(Post tlem lai leh chatlak lai niin a lang a, ANSU ho Bandh nen, Thu mu hnu, thil hlui ka han phawrh chhuak mai mai ang e.)
Pasighat-ah hian, an Bazar hnung lamah hian, Nepali veng ‘Banskota’ an tih hi a awm a. Kan Sikul pawh hi chumi veng a awm chu a ni. Kan Sikul hrulah hian Kutcha Road; Boulder phah la metalled loh hi a awm a. Chumi kawng hrulah chuan kan Compound chu Dap(Mau) in kan hung ve a ni. Chumi kawng hrul, Dap fencing dep maiah chuan Quarters kan nei a. A piah metres 50 velah chuan Sikul Building chu a awm a, chumi piah lehah Quarters atang a metres 100 vela hlaah chuan, Hostel Naupang 70 vel awm theihna kan nei bawk a ni.
Kan Sikul din tirh lam, kan la tlem lai chuan, Quarters ah hian kan Principal chhungkua an awm a, Hostel Naupang ho kha, Nula leh Tlangval ten a inchhawkin kan va riahpui thin a ni. (Nula 2 leh Tlangval 1 kan awm a, a rammi pawnlam atanga lo kal 3 an awm bawk a).
Zankhat chu, Quarters lama ka riah zan a ni a, Thli a tleh a, Tek a tla phe zuai zuai a, a ring thei hle. Thlasik rim a nam tan tawh a, a vawt vur mai bawk a. Zan ruahsurin inzawm pat a Rangva inchung a ‘ri’ a siam hian min awimu thin a, ka mut a tui thei thin hle a, hemi zan pawh hian ka mut a tui hle a ni.
Mahse, Zanlaiah chuan, fiahlo ruai leh lei tawt aw deuh a, “Di di, di di, di di…” ti niawm tak hi ka hre thin a, ka bengchhe ri nge, Ruah leh thlitleh ri ka hriatsual zawk? tih ka hre hrang thei lova, a ri reng lova, a ri a fiah bawk si lo, a nilo tih dawn chuan, ka hre ngei chuan ka inhre bawk si! Ka mumang lam em ni ang aw? tiin ka inngaihtuah neuh neuh a, Kar lovah ka lo muhil zui leh ta mai a.
Zingah chuan, dar 8:30 a sikul rawn kal Day Scholar ami hmeichhe naupang kum 7 mi vel emaw lek Victoria Koyu chuan, thil mak tak a hmu ta tlat mai a, kan han hmuh ve chuan, thin a thawng hle mai. Kan Principal te Choka leh Fencing inkar Rangva farna laiah chuan Nepali nu pakhat huh zawr vekin alo thi khawng reng mai chu niin!! Engtinnge Hmeichhia(nu) in kan Compound hung phui vek chu a rawn luh theih?? Kan hmuchhuak thuai a; Kan dap fencing kha a lei sehchin lam a lo mawih tawh a, Nepali ho Vawk an lo lut thei tawh alo ni a, chumi awngah chuan a lo lut ani ngei mai.
Kan Sikul ram neitu Adi pa challang Apel Tayeng kan ko vat a, Nepali ho an lo kal bawk a. Ka lo hlauhthawn ruk teh reng nen; A chhungte chuan, Mi ‘A’ a nih thu leh, khawlaia vak vak thin a nih thu an sawi ta a, an hrethiam ta phian a. khami zan pawh khan Zanriah eikhamah a chhuak daih a, an zawng hmu zo tawh lova, a dan pangaiin khawi hmunah emaw a lo tawm hul ve leh mai an lo ring a lo ni a. Ka khawngaih hnuhnawh kher mai. Engvanginnge khami zan khan, kha thawm ka hriat kha ka fiah loh? engvanginnge ka zawn chhuah loh? ka inthiamlo dawn deuh a, mahse, ka bengchhe ri emaw, ka mumang lam emaw, Thli leh ruah ri bur burin eng ri emaw a siam ka hriat sualah ka ngai tlat kha ani si a. Tin, ka la naupang lutuk deuh reng reng a!!.
Hostel lama ka riah hun a thleng leh ta a, ka riak phei a. Chutah Quarters lama ka riah hun alo thleng leh a, Muthilh a har ta riau mai le. Bengah hian, leitawt tawng deuh a, “Di di, di di, di di” tih hi rawn ri leh tlat hian ka hre thin a, Ka va chhuak a, Torch light nen ka han zawn vel pawhin engmah ka hmu lovin, eng thawm mah ka hre tak tak si lo!! ka ngaihtuahna zul zuia ka bengchhe ri mai mai a niin ka hre bawk si. Muthilh a har duh hle mai a, Hostel a, Naupang zinga thlamuang taka mut kha a ngaihawm rum rum mai zu nia. Missionary val hi, zan thimah mahni chauhva thil hlui ngaihtuah ngut ngut chuan, kan bengte hian min bum a, kan lo hlau ve thei tho mai a!!
Similar Posts:
- Khasi vs Nepali
- Sikul kan inkaltirna te hi an tha tawk em?
- Mizo Lanu – Valrual Pokhara city ah
- Ka ngai che- Lasi note II
- Sikul
(Y) 
September 6th, 2011 at 1:33 pm
Pas1ghat fehchhuah kan neih laite kha aw. Post a manhla e.
Report this comment
September 6th, 2011 at 1:42 pm
Den rem rem
Report this comment
September 6th, 2011 at 1:45 pm
Arunachal lam hi ka la kal lohna a ni a, Lalpa pasalthate che tla lai langsung ngeia hmuh in chakawm e.
Report this comment
September 6th, 2011 at 2:00 pm
a va han rapthlak em….
Report this comment
September 6th, 2011 at 2:09 pm
Vannei ve aw…….
Report this comment
September 6th, 2011 at 2:14 pm
Pasighat..Arshang…ka lung a van ti leng em!!!! Kanan Jamoh te,Gompi te ho pawh an nula tlangval ve tawh awm sia aw…
Report this comment
September 6th, 2011 at 2:32 pm
Ngaihnawm…..
Report this comment
September 6th, 2011 at 2:56 pm
Di di di….i beng chhe ri mai chu a lo ni lo aniang a..:-D:-D a ngaihnawm thin.
Report this comment
September 6th, 2011 at 2:56 pm
6. Jacka pi hi tunge ni ang aw? Hint han siam teh a. Nia, an nula-tlangval deuh vek tawh. An hlawhtling hlawm viau lehnghal. Mahse, a sual ber leh kan buaipui ber, Nason Mize khan min tilawm ta ber anih hi. “Mizo ho leh sir pka te vang liau liau a mipangai ni thei ka ni” tìh hi a sawi chhuak fova, tunah kan awmna bul lawk Rajiv gandhi university ah hian M.A. Final year a zir mek. Tlangval lian tha thelh thawlh niin a rawn leng ve zut mai.
Report this comment
September 6th, 2011 at 3:16 pm
Den rem rem ve, a hunlai chuan thin a phu ve dup dup lo maw? Hman deuh khan khaw pakhat PWD IB ah ka riak a, IB hi khua atangin a fal deuh hlek bawk a. Power supply a lo awm lo, candle pakhat ka neih ve lah chu kar lovah a ral ta mai si. Thli a thaw vuk vuk a, ka mu meng kar mai. Zanlaiah chuan inchung rangva chu hmawlh a thai ang mai hian ring takin a ri phei tuar mai a. Ka mu thei tawh lo re re. Zingah inchung ka en chuan thingzar engmah chutiang han tiri thei engmah awm bawk si lo. Denzar ve tak a ni. Zingah kan khaw lam panin ka inkhalh haw nghal vang vang.
Report this comment
September 6th, 2011 at 3:46 pm
Ngaihnawm hle mai.
I tawn ang deuh chiah hi kan u pakhat pawhin thingtlang-a a zin tumin a tawng tawh a. Chu khua-ah chuan current hi a la lut lo hrim hrim a. Zanah chuan ruah a sur nasa khawp mai a. Zanlai pelh tawh lamah hian a thlenin varandah a thawm awm dan chuan a ngaih a ti tha chiah lo a. A va chhuak a, kel rual khat hi an lo ding thap mai a, a kil leh deuh ah hian kel ruang-am ni ve miah lo, thil awm deuh hlun mai hi chiang vak lovin a hmu bawk a. Torchlight in a han en thut mai a le, pitar tawp, bal em em mai, sam thur hreu bum mai hian a lo melh reng mai hi a lo ni a. Kan u chu a te thawt a, midang an lo tho nghal bawk a. An han en chiang a, chu pitar chu an khaw pitar aa, vak vak thin, inbual ngai reng reng lo, kha a lo ni awm e. A hmel kha a hmuhnawm loh ve bawk a, mikhual tan phei chuan rap-awm tak tur chu a ni reng a ni. Kan sawi chhuah leh chang hian kan u chu a nui tha duh vak ngai lo, keini ho erawh chu kan nui nasa thei hle.
Report this comment
September 6th, 2011 at 3:50 pm
Tnlai chu PKa hi rawn chhawp ngaihnawm thei fû ni
Report this comment
September 6th, 2011 at 3:50 pm
thim tham h hi chuan dawih hi a awl khp mai…
Report this comment
September 6th, 2011 at 4:46 pm
Kan inti tlangval ve tan tihah khan ka thian bul tak pakhat hi a chhan hriat mang lohvin a inawkhlum mauh mai a. a thla ka hmu ti hi an awm leh thin a, hmuh vea a inawhhlum chhante zawh ka duh tehreng nen, ka hmu ve thei der mai si lo. Hmuh ve ngei tumin an huan mawngah, a inkhaina thingzar hnuaiah ngei mai, zanlai pelh rak thlengin zan thum tlawng mai ka’n chang a nih kha. Tunhnua ka ngaihtuah leh chang hian…awi, awi, awi.. ka hmulthi a ding sung2 thei..han chang chhuak tak takin, hmun leh hmunah, a ‘live’ ngeiin min han insiamchhiat khum ta mai se chuan aw.. Awi..a ni ringawt. ka upa tulh2 a ka dawih tulh2 in ka hria..
Report this comment
September 6th, 2011 at 4:49 pm
Di Di Di Di…… Den ve awww!!
Report this comment
September 6th, 2011 at 4:58 pm
A lainatawm hle mai. Ruang hmu hmasa tu hi ka ni ve zeuh2 tawh, anuam duhlo angreng viau mai. I bengchhe ri i hlau tep elaw hairehai
Tumkhat chu US Mint a reitak thawk tawh 1 chu a co-worker ten kar 1 an be pawp thei lova. Amah hi heart surgery nei zo hlim ani nghe nghe. A chenna hawn tumin a thawhpui te an lo kal dawn a. Kan thawhna/kan enkawl hnuaiah a khawsakna a awm avang leh a thawhpui nu 1 ka hmelhriat anih vangin chunu chuan an lo thlen hmaa lo thlithlai sak turin min ngen a.
Ain pawn atang chuan kan ngaithla a, cartoon network emaw TV ring tak thawm ka hre thei. Tichuan chabi min pek hmang chuan ka lut ta a, ka phei zel a, choka ka va thlen chuan ke lehlam khai lek lek hian kut ti kawi kual vekin ui (dog) chhuata an mu kual ang lek lek hian chunglam melh kuau hian alo thi khawng reng chu alo nia. Rim pawh alo nei tan tawh a, danin min phut angin khaiwh lovin 911 ka ko ta zawk a ni.
Report this comment
September 6th, 2011 at 5:05 pm
10.phivawk leh 11. fergie te comment khi a ngaihnawm e. 14. sammoo chu i huai hle mai. “di di” a tih chhan hi, kan principal nupui kha a lo hre ve deuh ang a, a ko a nih ka ring ta. Mahse, ruah a sur bengchhen bakah, choka leh bedroom inkarah hian dinning room a la awm a, a inhnaih lutuk lo a ni.
Report this comment
September 6th, 2011 at 5:09 pm
Pu Hv, mahni chauh a han awm hi chuan, inngaihtuah hlauh chawp a awl riau. Khatìh lai kha chuan kan la patuai deuh bawk a ni. A khawhar thlak duh khawp mai.
Report this comment
September 6th, 2011 at 5:23 pm
a hun lai khan huai deuh la chu i chhan thei ngei dawn a nih chu maw le
Report this comment
September 6th, 2011 at 5:35 pm
19. Nia, chu chu ania ka rilru ti hrehawmtu leh, min ngaihtuah chhuah tir leh thin tu chu ni. Ruahsur thawm bengchheng karah khan, ri kha a chianglo leh lutuk a, bengchhe ri mai maiah ka ngai tlat a, a tuk a ruang kan han hmuh takah khan, ka ngaìhbel thiam ta chauh a ni.
Report this comment
September 6th, 2011 at 6:17 pm
Pk. Khi ta ka sawi ang khian ka upa tulh2 a ka dawih tulh2..tunah chuan dawih tawh tak ka ni. remchang chu awm se, mithiam rawn hial a nia ka duh. tak takin.Ka lung lam fel loh a nih ka ring rum2.
Report this comment
September 6th, 2011 at 9:18 pm
PK, mitthi leh hrang tih vel ai chuan mihring nung, misualin thimtham kar atangin emaw inrin hman miahlo vin min tawk thut ang tih ka hlau zawk.
Report this comment
September 7th, 2011 at 2:16 pm
Hriat reng atana kan duh loh hi kan tawng fo sia lawm le.
Report this comment
September 8th, 2011 at 2:56 pm
‘Better late than never’ an tia lawm…..
‘“Di di, di di, di di…” ti niawm tak hi ka hre thin a’
A danger duhawm ve
Engati nge “Daju daju, daju daju..” ti niawm taka i hriat zawk loh 
Aizawl lamah pawh hetiang hi kan neih ve thin kha maw le…Pu Saibutua, Pu Lianthuama, Pi Khuangbengi, Pi Kutbuli, adt., te kha an sawi thin kha le!
Report this comment