Dar 7 a tan tur chu mipui kan tam dawn tih hriain keini leh kan u te (cousins) chhungkua chu, “Thutna laili deuh kan chan theih takin,” tiin kan thleng hma hret a. Thleng hma e tilo chuan kan hall hman hawh neitu, Montgomery College lam chuan dar 7 hma chuan hall kawngkhar an hawng dawnlo tih kan hre ta a.
Nakum lam chu banner pawh a changkan ve deuh tawh ka beisei:
Dar 7 chu minute 10 velin ala rilo tih chuan luhna ticket lam enkawltute an lo la thlenloh avangin ticket lei tur a la awmlo. Tin, luh theih chuang heklo le, kan zi mur mur tawh mai a ni. Usher thar an awm dawn avang chuan an tih ngailoh anih vangin an inzirtir leh te te a. Chumi chhung chuan kawngkapui kiangah chuan kan intlar them hlawm a.
Mizo Day sponsor tu te leh guest of honor te thutna tur hruithlun a an hual khup avang chuan kan kalhma chhan pawh chu kan chang thei ta chuang lem hlei law. Engpawh nise, September ni 4 zana khuallian chu Vanlalsailova Pachuau a ni.
Mizo Society of America founder zing ami leh president hmasa ber, Pu Thangliana Sailo (Ex-chief Sialsuk)leh a nupui Pi Mawii Vangchhia:
Khuallian alo thlen chuan hotute ngenna angin mipui an lo ding suau mai a. Khuallian a thuthnu chuan mipui pawh an thu veleh mai a. Tichuan MC Rinsangpuii Hnamte leh Laldinpuia Ralte te chuan hun kaldan tur chu an kaihruai chho tan leh ta a ni.
Lalhmingsanga, Joseph Chhakchhuak, Siama Cherput, Lalrawngbawla leh Daisy Laldinpuii ten mipui zaiin min awi a. Chumi zawh chuan Rev. Aichhunga’n hun hlanna a nei leh a ni.
Khuallian Vanlalsailova chuan thuchah sawina a nei a, fuihna thu te, inzilhna thu te leh chief guest te lo dawnsawn dan chu uar takin a sawi a ni. Amah pawh a hma zan khan zanin atana guest of honor tura an sawm tawh avangin, chief guest ani daih tawh a, a hun alo la thlenglo mai anih a sawi a. Chutia chief guest a sawmthluk tawh nisi chuan thutna fumfe pawh usher ten pekna chang an hriat loh thu te sawiin chutianga usher te awm tawhlo turin fuihna thu uar takin a sawi.
MSA hla thar a hma zan ami nilo chu Sailova leh thalai ten an sa leh a. He hla mawi tak hi Siamthara phuah a ni nghe nghe.
[youtube] http://www.youtube.com/watch?v=HnxzCoBo1TY[/youtube]
Iowa lam atangin an aiawhin Lalsangpuia chuan report a pe a. Iowa a Mizo awmnghet hmasa nia a hriat te kum 2008 khan lut angina sawi a, member 100 chuang an awm a sawi tel bawk. Mizo Day lawmnaah hian chhun lamah footballah branch hrang hrangte inelna awmin chungte chu pakhatna lak tum lam chu thuhran nise, Mizo hmun hrang hranga awmte in hmelhriatna tha tak ani thei chu a lawmawm thu a sawi uar hle bawk.
MSA logo hman hlen tur thlanna vote thlak meuhin kan nei leh. Hetah hian a hmaa mi tamtak ten an thehluh tawh atanga tha bik nia an hriat 3 te chu nambar A, B leh C angin an rawn tarchhuak a. Hetah hian ka thehluh pawh Nambar B na niin, “Mipuiin an vote duh angem aw,” tiin ka thlir ru ran a ni.
Mizo hnam incheina/inthuamna hmeichhe lamin an entir leh a. Hemi zawh hian Pu Biakdika Fanai chuan, “Chhiatni fund” chungchangah rawtna leh MSA thil tum te chu a sawi leh a. Pu Biakdika chuan, “Life insurance nei kan ni emaw nilo emaw, Mizo chhiat tawkte chuan engemaw chen chu MSA atangin puihna an dawng thei dawn a ni,” tiin a sawi.
Zioni kawlni leh Thangmawii Chhangte ten “German Rallian (?) hla lain kan chheih ta hah hah hlawm a. Keipawh dawhsan(stage) ah chuan chho vein ka han tive dawrh dawrh a. Ka mute lei hrut thei talo tawp tih ka chiang hle.
[youtube]http://www.youtube.com/watch?v=7QTNXOulekc[/youtube]
Kumin a zirchhuah nei thenkhat (an hriat)te hnenah lawmpuina hlan ani leh a, heihi tha ka ti khawp mai. Midang tan fuihna tha tak anih theih ngei ka ring a ni.
Tichuan, Indiana branch lamin thiam takin mau kawkalh chi kha Cheraw thiam takin min kan sak leh a. Tichuan, Vanlalsailova leh Christabel Khiangte thiam takin an duet leh a.
[youtube]http://www.youtube.com/watch?v=j5EGn_PZSRg[/youtube]
Lawmthu sawina Lalthanzuala Phillips in a neih hnuin, Atlanta lam pastor, Rev. Vanlalruata Hmar in hun kharna min neih sak hnu chuan Mizo Day kum 2011 chu khar ani ta a ni. North America khaw hrang hrang atangin hun insiam chawp a, hetianga Mizo te intawhkhawmna siam puitlin theih ani hi a ropui ka ti a, kumtin nei thei zelin Mizo Society of America hi a thanlen deuh deuh ka beisei tlat a ni. MIZO TE I TANGRUAL ZEL ANG U!
Mizo Society of America logo atan thianpa Muanzuala nen kan siam chu thlan tlin ani ta bawk, avan lawmawm dangdai vele!
Mizo Society of America in logo a nei ta:
BONUS: Official ho leh mikhual te an lam (Hmuhnawm khawp mai)
NB: Mizo te hian khawiah pawh hun renthiam leh hun vawndik hi kan zir angai reng mai zawng anih hi!
September 6th, 2011 at 11:40 am
Nawm ve tho dawn khi (H)
September 6th, 2011 at 11:41 am
lam thiam lo hlom ve lolzz
September 6th, 2011 at 11:42 am
Logo khi a nalh hle mai
September 6th, 2011 at 11:58 am
In banner khi keichu a mawi ka lo ti lutuk a. A mawi ka tih chhan ber pawh, “Mizo” tih inziak khi a ni. Khi banner hnuai a Lungawi mi heti zat in awm hi ka chhuang che u a, Mizo society of America lo thangin lo vul zel rawh se.
September 6th, 2011 at 12:15 pm
“thianpa Muanzuala nen kan siam…”
Amah ka zawt a, “Tih dan tur a rawn sawi ang angin kalo ti mawl ve tawp anih kha, ama logo ani e. I’m only like a chess piece when he’s the player. When a pawn captures the king, the winner is the player, and not the pawn. That’s the way it is.” Alo ti.
In logo chuan political criticism a tawk emlo ang chu maw. Alo tawk anih pawhin, ‘US leh a chhehvel hi chu hnam tin leh culture hrang hrang nei tepawh zalen taka an len theihna ani.’ ti keuh mai rawh u. 🙂
September 6th, 2011 at 12:17 pm
(Y)
September 6th, 2011 at 12:26 pm
Heng ho hian mizoramah remittance engzat vel nge an rawn thawn let ang le min hrilh thei in awm mial m????…a tam viau phei chuan an fakawm ka ti khawp ang
September 6th, 2011 at 12:27 pm
Ekai… a va’n nawm hmel em em ve le.
September 6th, 2011 at 12:30 pm
Sailova khi a la zaithiam reng, a zaipuinu khi a zaithiam lo!
Chuan in Logo khi a racist ka ti, Ngatinge Latino ho awmna ram in tih tel ve loh, Canada (USA nilo ) pawh in ti tel tho si. Mexico ah pawh Mizo an awm ve awm tho si. (N)
September 6th, 2011 at 12:33 pm
sailova…hahaaha…hahaha..hahaha..
September 6th, 2011 at 12:33 pm
Ti daih ila hv enghnathawka eizawng nge tam ber ang us a mizo te ah.Sorkar hnathawk ang chi te hi chuh ve phal a ni em,an awm ve em,mizoah
September 6th, 2011 at 12:44 pm
Hmatiang sawn in tiha sawn leh in tih khi ziah zawm tur ni awm tak. (Hmatiang sawnin).
September 6th, 2011 at 12:49 pm
hahaha: lam thiamlo ve hlawm khawpmai. 😛
September 6th, 2011 at 12:57 pm
(Y)
September 6th, 2011 at 1:09 pm
Logo chu bei sial hle mai a
September 6th, 2011 at 1:09 pm
Nawm hmel khawp mai…thianpa Christo a te tel ve tak maw? banner khi chu Mizo tawnga inziak ringawt pawh khi a nalh tham alawm..a thu ziak athat phawt ahnu ka lo ti ve mai2 a (Y) …Mizo te hetianga ram danga inpawh taka kan inhmu khawm thin hi a va hlu em,hnam dang anga ramhrana in pel nguk2 lo a chhungkhat anga kan khawsa liam2 hi a van nuam e o
September 6th, 2011 at 1:23 pm
Banner khi a mawi loh na ka hmulo.
Logo khi (Y)
September 6th, 2011 at 1:37 pm
no comment
September 6th, 2011 at 1:47 pm
Nuam dawn hle mai……logo chu va dizaan nalh ve…..a mawi khwp mai.
” Mi ramah zawng lunglen a na e.”
September 6th, 2011 at 2:00 pm
Sailova te Pathian hla chu ava lerh ve… 🙁
In hman nawm hmel phian mai a
September 6th, 2011 at 2:24 pm
Tlema lu hai deuh hnu a lam ava chakawm ve 😀
#20 edit: Sailova te hla sak dan ‘a lerh/ler’ tih zawk tur ni e. Pathian hla hi chu a hmun a danglam avanga tih danglam/thluaithlum maksak vel tur a ni lo sin, Pathian focus a nihna ang taka sak hi a dawngsawng tu tur Pathian tan pawh hmuh nuam zawk ang ka ring. A thu ah an chen loh hmel ve ropui si 😀
September 6th, 2011 at 2:50 pm
Khi naupang hmeltha deuh khi Pu Hv a fanu a ni chiang (Y)
September 6th, 2011 at 2:58 pm
hahaha…HV chu van chheih zei lo ve aw 😛
September 6th, 2011 at 3:00 pm
Pu HV: I map ah khian Hawaii ka va hmulo ve. 😛
September 6th, 2011 at 3:26 pm
Nawm hmel khawp mai. Hlim tak khan lo ri dup dup mai teh u.
September 6th, 2011 at 3:27 pm
Muanzuala i tih khi kan misual funny a nih ka ring reng a(h)! Ani hi mi kuthlei ngang a ni reuh a, thil eng2 emaw hi a thiam phian a nia. :p
Nawm hmel mup2 mange! (Y)
September 6th, 2011 at 3:34 pm
Logo chu nalh phian mai a, veng mawng deuh awm pawhin ril theih viau tho mai nih hi… 😉 Banner erawh ka fak teh chiam lo, ka sawisel vak chak 😛
Nawm hmel khawp mai, ka cousin te pawh ka hmu eee.. Gud Post (Y)
September 6th, 2011 at 3:51 pm
Aryan, #9, Kan directory in a huam chinah Mizo puan kan khuh mai ani e. Mizoram te, Burma, Bangladesh etc. ah te Mizo chu kan tam tho a, MSA member ni heklo, kan telh ta lo mai 😛
kawlnicolney sawrkar hnathawk awm e a, mahse mihring hrim2 hi sawrkar aiin private company emaw co-op etc. a thawk an tam zawk ang tho hian Mizo te pawh chutiang chu kan tam ber ka ring.
funny Hawaii a tel dawn, sample chauh ala nih kha. 😛 😉
September 6th, 2011 at 3:54 pm
eich vee…. funny nena in logo design chu khi in hmang ta elo….. kan hmang loh chuan ka chum hlum vek ang che u i ti ami a in OB te ? hairehai 😛
September 6th, 2011 at 3:59 pm
ZerO #23 lam (dance) hi hlimna ani a, inelna a nih loh chuan thiam vak ngai pawhin ka hrelo (te ti vel ila). Tih than loh chuan Mute lei hrut leh ka han chhek kual vel alo har ta riau mai ka ti hairehai 😉
September 6th, 2011 at 4:04 pm
Logo in sawi a tum:
World globe khian Mizo te chenna kan lei (earth) a kawk a. North America a United States leh Canada Mizo puanin a khuh khian Mizo Society of America member te chenna a lantir thung.
Hmanlai atang tawh a kan ropuina leh kan ro neih kan sawi lar ber thin, hlathu thlenga kan neih rosum chhinchhiahna Sial anih angin Selu lem khi dah tel a ni bawk.
September 6th, 2011 at 4:06 pm
saum bur dah bawk tur alawm, vaibel nen 😀
September 6th, 2011 at 4:08 pm
U kawlhawk leh hahaha, ka misual regu lutuka inthup theih tak tak pawh ani tawhlo min hre tur ang ho chuan min hre vek tawh anih ber hi 😀
Puandum hi hmanlai mizo nun a a pawimawh dan ka hriat hi a dik em aw? Hmanlai chuan hmeichhia in an chhawm ngei ngei thina, an pasal te an thih huna an tuam natur. An ngai pawimawhin tawh sual engemaw thut a in tuam nan an kalna apianga an ken thin ania. US a awm ho pawh hian an keng thla deuh vek turah ka ngai ringawt a.
Design hrang hrang hi a awm reuh a a eng ber hi nge ori ber le? zohnahthlak ho hian tlem a design dang deuh hi kan nei vek hlawmin ka ringa. A fun kim thei tur design hman theih se a tha kalo ti ve mai mai Pu HV.
September 6th, 2011 at 4:11 pm
Saum bur dah chuan eng denomination emaw an titau anga sin hairehai 😛 fiamthu
Kan hruaitute an fakawm thin ka ti khawp mai. Khaw hran2 a awm annih bakah mahni hna theuha buai em em vek mai anni si. Chuti chunga Mizo heti zat tana thahnem ngai tak maia an hunawl neih ang2 an hmang hrehlo mai hi TLAWMNGAIHNA ani ka tilo theilo. MSA hruaite ka fak thlawt a ni.
Mikhual leh official lam pawh an fakawmin an puitling hlawm ngei mai. A then te chu Mizo lam (chheih lam) la ti chhin eihlo emaw, Mizo zinga seilian lo ni hlawm mahse, hotu ten an sawmna chu hnial lovin an sawmna chu hlen sakin an theih tawpin dawhsan (stage) ah an rawn lam mai. A puitlin thlak ngawtin ka hria.
September 6th, 2011 at 4:14 pm
#31: in MSA hla leh in logo theme pawh a in mil viau chu a, khawvel hmun hrang hranga mizo te darh zau ve tawh zia lam daih maw alo entir.
A map ah khian lang thamlo turin tetakte in englo lem lo ziak tel la, an scale len a an hmuh hunah an lawmlo veau ang a. hahaha 😛 :fiamthu mai mai:
logo hian personality a nei ve in ka hria. Company leh net vela logo mawi leh creative deuh deuh ho ang hi hetianga hman ah chuan a formal lo riau a hriatna ka nei.
September 6th, 2011 at 4:17 pm
#35 i thuhlawm tawp ber hi ka hmuhdan chiah a ni tho mai. (Y)
September 6th, 2011 at 4:23 pm
hairehai….eich veee chin foundation day ah chaih i kal thin emaw ka tia . tun kum chu i political ideology i thlak ani maw : fiamthu : 😀 😛
September 6th, 2011 at 4:33 pm
haha..day te in lo nei ve ani maw? ve mai mai…
September 6th, 2011 at 4:44 pm
Vanlalsailova chu a lo va ang nasa ve a. Ni 4 zana Chief Guest tur kha ni 3 zanah pawh Chief Guest anga treat a beisei a ni maw? 😉
September 6th, 2011 at 4:47 pm
ZerO, hehehe official in guest of honor tura ruat tawh kha ania. Ni 4 zan kha a hun ni mahse, ni 3 zan pawh khan officialin chief guest ani tawh sa tho lawm ni?
September 6th, 2011 at 5:06 pm
hairehai at forty comment no…ani hi a lo catholic father style ministry viau ange : fiamthu: 😀
September 6th, 2011 at 5:19 pm
zualbon, ka exam tur hi ka pass kalo lawm lawk mai dawn e aw 😛
September 6th, 2011 at 5:51 pm
Ni 4 zan atana guest of honour-a sawm khan, ni 3 zana guest of honour status a beisei a nih chuan ama thiam loh zawkah ka ngai… 😉
September 6th, 2011 at 6:50 pm
ZerO #43 honestly, ka ngaihtuah dan chiah alo ni ve tho mai.
September 6th, 2011 at 6:54 pm
Thangmawii khi siatloh hmel khi, vacancy la awm em 😉
September 6th, 2011 at 7:01 pm
USA a rawn freshman berin awmdan mawi a hrilh hlak cheu ni maw? 😀 MSA registered member zat ka va hre chak mai2.. Ziah tel anih ka lo ring deuh a
September 6th, 2011 at 7:03 pm
Pu Eich Vee hi min chhang ve duh ngai miah lo male ;-(
Sailova lam dan khi a tuai eee… 😛 a ban leh ke han chheh dan vel khi a zei khat tlat..
September 6th, 2011 at 7:11 pm
@asteric, Usa a kan kal ve hunah cuan Maryland lam chu nooo way! Hihi.. Las Vegas lamah kn hangover ve rem rem don nia..
September 6th, 2011 at 7:21 pm
#48 @ReMpY_ScisSoR: Las Vegas, Beverly Hills velah chuan kan tlangnel khawp ang. Hollywood kan thlen phak loh pawhin Serial movie pakhat talah chuan kan lang bawk ang. 😉
September 6th, 2011 at 7:32 pm
Asteric, i hmui lo ti kawh pet put suh, ka chhuak daih alawm. Thangmawii hi Vaivakawn, Aizawl ami ani awm e. Aizawl lamah chuan album te pawh a release tawh niawm tak a ni. Vacancy ala awm em ka hre hauhlo mai. Vanlalruati “Autograph” a sa nalh khawp mai.
ReMpY_ScisSoR registered member zat hi 1600 ani awm e.
September 6th, 2011 at 7:38 pm
ReMpY_ScisSoR, Maryland bikah registered member hi 560 (puitling) niin, state dang a awm te nen chuan 1600 (puitling) kan nih chu. Awmna state zir loh vanga in register kherlo (MSA branch awmloh vang) te pawh an awm nawk ang.
September 6th, 2011 at 7:54 pm
thanks.. Pu H.V.
September 6th, 2011 at 7:56 pm
Tluang taka in hman theih avangin ka lawmpui a che u. I lola lam thei khawp a lawm mawle khi 😛
In logo siam pawh a mawi khawp mai, ka (Y) e
September 6th, 2011 at 8:43 pm
Lo hlim teh un!USA-a kal a hnathawka awm hlen ve chak lai ka nei ve thin!Tunah meuh zawng ka kal dawn lo tih ka hriat tluk zetin ka kal chakna pawh a bo vek!Silchar vel ah kan hawi thawveng ve thin viau a(chang changin),nuam riau!Hairehai!Iowa,calicornia..etc tih velai chuan rajasthan,great indian plains,shiwalik..tih vel in lung a len ta zawk mah e!God bless MSA.
September 6th, 2011 at 8:50 pm
Janis-i ka hmu e! Vanlalsailova hi zaithiam ka ti ber mai! (Y)
September 6th, 2011 at 9:28 pm
Teh ngawt dawn chuan a, usher chu ni ila ka sik sok ang 😉
September 6th, 2011 at 9:53 pm
BMW: ka fanu te
http://i52.tinypic.com/2m603uc.jpg
http://i52.tinypic.com/xdb6mo.jpg
September 6th, 2011 at 10:00 pm
HV, an nalh bawn tawp! (Y)
September 6th, 2011 at 10:02 pm
BMW: bonus 😀
http://i54.tinypic.com/2q0jbm1.jpg
September 6th, 2011 at 10:10 pm
HV, an kawr hak kha in nu thrui a mi? An nalh reuh hle mai. I fanu lian zawk khi misual tlangval ho lakah hian veng finkhur rawh aw! 🙂
September 6th, 2011 at 10:16 pm
BMW ni love, Aizawl lama thui a ni e 🙂 thang khiu
September 6th, 2011 at 10:24 pm
#60@ Bmw: Kei chu min sawi chhan lo ti raw 😉
Pic. chu ka hmu hmu ve thei chuang law 😀
_________________________
I have added cool emoticons to this message.
To see them go to http://x.exps.me?00127c6252b7066fcbe7a839ba4c3e45
September 6th, 2011 at 10:50 pm
Pu H.V…a va nawm hmel ve…in tha hnem hmel kop mai member poh..hei..UK ah ka awm ve a..kan khuah ah hian MIZO an wm miah lo mai chu khua har thlak kop mai..MSA din thei a in awm chu a ropuie//Bless you all (Y)
September 6th, 2011 at 10:53 pm
ASDA #63 Pu Jimmy te hoin London lamah Zofate kut an hman kha, i tello anih hmel mange aw!
Ni e, hei awm hmasate zarah Mizo Society of America a piang a, thahnem ngai leh tlawmngai te zarah kan la chak tha ve angreng khawp ania. Zofate inpui ber ni thei turin tan lak erawh nasa takin angai a ni.
I tawngkam a blessing hle mai. A lawmawm e (Y)
September 6th, 2011 at 11:34 pm
#38 nei ve mai mai.
#45 thangmawii chu vacancy awm leh awm loh Pu Hv an a sawi duh lo mai mai aniang,kei chu ka hre kiau mai a 😉
Pu HV a lam ka hmuh hian ka nervous a bo daih,nakum lam chu chhangchhiat a zia deuh tawh anga pu hv a bulah ka lam ang,kal ve theilo mah ila Pu hv a zarah pic mawi tak tak te kan hmuh leh theih phah a lawm awm thin teh mange.
September 7th, 2011 at 1:48 am
thlengtlawrzuana #65 lam (dance) lam hi chu ka timi vaklo. Lam ngai tawhloh nen a ngaihna a awm hlawl lo a ni e hairehai. Ke han chhek kual phei chu ka ngamlo a ni ta ber e 😀 Inelna hleilo aeroplane dance te chu phar hah hah a tawk der hairehai 😛