ten ve hle a.
A duh ve ngang a ni ang, MLTP Act hi delete hmak se aw a ti vei zut zut. OBin Laden hi lo tho leh thut se, khuang nên lam vei dur dur se,mahse a da leh hma awm em mai-kha chen chen a fian rial hnu ah pawh a thar chuang lo a nia te a la ti deuh deuh. A nawi sawt ang reng.
He mihring hi mipa nge hmeichhia a nih hria an awm lova, a chang chuan a mipa a, a chang chuan a minu a, a duh hun hunah a inti rimchhe thei bawk. A hun chep tak karah hun hlu tak min pek avangin kan lawm a. Vote of thanks function apianga sawi a nin em avangin sawi lo mai ang.
Part-II ah a nihna tak leh thildang tam tak, kan pâwt leh dawn nia. In vaiin Jai Bye phawt u le.
Similar Posts:
- Mipa Vs Hmeichhia
- A Mak Mai Mai Teh E
- Zei Book – Part 1
- Mizo Mipa Vs Hmeichhia
- Mipa leh Hmeichhia-II
August 25th, 2011 at 12:11 am
Chhiar ang hmiang.
Report this comment
August 25th, 2011 at 12:21 am
No Comment.
Report this comment
August 25th, 2011 at 12:30 am
Va pawt nasa tak ve…pawt ngaihnawm khawp mai..:):):D
Report this comment
August 25th, 2011 at 12:40 am
haha tunlai thralaite tive khanglang ila ho (an vai chuan ka tilo) nun i ron hol chhuak ni berin ka hria
Report this comment
August 25th, 2011 at 12:55 am
Ngaihtuah peih phian mai ka ti
Report this comment
August 25th, 2011 at 12:56 am
mu daih ang. Mangtha vek u
Report this comment
August 25th, 2011 at 1:24 am
Kei tak ngial pawh in kan chhiar thlak ve pap pap chu le.. Ziak thiam khawp mai-
Part-2 ilo nghak leh phawt mai te ang.
Report this comment
August 25th, 2011 at 1:31 am
Ka va nui nasa tak em!
Dik tam bawksi
Khitiang khi an common hle mai ka ti. Khitiang lo khi thalaite zingah zawng ila, Aizawlah chuan an khat pharh mai long maw.
“Zahna a pai thlawt lova, zial leh kuhva erawh a pai reng.” Ka nui tawp thei lo.
Report this comment
August 25th, 2011 at 1:52 am
A ngum ah Tatoo a nei tlat, hmeichhia a nimai lo maw? Mipa nguma tatoo han nei ṭut chu a..hehe..hetiang i mi ziah ang khi tunlai an tam viau in ka hria, a bikin Fb lam ah. Chhiar zim si sawi zau thei si” ang leh sawi zel zul thei hi.. Han pawt leh tak tak teh Part II kan lo châng a nge..
Report this comment
August 25th, 2011 at 1:55 am
A tawp lama i rawn chawk ho lutuk khi ka ui, a that tehreng nen. Chhiar ninawm loh, thu tak leh zirtir pai si a nih hi. Hetiang thuziak hi ka chhiar peih reng. Misual Terema pawh khan a thiam.
Report this comment
August 25th, 2011 at 2:23 am
Chhiar hma in mu phawt ang..
Report this comment
August 25th, 2011 at 3:17 am
A ngaihnawm hle mai, a chhun zawmna kan lo chang reng e
Report this comment
August 25th, 2011 at 3:18 am
Chhiar hma in pawt hmasa phawt ang.
Report this comment
August 25th, 2011 at 3:34 am
A chhip vir pawh pathum ? A chhan leh vang pawh ngaihtuah vak lova wall paper leh avatar-a Anna Hazare pic hmang ve ringawt.
A back ground pawh chhui chiang vak lo, ST/SC Reservation dodaltu kha a lo pawng tan ve chiam !
Corruption do em em ve ringawt, Hazare-te pawl backup tu corporate sector lamin Sawrkar an beihna lam ngaihtuah tih ngaihtuah lem lo……..
Report this comment
August 25th, 2011 at 3:38 am
Bawng ir-no leh a chek vel tui ti hle si, Bawngsa ei khap duhtute lo support ve em em kha a nih duh hmel bawk.
Report this comment
August 25th, 2011 at 5:06 am
Thamna pe a mahni thiam a in ngai tlat, thamna la tu corrupt bik ta hliah hliah hliah a ngai… A chhan an zawt a, ” Kan system dik loh ani” ti fel et mai…
An tha ve aw he post chu, sawi tur va tam dawn e…
Report this comment
August 25th, 2011 at 5:30 am
Anna tan lo chu corruption do lova puh tlat mi a nih duh hmel ! Tin, a thluak aiin a pumpui a chak zawk duh hmel bawk.
Report this comment
August 25th, 2011 at 5:45 am
Anna lam tang lo misual.commer ho chu corrupt vek a ngai, la corrupt lo pawh corrupt-na chance neiah a ngaih duh hmel
Report this comment
August 25th, 2011 at 6:19 am
chhiar a nuam hle mai
Report this comment
August 25th, 2011 at 7:12 am
Ngaihnep a ngah ve thei ropui si!
A luck zek si amaw? A kawppuite chanchin a chhuidawn theih dawn fu mai a!
Report this comment
August 25th, 2011 at 8:25 am
A bul lam a that tehreng nen a tawp lam khi ai tinawi mah mah a nih khi mawle
Report this comment
August 25th, 2011 at 8:28 am
Report this comment
August 25th, 2011 at 8:39 am
Tuai a niin ka hria
Report this comment
August 25th, 2011 at 8:42 am
Nia, a tir lam a tha thlawt. Para 3-na atnga hnuai lam zawng – a point tha lai te2 khi lawrkhawm ta la, para 4 vel lekah chhuah ta zawk la ka va ti em! Ngaihnawm ka ti, I suangtuah ril, ka fak che a, paws hi ka
bawk e.
Report this comment
August 25th, 2011 at 8:49 am
I mi sawi a chu hriat a va chakom……..
Report this comment
August 25th, 2011 at 9:16 am
nuam thei
Report this comment
August 25th, 2011 at 9:23 am
He post chu ka ngaihtuah chhuah ni awm tak a ni.
Report this comment
August 25th, 2011 at 9:27 am
Corruption haw em em, mi corrup tir eraw pawi ti miah lo… Mi zuin hmu thei miah lo, mahnina in reng si.
Report this comment
August 25th, 2011 at 9:54 am
ka va nih mai duh hmel e,:-) pet pawt che chuan…
Report this comment
August 25th, 2011 at 10:04 am
Ka’n belh ve ang e: Mahni tana hlawkna tur leh sahimna tur hmunah chuan Mizo nihna a chiang em em, chutiang a dawn loh erawh chuan Mizo inti leh duh hauh si lo hi a ni a.
Report this comment
August 25th, 2011 at 10:06 am
Het shaaalaaa…post tupa chu mi va rel nasa ve, i nick atang hian ka huat zawng tak i ni
Report this comment
August 25th, 2011 at 10:07 am
Typing mistake – ‘chutiang a nih dawn loh erawh chuan Mizo inti leh duh hauh si lo’.. tih tur
Report this comment
August 25th, 2011 at 11:10 am
Thinchhia_ralte chu ka hmel hmu la min haw lo tawp ang maw le…
Report this comment
August 25th, 2011 at 12:38 pm
‘pawt’ tih tawngkam hi a nalhlo ka ti, mihring mizia, pianhmang leh rilru putdan awm ang suangtuahna ah a langthei hialin ka hria, …..ka ti mai mai……no offence…
3rd last para atang khian ngaihtuah mang lova ziak kual vel mai mai tawh a ang,thu mumal a awm tawhlo, a awmzia chu ‘ pawt ‘ tih tawngkam i hman nen hian i thuziak hi a inhmeh tawk chiah ……
A hmalam khi chu a zia deuh ka ti ……
Report this comment
August 25th, 2011 at 1:29 pm
A tir lam ka chhiar khian ka chanchin i ziak emaw ka ti hman a!
Report this comment
August 25th, 2011 at 6:28 pm
Va ngaihnawm reuh mai mai e!
Mahse hmuhmawh deuh ka nei- Carrom board a khelh theih loh! Carrom hi Board-ah an khel thin a ni zawk. Mizote hian kan hmang sual deuhin ka hria. India ramah hian Carrom leh Polo(chougan) hi a mikhual lo hle. Delhi Sultanate lal- Qutb-ud-din Aibak-a phei kha chu Chougan khelhnaah a accident-a, a FAM a nih kha.
Ka sawi tum tak zawk chu- Carrom hi a boardah an khel thin a; boxing chu ring chhungah an khel bawk a chutiang zelin savun hampuar pawh hi Playgroundah an khel thin.
Good Post!
Report this comment
August 25th, 2011 at 8:44 pm
Ngaihnawm, tha bawk si, post leh ka lo chang reng e
Report this comment
August 25th, 2011 at 11:05 pm
Ka lo lut ve tawp a vawikhatna atan,
Report this comment